द्वत्तिं साकारो-Dvttim sakara- Pali Tripitaka

॥ नमो तस्स भगवतो अरहतो सम्मासम्बुद्धस्स॥

तिपिटक (मूल) सुत्तपिटक खुद्दकनिकाये खुद्दकपाठपाळि

द्वत्तिंसाकारो(3)

द्वत्तिं साकारो

अत्थि इमस्मिं काये –

केसा लोमा नखा दन्ता तचो,

मंसं नहारु  अट्ठि अट्ठिमिञ्‍जं वक्‍कं,

हदयं यकनं किलोमकं पिहकं पप्फासं,

अन्तं अन्तगुणं उदरियं करीसं मत्थलुङ्गं

पित्तं सेम्हं पुब्बो लोहितं सेदो मेदो,

अस्सु वसा खेळो सिङ्घाणिका लसिका मुत्तन्ति ॥

द्वत्तिंसाकारो निट्ठितो।

Continue Reading

दससिक्खापदं-Dasha Sikhha Padam-Pali Tripitaka

॥ नमो तस्स भगवतो अरहतो सम्मासम्बुद्धस्स॥

तिपिटक (मूल) सुत्तपिटक खुद्दकनिकाये खुद्दकपाठपाळि

 

१. पाणातिपाता वेरमणीसिक्खापदं  समादियामि।

२. अदिन्‍नादाना वेरमणी-सिक्खापदं समादियामि।

३. अब्रह्मचरिया वेरमणी-सिक्खापदं समादियामि।

४. मुसावादा वेरमणी-सिक्खापदं समादियामि।

५. सुरामेरयमज्‍जपमादट्ठाना वेरमणी-सिक्खापदं समादियामि ।

६. विकालभोजना वेरमणी-सिक्खापदं समादियामि।

७. नच्‍च-गीत-वादित-विसूकदस्सना वेरमणी-सिक्खापदं समादियामि।

८. माला-गन्ध-विलेपन-धारण-मण्डन-विभूसनट्ठाना वेरमणी-सिक्खापदं समादियामि।

९. उच्‍चासयन-महासयना वेरमणी-सिक्खापदं समादियामि।

१०. जातरूप-रजतपटिग्गहणा वेरमणी-सिक्खापदं समादियामि।

Continue Reading

सरणत्तयं- Smarana Trayam- Pali Tripitaka

॥ नमो तस्स भगवतो अरहतो सम्मासम्बुद्धस्स॥

तिपिटक (मूल) सुत्तपिटक खुद्दकनिकाये खुद्दकपाठपाळि

सरणत्तयं

बुद्धं सरणं गच्छामि।

धम्मं सरणं गच्छामि।

सङ्घं सरणं गच्छामि॥

 

दुतियम्पि बुद्धं सरणं गच्छामि।

दुतियम्पि धम्मं सरणं गच्छामि।

दुतियम्पि सङ्घं सरणं गच्छामि॥

 

ततियम्पि बुद्धं सरणं गच्छामि।

ततियम्पि धम्मं सरणं गच्छामि।

ततियम्पि सङ्घं सरणं गच्छामि॥

Continue Reading

महा परि निब्बान सुत्तं-MAHA PARI NIBBANA SUTTA : Devanagari Pali Text

Prachin Bharat

Canonical- दीघनिकाय-महावग्गपाळि-महापरिनिब्बानसुत्तं

महापरिनिब्बानसुत्तं-

MAHAPARINIBBANA SUTTA

English Translation

१३१. एवं मे सुतं – एकं समयं भगवा राजगहे विहरति गिज्झकूटे पब्बते। तेन खो पन समयेन राजा मागधो अजातसत्तु वेदेहिपुत्तो वज्‍जी अभियातुकामो होति। सो एवमाह – ‘‘अहं हिमे वज्‍जी एवंमहिद्धिके एवंमहानुभावे उच्छेच्छामि वज्‍जी, विनासेस्सामि वज्‍जी, अनयब्यसनं आपादेस्सामि वज्‍जी’’ति ।

१३२. अथ खो राजा मागधो अजातसत्तु वेदेहिपुत्तो वस्सकारं ब्राह्मणं मगधमहामत्तं आमन्तेसि – ‘‘एहि त्वं, ब्राह्मण, येन भगवा तेनुपसङ्कम; उपसङ्कमित्वा मम वचनेन भगवतो पादे सिरसा वन्दाहि, अप्पाबाधं अप्पातङ्कं लहुट्ठानं बलं फासुविहारं पुच्छ – ‘राजा, भन्ते, मागधो अजातसत्तु वेदेहिपुत्तो भगवतो पादे सिरसा वन्दति, अप्पाबाधं अप्पातङ्कं लहुट्ठानं बलं फासुविहारं पुच्छती’ति। एवञ्‍च वदेहि – ‘राजा, भन्ते, मागधो अजातसत्तु वेदेहिपुत्तो वज्‍जी अभियातुकामो। सो एवमाह – ‘‘अहं हिमे वज्‍जी एवंमहिद्धिके एवंमहानुभावे उच्छेच्छामि वज्‍जी, विनासेस्सामि वज्‍जी, अनयब्यसनं आपादेस्सामी’’’ति। यथा ते भगवा ब्याकरोति, तं साधुकं उग्गहेत्वा मम आरोचेय्यासि। न हि तथागता वितथं भणन्ती’’ति।

Continue Reading

मोग्गल्‍लानसुत्तपाठो- Moggollan Pali Vyakarana Sutta Path

नमो तस्स भगवतो अरहतो सम्मासम्बुद्धस्स 

मोग्गल्‍लानसुत्तपाठो- Moggollan Sutta Path

(१) पठमो कण्डो (सञ्‍ञादि)

१. अआदयो तितालीस वण्णा।

२. दसा-दो सरा।

३. द्वेद्वे सवण्णा।

४. पुब्बो रस्सो।

५. परो दीघो।

६. कादयो ब्यञ्‍जना।

७. पञ्‍च पञ्‍चका वग्गा।

८. बिन्दु निग्गहीतं।

९. इयुवण्णा झला नामस्सन्ते।

१०. पित्थियं।

११. घा।

१२. गो स्यालपने।

(सञ्‍ञा)

Continue Reading

कच्‍चायनब्याकरणं- Kachchayana Pali Vyakaranam- Sutra Prakaranam

॥ नमो तस्स भगवतो अरहतो सम्मासम्बुद्धस्स॥

कच्‍चायनब्याकरणं – Kachchayana Vyakaranam-Sutra Prakaranam

अ आ इ ई उ ऊ ए ओ, क ख ग घ ङ, च छ ज झ ञ, ट ठ ड ढ ण, त थ द ध न, प फ ब भ म, य र ल व स ह ळ अं, इति अक्खरा नाम।

१. सन्धि

१, १. अत्थो अक्खरसञ्‍ञातो।

२, २. अक्खरापादयो एकचत्तालिसं।

३, ३ तत्थोदन्ता सरा अट्ठ।

४, ४. लहुमत्ता तयो रस्सा।

५, ५. अञ्‍ञे दीघा।

६, ८. सेसा ब्यञ्‍जना।

७, ९. वग्गा पञ्‍चपञ्‍चसो मन्ता।

८, १०. अंइति निग्गहितं।

९, ११. परसमञ्‍ञा पयोगे।

१०, १२. पुब्बमधोठितमस्सरं सरेन वियोजये।

११, १४. नये परं युत्ते।

Continue Reading

Pali जिनचरितय -Jina Charitaya

जिनचरितय -Jina Charitaya

॥नमो तस्स भगवतो अरहतो सम्मासम्बुद्धस्स॥

१.

उत्तमं उत्तमङ्गेन नमस्सित्वा महेसिनो।

निब्बाणमधुदं पादपङ्कजं सज्‍जनालिनं॥

२.

महामोहतमं लोके धंसेन्तं धम्मभाकरं।

पातुभूतं महातेजं धम्मराजोदयाचले॥

३.

जन्तुचित्तसरे जातं पसादकुमुदं सदा।

बोधेन्तं सङ्घवन्दञ्‍च सिलोरुकिरणुज्‍जलं॥

४.

तहिं, तहिं सुवित्थिण्णं जिनस्स चरितं हितं।

पवक्खामि समासेन सदा’नुस्सरणत्थिको॥

५.

पणितं तं सरन्तानं दुल्‍लभम्पि सिवंपदं।

अदुल्‍लभं भवे भोगपटिलाभम्हि का कथा?

Continue Reading

धातुपाठ विलासिनिया-Dhatu Patha Bilasiniya

धातुपाठ विलासिनिया

॥नमो तस्स भगवतो अरहतो सम्मासम्बुद्धस्स॥

१. सम्मासम्बुद्ध सूरियो यो सम्बोधो दयो दितो।

जगु पङ्कज सङ्घाते बोधयी पणमामि तं॥

२. सद्धम्मभानु यो लोका लोकं कत्वान धी तमं।

धंसयी मुनिना सम्मा पातुभूतो नमामि तं॥

३. सिलगन्धसमाकिण्णो बुद्धो सद्धम्महाय यो।

सङ्घतोयरुहो पाण ली तोसेसि नमामि तं-

४. नत्वा मम गरुंवासि पदुमाराम नामकं।

पाळिं निस्साय कस्सा हं धातुपाठविलासिनि-

Continue Reading

पदमञ्‍जरी – Pali Pada Manjari

पदमञ्‍जरी- Pada Manjari

॥नमो तस्स भगवतो अरहतो सम्मासम्बुद्धस्स॥

निरुत्तिकायोदधिपारगं जिनं, विसुद्धधम्मञ्‍च गणं अनुत्तरं।

तिधा नमित्वा पदमञ्‍जरी मया,करीयतो बालकबुद्धिवुद्धियाति॥

Continue Reading

सद्दबिन्दु पकरणं- Sadd Bindu Prakaranam

सद्दबिन्दु पकरणं

॥नमो तस्स भगवतो अरहतो सम्मासम्बुद्धस्स॥

१. यस्सञेय्येसु धम्मेसु, नाणुमत्तम्पवेदितं,

नत्वासद्धम्मसङ्घंतं, सद्दबिन्दुंसमारभे।

२. कादिरिता नवसङ्ख्या, कमेनटा दि यादिच,

पादयोपञ्‍च सङ्ख्याता, सुञ्‍ञनामा सरञ्‍ञना।

३. सरेहेवसरापुब्बे लुत्तावावीपरेरमा,

ब्यञ्‍जनाचागमावावी दीघरस्सादिसम्भवा।

४. काकासेनागतोसिस केनिद्धिमच्‍चदस्सयि,

अराजख्वग्गिमेसीनं सोतुकम्मेघयित्थियो।

इति सन्धिकप्पो समत्तो।

Continue Reading