Rig Veda

Agnim ide Purohitam :अग्निमीळे पुरोहितं यज्ञस्य देवमृत्विजम् [RG 1.001.01]

1.001.01 अग्निमीळे पुरोहितं यज्ञस्य देवमृत्विजम् ।
1.001.01 होतारं रत्नधातमम् ॥
1.001.02 अग्निः पूर्वेभिरृषिभिरीड्यो नूतनैरुत ।
1.001.02 स देवां एह वक्षति ॥
1.001.03 अग्निना रयिमश्नवत्पोषमेव दिवेदिवे ।
1.001.03 यशसं वीरवत्तमम् ॥
1.001.04 अग्ने यं यज्ञमध्वरं विश्वतः परिभूरसि ।
1.001.04 स इद्देवेषु गच्छति ॥
1.001.05 अग्निर्होता कविक्रतुः सत्यश्चित्रश्रवस्तमः ।
1.001.05 देवो देवेभिरा गमत् ॥
1.001.06 यदङ्ग दाशुषे त्वमग्ने भद्रं करिष्यसि ।
1.001.06 तवेत्तत्सत्यमङ्गिरः ॥
1.001.07 उप त्वाग्ने दिवेदिवे दोषावस्तर्धिया वयम् ।
1.001.07 नमो भरन्त एमसि ॥
1.001.08 राजन्तमध्वराणां गोपामृतस्य दीदिविम् ।
1.001.08 वर्धमानं स्वे दमे ॥
1.001.09 स नः पितेव सूनवेऽग्ने सूपायनो भव ।
1.001.09 सचस्वा नः स्वस्तये ॥

Advertisements

Categories: Rig Veda

Tagged as: