ইন্দ্র নেভী-২০
The 11th edition of exercise INDRA NAVY, a biennial bilateral maritime exercise between Indian Navy and Russian Navy is scheduled in the Bay of Bengal from 04 to 05 September 2020.
DATE: 04 SEP 2020
ভারতকী নেভী অমসুং রসিয়াগী নেভীগী মরক্তা চহি অনি খুদিংগী পাংথোকপা নাকল অনিগী সমুদ্রগী লান তম্বা ইন্দ্র নেভীগী ১১সুবা ইদিসনগী লান তম্বগী থৌরম ২০২০গী সেপ্তেম্বর ০৪দগী ০৫ ফাওবা বে ওফ বেঙ্গালদা পাংথোক্লগনি। ২০০৩গী হৌখিবা, হান্নগী ইন্দ্র নেভীগী থবকশিংদগী নাকল অনিগী নেভীশিংগী মরক্তা লৈনবা মতম কুইরবা অচেৎপা মরীশিং মপুংফাহনখি। বে ওফ বেঙ্গালদা লান তম্লিঙৈ চৈরক অসিদা, নাকল অনিগী মরক্তা মতেং পাংন্নবা অমসুং নাকল অনিনা পাম্নবা ৱাফমশিং খন্নবা অমসুং মালেমগী অনিসুবা লাঞ্জাউ মাইপাকখিবগী ৭৫সুবা নিংশিং থৌরম শরুক য়ানবা রসিয়াগী দিফেন্স মিনিস্তর জেনেরেল সেরগৈ সোইগুনা চেবাউ পীরকপদগী ভারতকী দিফেন্স মিনিস্তর রাজনাথ সিংহ ২০২০গী সেপ্তেম্বর ২দগী হৌখিবা খোঙচৎ অমদা হৌজিক মোস্কোদা লৈরি।
চহি খুদিংগী পাকথোক-চাউথোক্তুনা, অরুবা ওপরেসনশিং পাংথোক্তুনা অমসুং শরুক য়াবগী চাং হেনগৎতুনা মসিগী লান তম্বা অসি মপুংফারে। ইন্দ্র নেভী-২০গী মরুওইবা পান্দমদি নেভী অনিগী মরক্তা মখা তানা পুন্না থবক তৌমিন্নবগী থাক হেনগৎহনবা অমসুং মাইওন য়াম্বা সমুদ্রগী ওপরেসনশিংগী থবকশিং খঙবা হেনগৎহনবনি। মসিগী ইদিসন অসিগী পান্দমশিংগী মনুংদা সমুদ্রগী ওপরেসনশিংগী তোঙান-তোঙানবা মখলগী থবকশিং য়াওরি। কোবিদ-১৯ লাইচৎকী অথিংবশিং লৈবা মরম্না , ইন্দ্র নেভী-২০গী থবকশিং হকচাং থেংনদনা সমুদ্র খক্তদা পাংথোক্কনি।
ভারত নেভীগী মাইকৈদগী গাইদেদ মিসাইল দ্রেস্ত্রোয়র রনবিজয়, লৈবাক অসিনা পুথোকচবা ফ্রিগেদ সাহয়াদ্রি অমসুং ফ্লিত তেঙ্কর শক্তি অমসুং মখোয়গী লোয়ন্নবা হেলিকোপ্তরশিং শরুক য়াগনি । শ্রী লনকাগী সমুদ্র মপান্দা মৈ চাকখিবা এম.তি নিউ দাইমন্দগী মতেং পাংনবা হৌজিক সাহয়াদ্রি অসি শীজিন্নরি।
রসিয়ান ফেদেরেসনগী নেভীগী মাইকৈদগী ব্লাদিভোস্তোক্তা লৈবা পেসিফিক ফ্লিতকী দেস্ত্রোয়র এদমিরেল ভিনোগ্রাদোব, দেস্ত্রোয়র এদমিরেল ত্রিবুতস অমসুং ফ্লিত তেঙ্কর বোরিস বুতোমা শরুক য়াগনি।
মসিগী লান তম্বা অসিনা লৈবাক অনিগী নেভীশিংগী মরক্তা পুন্না থবক তৌমিন্নবা, খ্বাইদগী ফবা থবকশিং শরুক য়ামিন্নবা, কংফাল অমসুং এন্তি-এয়রক্রাফ দ্রিলশিং, নোংমৈ কাপ্পা, হেলিকোপ্তরগী ওপরেসনশিং, হিরোইশিংগী ফিবম য়েংশিনবগী থবকশিং ফগৎহন্নবা পান্দম থম্লি। লান তম্বা অসিগী ইকোন কোনবা ইদিসন ২০১৮গী দিশেম্বরদা ভিশাখাপাতনমদা পাংথোকখি।
ইন্দ্র নেভী-২০না নেভী অনিগী মরক্তা অমনা অমবু থাজবা অমসুং মতেং পাংনবা মখা তানা হেনগৎহনগনি অমসুং লৈবাক অনিগী মরক্তা মতম শাংনা লৈরক্লবা মরী হেন্না চেৎশীনহনগনি।
