উপ-রাস্ত্রপতিনা মীশিং য়াম্বা হেনগৎলকপগী মতুং ইন্না চাউখৎপদা খুদোংচাদবা পীরকপগী মতাংদা চেকশিনৱা হায়খ্রে

Vice President’s Secretariat

Vice President cautions about population increases

Date: 20 AUG 2020 1:31PM

উপ-রাস্ত্রপতিনা মীশিং য়াম্বা হেনগৎলকপগী মতুং ইন্না চাউখৎপদা খুদোংচাদবা পীরকপগী মতাংদা চেকশিনৱা হায়খ্রে
উপ-রাস্ত্রপতিনা রাজনিতী দল অমসুং মীয়ামগী মীহুৎশিংনা হীরমশিগী মতাংদা তাকপী তম্বীনবা হায়খ্রে
উপ-রাস্ত্রপতিনা ভারত্তা চৎনদুনা লাক্লবা অপুনবা ইমুংগী চৎনবী অমুক হৌদোক্লসি হায়খ্রে
করিগুম্বা নহাক অসি “দেমোগ্রাফিক দিবিদেন্দ” ওইরবদি নহাক্কী মথক থোংবনা লৈবাক অসিগী “দেমোগ্রাফিক বোনস” ওইগনিঃ উপ-রাস্ত্রপতি
অহল ওইবশিংবু তাথী তাওইনা তৌবীবসি তাবদা য়াম্না নুংঙাইতবা ফাওইঃ উপ-রাস্ত্রপতি
সেক্স রেসিওদা অথুবা অহোঙবা লাকপা অসিনা ঐখোয়গী খুন্নাইগী খল কায়হনগনিঃ উপ-রাস্ত্রপতি
উপ-রাস্ত্রপতিনা জেন্দর খায়দোকপা লৈতবা খুন্নাই অমা শেম্লসি হায়রি
পার্লিয়ামেন্ত অমসুং লেজিসলেচরশিংদা নুপীগী মতিক চাবা মফম কল্লসি হায়না হায়খ্রে

আই.এ.পি.পি.দি.গী রিপোর্ত অনি পুথোকখ্রে;

“ভারত্তা পোকপদা লৈবা সেক্স রেসিওগী ফিভম” অমসুং
“ভারতকী অহল ওইরবা মীওইশিংগী মীশিং: ফিভম অমসুং ঙাক্লৌ পথাপ”

ভারতকী উপ-রাস্ত্রপতি শ্রী এম. বেঙ্কয়া নাইদুনা ঙসি মীওই মশিং য়াম্লকপগী মতুং ইন্না চাউখৎপগী লম্বীদা খুদোংচাদবা থেংনবা হেনগনি হায়না হায়খ্রে।

ঙসি ইন্দিয়ন এসোসিএসন ওফ পারলিয়ামেন্তরিয়ানস ফোর পোপ্যুলেসন অমসুং দিবেলপমেন্ত (আই.এ.পি.পি.দি.)না নই-দিল্লীদা “ভারত্তা পোকপদা লৈবা সেক্স রেসিওগী ফিভম” অমসুং “ভারতকী অহল ওইরবা মীওইশিংগী মীশিং: ফিভম অমসুং ঙাক্লৌ পথাপ” হায়বা রিপোর্ত অনি অসি ফোঙবগী থৌরমদা মহাক্না বর্চুএলগী খুত্থাংদা ৱা ঙাংখি।

মীশিং অমসুং চাউখৎপগী মরমদা মিৎয়েং চংবগীদমক আই.এ.পি.পি.দি. থাগৎলদুনা মহাক্না হায়খি, “ঐখোয়না মতম পুম্বদা মীশিং অমসুং চাউখৎপগী মরক্তা লৈনরিবা মরী অসি মশক খংগদবনি” অমসুং অখঙ অহৈশিংনা ভারতকী মীশিং অসি ইং ২০৩৬ ফাওবগী মনুংদা বিলিয়ন ১.৫২ (ইং ২০১১দা ওইরিবা অসিগী শরুক ২৫% হেনগত্তুনা) য়ৌরকপা য়াই হায়বগী ৱাফমসু পনখি।

তঙাই ফদবা সেবা পীবগী মতাংদা পল্লদুনা মহাক্না হায়খিবদা লৈবাক অসিনা মসিগী মীওইগী শরুক ২০%না পোবর্তী লাইনগী মখাদা লৈদুনা অমসুং মসিগা চপ মান্নবা মশিংনা লাইরিক হৈতনা লৈবদগী খুদোংচাবা কয়া থেংনরি হায়খি। হীরম অসিগা মরী লৈননা মীওই খুদিংনা মখয়গী ইমুং মনুংগী ওইনা প্লান্নিং তৌনবা হায়খি। প্রধান মন্ত্রীনা মমাংগী চহিদা মহাক্কী নিং-খা তম্বা নুমিৎকী ৱা ঙাংবদা অপিকপা ইমুংগী চৎনবী ইনবা মীওই খুদিংনা লৈবাক অসিগী চাউখৎপদা তেংবাংলি হায়না উপ-রাস্ত্রপতিনা হায়খি।

শ্রী নাইদুনা রাজনিতী দল অমসুং মীয়ামগী মীহুৎ শিনবশিংদা মসিগী মরু ওইরবা হিরম অসিদা মিৎয়েং চংদুনা মীয়াম্বুসু খঙহন্নবা হোৎনৌ হায়খি।

ভারতকী মতম কুইনদগী চৎনদুনা লাক্লবা অপুনবা ইমুং মনুংগী চৎনবী অসিসু হৌহৌননা অমুক হৌদোক্লসি হায়রদুনা মহাক্না ঐখোয়গী ইমুং মনুংগী পথাপ অসি অতোপ্পা লমশিংনসু মতৌ তম্নরিবনি হায়খি।

শ্রী নাইদুনা হায়খিবদা ভারতকী অপুনবা ইমুং ওইনা লৈমিন্নবগী পথাপ অসিদা ঐখোয়গী অহল-লমনশিংনা ইকায় খুম্নবগী মফম অমদা লৈ অমসুং মখোয় অসি থকশি-খাসি নাইবা, নাৎ, ইমুংগী ইকায় খুম্নবা অমসুং সমসকরাগী ঙাক শেনবা মীওইশিং ওই হায়খি। অসিগুম্বা ইমুংশিং অসিদা অঙাংশিংনা নুংশিবা, পাম্মুবা, ঙাকপী শেনবীবা, লৌশিং অমসুং অহলশিংনা ঙাক শেনবীদুনা থম্বগী নুংঙাইবা কয়া অমা ফংই হায়না মহাক্না মখা তানা হায়খি।

উপ-রাস্ত্রপতিনা হায়খিবদা অহল লমনশিংবু তাথী তাওই তৌবীবগী পাউ তাবদা মঙোন্দা থৱাই নুংঙাইতবা ফাওই হায়খি। “মসি চৎনবা শুকয়া য়ারোইদবা পথাপ অমনি” হায়না মহাক্না হায়খি অমসুং অঙাংশিংনা মখোয়গী অহল লমনশিংবু নীংথিনা থম্বীবা হায়বসি য়াম্না শেংলবা থৌওং অমনি হায়না মহাক্না মখা তানা হায়খি।

শ্রী নাইদুনা অহল ওইরবা মীওইশিংদা মতমগা চানবা অনৌবা মহৈ তম্বীদুনা মপুং ফাবা প্রোফেস্নেল ওইবা পুন্সি অমা হিংদুনা লৈবাক শেমগৎ শাগৎপগী মনুং চলহন্নিংই হায়না হায়খি”। “ঐখোয়না কাওরোইদবদি করিগুম্বা নহাক অসি “দেমোগ্রাফিক দিবিদেন্দ” ওইরবদি নহাক্কী মথক থোংবনা লৈবাক অসিগী “দেমোগ্রাফিক বোনস” ওইগনি হায়বা অসিনি”, হায়না মহাক্না মখা তানা হায়খি।

উপ-রাস্ত্রপতিনা ঐখোয়গী হকশেলগী পথাপ অসিবু নৌনা শেমদোক্তুনা অহল লমনশিংদা অনা লায়েংবগী খুদোংচাবা অমসুং ইন্স্যুরেন্স কবরেজ পীবগী তঙাই ফদবা কয়া অসিদা মিৎয়েং চংদুনা শেমদোকপা তারি হায়না মহাক্না য়াম্না মরু ওইনা হায়খি।

মতম কুইনদগী ভারত্তা সেক্স রেসিওদা মান্নদবগী খুদোংচাদবা কয়া থেংনদুনা লাক্লিবা অসিগী মরমদা ফোঙদোক্লদুনা শ্রী নাইদুনা সেক্স রেসিও অসি তুমিন্না লৈবা য়াম্না মরু ওইবা হীরম অমনি অমসুং মসিনা ঐখোয়গী খুন্নাইদা পামদবা চৈথেং কয়া পীরক্কনি হায়না হায়খি।

শ্রী নাইদুনা লৈবাক অসিদা অপাম্বা সেক্স ওইহন্নিংবদগী এবোর্সন তৌবগী চৎনবী লৈরক্লিবা অসিগী মতুং ইন্না পি.সি.-পি.এন.দি.তি. এক্ত নীংথিনা চৎনহন্নিংবগী তঙাই ফদবগী মতাংদা ৱাফম কয়া ফোঙদোকখি। নুপী ওইবী অঙাংশিংবু পোক্ত্রিঙৈদা হাৎপগী চৎনবী অসি মতম পুম্বগী ওইনা লোইশিল্লসি হায়রগদি জেন্দরগী মতাংদা খেৎনবা থমদবা মতমদা ওইগনি হায়খি।

শ্রী নাইদুনা স্কুলশিংদা মোরেল এজুকেসন তম্বীদুনা মখোয়না চাউরক্লবা মতমদা থৌদাং খঙবা সিতিজন ওইদুনা জেন্দরগী খেৎনবা লৈবসি অরানবনি খনবা ঙমহনগদবনি হায়খি।

উপ-রাস্ত্রপতিনা অঙাং নুপীমচা খুদিংদা লেম্না মহৈ তম্বা ফঙহনবা অমসুং ফিমেল ফিতিসাইদ অমসুং অউনপোৎ পীবগী চৎনবীদা অথিংবা থম্বগী অহকপা আইন শেমগদবনি হায়খি। নুপীশিংদসু লন-থুমগী মান্নবা শরুক পীদুনা মখওয়বুসু শেন্মিৎলোনগী হীরমদা মপাঙ্গল হাপকদবনি হায়না মহাক্না হায়খি।

শ্রী নাইদুনা ঐখোয়না পার্লিয়ামেন্ত অমসুং রাজ্যগী লেজিসলেচর খুদিংদা নুপীশিংগী মতিম চাবা ফম খাকহন্নবা হোৎনগদবনি অমসুং মসিগী মরু ওইবা হীরম অসিগী মতাংদা রাজনিতী দলশিংনা অথুবা মতমদা য়ানবা অমা পুরক্নবা হোৎননবা হায়খি। মতম কুইনদগী মসিগী হৌদোকপা অসি পন্দুনা লৈরকপা অসি য়াম্না লাইবক থীবনি হায়খি। “নুপীশিংবু চাং মান্নবা থাক্তা থমদ্রবদি লৈবাক্কী চাউখৎপদা য়াম্না থিন্থগনি”, হায়না মহাক্না হায়খি।

উপ-রাস্ত্রপতিনা মীয়ামগী মীহুৎশিং, পোলিসী শেম্বা মীওইশিং, রাজনিতী দলশিং অমসুং লায়রবা, ইবা-পাবা হৈতবা অমসুং জেন্দরগী খেৎনবা থম্বগী সোসিএলগী ওইবা ফত্তবা অয়া অসিবু কোকহনবগী থবক থৌরিবা স্তেকহোলদরশিংদগী অহেনবা মিৎয়েং চংলকপগী তঙাই ফদবা লৈবগী মতাংদা পনখি। মহাক্না হীরম অসিগী মতাংদা রাজ্য সরকারনসু মিৎয়েং চঙহন্নিংই হায়খি।

শ্রী নাইদুনা সেক্স রেসিগী চাং মান্নদবা অমসুং অহল লমনশিংনা থেংনরিবা খুদোংচাদবশিংগী মরমদা মীদিয়ানা মিৎয়েং চংনবসু হায়খি।

মহাক্না আই.এ.পি.পি.দি., মসিগী চেয়রমেন অমসুং হান্নগী দেপ্যুতী দাইরেক্তর রাজ্য সভাগী এম.পি. প্রোফঃ পি.জে. কুরিএন অমসুং দাঃ পি.পি. তলৱার, দাঃ সুদেশ নাঙ্গিয়া অমসুং দাঃ জে.এস. য়াদবনচিংবা অখঙ অহৈশিংবুসু মনুং হঞ্জিনবা রিপোর্ত অনি অসি পুথোরকপগী থাগৎপা ফোঙদোকখি।

আই.এ.পি.পি.দি.গী চেয়রমেন অমসুং হান্নগী দেপ্যুতী দাইরেক্তর রাজ্য সভাগী এম.পি. প্রোফঃ পি.জে. কুরিএন অমসুং দাঃ পি.পি. তলৱার, দাঃ সুদেশ নাঙ্গিয়া অমসুং দাঃ জে.এস. য়াদবনচিংবা অখঙ অহৈশিংসু থৌরম অসিদা শরুক য়াখি।

মখাগী অসি মহাক্কী ৱা ঙাংখিবগী অকুপ্পা ৱারোলনিঃ

ঐহাক্না ইন্দিয়ন এসোসিএসন ওফ পারলিয়ামেন্তরিয়ানস ফোর পোপ্যুলেসন অমসুং দিবেলপমেন্ত (আই.এ.পি.পি.দি.)না “ভারত্তা পোকপদা লৈবা সেক্স রেসিওগী ফিভম” হায়বা লৈবাক্কী মীশিংদা নুপা অমসুং নুপীগী মশিংগী খল কায়বগী মতাংদা পনবা অমসুং “ভারতকী অহল ওইরবা মীওইশিংগী মীশিং: ফিভম অমসুং ঙাক্লৌ পথাপ” হায়বা লৈবাক অসিদা লৈরিবা অহল-লমনশিংনা থেংনরিবা খুদোংচাদবা কায়গী মতাং অমসুং মখোয়গী ইথিল পীনবা ৱারোল খরা পনবা রিপোর্ত অনি অসি ফোঙবা অসিদা য়াম্না নুংঙাইবা ফাওই।

রিপোর্তশিং অসিনা লৈবাক অসিদা থেংনরিবা য়াম্না মরু ওইবা সোসিএলগী হীরমগী মরমদা পল্লি। ঐহাক্না থবক অসি পাঙথোকপদা তেংবাংবগীদমক আই.এ.পি.পি.দি.গী চেয়রমেন অমসুং হান্নগী দেপ্যুতী দাইরেক্তর রাজ্য সভাগী এম.পি. প্রোফঃ পি.জে. কুরিএনবু থাগৎপা ফোঙদোক্লি।

ঐহাক্না দাঃ পি.পি. তলৱার, দাঃ সুদেশ নাঙ্গিয়া অমসুং দাঃ জে.এস. য়াদবপুসু অতেনবা মতমদা রিপোর্ত অসি লোইশিন্নবা হোৎনবদা তেংবাংবগীদমক্তা থাগৎপা ফোঙদোক্লি।

ঐহাক্কী নুংশিরবা ইচিল ইনাওশিং,

মালেমগী ওইনা চহি ৬০+কী মথক্তা লৈবা মীওইশিংগী মশিং য়াম্বা হেনগৎলক্লি।

জপান, রসিয়া, জর্মনি, য়ু.কে. অমসুং য়ু.এস.এ.দা য়াম্না থুনা অহল ওইরক্লিবা মীওইশিংগী মশিং য়াম্না লৈ অমসুং মসিনা তাকপদি মালেম অসিদা অহল ওইবা মীওইশিংগী হীরমদা খুদোংচাদবা কয়া লৈরে হায়বনি।

মীওই অমনা হিংবগী চাং অসি হৌখিবা দিকেদ খরগী মনুংদা ভারত্তা য়াম্না হেনগৎলক্লে হায়বা তাবসিদা য়াম্না নুংঙাইবা ফাওই। মসিনা অহল ওইবা মীওইশিংগী মীশিংসু য়াম্না হেনগৎলক্লি। ঐখোয়গী অহলশিংগী মীশিং অসি ইং ২০৫০ ফাওবগী মনুংদদি মিলিয়ন ৩০০ হেল্লগনি অমসুং মখোয়না অপুনবা মীশিংগী ২০%গী শরুক ওইগনি।

ঐখোয়না মখোয়শিং অসি হকশেল ফনা লৈনবা, খুনাইগা মরী লৈনদুনা লৈনবা, শেলথুমগী হীরমদা তংদু লৈতানা লৈনবা অমসুং কান্নবা থবক পাঙথোকপা ঙমহন্নবা হোৎনগদবনি।

অহল ওইবা মীওইশিংদা তাথী তাওইনা তৌবিরে হায়বগী পাউ তাবদা ঐহাক য়াম্না নুংঙাইতে। করিগুম্বা মতাং খরদদি অহল ওইবী নুপীশিংদনা থীনা তৌবা হেল্লি। মেন্তেনেন্স অমসুং ৱেলফিয়ার ওফ পেরেন্তস অমসুং সেনিয়র সিতিজনস এক্ত ২০০৭ লৈনা লৈনা অসিগুম্বা থৌদোকশিং অসি থোক্লি হায়বসিদা হেন্না নুংঙাইতবা ফাওই। মসি চৎনবা য়াবা থবক নত্তে।

খুন্নাই অমা ওইনা ঐখোয়না অহল-লমনশিংদা য়াম্না থাগৎফম থোকই। মখোয়না হোৎনরকপগী মহৈ অদু ঙসি ঐখোয়না ফংলিবনি। মখোয়বু নীংথিনা থম্বীবা হায়বা অসি ইমুং মনুংগী থৌদাংনি।

ঐখোয়গী অরিবা মতমগী ৱারোল অমা ওইরিবা মানু স্মৃতিনা অসুম্না হায়রম্মিঃ

“করিগুম্বা মীওই অমনা অহল-লমনবু ইকায় খুম্ননা লোয়নরবদি মহাক অদু পুন্সি শাংবা, অফবা মহৈ-মশিং হৈবা, অফাউবা অমসুং মপাঙ্গল লৈবা মীওই অইগনি”।

ঐখোয়না অসিগুম্বা অরিবা ৱাখল্লোন অসিদগী ইথিল লৌগদবনি অমসুং খুন্নাইনা অহল-লমনশিংদা লোয়নবগী থৌওংগী মশক অমা শেমগদবনি।

ভারতকী অপুনবা ইমুং ওইনা লৈমিন্নবগী পথাপ অসিদা ঐখোয়গী অহল-লমনশিংনা ইকায় খুম্নবগী মফম অমদা লৈ অমসুং মখোয় অসি থকশি-খাসি নাইবা, নাৎ, ইমুংগী ইকায় খুম্নবা অমসুং সমসকরাগী ঙাক শেনবা মীওইশিং ওই।

তৌবতবু চাউখৎলকপা অমসুং ইমুং মনুং চাওখৎলকপগী মতুং ইন্না চারোন-শুরোনগী মরক্তা লৈবা অকনবা মরীসু শোন্থরক্লে। পুন্না লৈমিন্নবা ইমুংশিং অসিদা অঙাংশিংনা নুংশিবা, পাম্মুবা, ঙাকপী শেনবীবা, লৌশিং অমসুং অহলশিংনা ঙাক শেনবীদুনা থম্বগী নুংঙাইবা কয়া অমা ফংই।

মসিনা মরম ওইদুনা ঐখোয়না চহি কুইনদগী চৎনরক্লবা পুন্না লৈমিন্নবগী পথাপ অসি নৌহৌননা অমুক ইনগদবনি। অতোপ্পা লৈবাকশিংনা খুদম ওইনা পীনরিবা চৎনবী অসি ভারত্তা অমুক হৌদোক্কদবনি। তেংবাংনবা অমসুং নুংশিনবা অসিনা মতম পুম্বদা ঐখোয়গী নাৎকী ময়ায়দা লৈদুনা লাক্লি।

অহল-লমনশিংবু নীংথিনা থম্বীবা অসি খুন্নাইগী থৌদাংনি। মসি অমুক হন্না খুন্নাইগী চৎনবী ওইগদবনি।

সরকারনা ভরিসথ পেন্সন বিমা য়োজনা, ইন্তিগ্রেতেদ প্রোগ্রাম ফোর সিনিয়র সিতিজনস অমসুং নেস্নেল প্রোগ্রাম ফোর দি হেলথকেয়র ওফ এলদর্লী হায়বা স্কিমশিং হৌদোকপা অমসুং ইনকম তেক্স অমসুং রেলৱে/ফ্লাইৎকী তিকেত্তা দিস্কাউন্ত পীবগীদমক্তা থাগৎপা ফোঙদোক্লি।

তৌবতবু মসিদগী হেন্না তৌবগী মথৌ তারি। হিংবগী চাং হেনগৎপা অসিনা মীওই অমনা চহি ৬০গী মতুংদগী মথংগী চহি ১৭-২০ ফাওবা হিংবা ঙম্লগনি।

মীওই কয়া অমনা চহি ৬০ শুরবা ফাওবা থবক তৌবা ঙম্মি অমসুং মখোয়না ফুল তাইম নত্ত্রগা পার্ত তাইমগী থবক তোউবা য়াই। মতমগা চানবা অনৌবা মহৈ তম্বীদুনা মপুং ফাবা প্রোফেস্নেল ওইবা পুন্সি অমা হিংদুনা লৈবাক শেমগৎ শাগৎপগী মনুং চলহন্নিংই।

ঐখোয়না কাওরোইদবদি করিগুম্বা নহাক অসি “দেমোগ্রাফিক দিবিদেন্দ” ওইরবদি নহাক্কী মথক থোংবনা লৈবাক অসিগী “দেমোগ্রাফিক বোনস” ওইগনি হায়বা অসিনি। ঐখোয়গী হকশেলগী পথাপ অসিবু নৌনা শেমদোক্তুনা অহল লমনশিংদা অনা লায়েংবগী খুদোংচাবা অমসুং ইন্স্যুরেন্স কবরেজ পীবগী তঙাই ফদবা কয়া অসিদা মিৎয়েং চংদুনা শেমদোকপা তারি।

সোসিএলগী ওইবা হীরমশিংদা, মরি মতাগী মীওইশিংখক্ত নত্তনা য়ুম্লোন্নবশিং, লোকেল এন.জি.ও.শিং অমসুং পুলিস্কী মীওইশিংসু হীরম অসিগী মতাংদা খঙহন্দুনা অমসুং ত্রেন তৌদুনা অহল-লমনশিংগী অপাম্বশিং অসি ঙাক শেনবীগদবনি অমসিং মসি মরু ওইনা নুপী ওইবীশিং, শোয়নাইবা অমসুং মতম কুইনদগী নাদুনা লৈরকপশিংগী হেন্না মরু ওইনা লৌগদবনি।

অহল-লমনশিংনা নুংঙাইজবা মীয়ামগী অমসুং খুন্নাইগী মফমশিং শেমগৎপগী তঙাই ফদবা লৈ। মখোয়শিং অসি মতম শাংনা ক্যুদা লেপহল্লোইদবনি অমসুং বেঙ্ককুম্বা মফমদা মখোয়গী তোঙানবা কাউন্তর থমগদবনি।

ঐহাক্না আই.এ.পি.পি.দি.দা মীয়াম্না খল্লবা মীহুৎশিংবু অমসুং মরী লৈনবা স্তেকহোলদরশিংনা মখোয়গী পুন্সিবু নুংঙাইহন্নবা থবক কয়াগী মতাংদা খঙহন্নবা হোৎনহন্নিংই। মসিগী রিপোর্ত অসিনা ঐখোয়গী অহল-লমনশিংনা থেংনরিবা খুদোংচাদবশিং অমসুং মসিগী তুং কোইবা ৱারোইশিন অমা পুরকপদা মিৎয়েং চংগনি হায়বগী ঐঙোন্দা থাজবা লৈ।

আই.এ.পি.পি.দি.গী অনিশুবা রিপোর্ত অসিনা পোকপদা ওইবা সেক্স রেসিও (এস.আর.বি.)গী মরু ওইবা খুন্নাইগী হীরম অমগী মতাংদা পল্লি।

মতম কুইনদগী হৌনা ভারতনা খল কায়বা সেক্স রেসিও থেংনদুনা লাক্লি। মহৌশাগী ওইনা অঙাং পোক্নবা অসিদা নুপীমচা পোকপগী চাং অসি য়াম্না হন্থবা ঐখোয়না উদুনা লাক্লি। ঐখোয়গী লৈবাক অসিদা নুপামচা ১১০ পোকপা খুদিংগী নুপীমচা ১০০ পোকই। সেন্সস ২০১১না ভারত্তা নুপামচা ১০০০ খুদিংগী নুপীমচা ৯৪০ লৈ হায়বা তাক্লি। মসিগী খল কায়বা রেসিও অসি তুমিন্না লৈবা অথুবা অমনি অমসুং মসিনা খুন্নাইদা পামদবা চৈথেং কয়া পীরকখিগনি।

লৈবাক অসিদা অপাম্বা সেক্স ওইহন্নিংবদগী এবোর্সন তৌবগী চৎনবী লৈরক্লিবা অসিগী মতুং ইন্না পি.সি.-পি.এন.দি.তি. এক্ত নীংথিনা চৎনহন্নিংবগী তঙাই ফদবগী মতাংদা ৱাফম কয়া ফোঙদোকখি। নুপী ওইবী অঙাংশিংবু পোক্ত্রিঙৈদা হাৎপগী চৎনবী অসি মতম পুম্বগী ওইনা লোইশিল্লসি হায়রগদি জেন্দরগী মতাংদা খেৎনবা থমদবা মতমদা ওইগনি। মীয়ামগী ৱাখল্লোন শেমদোকপগী তঙাই ফদবা অমা লৈ অমসুং মসি য়ুম য়ুমদগী হৌগদবনি। নুপামচাশিংদা নুপীমচাশিংবু ইকায় খুম্নহনগদবনি।

বেতি বচাও, বেতি পরাও অমসুং সুকন্য সাম্রিধি য়োজনানচিংবা সরকারগী তুং উবা স্কিমশিং অসিনা নুপীমচাশিংবু ঙাকথোক্তুনা থম্বা অমসুং মপাঙ্গল হাপ্পগী হীরমশিংদা অহেনবা মিৎয়েং চংলি। মসিদগী হেনবা থবক কয়া অমা তৌগদবা ৱাৎলি।

স্কুলশিংদা মোরেল এজুকেসন তম্বীদুনা মখোয়না চাউরক্লবা মতমদা থৌদাং খঙবা সিতিজন ওইদুনা জেন্দরগী খেৎনবা লৈবসি অরানবনি খনবা ঙমহনগদবনি

অঙাং নুপীমচা খুদিংদা লেম্না মহৈ তম্বা ফঙহনবা অমসুং ফিমেল ফিতিসাইদ অমসুং অউনপোৎ পীবগী চৎনবীদা অথিংবা থম্বগী অহকপা আইন শেমগদবনি হায়খি। নুপীশিংদসু লন-থুমগী মান্নবা শরুক পীদুনা মখওয়বুসু শেন্মিৎলোনগী হীরমদা মপাঙ্গল হাপকদবনি। ঐখোয়না পার্লিয়ামেন্ত অমসুং রাজ্যগী লেজিসলেচর খুদিংদা নুপীশিংগী মতিম চাবা ফম খাকহন্নবা হোৎনগদবনি অমসুং মসিগী মরু ওইবা হীরম অসিগী মতাংদা রাজনিতী দলশিংনা অথুবা মতমদা য়ানবা অমা পুরক্নবা হায়গনি। নুপীশিংবু চাং মান্নবা থাক্তা থমদ্রবদি লৈবাক্কী চাউখৎপদা য়াম্না থিন্থগনি।

সেক্স রেসিওগী খল য়াম্না মান্নদনা লৈবা জিলাশিং অসিদা মীয়াম্না খল্লবা মীহুৎশিংনা অহেনবা মিৎয়েং চংগদবনি। আই.এ.পি.পি.দি.না নুপী অমসুং অঙাং চাউখৎপগী মন্ত্রালয় অমসুং নিতি আয়োগকা থবক তৌমিন্নদুনা অমসুং মসিদা মীয়াম্না খল্লবা মীহুতশিংসু য়াওহন্দুনা অসিগুম্বা জিলাশিং অসিদা সেক্স রেসিও অমসুং অতোপ্পা সোসিএল ইন্দিকেতরশিংবু অপাম্বা খলদা থম্বা ঙম্নবা হোৎনগদবনি।

ঐহাক্না আই.এ.পি.পি.দি.বু অসিগুম্বা চাউখৎপগী থবকশিং অসিদা লৈবাক অসিদা পুরকপগীদমক থাগৎপা ফোঙদোক্লি। অসিগুম্বা থৌওং কয়া অসিনা অসিগুম্বা খুন্নাইগী হীরমশিং অসি য়েংশিনবদা য়াম্না তেংবাংগনি।

আই.এ.পি.পি.দি.গী মিৎয়েং অসি মীশিং অমসুং চাউখৎপদা লৈবা অসিদা ঐহাক্না হরাওবা ফাওই। ঐখোয়না মীশিং অমসুং চাউখৎপগী মরক্তা লৈনরিবা মরী অসি মশক খঙগদবনি।

অখঙ অহৈশিংনা ভারতকী মীশিং অসি ইং ২০৩৬ ফাওবগী মনুংদা বিলিয়ন ১.৫২ (ইং ২০১১দা ওইরিবা অসিগী শরুক ২৫% হেনগত্তুনা) য়ৌরকপা য়াই। শহরগী মীশিং অসিনা ইং ২০১১দা ৩১.৮% ওইরম্বা অদুদগী ইং ২০৩৬তা ৩৮.২%দা হেনগৎলকপা য়াই হায়না পানরি।

মীশিং হেনগৎলকপগী মতুং ইন্না চাউখৎপগী হীরমদা অয়েৎপা হেন্না লাক্কনি। নুংঙাইবা পুন্সি অমা হিংনবা শেলথুম হেন্না চংলক্কনি। তঙাই ফদবা সেবাশিং পীবা অমসুং লায়রবগী চাং হন্থহনবা অসি ঐখোয়না অপিকপা ইমুংগী কাঙলোন ইনবা মতমদা ওইথোক্কনি। প্রধান মন্ত্রীনা মমাংগী চহিদা মহাক্কী নিং-খা তম্বা নুমিৎকী ৱা ঙাংবদা অপিকপা ইমুংগী চৎনবী ইনবা মীওই খুদিংনা লৈবাক অসিগী চাউখৎপদা তেংবাংলি হায়খ্রিবনি অমসুং মসিনা মখোয়না লৈবাক নুংশিবগী চাং তাক্কদৌরিবনি।

রাজনিতী দল অমসুং মীয়ামগী মীহুৎশিংনা হীরমশিগী মতাংদা তাকপী তম্বীনবা থবক লৌখৎকদবনি।

ঐখোয়গী লৈবাক অসি চাউখৎহন্নবা হোৎনবদা খুদোংচাদবা কয়া থেংনগদবা লৈরি। আই.এ.পি.পি.দি.গুম্বা ওর্গনাইজেসন অসিনা হীরমশিং অসিগী মতাংদা মীয়ামদা খঙহন্নবা থৌরাং কয়া য়াৎকদবনি।

মসিগী মতাংদা তঙাই ফদবা অসি স্তেকহোলদরশিংনা মীয়াম্না খল্লবা মীহুৎশিং য়াওনা খোঙফম চেৎনা থবক তৌবা অসিনি। পারলিয়ামেন্তকী মীওইশিংনা হায়রিবা থবকশিং অসি নীংথিনা পাঙথোক্কদবনি।

মীয়ামগী মীহুৎশিং, পোলিসী শেম্বা মীওইশিং, রাজনিতী দলশিং অমসুং লায়রবা, ইবা-পাবা হৈতবা অমসুং জেন্দরগী খেৎনবা থম্বগী সোসিএলগী ওইবা ফত্তবা অয়া অসিবু কোকহনবগী থবক থৌরিবা স্তেকহোলদরশিংদগী অহেনবা মিৎয়েং চংলকপগী তঙাই ফদবা লৈবগী মতাংদা পনখি। মহাক্না হীরম অসিগী মতাংদা রাজ্য সরকারনসু মিৎয়েং চঙহন্নিংই। লৈবাক অসিনা থুনা চাউখৎকে হায়রবদি থবকশিং অসি লানগী পথাপ্তা পাঙথোক্কদবনি।

অহানবদা তৌফম থোকপা ওইনা মখোয়না হায়রিবা স্কিম অমসুং প্রোগ্রামশিং অসি সরকারনা মশক খঙদোক্লবা এস্পিরেস্নেল জিলা ১১০দগী থবক অসি হৌহন্নিংই।

ঐহাক্না আই.এ.পি.পি.দি., মসিগী চেয়রমেন প্রোফঃ পি.জে. কুরিএন অমসুং মহাক্কী কাংবুশিংবু থবকশিং অসিগী থাগৎপা ফোঙদোক্লি।

থাগৎচরি!
জয় হিন্দ!