Sam Veda Mantra Samhita

॥ सामवेद संहिता कौथुम शाखा ॥

      पूर्वार्चिकः
      छन्द आर्चिकः

     आग्नेयं काण्डम्
     प्रथमः प्रपाठकः ।  प्रथमोऽर्धः

   १ १ १ ०१०१a  अग्न आ याहि वीतये गृणानो हव्यदातये ।
   १ १ १ ०१०१c  नि होता सत्सि बर्हिषि ॥ १
   १ १ १ ०१०१a  त्वमग्ने यज्ञानाँ होता विश्वेषाँ हितः ।
   १ १ १ ०१०२c  देवेभिर्मानुषे जने ॥ २
   १ १ १ ०१०३a  अग्निं दूतं वृणीमहे होतारं विश्ववेदसम् ।
   १ १ १ ०१०३c  अस्य यज्ञस्य सुक्रतुम् ॥ ३
   १ १ १ ०१०४a  अग्निर्वृत्राणि जङ्घनद्द्रविणस्युर्विपन्यया ।
   १ १ १ ०१०४c  समिद्धः शुक्र आहुतः ॥ ४
   १ १ १ ०१०५a  प्रेष्ठं वो अतिथिँ स्तुषे मित्रमिव प्रियम् ।
   १ १ १ ०१०५c  अग्ने रथं न वेद्यम् ॥ ५
   १ १ १ ०१०६a  त्वं नो अग्ने महोभिः पाहि विश्वस्या अरातेः ।
   १ १ १ ०१०६c  उत द्विषो मर्त्यस्य ॥ ६
   १ १ १ ०१०७a  एह्यू षु ब्रवाणि तेऽग्न इत्थेतरा गिरः ।
   १ १ १ ०१०७c  एभिर्वर्धास इन्दुभिः ॥ ७
   १ १ १ ०१०८a  आ ते वत्सो मनो यमत्परमाच्चित्सधस्थात् ।
   १ १ १ ०१०८c  अग्ने त्वां कामये गिरा ॥ ८
   १ १ १ ०१०९a  त्वामग्ने पुष्करादध्यथर्वा निरमन्थत ।
   १ १ १ ०१०९c  मूर्ध्नो विश्वस्य वाघतः ॥ ९
   १ १ १ ०११०a  अग्ने विवस्वदा भरास्मभ्यमूतये महे ।
   १ १ १ ०११०c  देवो ह्यसि नो दृशे ॥ १०

   १ १ १ ०२०१a  नमस्ते अग्न ओजसे गृणन्ति देव कृष्टयः ।
   १ १ १ ०२०१c  अमैरमित्रमर्दय ॥ ११
   १ १ १ ०२०२a  दूतं वो विश्ववेदसँ हव्यवाहममर्त्यम् ।
   १ १ १ ०२०२c  यजिष्ठमृञ्जसे गिरा ॥ १२
   १ १ १ ०२०३a  उप त्वा जामयो गिरो देदिशतीर्हविष्कृतः ।
   १ १ १ ०२०३c  वायोरनीके अस्थिरन् ॥ १३
   १ १ १ ०२०४a  उप त्वाग्ने दिवेदिवे दोषावस्तर्धिया वयम् ।
   १ १ १ ०२०४c  नमो भरन्त एमसि ॥ १४
   १ १ १ ०२०५a  जराबोध तद्विविड्ढि विशेविशे यज्ञियाय ।
   १ १ १ ०२०५c  स्तोमँ रुद्राय दृशीकम् ॥ १५
   १ १ १ ०२०६a  प्रति त्यं चारुमध्वरं गोपीथाय प्र हूयसे ।
   १ १ १ ०२०६c  मरुद्भिरग्न आ गहि ॥ १६
   १ १ १ ०२०७a  अश्वं न त्वा वारवन्तं वन्दध्या अग्निं नमोभिः ।
   १ १ १ ०२०७c  सम्राजन्तमध्वराणाम् ॥ १७
   १ १ १ ०२०८a  और्वभृगुवच्छुचिमप्नवानवदा हुवे ।
   १ १ १ ०२०८c  अग्निँ समुद्रवाससम् ॥ १८
   १ १ १ ०२०९a  अग्निमिन्धानो मनसा धियँ सचेत मर्त्यः ।
   १ १ १ ०२०९c  अग्निमिन्धे विवस्वभिः ॥ १९
   १ १ १ ०२१०a  आदित्प्रत्नस्य रेतसो ज्योतिः पश्यन्ति वासरम् ।
   १ १ १ ०२१०c  परो यदिध्यते दिवि ॥ २०

   १ १ १ ०३०१a  अग्निं वो वृधन्तमध्वराणां पुरूतमम् ।
   १ १ १ ०३०१c  अच्छा नप्त्रे सहस्वते ॥ २१
   १ १ १ ०३०२a  अग्निस्तिग्मेन शोचिषा यँसद्विश्वं न्या३त्रिणम् ।
   १ १ १ ०३०२c  अग्निर्नो वँसते रयिम् ॥ २२
   १ १ १ ०३०३a  अग्ने मृड महाँ अस्यय आ देवयुं जनम् ।
   १ १ १ ०३०३c  इयेथ बर्हिरासदम् ॥ २३
   १ १ १ ०३०४a  अग्ने रक्षा णो अँहसः प्रति स्म देव रीषतः ।
   १ १ १ ०३०४c  तपिष्ठैरजरो दह ॥ २४
   १ १ १ ०३०५a  अग्ने युङ्क्ष्वा हि ये तवाश्वासो देव साधवः ।
   १ १ १ ०३०५c  अरं वहन्त्याशवः ॥ २५
   १ १ १ ०३०६a  नि त्वा नक्ष्य विश्पते द्युमन्तं धीमहे वयम् ।
   १ १ १ ०३०६c  सुवीरमग्न आहुत ॥ २६
   १ १ १ ०३०७a  अग्निर्मूर्धा दिवः ककुत्पतिः पृथिव्या अयम् ।
   १ १ १ ०३०७c  अपाँ रेताँसि जिन्वति ॥ २७
   १ १ १ ०३०८a  इममू षु त्वमस्माकँ सनिं गायत्रं नव्याँसम् ।
   १ १ १ ०३०८c  अग्ने देवेषु प्र वोचः ॥ २८
   १ १ १ ०३०९a  तं त्वा गोपवनो गिरा जनिष्ठदग्ने अङ्गरः ।
   १ १ १ ०३०९c  स पावक श्रुधी हवम् ॥ २९
   १ १ १ ०३१०a  परि वाजपतिः कविरग्निर्हव्यान्यक्रमीत् ।
   १ १ १ ०३१०c  दधद्रत्नानि दाशुषे ॥ ३०
   १ १ १ ०३११a  उदु त्यं जातवेदसं देवं वहन्ति केतवः ।
   १ १ १ ०३११c  दृशे विश्वाय सूर्यम् ॥ ३१
   १ १ १ ०३१२a  कविमग्निमुप स्तुहि सत्यधर्माणमध्वरे ।
   १ १ १ ०३१२c  देवममीवचातनम् ॥ ३२
   १ १ १ ०३१३a  शं नो देवीरभिष्टये शं नो भवन्तु पीतये ।
   १ १ १ ०३१३c  शं योरभि स्रवन्तु नः ॥ ३३
   १ १ १ ०३१४a  कस्य नूनं परीणसि धियो जिन्वसि सत्पते ।
   १ १ १ ०३१४c  जोषाता यस्य ते गिरः ॥ ३४

   १ १ १ ०४०१a  यज्ञायज्ञा वो अग्नये गिरागिरा च दक्षसे ।
   १ १ १ ०४०१c  प्रप्र वयममृतं जातवेदसं प्रियं मित्रं न शँसिषम् ॥ ३५
   १ १ १ ०४०२a  पाहि नो अग्न एकया पाह्यू३त द्वितीयया ।
   १ १ १ ०४०२c  पाहि गीर्भिस्तिसृभिरूर्जां पते पाहि चतसृभिर्वसो ॥ ३६
   १ १ १ ०४०३a  बृहद्भिरग्ने अर्चिभिः शुक्रेण देव शोचिषा ।
   १ १ १ ०४०३c  भरद्वाजे समिधानो यविष्ठ्य रेवत्पावक दीदिहि ॥ ३७
   १ १ १ ०४०४a  त्वे अग्ने स्वाहुत प्रियासः सन्तु सूरयः ।
   १ १ १ ०४०४c  यन्तारो ये मघवानो जनानामूर्वं दयन्त गोनाम् ॥ ३८
   १ १ १ ०४०५a  अग्ने जरितर्विश्पतिस्तपानो देव रक्षसः ।
   १ १ १ ०४०५c  अप्रोषिवान्गृहपते महाँ असि दिवस्पायुर्दुरोणयुः ॥ ३९
   १ १ १ ०४०६a  अग्ने विवस्वदुषसश्चित्रँ राधो अमर्त्य ।
   १ १ १ ०४०६c  आ दाशुषे जातवेदो वहा त्वमद्या देवाँ उषर्बुधः ॥ ४०
   १ १ १ ०४०७a  त्वं नश्चित्र ऊत्या वसो राधाँसि चोदय ।
   १ १ १ ०४०७c  अस्य रायस्त्वमग्ने रथीरसि विदा गाधं तुचे तु नः ॥ ४१
   १ १ १ ०४०८a  त्वमित्सप्रथा अस्यग्ने त्रातरृतः कविः ।
   १ १ १ ०४०८c  त्वां विप्रासः समिधान दीदिव आ विवासन्ति वेधसः ॥ ४२
   १ १ १ ०४०९a  आ नो अग्ने वयोवृधँ रयिं पावक शँस्यम् ।
   १ १ १ ०४०९c  रास्वा च न उपमाते पुरुस्पृहँ सुनीती सुयशस्तरम् ॥ ४३
   १ १ १ ०४१०a  यो विश्वा दयते वसु होता मन्द्रो जनानाम् ।
   १ १ १ ०४१०c  मधोर्न पात्रा प्रथमान्यस्मै प्र स्तोमा यन्त्वग्नये ॥ ४४

   १ १ १ ०५०१a  एना वो अग्निं नमसोर्जो नपातमा हुवे ।
   १ १ १ ०५०१c  प्रियं चेतिष्ठमरतिँ स्वाध्वरं विश्वस्य दूतममृतम् ॥ ४५
   १ १ १ ०५०२a  शेषे वनेषु मातृषु सं त्वा मर्तास इन्धते ।
   १ १ १ ०५०२c  अतन्द्रो हव्यं वहसि हविष्कृत आदिद्देवेषु राजसि ॥ ४६
   १ १ १ ०५०३a  अदर्शि गातुवित्तमो यस्मिन्व्रतान्यादधुः ।
   १ १ १ ०५०३c  उपो षु जातमार्यस्य वर्धनमग्निं नक्षन्तु नो गिरः ॥ ४७
   १ १ १ ०५०४a  अग्निरुक्थे पुरोहितो ग्रावाणो बर्हिरध्वरे ।
   १ १ १ ०५०४c  ऋचा यामि मरुतो ब्रह्मणस्पते देवा अवो वरेण्यम् ॥ ४८
   १ १ १ ०५०५a  अग्निमीडिष्वावसे गाथाभिः शीरशोचिषम् ।
   १ १ १ ०५०५c  अग्निँ राये पुरुमीढ श्रुतं नरोऽग्निः सुदीतये छर्दिः ॥ ४९
   १ १ १ ०५०६a  श्रुधि श्रुत्कर्ण वह्निभिर्देवैरग्ने सयावभिः ।
   १ १ १ ०५०६c  आ सीदतु बर्हिषि मित्रो अर्यमा प्रातर्यावभिरध्वरे ॥ ५०
   १ १ १ ०५०७a  प्र दैवोदासो अग्निर्देव इन्द्रो न मज्मना ।
   १ १ १ ०५०७c  अनु मातरं पृथिवीं वि वावृते तस्थौ नाकस्य शर्मणि ॥ ५१
   १ १ १ ०५०८a  अध ज्मो अध वा दिवो बृहतो रोचनादधि ।
   १ १ १ ०५०८c  अया वर्धस्व तन्वा गिरा ममा जाता सुक्रतो पृण ॥ ५२
   १ १ १ ०५०९a  कायमानो वना त्वं यन्मातॄरजगन्नपः ।
   १ १ १ ०५०९c  न तत्ते अग्ने प्रमृषे निवर्तनं यद्दूरे सन्निहाभुवः ॥ ५३
   १ १ १ ०५१०a  नि त्वामग्ने मनुर्दधे ज्योतिर्जनाय शश्वते ।
   १ १ १ ०५१०c  दीदेथ कण्व ऋतजात उक्षितो यं नमस्यन्ति कृष्टयः ॥ ५४

      प्रथम प्रपाठकः ।  द्वितीयोऽर्धः
   १ १ २ ०६०१a  देवो वो द्रविणोदाः पूर्णां विवष्ट्वासिचम् ।
   १ १ २ ०६०१c  उद्वा सिञ्जध्वमुप वा पृणध्वमादिद्वो देव ओहते ॥ ५५
   १ १ २ ०६०२a  प्रैतु ब्रह्मणस्पतिः प्र देव्येतु सूनृता ।
   १ १ २ ०६०२c  अच्छा वीरं नर्यं पङ्क्तिराधसं देवा यज्ञं नयन्तु नः ॥ ५६
   १ १ २ ०६०३a  ऊर्ध्व ऊ षु ण ऊतये तिष्ठा देवो न सविता ।
   १ १ २ ०६०३c  ऊर्ध्वो वाजस्य सनिता यदञ्जिभिर्वाघद्भिर्विह्वयामहे ॥ ५७
   १ १ २ ०६०४a  प्र यो राये निनीषति मर्तो यस्ते वसो दाशत् ।
   १ १ २ ०६०४c  स वीरं धत्ते अग्न उक्थशँसिनं त्मना सहस्रपोषिणम् ॥ ५८
   १ १ २ ०६०५a  प्र वो यह्वं पुरूणां विशां देवयतीनाम् ।
   १ १ २ ०६०५c  अग्निँ सूक्तेभिर्वचोभिर्वृणीमहे यँसमिदन्य इन्धते ॥ ५९
   १ १ २ ०६०६a  अयमग्निः सुवीर्यस्येशे हि सौभगस्य ।
   १ १ २ ०६०६c  राय ईशे स्वपत्यस्य गोमत ईशे वृत्रहथानाम् ॥ ६०
   १ १ २ ०६०७a  त्वमग्ने गृहपतिस्त्वँ होता नो अध्वरे ।
   १ १ २ ०६०७c  त्वं पोता विश्ववार प्रचेता ताक्षि यासि च वार्यम् ॥ ६१
   १ १ २ ०६०८a  सखायस्त्वा ववृमहे देवं मर्तास ऊतये ।
   १ १ २ ०६०८c  अपां नपातँ सुभगँ सुदँससँ सुप्रतूर्तिमनेहसम् ॥ ६२

   १ १ २ ०७०१a  आ जुहोता हविषा मर्जयध्वं नि होतारं गृहपतिं दधिध्वम् ।
   १ १ २ ०७०१c  इडस्पदे नमसा रातहव्यँ सपर्यता यजतं पस्त्यानाम् ॥ ६३
   १ १ २ ०७०२a  चित्र इच्छिशोस्तरुणस्य वक्षथो न यो मातरावन्वेति धातवे ।
   १ १ २ ०७०२c  अनूधा यदजीजनदधा चिदा ववक्षत्सद्यो महि दूत्या३ं चरन् ॥ ६४
   १ १ २ ०७०३a  इदं त एकं पर ऊ त एकं तृतीयेन ज्योतिषा सं विशस्व ।
   १ १ २ ०७०३c  संवेशनस्तन्वे३ चारुरेधि प्रियो देवानां परमे जनित्रे ॥ ६५
   १ १ २ ०७०४a  इमँ स्तोममर्हते जातवेदसे रथमिव सं महेमा मनीषया ।
   १ १ २ ०७०४c  भद्रा हि नः प्रमतिरस्य सँसद्यग्ने सख्ये मा रिषामा वयं तव ॥ ६६
   १ १ २ ०७०५a  मूर्धानं दिवो अरतिं पृथिव्या वैश्वानरमृत आ जातमग्निम् ।
   १ १ २ ०७०५c  कविँ सम्राजमतिथिं जनानामासन्नाः पात्रं जनयन्त देवाः ॥ ६७
   १ १ २ ०७०६a  वि त्वदापो न पर्वतस्य पृष्ठादुक्थेभिरग्ने जनयन्त देवाः ।
   १ १ २ ०७०६c  तं त्वा गिरः सुष्टुतयो वाजयन्त्याजिं न गिर्ववाहो जिग्युरश्वाः ॥ ६८
   १ १ २ ०७०७a  आ वो राजानमध्वरस्य रुद्रँ होतारँ सत्ययजँ रोदस्योः ।
   १ १ २ ०७०७c  अग्निं पुरा तनयित्नोरचित्ताद्धिरण्यरूपमवसे कृणुध्वम् ॥ ६९
   १ १ २ ०७०८a  इन्धे राजा समर्यो नमोभिर्यस्य प्रतीकमाहुतं घृतेन ।
   १ १ २ ०७०८c  नरो हव्येभिरीडते सबाध आग्निरग्रमुषसामशोचि ॥ ७०
   १ १ २ ०७०९a  प्र केतुना बृहता यात्यग्निरा रोदसी वृषभो रोरवीति ।
   १ १ २ ०७०९c  दिवश्चिदन्तादुपमामुदानडपामुपस्थे महिषो ववर्ध ॥ ७१
   १ १ २ ०७१०a  अग्निं नरो दीधितिभिरण्योर्हस्तच्युतं जनयत प्रशस्तम् ।
   १ १ २ ०७१०c  दूरेदृशं गृहपतिमथव्युम् ॥ ७२

   १ १ २ ०८०१a  अबोध्यग्निः समिधा जनानां प्रति धेनुमिवायतीमुषासम् ।
   १ १ २ ०८०१c  यह्वा इव प्र वयामुज्जिहानाः प्र भानवः सस्रते नाकमच्छ ॥ ७३
   १ १ २ ०८०२a  प्र भूर्जयन्तं महां विपोधां मूरैरमूरं पुरां दर्माणम् ।
   १ १ २ ०८०२c  नयन्तं गीर्भिर्वना धियं धा हरिश्मश्रुं न वार्मणा धनर्चिम् ॥ ७४
   १ १ २ ०८०३a  शुक्रं ते अन्यद्यजतं ते अन्यद्विषुरूपे अहनी द्यौरिवासि ।
   १ १ २ ०८०३c  विश्वा हि माया अवसि स्वधावन्भद्रा ते पूषन्निह रातिरस्तु ॥ ७५
   १ १ २ ०८०४a  इडामग्ने पुरुदँसँ सनिं गोः शश्वत्तमँ हवमानाय साध ।
   १ १ २ ०८०४c  स्यान्नः सूनुस्तनयो विजावाग्ने सा ते सुमतिर्भूत्वस्मे ॥ ७६
   १ १ २ ०८०५a  प्र होता जातो महान्नभोविन्नृषद्मा सीददपां विवर्ते ।
   १ १ २ ०८०५c  दधद्यो धायी सुते वयाँसि यन्ता वसूनि विधते तनूपाः ॥ ७७
   १ १ २ ०८०६a  प्र सम्राजमसुरस्य प्रश्स्तं पुँसः कृष्टीनामनुमाद्यस्य ।
   १ १ २ ०८०६c  इन्द्रस्येव प्र तवसस्कृतानि वन्दद्वारा वन्दमाना विवष्टु ॥ ७८
   १ १ २ ०८०७a  अरण्योर्निहितो जातवेदा गर्भ इवेत्सुभृतो गर्भिणीभिः ।
   १ १ २ ०८०७c  दिवेदिव ईड्यो जागृवद्भिर्हविष्मद्भिर्मनुष्येभिरग्निः ॥ ७९
   १ १ २ ०८०८a  सनादग्ने मृणसि यातुधानान्न त्वा रक्षाँसि पृतनासु जिग्युः ।
   १ १ २ ०८०८c  अनु दह सहमूरान्कयादो मा ते हेत्या मुक्षत दैव्यायाः ॥ ८०

   १ १ २ ०९०१a  अग्न ओजिष्ठमा भर द्युम्नमस्मभ्यमध्रिगो ।
   १ १ २ ०९०१c  प्र नो राये पनीयसे रत्सि वाजाय पन्थाम् ॥ ८१
   १ १ २ ०९०२a  यदि वीरो अनु ष्यादग्निमिन्धीत मर्त्यः ।
   १ १ २ ०९०२c  आजुह्वद्धव्यमानुषक्षर्म भक्षीत दैव्यम् ॥ ८२
   १ १ २ ०९०३a  त्वेषस्ते धूम ऋण्वति दिवि सं च्छुक्र आततः ।
   १ १ २ ०९०३c  सूरो न हि द्युता त्वं कृपा पावक रोचसे ॥ ८३
   १ १ २ ०९०४a  त्वँ हि क्षैतवद्यशोऽग्ने मित्रो न पत्यसे ।
   १ १ २ ०९०४c  त्वं विचर्षणे श्रवो वसो पुष्टिं न पुष्यसि ॥ ८४
   १ १ २ ०९०५a  प्रातरग्निः पुरुप्रियो विष स्तवेतातिथिः ।
   १ १ २ ०९०५c  विश्वे यस्मिन्नमर्त्ये हव्यं मर्तास इन्धते ॥ ८५
   १ १ २ ०९०६a  यद्वाहिष्ठं तदग्नये बृहदर्च विभावसो ।
   १ १ २ ०९०६c  महिषीव त्वद्रयिस्त्वद्वाजा उदीरते ॥ ८६
   १ १ २ ०९०७a  विशोविशो वो अतिथिं वाजयन्तः पुरुप्रियम् ।
   १ १ २ ०९०७c  अग्निं वो दुर्यं वचः स्तुषे शूषस्य मन्मभिः ॥ ८७
   १ १ २ ०९०८a  बृहद्वयो हि भानवेऽर्चा देवायाग्नये ।
   १ १ २ ०९०८c  यं मित्रं न प्रशस्तये मर्तासो दधिरे पुरः ॥ ८८
   १ १ २ ०९०९a  अगन्म वृत्रहन्तमं ज्येष्ठमग्निमानवम् ।
   १ १ २ ०९०९c  य स्म श्रुतर्वन्नार्क्षे बृहदनीक इध्यते ॥ ८९
   १ १ २ ०९१०a  जातः परेण धर्मणा यत्सवृद्भिः सहाभुवः ।
   १ १ २ ०९१०c  पिता यत्कश्यपस्याग्निः श्रद्धा माता मनुः कविः ॥ ९०

   १ १ २ १००१a  सोमँ राजानं वरुणमग्निमन्वारभामहे ।
   १ १ २ १००१c  आदित्यं विष्णुँ सूर्यं ब्रह्मानं च बृहस्पतिम् ॥ ९१
   १ १ २ १००२a  इत एत उदारुहन्दिवः पृष्ठान्या रुहन् ।
   १ १ २ १००२c  प्र भूर्जयो यथा पथोद्यामङ्गिरसो ययुः ॥ ९२
   १ १ २ १००३a  राये अग्ने महे त्वा दानाय समिधीमहि ।
   १ १ २ १००३c  ईडिष्वा हि महे वृषं द्यावा होत्राय पृथिवी ॥ ९३
   १ १ २ १००४a  दधन्वे वा यदीमनु वोचद्ब्रह्मेति वेरु तत् ।
   १ १ २ १००४c  परि विश्वानि काव्या नेमिश्चक्रमिवाभुवत् ॥ ९४
   १ १ २ १००५a  प्रत्यग्ने हरसा हरः शृणाहि विश्वतस्परि ।
   १ १ २ १००५c  यातुधानस्य रक्षसो बलं न्युब्जवीर्यम् ॥ ९५
   १ १ २ १००६a  त्वमग्ने वसूँरिह रुद्राँ आदित्याँ उत ।
   १ १ २ १००६c  यजा स्वध्वरं जनं मनुजातं घृतप्रुषम् ॥ ९६

      द्वितीय प्रपाठकः ।  प्रथमोऽर्धः
   १ २ १ ०१०१a  पुरु त्वा दाशिवाँ वोचेऽरिरग्ने तव स्विदा ।
   १ २ १ ०१०१c  तोदस्येव शरण आ महस्य ॥ ९७
   १ २ १ ०१०२a  प्र होत्रे पूर्व्यं वचोऽग्नये भरता बृहत् ।
   १ २ १ ०१०२c  विपां ज्योतीँषि बिभ्रते न वेधसे ॥ ९८
   १ २ १ ०१०३a  अग्ने वाजस्य गोमत ईशानः सहसो यहो ।
   १ २ १ ०१०३c  अस्मे धेहि जातवेदो महि श्रवः ॥ ९९
   १ २ १ ०१०४a  अग्ने यजिष्ठो अध्वरे देवां देवयते यज ।
   १ २ १ ०१०४c  होता मन्द्रो वि राजस्यति स्रिधः ॥ १००
   १ २ १ ०१०५a  जज्ञानः सप्त मातृभिर्मेधामाशासत श्रिये ।
   १ २ १ ०१०५c  अयं ध्रुवो रयीणां चिकेतदा ॥ १०१
   १ २ १ ०१०६a  उत स्या नो दिवा मतिरदितिरूत्यागमत् ।
   १ २ १ ०१०६c  सा शन्ताता मयस्करदप स्रिधः ॥ १०२
   १ २ १ ०१०७a  ईडिष्वा हि प्रतीव्या३ं यजस्व जातवेदसम् ।
   १ २ १ ०१०७c  चरिष्णुधूममगृभीतशोचिषम् ॥ १०३
   १ २ १ ०१०८a  न तस्य मायया च न रिपुरीशीत मर्त्यः ।
   १ २ १ ०१०८c  यो अग्नये ददाश हव्यदातये ॥ १०४
   १ २ १ ०१०९a  अप त्यं वृजिनँ रिपुँ स्तेनमग्ने दुराध्यम् ।
   १ २ १ ०१०९c  दविष्ठमस्य सत्पते कृधी सुगम् ॥ १०५
   १ २ १ ०११०a  श्रुष्ट्यग्ने नवस्य मे स्तोमस्य वीर विश्पते ।
   १ २ १ ०११०c  नि मायिनस्तपसा रक्षसो दह ॥ १०६

   १ २ १ ०२०१a  प्र मँहिष्ठाय गायत ऋताव्ने बृहते शुक्रशोचिषे ।
   १ २ १ ०२०१c  उपस्तुतासो अग्नये ॥ १०७
   १ २ १ ०२०२a  प्र सो अग्ने तवोतिभिः सुवीराभिस्तरति वाजकर्मभिः ।
   १ २ १ ०२०२c  यस्य त्वँ सख्यमाविथ ॥ १०८
   १ २ १ ०२०३a  तं गूर्धया स्वर्णरं देवासो देवमरतिं दधन्विरे ।
   १ २ १ ०२०३c  देवत्रा हव्यमूहिषे ॥ १०९
   १ २ १ ०२०४a  मा नो हृणीथा अतिथिं वसुरग्निः पुरुप्रशस्त एशः ।
   १ २ १ ०२०४c  यः सुहोता स्वध्वरः ॥ ११०
   १ २ १ ०२०५a  भद्रो नो अग्निराहुतो भद्रा रातिः सुभग भद्रो अध्वरः ।
   १ २ १ ०२०५c  भद्रा उत प्रशस्तयः ॥ १११
   १ २ १ ०२०६a  यजिष्ठं त्वा ववृमहे देवं देवत्रा होतारममर्त्यम् ।
   १ २ १ ०२०६c  अस्य यज्ञस्य सुक्रतुम् ॥ ११२
   १ २ १ ०२०७a  तदग्ने द्युम्नमा भर यत्सासाहा सदने कं चिदत्रिणम् ।
   १ २ १ ०२०७c  मन्युं जनस्य दूढ्यम् ॥ ११३
   १ २ १ ०२०८a  यद्वा उ विश्पतिः शितः सुप्रीतो मनुषो विशे ।
   १ २ १ ०२०८c  विश्वेदग्निः प्रति रक्षाँसि सेधति ॥ ११४

      ॥ इत्याग्नेय पर्वं काण्डम् ॥

     ऐन्द्र काण्डम्
   १ २ १ ०३०१a  तद्वो गाय सुते सचा पुरुहूताय सत्वने ।
   १ २ १ ०३०१c  शं यद्गवे न शाकिने ॥  ११५
   १ २ १ ०३०२a  यस्ते नूनँ शतक्रतविन्द्र द्युम्नितमो मदः ।
   १ २ १ ०३०२c  तेन नूनं मदे मदेः ॥ ११६
   १ २ १ ०३०३a  गाव उप वदावटे महि यज्ञस्य रप्सुदा ।
   १ २ १ ०३०३c  उभा कर्णा हिरण्यया ॥ ११७
   १ २ १ ०३०४a  अरमश्वाय गायत श्रुतकक्षारं गवे ।
   १ २ १ ०३०४c  अरमिन्द्रस्य धाम्ने ॥ ११८
   १ २ १ ०३०५a  तमिन्द्रं वाजयामसि महे वृत्राय हन्तवे ।
   १ २ १ ०३०५c  स वृषा वृषभो भुवत् ॥ ११९
   १ २ १ ०३०६a  त्वमिन्द्र बलादधि सहसो जात ओजसः ।
   १ २ १ ०३०६c  त्वँ सन्वृषन्वृषेदसि ॥ १२०
   १ २ १ ०३०७a  यज्ञ इन्द्रमवर्धयद्यद्भूमिं व्यवर्तयत् ।
   १ २ १ ०३०७c  चक्राण ओपशं दिवि ॥ १२१
   १ २ १ ०३०८a  यदिन्द्राहं तथा त्वमीशीय वस्व एक इत् ।
   १ २ १ ०३०८c  स्तोता मे गोसखा स्यात् ॥ १२२
   १ २ १ ०३०९a  पन्यंपन्यमित्सोतार आ धावत मद्याय ।
   १ २ १ ०३०९c  सोमं वीराय शूराय ॥ १२३
   १ २ १ ०३१०a  इदं वसो सुतमन्धः पिबा सुपूर्णमुदरम् ।
   १ २ १ ०३१०c  अनाभयिन्ररिमा ते ॥ १२४

   १ २ १ ०४०१a  उद्धेदभि श्रुतामघं वृषभं नर्यापसम् ।
   १ २ १ ०४०१c  अस्तारमेषि सूर्य ॥ १२५
   १ २ १ ०४०२a  यदद्य कच्च वृत्रहन्नुदगा अभि सूर्य ।
   १ २ १ ०४०२c  सर्वं तदिन्द्र ते वशे ॥ १२६
   १ २ १ ०४०३a  य आनयत्परावतः सुनीती तुर्वशं यदुम् ।
   १ २ १ ०४०३c  इन्द्रः स नो युवा सखा ॥ १२७
   १ २ १ ०४०४a  मा न इन्द्राभ्याऽऽ३ दिशः सूरो अक्तुष्वा यमत ।
   १ २ १ ०४०४c  त्वा युजा वनेम तत् ॥ १२८
   १ २ १ ०४०५a  एन्द्र सानसिँ रयिँ सजित्वानँ सदासहम् ।
   १ २ १ ०४०५c  वर्षिष्ठमूतये भर ॥ १२९
   १ २ १ ०४०६a  इन्द्रं वयं महाधन इन्द्रमर्भे हवामहे ।
   १ २ १ ०४०६c  युजं वृत्रेषु वज्रिणम् ॥ १३०
   १ २ १ ०४०७a  अपिबत्कद्रुवः सुतमिन्द्रः सहस्रबाह्वे ।
   १ २ १ ०४०७c  तत्राददिष्ट पौँस्यम् ॥ १३१
   १ २ १ ०४०८a  वयमिन्द्र त्वायवोऽभि प्र नोनुमो वृषन् ।
   १ २ १ ०४०८c  विद्धी त्वा३स्य नो वसो ॥ १३२
   १ २ १ ०४०९a  आ घा ये अग्निमिन्धते स्तृणन्ति बर्हिरानुषक् ।
   १ २ १ ०४०९c  येषामिन्द्रो युवा सखा ॥ १३३
   १ २ १ ०४१०a  भिन्धि विश्वा अप द्विषः परि बाधो जही मृधः ।
   १ २ १ ०४१०c  वसु स्पार्हं तदा भर ॥ १३४

   १ २ १ ०५०१a  इहेव शृण्व एषां कशा हस्तेषु यद्वदान् ।
   १ २ १ ०५०१c  नि यामं चित्रमृञ्जते ॥ १३५
   १ २ १ ०५०२a  इम उ त्वा वि चक्षते सखाय इन्द्र सोमिनः ।
   १ २ १ ०५०२c  पुष्टावन्तो यथा पशुम् ॥ १३६
   १ २ १ ०५०३a  समस्य मन्यवे विशो विश्वा नमन्त कृष्टयः ।
   १ २ १ ०५०३c  समुद्रायेव सिन्धवः ॥ १३७
   १ २ १ ०५०४a  देवानामिदवो महत्तदा वृणीमहे वयम् ।
   १ २ १ ०५०४c  वृष्णामस्मभ्यमूतये ॥ १३८
   १ २ १ ०५०५a  सोमानाँ स्वरणं कृणुहि ब्रह्मणस्पते ।
   १ २ १ ०५०५c  कक्षीवन्तं य औशिजः ॥ १३९
   १ २ १ ०५०६a  बोधन्मना इदस्तु नो वृत्रहा भूर्यासुतिः ।
   १ २ १ ०५०६c  शृणोतु शक्र आशिषम् ॥ १४०
   १ २ १ ०५०७a  अद्य नो देव सवितः प्रजावत्सावीः सौभगम् ।
   १ २ १ ०५०७c  परा दुःष्वप्न्यँ सुव ॥ १४१
   १ २ १ ०५०८a  क्वा३स्य वृषभो युवा तुविग्रीवो अनानतः ।
   १ २ १ ०५०८c  ब्रह्मा कस्तँ सपर्यति ॥ १४२
   १ २ १ ०५०९a  उपह्वरे गिरीणाँ सङ्गमे च नदीनाम् ।
   १ २ १ ०५०९c  धिया विप्रो अजायत ॥ १४३
   १ २ १ ०५१०a  प्र सम्राजं चर्षणीनामिन्द्रँ स्तोता नव्यं गीर्भिः ।
   १ २ १ ०५१०c  नरं नृषाहं मँहिष्ठम् ॥ १४४

      द्वितीय प्रपाठकः ।  द्वितीयोऽर्धः
   १ २ २ ०६०१a  अपादु शिप्रयन्धसः सुदक्षस्य प्रहोषिणः ।
   १ २ २ ०६०१c  इन्द्रोरिन्द्रो यवाशिरः ॥ १४५
   १ २ २ ०६०२a  इमा उ त्वा पुरुवसोऽभि प्र नोनवुर्गिरः ।
   १ २ २ ०६०२c  गावो वत्सं न धेनवः ॥ १४६
   १ २ २ ०६०३a  अत्राह गोरमन्वत नाम त्वष्टुरपीच्यम् ।
   १ २ २ ०६०३c  इत्था चन्द्रमसो गृहे ॥ १४७
   १ २ २ ०६०४a  यदिन्द्रो अनयद्रितो महीरपो वृषन्तमः ।
   १ २ २ ०६०४c  तत्र पूषाभुवत्सचा ॥ १४८
   १ २ २ ०६०५a  गौर्धयति मरुताँ श्रवस्युर्माता मघोनाम्
   १ २ २ ०६०५c  युक्ता वह्नी रथानाम् ॥ १४९
   १ २ २ ०६०६a  उप नो हरिभिः सुतं याहि मदानां पते ।
   १ २ २ ०६०६c  उप नो हरिभिः सुतम् ॥ १५०
   १ २ २ ०६०७a  इष्टा होत्रा असृक्षतेन्द्रं वृधन्तो अध्वरे ।
   १ २ २ ०६०७c  अच्छावभृथमोजसा ॥ १५१
   १ २ २ ०६०८a  अहमिद्धि पितुष्परि मेधामृतस्य जग्रह ।
   १ २ २ ०६०८c  अहँ सूर्य इवाजनि ॥ १५२
   १ २ २ ०६०९a  रेवतीर्नः सधमाद इन्द्रे सन्तु तुविवाजाः ।
   १ २ २ ०६०९c  क्षुमन्तो याभिर्मदेम ॥ १५३
   १ २ २ ०६१०a  सोमः पूषा च चेततुर्विश्वासाँ सुक्षितीनाम् ।
   १ २ २ ०६१०c  देवत्रा रथ्योर्हिता ॥ १५४

   १ २ २ ०७०१a  पान्तमा वो अन्धस इन्द्रमभि प्र गायत ।
   १ २ २ ०७०१c  विश्वासाहँ शतक्रतुं मँहिष्ठं चर्षणीनाम् ॥ १५५
   १ २ २ ०७०२a  प्र व इन्द्राय मादनँ हर्यश्वाय गायत ।
   १ २ २ ०७०२c  सखायः सोमपाव्ने ॥ १५६
   १ २ २ ०७०३a  वयमु त्वा तदिदर्था इन्द्र त्वायन्तः सखायः ।
   १ २ २ ०७०३c  कण्वा उक्थेभिर्जरन्ते ॥ १५७
   १ २ २ ०७०४a  इन्द्राय मद्वने सुतं परि ष्टोभन्तु नो गिरः ।
   १ २ २ ०७०४c  अर्कमर्चन्तु कारवः ॥ १५८
   १ २ २ ०७०५a  अयं त इन्द्र सोमो निपूतो अधि बर्हिषि ।
   १ २ २ ०७०५c  एहीमस्य द्रवा पिब ॥ १५९
   १ २ २ ०७०६a  सुरूपकृत्नुमूतये सुदुघामिव गोदुहे ।
   १ २ २ ०७०६c  जुहूमसि द्यविद्यवि ॥ १६०
   १ २ २ ०७०७a  अभि त्वा वृषभा सुते सुतँ सृजामि पीतये ।
   १ २ २ ०७०७c  तृम्पा व्यश्नुही मदम् ॥ १६१
   १ २ २ ०७०८a  य इन्द्र चमसेष्वा सोमश्चमूषु ते सुतः ।
   १ २ २ ०७०८c  पिबेदस्य त्वमीशिषे ॥ १६२
   १ २ २ ०७०९a  योगेयोगे तवस्तरं वाजेवाजे हवामहे ।
   १ २ २ ०७०९c  सखाय इन्द्रमूतये ॥ १६३
   १ २ २ ०७१०a  आ त्वेता नि षीदतेन्द्रमभि प्र गायत ।
   १ २ २ ०७१०c  सखायः स्तोमवाहसः ॥ १६४

   १ २ २ ०८०१a  इदँ ह्यन्वोजसा सुतँ राधानां पते ।
   १ २ २ ०८०१c  पिबा त्वा३स्य गिर्वणः ॥ १६५
   १ २ २ ०८०२a  महाँ इन्द्रः पुरश्च नो महित्वमस्तु वज्रिणे ।
   १ २ २ ०८०२c  द्यौर्न प्रथिना शवः ॥ १६६
   १ २ २ ०८०३a  आ तू न इन्द्र क्षुमन्तं चित्रं ग्राभँ सं गृभाय ।
   १ २ २ ०८०३c  महाहस्ती दक्षिणेन ॥ १६७
   १ २ २ ०८०४a  अभि प्र गोपतिं गिरेन्द्रमर्च यथा विदे ।
   १ २ २ ०८०४c  सूनुँ सत्यस्य सत्पतिम् ॥ १६८
   १ २ २ ०८०५a  कया नश्चित्र आ भुवदूती सदावृधः सखा ।
   १ २ २ ०८०५c  कया शचिष्ठया वृता ॥ १६९
   १ २ २ ०८०६a  त्यमु वः सत्रासाहं विश्वासु गीर्ष्वायतम् ।
   १ २ २ ०८०६c  आ च्यावयस्यूतये ॥ १७०
   १ २ २ ०८०७a  सदसस्पतिमद्भुतं प्रियमिन्द्रस्य काम्यम् ।
   १ २ २ ०८०७c  सनिं मेधामयासिषम् ॥ १७१
   १ २ २ ०८०८a  ये ते पन्था अधो दिवो येभिर्व्यश्वमैरयः ।
   १ २ २ ०८०८c  उत श्रोषन्तु नो भुवः ॥ १७२
   १ २ २ ०८०९a  भद्रम्भद्रं न आ भरेषमूर्जँ शतक्रतो ।
   १ २ २ ०८०९c  यदिन्द्र मृडयासि नः ॥ १७३
   १ २ २ ०८१०a  अस्ति सोमो अयँ सुतः पिबन्त्यस्य मरुतः ।
   १ २ २ ०८१०c  उत स्वराजो अश्विना ॥ १७४

   १ २ २ ०९०१a  ईङ्खयन्तीरपस्युव इन्द्रं जातमुपासते ।
   १ २ २ ०९०१c  वन्वानासः सुवीर्यम् ॥ १७५
   १ २ २ ०९०२a  न कि देवा इनीमसि न क्या योपयामसि ।
   १ २ २ ०९०२c  मन्त्रश्रुत्यं चरामसि ॥ १७६
   १ २ २ ०९०३a  दोषो आगाद्बृहद्गाय द्युमद्गामन्नाथर्वण ।
   १ २ २ ०९०३c  स्तुहि देवँ सवितारम् ॥ १७७
   १ २ २ ०९०४a  एषो उषा अपूर्व्या व्युच्छति प्रिया दिवः ।
   १ २ २ ०९०४c  स्तुषे वामश्विना बृहत् ॥ १७८
   १ २ २ ०९०५a  इन्द्रो दधीचो अस्थभिर्वृत्राण्यप्रतिष्कुतः ।
   १ २ २ ०९०५c  जघान नवतीर्नव ॥ १७९
   १ २ २ ०९०६a  इन्द्रेहि मत्स्यन्धसो विश्वेभिः सोमपर्वभिः ।
   १ २ २ ०९०६c  महाँ अभिष्टिरोजसा ॥ १८०
   १ २ २ ०९०७a  आ तू न इन्द्र वृत्रहन्नस्माकमर्धमा गहि ।
   १ २ २ ०९०७c  महान्महीभिरूतिभिः ॥ १८१
   १ २ २ ०९०८a  ओजस्तदस्य तित्विष उभे यत्समवर्तयत् ।
   १ २ २ ०९०८c  इन्द्रश्चर्मेव रोदसी ॥ १८२
   १ २ २ ०९०९a  अयमु ते समतसि कपोत इव गर्भधिम् ।
   १ २ २ ०९०९c  वचस्तच्चिन्न ओहसे ॥ १८३
   १ २ २ ०९१०a  वात आ वातु बेषजँ शम्भु मयोभु नो हृदे ।
   १ २ २ ०९१०c  प्र न अयूँषि तारिषत् ॥ १८४

   १ २ २ १००१a  यँ रक्षन्ति प्रचेतसो वरुणो मित्रो अर्यमा ।
   १ २ २ १००१c  न किः स दभ्यते जनः ॥ १८५
   १ २ २ १००२a  गव्यो षु णो यथा पुराश्वयोत रथया ।
   १ २ २ १००२c  वरिवस्या महोनाम् ॥ १८६
   १ २ २ १००३a  इमास्त इन्द्र पृश्नयो घृतं दुहत आशिरम् ।
   १ २ २ १००३c  एनामृतस्य पिप्युषीः ॥ १८७
   १ २ २ १००४a  अया धिया च गव्यया पुरुणामन्पुरुष्टुत ।
   १ २ २ १००४c  यत्सोमेसोम आभुवः ॥ १८८
   १ २ २ १००५a  पावका नः सरस्वती वाजेभिर्वाजिनीवती ।
   १ २ २ १००५c  यज्ञं वष्टु धियावसुः ॥ १८९
   १ २ २ १००६a  क इमं नाहुषीष्वा इन्द्रँ सोमस्य तर्पयात् ।
   १ २ २ १००६c  स नो वसून्या भरात् ॥ १९०
   १ २ २ १००७a  आ याहि सुषुमा हि त इन्द्र सोमं पिबा इमम् ।
   १ २ २ १००७c  एदं बर्हिः सदो मम ॥ १९१
   १ २ २ १००८a  महि त्रीणामवरस्तु द्युक्षं मित्रस्यार्यम्णः ।
   १ २ २ १००८c  दुराधर्षं वरुणस्य ॥ १९२
   १ २ २ १००९a  त्वावतः पुरूवसो वयमिन्द्र प्रणेतः ।
   १ २ २ १००९c  स्मसि स्थातर्हरीणाम् ॥ १९३

      तृतीय प्रपाठकः ।  प्रथमोऽर्धः
   १ ३ १ ०१०१a  उत्त्वा मन्दन्तु सोमाः कृणुष्व राधो अद्रिवः ।
   १ ३ १ ०१०१c  अव ब्रह्मद्विषो जहि ॥ १९४
   १ ३ १ ०१०२a  गिर्वणः पाहि नः सुतं मधोर्धाराभिरज्यसे ।
   १ ३ १ ०१०२c  इन्द्र त्वादातमिद्यशः ॥ १९५
   १ ३ १ ०१०३a  सदा व इन्द्रश्चर्कृषदा उपो नु स सपर्यन् ।
   १ ३ १ ०१०३c  न देवो वृतः शूर इन्द्रः ॥ १९६
   १ ३ १ ०१०४a  आ त्वा विशन्त्विन्दवः समुद्रमिव सिन्धवः ।
   १ ३ १ ०१०४c  न त्वामिन्द्राति रिच्यते ॥ १९७
   १ ३ १ ०१०५a  इन्द्रमिद्गाथिनो बृहदिन्द्रमर्केभिरर्किणः ।
   १ ३ १ ०१०५c  इन्द्रं वाणीरनूषत ॥ १९८
   १ ३ १ ०१०६a  इन्द्र इषे ददातु न ऋभुक्षणमृभुँ रयिम् ।
   १ ३ १ ०१०६c  वाजी ददातु वाजिनम् ॥ १९९
   १ ३ १ ०१०७a  इन्द्रो अङ्ग महद्भयमभी षदप चुच्यवत् ।
   १ ३ १ ०१०७c  स हि स्थिरो विचर्षणिः ॥ २००
   १ ३ १ ०१०८c  इमा उ त्वा सुतेसुते नक्षन्ते गिर्वणो गिरः ।
   १ ३ १ ०१०८a  गावो वत्सं न धेनवः ॥ २०१
   १ ३ १ ०१०९a  इन्द्रा नु पूषणा वयँ सख्याय स्वस्तये ।
   १ ३ १ ०१०९c  हुवेम वाजसातये ॥ २०२
   १ ३ १ ०११०a  न कि इन्द्र त्वदुत्तरं न ज्यायो अस्ति वृत्रहन् ।
   १ ३ १ ०११०c  न क्येवं यथा त्वम् ॥ २०३

   १ ३ १ ०२०१a  तरणिं वो जनानां त्रदं वाजस्य गोमतः ।
   १ ३ १ ०२०१c  समानमु प्र शँसिषम् ॥ २०४
   १ ३ १ ०२०२a  असृग्रमिन्द्र ते गिरः प्रति त्वामुदहासत ।
   १ ३ १ ०२०२c  सजोषा वृषभं पतिम् ॥ २०५
   १ ३ १ ०२०३a  सुनीथो घा स मर्त्यो यं मरुतो यमर्यमा ।
   १ ३ १ ०२०३c  मित्रास्पान्त्यद्रुहः ॥ २०६
   १ ३ १ ०२०४a  यद्वीडाविन्द्र यत्स्थिरे यत्पर्शाने पराभृतम् ।
   १ ३ १ ०२०४c  वसु स्पार्हं तदा भर ॥ २०७
   १ ३ १ ०२०५a  श्रुतं वो वृत्रहन्तमं प्र शर्धं चर्षणीनाम् ।
   १ ३ १ ०२०५c  आशिषे राधसे महे ॥ २०८
   १ ३ १ ०२०६a  अरं त इन्द्र श्रवसे गमेम शूर त्वावतः ।
   १ ३ १ ०२०६c  अरँ शक्र परेमणि ॥ २०९
   १ ३ १ ०२०७a  धानावन्तं करम्भिणमपूपवन्तमुक्थिनम् ।
   १ ३ १ ०२०७c  इन्द्र प्रातर्जुषस्व नः ॥ २१०
   १ ३ १ ०२०८a  अपां फेनेन नमुचेः शिर इन्द्रोदवर्तयः ।
   १ ३ १ ०२०८c  विश्वा यदजय स्पृधः ॥ २११
   १ ३ १ ०२०९a  इमे त इन्द्र सोमाः सुतासो ये च सोत्वाः ।
   १ ३ १ ०२०९c  तेषां मत्स्व प्रभूवसो ॥ २१२
   १ ३ १ ०२१०a  तुभ्यँ सुतासः सोमाः स्तीर्णं बर्हिर्विभावसो ।
   १ ३ १ ०२१०c  स्तोतृभ्य इन्द्र मृडय ॥ २१३

   १ ३ १ ०३०१a  आ व इन्द्र कृविं यथा वाजयन्तः शतक्रतुम् ।
   १ ३ १ ०३०१c  मँहिष्ठँ सिञ्च इन्दुभिः ॥ २१४
   १ ३ १ ०३०२a  अतश्चिदिन्द्र न उपा याहि शतवाजया ।
   १ ३ १ ०३०२c  इषा सहस्रवाजया ॥ २१५
   १ ३ १ ०३०३a  आ बुन्दं वृत्रहा ददे जातः पृच्छद्वि मातरम् ।
   १ ३ १ ०३०३c  क उग्राः के ह शृण्विरे ॥ २१६
   १ ३ १ ०३०४a  बृबदुक्थँ हवामहे सृप्रकरस्नमूतये ।
   १ ३ १ ०३०४c  साधः कृण्वन्तमवसे ॥ २१७
   १ ३ १ ०३०५a  ऋजुनीती नो वरुणो मित्रो नयति विद्वान् ।
   १ ३ १ ०३०५c  अर्यमा देवैः सजोषाः ॥ २१८
   १ ३ १ ०३०६a  दूरादिहेव यत्सतोऽरुणप्सुरशिश्वितत् ।
   १ ३ १ ०३०६c  वि भानुं विश्वथातनत् ॥ २१९
   १ ३ १ ०३०७a  आ नो मित्रावरुणा घृतैर्गव्यूतिमुक्षतम् ।
   १ ३ १ ०३०७c  मध्वा रजाँसि सुक्रतू ॥ २२०
   १ ३ १ ०३०८a  उदु त्ये सूनवो गिरः काष्ठा यज्ञेष्वत्नत ।
   १ ३ १ ०३०८c  वाश्रा अभिज्ञु यातवे ॥ २२१
   १ ३ १ ०३०९a  इदं विष्णुर्वि चक्रमे त्रेधा नि दधे पदम् ।
   १ ३ १ ०३०९c  समूढमस्य पाँसुले ॥ २२२

   १ ३ १ ०४०१a  अतीहि मन्युषाविणँ सुषुवाँसमुपेरय ।
   १ ३ १ ०४०१c  अस्य रातौ सुतं पिब ॥ २२३
   १ ३ १ ०४०२a  कदु प्रचेतसे महे वचो देवाय शस्यते ।
   १ ३ १ ०४०२c  तदिध्यस्य वर्धनम् ॥ २२४
   १ ३ १ ०४०३a  उक्थं च न शस्यमानं नागो रयिरा चिकेत ।
   १ ३ १ ०४०३c  न गायत्रं गीयमानम् ॥ २२५
   १ ३ १ ०४०४a  इन्द्र उक्थेभिर्मन्दिष्ठो वाजानां च वाजपतिः ।
   १ ३ १ ०४०४c  हरिवान्त्सुतानाँ सखा ॥ २२६
   १ ३ १ ०४०५a  आ याह्युप नः सुतं वाजेभिर्मा हृणीयथाः ।
   १ ३ १ ०४०५c  महाँ इव युवजानिः ॥ २२७
   १ ३ १ ०४०६a  कदा वसो स्तोत्रँ हर्यत आ अव श्मशा रुधद्वाः ।
   १ ३ १ ०४०६c  दीर्घँ सुतम् वाताप्याय ॥ २२८
   १ ३ १ ०४०७a  ब्राह्मणादिन्द्र राधसः पिबा सोममृतूँ रनु ।
   १ ३ १ ०४०७c  तवेदँ सख्यमस्तृतम् ॥ २२९
   १ ३ १ ०४०८a  वयं घा ते अपि स्मसि स्तोतार इन्द्र गिर्वणः ।
   १ ३ १ ०४०८c  त्वं नो जिन्व सोमपाः ॥ २३०
   १ ३ १ ०४०९a  एन्द्र पृक्षु कासु चिन्नृम्णं तनूषु धेहि नः ।
   १ ३ १ ०४०९c  सत्राजिदुग्र पौँस्यम् ॥ २३१
   १ ३ १ ०४१०a  एवा ह्यसि वीरयुरेवा शूर उत स्थिरः ।
   १ ३ १ ०४१०c  एवा ते राध्यं मनः ॥ २३२

   १ ३ १ ०५०१a  अभि त्वा शूर नोनुमोऽदुग्धा इव धेनवः ।
   १ ३ १ ०५०१c  ईशानमस्य जगतः स्वर्दृशमीशानमिन्द्र तस्थुषः ॥ २३३
   १ ३ १ ०५०२a  त्वामिद्धि हवामहे सातौ वाजस्य कार्वः ।
   १ ३ १ ०५०२c  त्वां वृत्रेष्विन्द्र सत्पतिं नरस्त्वां काष्ठास्वर्वतः ॥ २३४
   १ ३ १ ०५०३a  अभि प्र वः सुराधसमिन्द्रमर्च यथा विदे ।
   १ ३ १ ०५०३c  यो जरितृभ्यो मघवा पुरूवसुः सहस्रेणेव शिक्षति ॥ २३५
   १ ३ १ ०५०४a  तं वो दस्ममृतीषहं वसोर्मन्दानमन्धसः ।
   १ ३ १ ०५०४c  अभि वत्सं न स्वसरेषु धेनव इन्द्रं गीर्भिर्नवामहे ॥ २३६
   १ ३ १ ०५०५a  तरोभिर्वो विदद्वसुमिन्द्रँ सबाध ऊतये ।
   १ ३ १ ०५०५c  बृहद्गायन्तः सुतसोमे अध्वरे हुवे भरं न कारिणम् ॥ २३७
   १ ३ १ ०५०६a  तरणिरित्सिषासति वाजं पुरन्ध्या युजा ।
   १ ३ १ ०५०६c  आ व इन्द्रं पुरुहूतं नमे गिरा नेमिं तष्टेव सुद्रुवम् ॥ २३८
   १ ३ १ ०५०७a  पिबा सुतस्य रसिनो मत्स्वा न इन्द्र गोमतः ।
   १ ३ १ ०५०७c  आपिर्नो बोधि सधमाद्ये वृधे३ऽस्माँ अवन्तु ते धियः ॥ २३९
   १ ३ १ ०५०८a  त्वँ ह्येहि चेरवे विदा भगं वसुत्तये ।
   १ ३ १ ०५०८c  उद्वावृषस्व मघवन्गविष्टय उदिन्द्राश्वमिष्टये ॥ २४०
   १ ३ १ ०५०९a  न हि वश्चरमं च न वसिष्ठः परिमँस्ते ।
   १ ३ १ ०५०९c  अस्माकमद्य मरुतः सुते सचा विश्वे पिबन्तु कामिनः ॥ २४१
   १ ३ १ ०५१०a  मा चिदन्यद्वि शँसत सखायो मा रिषण्यत ।
   १ ३ १ ०५१०c  इन्द्रमित्स्तोता वृषणँ सचा सुते मुहुरुक्था च शँसत ॥ २४२

      तृतीय प्रपाठकः ।  द्वितीयोऽर्धः
   १ ३ १ ०६०१a  न किष्टं कर्मणा नशद्यश्चकार सदावृधम् ।
   १ ३ १ ०६०१c  इन्द्रं न यज्ञैर्विश्वगूर्तमृभ्वसमधृष्टं धृष्णुमोजसा ॥ २४३
   १ ३ २ ०६०२a  य ऋते चिदभिश्रिषः पुरा जत्रुभ्य आतृदः ।
   १ ३ २ ०६०२c  सन्धाता सन्धिं मघवा पुरूवसुर्निष्कर्ता विह्रुतं पुनः ॥ २४४
   १ ३ २ ०६०३a  आ त्वा सहस्रमा शतं युक्ता रथे हिरण्यये ।
   १ ३ २ ०६०३c  ब्रह्मयुजो हरय इन्द्र केशिनो वहन्तु सोमपीतये ॥ २४५
   १ ३ २ ०६०४a  आ मन्द्रैरिन्द्र हरिभिर्याहि मयूररोमभिः ।
   १ ३ २ ०६०४c  मा त्वा के चिन्नि येमुरिन्न पाशिनोऽति धन्वेव ताँ इहि ॥ २४६
   १ ३ २ ०६०५a  त्वमङ्ग प्र शँसिषो देवः शविष्ठ मर्त्यम् ।
   १ ३ २ ०६०५c  न त्वदन्यो मघवन्नस्ति मर्डितेन्द्र ब्रवीमि ते वचः ॥ २४७
   १ ३ २ ०६०६a  त्वमिन्द्र यशा अस्यृजीषी शवसस्पतिः ।
   १ ३ २ ०६०६c  त्वं वृत्राणि हँस्यप्रतीन्येक इत्पुर्वनुत्तश्चर्षणीधृतिः ॥ २४८
   १ ३ २ ०६०७a  इन्द्रमिद्देवतातय इन्द्रं प्रयत्यध्वरे ।
   १ ३ २ ०६०७c  इन्द्रँ समीके वनिनो हवामह इन्द्रं धनस्य सातये ॥ २४९
   १ ३ २ ०६०८a  इमा उ त्वा पुरूवसो गिरो वर्धन्तु या मम ।
   १ ३ २ ०६०८c  पावकवर्णाः शुचयो विपश्चितोऽभि स्तोमैरनूषत ॥ २५०
   १ ३ २ ०६०९a  उदु त्ये मधुमत्तमा गिर स्तोमास ईरते ।
   १ ३ २ ०६०९c  सत्राजितो धनसा अक्षितोतयो वाजयन्तो रथा इव ॥ २५१
   १ ३ २ ०६१०a  यथा गौरो अपा कृतं तृष्यन्नेत्यवेरिणम् ।
   १ ३ २ ०६१०c  आपित्वे नः प्रपित्वे तूयमा गहि कण्वेषु सु सचा पिब ॥ २५२

   १ ३ २ ०७०१a  शग्ध्यू३षु शचीपत इन्द्र विश्वाभिरूतिभिः ।
   १ ३ २ ०७०१c  भगं न हि त्वा यशसं वसुविदमनु शूर चरामसि ॥ २५३
   १ ३ २ ०७०२a  या इन्द्र भुज आभरः स्वर्वाँ असुरेभ्यः ।
   १ ३ २ ०७०२c  स्तोतारमिन्मघवन्नस्य वर्धय ये च त्वे वृक्तबर्हिषः ॥ २५४
   १ ३ २ ०७०३a  प्र मित्राय प्रार्यम्णे सचथ्यमृतावसो ।
   १ ३ २ ०७०३c  वरूथ्ये३ वरुणे छन्द्यं वचः स्तोत्रँ राजसु गायत ॥ २५५
   १ ३ २ ०७०४a  अभि त्वा पूर्वपीतय इन्द्र स्तोमेभिरायवः ।
   १ ३ २ ०७०४c  समीचीनास ऋभवः समस्वरन्रुद्रा गृणन्त पूर्व्यम् ॥ २५६
   १ ३ २ ०७०५a  प्र व इन्द्राय बृहते मरुतो ब्रह्मार्चत ।
   १ ३ २ ०७०५c  वृत्रँ हनति वृत्रहा शतक्रतुर्वज्रेण शतपर्वणा ॥ २५७
   १ ३ २ ०७०६a  बृहदिन्द्राय गायत मरुतो वृत्रहन्तमम् ।
   १ ३ २ ०७०६c  येन ज्योतिरजनयन्नृतावृधो देवं देवाय जागृवि ॥ २५८
   १ ३ २ ०७०७a  इन्द्र क्रतुं न आ भर पिता पुत्रेभ्यो यथा ।
   १ ३ २ ०७०७c  शिक्षा णो अस्मिन्पुरुहूत यामनि जीवा ज्योतिरशीमहि ॥ २५९
   १ ३ २ ०७०८a  मा न इन्द्र परा वृणग्भवा नः सधमाद्ये ।
   १ ३ २ ०७०८c  त्वं न ऊती त्वमिन्न आप्यम् मा न इन्द्र परा वृणक् ॥ २६०
   १ ३ २ ०७०९a  वयं घ त्वा सुतावन्त आपो न वृक्तबर्हिषः ।
   १ ३ २ ०७०९c  पवित्रस्य प्रस्रवणेषु वृत्रहन्परि स्तोतार आसते ॥ २६१
   १ ३ २ ०७१०a  यदिन्द्र नाहुषीष्वा ओजो नृम्णं च कृष्टिषु ।
   १ ३ २ ०७१०c  यद्वा पञ्च क्षितीनां द्युम्नमा भर सत्रा विश्वानि पौँस्या ॥ २६२

   १ ३ २ ०८०१a  सत्यमित्था वृषेदसि वृषजूतिर्नोऽविता ।
   १ ३ २ ०८०१c  वृषा ह्युग्र शृण्विषे परावति वृषो अर्वावति श्रुतः ॥ २६३
   १ ३ २ ०८०२a  यच्छक्रासि परावति यदर्वावति वृत्रहन् ।
   १ ३ २ ०८०२c  अतस्त्वा गीर्भिर्द्युगदिन्द्र केशिभिः सुतावाँ आ विवासति ॥ २६४
   १ ३ २ ०८०३a  अभि वो वीरमन्धसो मदेषु गाय गिरा महा विचेतसम् ।
   १ ३ २ ०८०३c  इन्द्रं नाम श्रुत्यँ शाकिनं वचो यथा ॥ २६५
   १ ३ २ ०८०४a  इन्द्र त्रिधातु शरणं त्रिवरूथँ स्वस्तये ।
   १ ३ २ ०८०४c  छर्दिर्यच्छ मघवद्भ्यश्च मह्यं च यावया दिद्युमेभ्यः ॥ २६६
   १ ३ २ ०८०५a  श्रायन्त इव सूर्यं विश्वेदिन्द्रस्य भक्षत ।
   १ ३ २ ०८०५c  वसूनि जातो जनिमान्योजसा प्रति भागं न दीधिमः ॥ २६७
   १ ३ २ ०८०६a  न सीमदेव आप तदिषं दीर्घायो मर्त्यः ।
   १ ३ २ ०८०६c  एतग्वा चिद्या एतशो युयोजत इन्द्रो हरी युयोजते ॥ २६८
   १ ३ २ ०८०७a  आ नो विश्वासु हव्यमिन्द्रँ समत्सु भूषत ।
   १ ३ २ ०८०७c  उप ब्रह्माणि सवनानि वृत्रहन्परमज्या ऋचीषम ॥ २६९
   १ ३ २ ०८०८a  तवेदिन्द्रावमं वसु त्वं पुष्यसि मध्यमम् ।
   १ ३ २ ०८०८c  सत्रा विश्वस्य परमस्य राजसि न किष्ट्वा गोषु वृण्वते ॥ २७०
   १ ३ २ ०८०९a  क्वेयथ क्वेदसि पुरुत्रा चिद्धि ते मनः ।
   १ ३ २ ०८०९c  अलर्षि युध्म खजकृत्पुरन्दर प्र गायत्रा अगासिषुः ॥ २७१
   १ ३ २ ०८१०a  वयमेनमिदा ह्योपीपेमेह वज्रिणम् ।
   १ ३ २ ०८१०c  तस्मा उ अद्य सवने सुतं भरा नूनं भूषत श्रुते ॥ २७२

   १ ३ २ ०९०१a  यो राजा चर्षणीनां याता रथेभिरध्रिगुः ।
   १ ३ २ ०९०१c  विश्वासां तरुता पृतनानां ज्येष्ठं यो वृत्रहा गृणे ॥ २७३
   १ ३ २ ०९०२a  यत इन्द्र भयामहे ततो नो अभयं कृधि ।
   १ ३ २ ०९०२c  मघवञ्छग्धि तव तन्न ऊतये वि द्विषो वि मृधो जहि ॥ २७४
   १ ३ २ ०९०३a  वास्तोष्पते ध्रुवा स्थूणाँ सत्रँ सोम्यानाम् ।
   १ ३ २ ०९०३c  द्रप्सः पुरां भेत्ता शश्वतीनामिन्द्रो मुनीनाँ सखा ॥ २७५
   १ ३ २ ०९०४a  बण्महाँ असि सूर्य बडादित्य महाँ असि ।
   १ ३ २ ०९०४c  महस्ते सतो महिमा पनिष्टम मह्ना देव महाँ असि ॥ २७६
   १ ३ २ ०९०५a  अश्वी रथी सुरूप इद्गोमाँ यदिन्द्र ते सखा ।
   १ ३ २ ०९०५c  श्वात्रभाजा वयसा सचते सदा चन्द्रैर्याति सभामुप ॥ २७७
   १ ३ २ ०९०६a  यद्द्याव इन्द्र ते शतँ शतं भूमीरुत स्युः ।
   १ ३ २ ०९०६c  न त्वा वज्रिन्त्सहस्रँ सूर्या अनु न जातमष्ट रोदसी ॥ २७८
   १ ३ २ ०९०७a  यदिन्द्र प्रागपागुदग्न्यग्वा हूयसे नृभिः ।
   १ ३ २ ०९०७c  सिमा पुरू नृषूतो अस्यानवेऽसि प्रशर्ध तुर्वशे ॥ २७९
   १ ३ २ ०९०८a  कस्तमिन्द्र त्वा वसवा मर्त्यो दधर्षति ।
   १ ३ २ ०९०८c  श्रद्धा हि ते मघवन्पार्ये दिवि वाजी वाजँ सिषासति ॥ २८०
   १ ३ २ ०९०९a  इन्द्राग्नी अपादियं पूर्वागात्पद्वतीभ्यः ।
   १ ३ २ ०९०९c  हित्वा शिरो जिह्वया रारपच्चरत्त्रिँशत्पदा न्यक्रमीत् ॥ २८१
   १ ३ २ ०९१०a  इन्द्र नेदीय एदिहि मितमेधाभिरूतिभिः ।
   १ ३ २ ०९१०c  आ शं तम शं तमाभिरभिष्टिभिरा स्वापे स्वापिभिः ॥ २८२

   १ ३ २ १००१a  इत ऊती वो अजरं प्रहेतारमप्रहितम् ।
   १ ३ २ १००१c  आशुं जेतारँ हेतारँ रथीतममतूर्तं तुग्रियावृधम् ॥ २८३
   १ ३ २ १००२a  मो षु त्वा वाघतश्च नारे अस्मन्नि रीरमन् ।
   १ ३ २ १००२c  आरात्ताद्वा सधमादं न आ गहीह वा सन्नुप श्रुधि ॥ २८४
   १ ३ २ १००३a  सुनोत सोमपाव्ने सोममिन्द्राय वज्रिणे ।
   १ ३ २ १००३c  पचता पक्तीरवसे कृणुध्वमित्पृणन्नित्पृणते मयः ॥ २८५
   १ ३ २ १००४a  यः सत्राहा विचर्षणिरिन्द्रं तँ हूमहे वयम् ।
   १ ३ २ १००४c  सहस्रमन्यो तुविनृम्ण सत्पते भवा समत्सु नो वृधे ॥ २८६
   १ ३ २ १००५a  शचीभिर्नः शचीवसू दिवानक्तं दिशस्यतम् ।
   १ ३ २ १००५c  मा वाँ रातिरुप दसत्कदा च नास्मद्रातिः कदा च न ॥ २८७
   १ ३ २ १००६a  यदा कदा च मीढुषे स्तोता जरेत मर्त्यः ।
   १ ३ २ १००६c  आदिद्वन्देत वरुणं विपा गिरा धर्त्तारं विव्रतानाम् ॥ २८८
   १ ३ २ १००७a  पाहि गा अन्धसो मद इन्द्राय मेध्यातिथे ।
   १ ३ २ १००७c  यः सम्मिश्लो हर्योर्यो हिरण्यय इन्द्रो वज्री हिरण्ययः ॥ २८९
   १ ३ २ १००८a  उभयँ शृणवच्च न इन्द्रो अर्वागिदं वचः ।
   १ ३ २ १००८c  सत्राच्या मघवान्त्सोमपीतये धिया शविष्ठ आ गमत् ॥ २९०
   १ ३ २ १००९a  महे च न त्वाद्रिवः परा शुल्काय दीयसे ।
   १ ३ २ १००९c  न सहस्राय नायुताये वज्रिवो न शताय शतामघ ॥ २९१
   १ ३ २ १०१०a  वस्याँ इन्द्रासि मे पितुरुत भ्रातुरभुञ्जतः ।
   १ ३ २ १०१०c  माता च मे छदयथः समा वसो वसुत्वनाय राधसे ॥ २९२

      चतुर्थ प्रपाठकः ।  प्रथमोऽर्धः
   १ ४ १ ०१०१a  इम इन्द्राय सुन्विरे सोमासो दध्याशिरः ।
   १ ४ १ ०१०१c  ताँ आ मदाय वज्रहस्त पीतये हरिभ्यां याह्योक आ ॥ २९३
   १ ४ १ ०१०२a  इम इन्द्र मदाय ते सोमाश्चिकित्र उकिथनः ।
   १ ४ १ ०१०२c  मधोः पपान उप नो गिरः शृणु रास्व स्तोत्राय गिर्वणः ॥ २९४
   १ ४ १ ०१०३a  आ त्वा३द्य सबर्दुघाँ हुवे गायत्रवेपसम् ।
   १ ४ १ ०१०३c  इन्द्रं धेनुँ सुदुघामन्यामिषमुरुधारामरङ्कृतम् ॥ २९५
   १ ४ १ ०१०४a  न त्वा बृहन्तो अद्रयो वरन्त इन्द्र वीडवः ।
   १ ४ १ ०१०४c  यच्छिक्षसि स्तुवते मावते वसु न किष्टदा मिनाति ते ॥ २९६
   १ ४ १ ०१०५a  क ईं वेद सुते सचा पिबन्तं कद्वयो दधे ।
   १ ४ १ ०१०५c  अयं यः पुरो विभिनत्योजसा मन्दानः शिप्र्यन्धसः ॥ २९७
   १ ४ १ ०१०६a  यदिन्द्र शासो अव्रतं च्यावया सदसस्परि ।
   १ ४ १ ०१०६c  अस्माकमँशुं मघवन्पुरुस्पृहं वसव्ये अधि बर्हय ॥ २९८
   १ ४ १ ०१०७a  त्वष्टा नो दैव्यं वचः पर्जन्यो ब्रह्मणस्पतिः ।
   १ ४ १ ०१०७c  पुत्रैर्भ्रातृभिरदितिर्नु पातु नो दुष्टरं त्रामणं वचः ॥ २९९
   १ ४ १ ०१०८a  कदा च न स्तरीरसि नेन्द्र सश्चसि दाशुषे ।
   १ ४ १ ०१०८c  उपोपेन्नु मघवन्भूय इन्नु ते दानं देवस्य पृच्यते ॥ ३००
   १ ४ १ ०१०९a  युङ्क्ष्वा हि वृत्रहन्तम हरी इन्द्र परावतः ।
   १ ४ १ ०१०९c  अर्वाचीनो मघवन्त्सोमपीतय उग्र ऋष्वेभिरा गहि ॥ ३०१
   १ ४ १ ०११०a  त्वामिदा ह्यो नरोऽपीप्यन्वज्रिन्भूर्णयः ।
   १ ४ १ ०११०c  स इन्द्र स्तोमवाहस इह श्रुध्युप स्वसरमा गहि ॥ ३०२

   १ ४ १ ०२०१a  प्रत्यु अदर्श्यायत्यू३च्छन्ती दुहिता दिवः ।
   १ ४ १ ०२०१c  अपो मही वृणुते चक्षुषा तमो ज्योतिष्कृणोति सूनरि ॥ ३०३
   १ ४ १ ०२०२a  इमा उ वां दिविष्टय उस्रा हवन्ते अश्विना ।
   १ ४ १ ०२०२c  अयं वामह्वेऽवसे शचीवसू विशंविशँ हि गच्छथः ॥ ३०४
   १ ४ १ ०२०३a  कु ष्ठः को वामश्विना तपानो देवा मर्त्यः ।
   १ ४ १ ०२०३c  घ्नता वामश्मया क्षपमाणोँशुनेत्थमु आदुन्यथा ॥ ३०५
   १ ४ १ ०२०४a  अयं वां मधुमत्तमः सुतः सोमो दिविष्टिषु ।
   १ ४ १ ०२०४c  तमश्विना पिबतं तिरो अह्न्यं धत्तँ रत्नानि दाशुषे ॥ ३०६
   १ ४ १ ०२०५a  आ त्वा सोमस्य गल्दया सदा याचन्नहं ज्या ।
   १ ४ १ ०२०५c  भूर्णिं मृगं न सवनेषु चुक्रुधं क ईशानं न याचिषत् ॥ ३०७
   १ ४ १ ०२०६a  अध्वर्यो द्रावया त्वँ सोममिन्द्रः पिपासति ।
   १ ४ १ ०२०६c  उपो नूनं युयुजे वृष्णा हरी आ च जगाम वृत्रहा ॥ ३०८
   १ ४ १ ०२०७a  अभी षतस्तदा भरेन्द्र ज्यायः कनीयसः ।
   १ ४ १ ०२०७c  पुरूवसुर्हि मघवन्बभूविथ भरेभरे च हव्यः ॥ ३०९
   १ ४ १ ०२०८a  यदिन्द्र यावतस्त्वमेतावदहमीशीय ।
   १ ४ १ ०२०८c  स्तोतारमिद्दधिषे रदावसो न पापत्वाय रँसिषम् ॥ ३१०
   १ ४ १ ०२०९a  त्वमिन्द्र प्रतूर्तिष्वभि विश्वा असि स्पृधः ।
   १ ४ १ ०२०९c  अशस्तिहा जनिता वृत्रतूरसि त्वं तूर्य तरुष्यतः ॥ ३११
   १ ४ १ ०२१०a  प्र यो रिरिक्ष ओजसा दिवः सदोभ्यस्परि ।
   १ ४ १ ०२१०c  न त्वा विव्याच रज इन्द्र पार्थिवमति विश्वं ववक्षिथ ॥ ३१२

   १ ४ १ ०३०१a  असावि देवं गोऋजीकमन्धो न्यस्मिन्निन्द्रो जनुषेमुवोच ।
   १ ४ १ ०३०१c  बोधामसि त्वा हर्यश्व यज्ञैर्बोधा न स्तोममन्धसो मदेषु ॥ ३१३
   १ ४ १ ०३०२a  योनिष्ट इन्द्र सदने अकारि तमा नृभिः पुरूहूत प्र याहि ।
   १ ४ १ ०३०२c  असो यथा नोऽविता वृधश्चिद्ददो वसूनि ममदश्च सोमैः ॥ ३१४
   १ ४ १ ०३०३a  अदर्दरुत्समसृजो वि खानि त्वमर्णवान्बद्बधानाँ अरम्णाः ।
   १ ४ १ ०३०३c  महान्तमिन्द्र पर्वतं वि यद्वः सृजद्धारा अव यद्दानवान्हन् ॥ ३१५
   १ ४ १ ०३०४a  सुष्वाणास इन्द्र स्तुमसि त्वा सनिष्यन्तश्चित्तुविनृम्ण वाजम् ।
   १ ४ १ ०३०४c  आ नो भर सुवितं यस्य कोना तना त्मना सह्यामा त्वोताः ॥ ३१६
   १ ४ १ ०३०५a  जगृह्मा ते दक्षिणमिन्द्र हस्तं वसूयवो वसुपते वसूनाम् ।
   १ ४ १ ०३०५c  विद्मा हि त्वा गोपतिँ शूर गोनामस्मभ्यं चित्रं वृषणँ रयिन्दाः ॥ ३१७
   १ ४ १ ०३०६a  इन्द्रं नरो नेमधिता हवन्ति यत्पार्या युनजते धियस्ताः ।
   १ ४ १ ०३०६c  शूरो नृषाता श्रवसश्च काम आ गोमति व्रजे भजा त्वं नः ॥ ३१८
   १ ४ १ ०३०७a  वयः सुपर्णा उप सेदुरिन्द्रं प्रियमेधा ऋषयो नाधमानाः ।
   १ ४ १ ०३०७c  अप ध्वान्तमूर्णुहि पूर्धि चक्षुर्मुमुग्ध्या३स्मान्निधयेव बद्धान् ॥ ३१९
   १ ४ १ ०३०८a  नाके सुपर्णमुप यत्पतन्तँ हृदा वेनन्तो अभ्यचक्षत त्वा ।
   १ ४ १ ०३०८c  हिरण्यपक्षं वरुणस्य दूतं यमस्य योनौ शकुनं भुरण्युम् ॥ ३२०
   १ ४ १ ०३०९a  ब्रह्म जज्ञानं प्रथमं पुरस्ताद्वि सीमतः सुरुचो वेन आवः ।
   १ ४ १ ०३०९c  स बुध्न्या उपमा अस्य विष्ठाः सतश्च योनिमसतश्च विवः ॥ ३२१
   १ ४ १ ०३१०a  अपूर्व्या पुरुतमान्यस्मै महे वीराय तवसे तुराय ।
   १ ४ १ ०३१०c  विरप्शिने वज्रिणे शन्तमानि वचाँस्यास्मै स्थविराय तक्षुः ॥ ३२२

   १ ४ १ ०४०१a  अव द्रप्सो अँशुमतीमतिष्ठदीयानः कृष्णो दशभिः सहस्रैः ।
   १ ४ १ ०४०१c  आवत्तमिन्द्रः शच्या धमन्तमप स्नीहितिं नृमणा अधद्राः ॥ ३२३
   १ ४ १ ०४०२a  वृत्रस्य त्वा श्वसथादीषमाणा विश्वे देवा अजहुर्ये सखायः ।
   १ ४ १ ०४०२c  मरुद्भिरिन्द्र सख्यं ते अस्त्वथेमा विश्वाः पृतना जयासि ॥ ३२४
   १ ४ १ ०४०३a  विधुं दद्राणँ समने बहूनाँ युवानँ सन्तं पलितो जगार ।
   १ ४ १ ०४०३c  देवस्य पश्य काव्यं महित्वाद्या ममार स ह्यः समान ॥ ३२५
   १ ४ १ ०४०४a  त्वँ ह त्यत्सप्तभ्यो जायमानोऽशत्रुभ्यो अभवः शत्रुरिन्द्र ।
   १ ४ १ ०४०४c  गूढे द्यावापृथिवी अन्वविन्दो विभुमद्भ्यो भुवनेभ्यो रणं धाः ॥ ३२६
   १ ४ १ ०४०५a  मेडिं न त्वा वज्रिणं भृष्टिमन्तं पुरुधस्मानं वृषभँ स्थिरप्स्नुम् ।
   १ ४ १ ०४०५c  करोष्यर्यस्तरुषीर्दुवस्युरिन्द्र द्युक्षं वृत्रहणं गृणीषे ॥ ३२७
   १ ४ १ ०४०६a  प्र वो महे महेवृधे भरध्वं प्रचेतसे प्र सुमतिं कृणुध्वम् ।
   १ ४ १ ०४०६a  विशः पूर्वीः प्र चर चर्षणिप्राः ॥ ३२८
   १ ४ १ ०४०७a  शुनँ हुवेम मघवानमिन्द्रमस्मिन्भरे नृतमं वाजसातौ ।
   १ ४ १ ०४०७c  शृण्वन्तमुग्रमूतये समत्सु ध्नन्तं वृत्राणि सञ्जितं धनानि ॥ ३२९
   १ ४ १ ०४०८a  उदु ब्रह्माण्यैरत श्रवस्येन्द्रँ समर्ये महया वसिष्ठ ।
   १ ४ १ ०४०८c  आ यो विश्वानि श्रवसा ततानोपश्रोता म ईवतो वचाँसि ॥ ३३०
   १ ४ १ ०४०९a  चक्रं यदस्याप्स्वा निषत्तमुतो तदस्मै मध्विच्चच्छद्यात् ।
   १ ४ १ ०४०९c  पृथिव्यामतिषितं यदूधः पयो गोष्वदधा ओषधीषु ॥ ३३१

   १ ४ १ ०५०१a  त्यमू षु वाजिनं देवजूतँ सहोवानं तरुतारँ रथानाम् ।
   १ ४ १ ०५०१c  अरिष्टनेमिं पृतनाजमाशुँ स्वस्तये तार्क्ष्यमिहा हुवेम ॥ ३३२
   १ ४ १ ०५०२a  त्रातारमिन्द्रमवितारमिन्द्रँ हवेहवे सुहवँ शूरमिन्द्रम् ।
   १ ४ १ ०५०२c  हुवे नु शक्रं पुरुहूतमिन्द्रमिदँ हविर्मघवा वेत्विन्द्रः ॥ ३३३
   १ ४ १ ०५०३a  यजामह इन्द्रं वज्रदक्षिणँ हरीणाँ रथ्य३ं विव्रतानाम् ।
   १ ४ १ ०५०३c  प्र श्मश्रुभिर्दोधुवदूर्ध्वधा भुवद्वि सेनाभिर्भयमानो वि राधसा ॥ ३३४
   १ ४ १ ०५०४a  सत्राहणं दाधृषिं तुम्रमिन्द्रं महामपारं वृशभँ सुवज्रम् ।
   १ ४ १ ०५०४c  हन्ता यो वृत्रँ सनितोत वाजं दाता मघानि मघवा सुराधाः ॥ ३३५
   १ ४ १ ०५०५a  यो नो वनुष्यन्नभिदाति मर्त उगणा वा मन्यमानस्तुरो वा ।
   १ ४ १ ०५०५c  क्षिधी युधा शवसा वा तमिन्द्राभी ष्याम वृषमणस्त्वोताः ॥ ३३६
   १ ४ १ ०५०६a  यं वृत्रेषु क्षितय स्पर्धमाना यं युक्तेषु तुरयन्तो हवन्ते ।
   १ ४ १ ०५०६c  यँ शूरसातौ यमपामुपज्मन्यं विप्रासो वाजयन्ते स इन्द्रः ॥ ३३७
   १ ४ १ ०५०७a  इन्द्रापर्वता बृहता रथेन वामीरिष आ वहतँ सुवीराः ।
   १ ४ १ ०५०७c  वीतँ हव्यान्यध्वरेषु देवा वर्धेथां गीर्भीरिडया मदन्ता ॥ ३३८
   १ ४ १ ०५०८a  इन्द्राय गिरो अनिशितसर्गा अपः प्रैरयत्सगरस्य बुध्नात् ।
   १ ४ १ ०५०८c  यो अक्षेणेव चक्रियौ शचीभिर्विष्वक्तस्तम्भ पृथिवीमुत द्याम् ॥ ३३९
   १ ४ १ ०५०९a  आ त्वा सखायः सख्या ववृत्युस्तिरः पुरू चिदर्णवां जगम्याः ।
   १ ४ १ ०५०९c  पितुर्नपातमा दधित वेधा अस्मिन्क्षये प्रतरां दीद्यानः ॥ ३४०
   १ ४ १ ०५१०a  को अद्य युङ्क्ते धुरि गा ऋतस्य शिमीवतो भामिनो दुर्हृणायून् ।
   १ ४ १ ०५१०c  आसन्नेषामप्सुवाहो मयोभून्य एषां भृत्यामृणधत्स जीवात् ॥ ३४१

      चतुर्थ प्रपाठकः ।  द्वितीयोऽर्धः
   १ ४ २ ०६०१a  गायन्ति त्वा गायत्रिणोऽर्चन्त्यर्कमर्किणः ।
   १ ४ २ ०६०१c  ब्रह्माणस्त्वा शतक्रत उद्वँशमिव येमिरे ॥ ३४२
   १ ४ २ ०६०२a  इन्द्रं विश्वा अवीवृधन्त्समुद्रव्यचसं गिरः ।
   १ ४ २ ०६०२c  रथीतमँ रथीनां वाजानाँ सत्पतिं पतिम् ॥ ३४३
   १ ४ २ ०६०३a  इममिन्द्र सुतं पिब ज्येष्ठममर्त्यं मदम् ।
   १ ४ २ ०६०३c  शुक्रस्य त्वाभ्यक्षरन्धारा ऋतस्य सादने ॥ ३४४
   १ ४ २ ०६०४a  यदिन्द्र चित्र म इह नास्ति त्वादातमद्रिवः ।
   १ ४ २ ०६०४c  राधस्तन्नो विदद्वस उभयाहस्त्या भर ॥ ३४५
   १ ४ २ ०६०५a  श्रुदी हवं तिरश्च्या इन्द्र यस्त्वा सपर्यति ।
   १ ४ २ ०६०५c  सुवीर्यस्य गोमतो रायस्पूर्धि महाँ असि ॥ ३४६
   १ ४ २ ०६०६a  असावि सोम इन्द्र ते शविष्ठ धृष्णवा गहि ।
   १ ४ २ ०६०६c  आ त्वा पृणक्त्विन्द्रियँ रजः सूर्यो न रश्मिभिः ॥ ३४७
   १ ४ २ ०६०७a  एन्द्र याहि हरिभिरुप कण्वस्य सुष्टुतिम् ।
   १ ४ २ ०६०७c  दिवो अमुष्य शासतो दिवं यय दिवावसो ॥ ३४८
   १ ४ २ ०६०८a  आ त्वा गिरो रथीरिवास्थुः सुतेषु गिर्वणः ।
   १ ४ २ ०६०८c  अभि त्वा समनूषत गावो वत्सं न धेनवः ॥ ३४९
   १ ४ २ ०६०९a  एतो न्विन्द्रँ स्तवाम शुद्धँ शुद्धेन साम्ना ।
   १ ४ २ ०६०९c  शुद्धैरुक्थैर्वावृध्वाँसँ शुद्धैराशीर्वान्ममत्तु ॥ ३५०
   १ ४ २ ०६१०a  यो रयिं वो रयिन्तमो यो द्युम्नैर्द्युम्नवत्तमः ।
   १ ४ २ ०६१०c  सोमः सुतः स इन्द्र तेऽस्ति स्वधापते मदः ॥ ३५१

   १ ४ २ ०७०१a  प्रत्यस्मै पिपीषते विश्वानि विदुषे भर ।
   १ ४ २ ०७०१c  अरङ्गमाय जग्मयेऽपश्चादध्वने नरः ॥ ३५२
   १ ४ २ ०७०२a  आ नो वयोवयःशयं महान्तं गह्वरेष्ठां महान्तं पूर्विनेष्ठाम् ।
   १ ४ २ ०७०२c  उग्रं वचो अपावधीः ॥ ३५३
   १ ४ २ ०७०३a  आ त्वा रथं यथोतये सुम्नाय वर्तयामसि ।
   १ ४ २ ०७०३c  तुविकूर्मिमृतीषहमिन्द्रँ शविष्ठ सत्पतिम् ॥ ३५४
   १ ४ २ ०७०४a  स पूर्व्यो महोनां वेनः क्रतुभिरानजे ।
   १ ४ २ ०७०४c  यस्य द्वारा मनुः पिता देवेषु धिय आनजे ॥ ३५५
   १ ४ २ ०७०५a  यदी वहन्त्याशवो भ्राजमाना रथेष्वा ।
   १ ४ २ ०७०५c  पिबन्तो मदिरं मधु तत्र श्रवाँसि कृण्वते ॥ ३५६
   १ ४ २ ०७०६a  त्यमु वो अप्रहणं गृणीषे शवसस्पतिम् ।
   १ ४ २ ०७०६c  इन्द्रं विश्वासाहं नरँ शचिष्ठं विश्ववेदसम् ॥ ३५७
   १ ४ २ ०७०७a  दधिक्राव्णो अकारिषं जिष्णोरश्वस्य वाजिनः ।
   १ ४ २ ०७०७c  सुरभि नो मुखा करत्प्र न आयूँषि तारिषत् ॥ ३५८
   १ ४ २ ०७०८a  पुरां भिन्दुर्युवा कविरमितौजा अजायत ।
   १ ४ २ ०७०८c  इन्द्रो विश्वस्य कर्मणो धर्त्ता वज्री पुरुष्टुतः ॥ ३५९

   १ ४ २ ०८०१a  प्रप्र वस्त्रिष्टुभमिषं वन्दद्वीरायेन्दवे ।
   १ ४ २ ०८०१c  धिया वो मेधसातये पुरन्ध्या विवासति ॥ ३६०
   १ ४ २ ०८०२a  कश्यपस्य स्वर्विदो यावाहुः सयुजाविति ।
   १ ४ २ ०८०२c  ययोर्विश्वमपि व्रतं यज्ञं धीरा निचाय्य ॥ ३६१
   १ ४ २ ०८०३a  अर्चत प्रार्चता नरः प्रियमेधासो अर्चत ।
   १ ४ २ ०८०३c  अर्चन्तु पुत्रका उत पुरमिद्धृष्ण्वर्चत ॥ ३६२
   १ ४ २ ०८०४a  उक्थमिन्द्राय शँस्यं वर्धनं पुरुनिःषिधे ।
   १ ४ २ ०८०४c  शक्रो यथा सुतेषु नो रारणत्सख्येषु च ॥ ३६३
   १ ४ २ ०८०५a  विश्वानरस्य वस्पतिमनानतस्य शवसः ।
   १ ४ २ ०८०५c  एवैश्च चर्षणीनामूती हुवे रथानाम् ॥ ३६४
   १ ४ २ ०८०६a  स घा यस्ते दिवो नरो धिया मर्तस्य शमतः ।
   १ ४ २ ०८०६c  ऊती स बृहतो दिवो द्विषो अँहो न तरति ॥ ३६५
   १ ४ २ ०८०७a  विभोष्ट इन्द्र राधसो विभ्वी रातिः शतक्रतो ।
   १ ४ २ ०८०७c  अथा नो विश्वचर्षणे द्युम्नँ सुदत्र मँहय ॥ ३६६
   १ ४ २ ०८०८a  वयश्चित्ते पतत्रिणो द्विपाच्चतुष्पादर्जुनि ।
   १ ४ २ ०८०८c  उषः प्रारन्नृतूँरनु दिवो अन्तेभ्यस्परि ॥ ३६७
   १ ४ २ ०८०९a  अमी ये देवा स्थन मध्य आ रोचने दिवः ।
   १ ४ २ ०८०९c  कद्व ऋतं कदमृतं का प्रत्ना व आहुतिः ॥ ३६८
   १ ४ २ ०८१०a  ऋचँ साम यजामहे याभ्यां कर्माणि कृण्वते ।
   १ ४ २ ०८१०c  वि ते सदसि राजतो यज्ञं देवेषु वक्षतः ॥ ३६९

   १ ४ २ ०९०१a  विश्वाः पृतना अभिभूतरं नरः सजूस्ततक्षुरिन्द्रं जजनुश्च राजसे ।
   १ ४ २ ०९०१c  क्रत्वे वरे स्थेमन्यामुरीमुतोग्रमोजिष्ठं तरसं तरस्विनम् ॥ ३७०
   १ ४ २ ०९०२a  श्रत्ते दधामि प्रथमाय मन्यवेऽहन्यद्दस्युं नर्यं विवेरपः ।
   १ ४ २ ०९०२c  उभे यत्वा रोदसी धावतामनु भ्यसात्ते शुष्मात्पृथिवी चिदद्रिवः ॥ ३७१
   १ ४ २ ०९०३a  समेत विश्वा ओजसा पतिं दिवो य एक इद्भूरतिथिर्जनानाम्
   १ ४ २ ०९०३c  स पूर्व्यो नूतनमाजिगीषं तं वर्त्तनीरनु वावृत एक इत् ॥ ३७२
   १ ४ २ ०९०४a  इमे त इन्द्र ते वयं पुरुष्टुत ये त्वारभ्य चरामसि प्रभूवसो ।
   १ ४ २ ०९०४c  न हि त्वदन्यो गिर्वणो गिरः सघत्क्षोणीरिव प्रति तद्धर्य नो वचः ॥ ३७३
   १ ४ २ ०९०५a  चर्षणीधृतं मघवानमुक्थ्या३मिन्द्रं गिरो बृहतीरभ्यनूषत ।
   १ ४ २ ०९०५c  वावृधानं पुरुहूतँ सुवृक्तिभिरमर्त्यं जरमाणं दिवेदिवे ॥ ३७४
   १ ४ २ ०९०६a  अच्छा व इन्द्रं मतयः स्वर्युवः सध्रीचीर्विश्वा उशतीरनूषत ।
   १ ४ २ ०९०६c  परि ष्वजन्त जनयो यथा पतिं मर्यं न शुन्ध्युं मघवानमूतये ॥ ३७५
   १ ४ २ ०९०७a  अभि त्यं मेषं पुरुहूतमृग्मियमिन्द्रं गीर्भिर्मदता वस्वो अर्णवम् ।
   १ ४ २ ०९०७c  यस्य द्यावो न विचरन्ति मानुषं भुजे मँहिष्ठमभि विप्रमर्चत ॥ ३७६
   १ ४ २ ०९०८a  त्यँ सु मेषं महया स्वर्विदँ शतं यस्य सुभुवः साकमीरते ।
   १ ४ २ ०९०८c  अत्यं न वाजँ हवनस्यदँ रथमेन्द्रं ववृत्यामवसे सुवृक्तिभिः ॥ ३७७
   १ ४ २ ०९०९a  घृतवती भुवनानामभिश्रियोर्वी पृथ्वी मधुदुघे सुपेशसा ।
   १ ४ २ ०९०९c  द्यावापृथिवी वरुणस्य धर्मणा विष्कभिते अजरे भूरिरेतसा ॥ ३७८
   १ ४ २ ०९१०a  उभे यदिन्द्र रोदसी आपप्राथोषा इव ।
   १ ४ २ ०९१०c  महान्तं त्वा महीनाँ सम्राजं चर्षणीनाम् ।
   १ ४ २ ०९१०e  देवी जनित्र्यजीजनद्भद्रा जनित्र्यजीजनत् ॥ ३७९
   १ ४ २ ०९११a  प्र मन्दिने पितुमदर्चता वचो यः कृष्णगर्भा निरहन्नृजिश्वना ।
   १ ४ २ ०९११c  अवस्यवो वृषणं वज्रदक्षिणं मरुत्वन्तँ सख्याय हुवेमहि ॥ ३८०

   १ ४ २ १००१a  इन्द्र सुतेषु सोमेषु क्रतुं पुनीष उक्थ्यम् ।
   १ ४ २ १००१c  विदे वृधस्य दक्षस्य महाँ हि षः ॥ ३८१
   १ ४ २ १००२a  तमु अभि प्र गायत पुरुहूतं पुरुष्टुतम् ।
   १ ४ २ १००२c  इन्द्रं गीर्भिस्तविषमा विवासत ॥ ३८२
   १ ४ २ १००३a  तं ते मदं गृणीमसि वृषणं पृक्षु सासहिम् ।
   १ ४ २ १००३c  उ लोककृत्नुमद्रिवो हरिश्रियम् ॥ ३८३
   १ ४ २ १००४a  यत्सोममिन्द्र विष्णवि यद्वा घ त्रित आप्त्ये ।
   १ ४ २ १००४c  यद्वा मरुत्सु मन्दसे समिन्दुभिः ॥ ३८४
   १ ४ २ १००५a  एदु मधोर्मदिन्तरँ सिञ्चाध्वर्यो अन्धसः ।
   १ ४ २ १००५c  एवा हि वीरस्तवते सदावृधः ॥ ३८५
   १ ४ २ १००६a  एन्दुमिन्द्राय सिञ्चत पिबाति सोम्यं मधु ।
   १ ४ २ १००६c  प्र राधाँसि चोदयते महित्वना ॥ ३८६
   १ ४ २ १००७a  एतो न्विन्द्रँ स्तवाम सखायः स्तोम्यं नरम् ।
   १ ४ २ १००७c  कृष्टीर्यो विश्वा अभ्यस्त्येक इत्  ॥ ३८७
   १ ४ २ १००८a  इन्द्राय साम गायत विप्राय बृहते बृहत् ।
   १ ४ २ १००८c  ब्रह्मकृते विपश्चिते पनस्यवे ॥ ३८८
   १ ४ २ १००९a  य एक इद्विदयते वसु मर्ताय दाशुषे ।
   १ ४ २ १००९c  ईशानो अप्रतिष्कुत इन्द्रो अङ्ग ॥ ३८९
   १ ४ २ १०१०a  सखाय आ शिषामहे ब्रह्मेन्द्राय वज्रिणे ।
   १ ४ २ १०१०c  स्तुष ऊ षु वो नृतमाय धृष्णवे ॥ ३९०

      पञ्चम प्रपाठकः ।  प्रथमोऽर्धः
   १ ५ १ ०१०१a  गृणे तदिन्द्र ते शव उपमां देवतातये ।
   १ ५ १ ०१०१c  यद्धँसि वृत्रमोजसा शचीपते ॥ ३९१
   १ ५ १ ०१०२a  यस्य त्यच्छम्बरं मदे दिवोदासाय रन्धयन् ।
   १ ५ १ ०१०२c  अयँ स सोम इन्द्र ते सुतः पिब ॥ ३९२
   १ ५ १ ०१०३a  एन्द्र नो गधि प्रिय सत्राजिदगोह्य ।
   १ ५ १ ०१०३c  गिरिर्न विश्वतः पृथुः पतिर्दिवः ॥ ३९३
   १ ५ १ ०१०४a  य इन्द्र सोमपातमो मदः शविष्ठ चेतति ।
   १ ५ १ ०१०४c  येना हँसि न्या३त्रिणं तमीमहे ॥ ३९४
   १ ५ १ ०१०५a  तुचे तुनाय तत्सु नो द्राधीय आयुर्जीवसे ।
   १ ५ १ ०१०५c  आदित्यासः समहसः कृणोतन ॥ ३९५
   १ ५ १ ०१०६a  वेत्था हि निरृतीनां वज्रहस्त परिवृजम् ।
   १ ५ १ ०१०६c  अहरहः शुन्ध्युः परिपदामिव ॥ ३९६
   १ ५ १ ०१०७a  अपामीवामप स्त्रिधमप सेधत दुर्मतिम् ।
   १ ५ १ ०१०७c  आदित्यासो युयोतना नो अँहसः ॥ ३९७
   १ ५ १ ०१०८a  पिबा सोममिन्द्र मन्दतु त्वा यं ते सुषाव हर्यश्वाद्रिः ।
   १ ५ १ ०१०८c  सोतुर्बाहुभ्याँ सुयतो नार्वा ॥ ३९८

   १ ५ १ ०२०१a  अभ्रातृव्यो अना त्वमनापिरिन्द्र जनुषा सनादसि ।
   १ ५ १ ०२०१c  युधेदापित्वमिच्छसे ॥ ३९९
   १ ५ १ ०२०२a  यो न इदमिदं पुरा प्र वस्य आनिनाय तमु व स्तुषे ।
   १ ५ १ ०२०२c  सखाय इन्द्रमूतये ॥ ४००
   १ ५ १ ०२०३a  आ गन्ता मा रिषण्यत प्रस्थावानो माप स्थात समन्यवः ।
   १ ५ १ ०२०३c  दृढा चिद्यमयिष्णवः ॥ ४०१
   १ ५ १ ०२०४a  आ याह्ययमिन्दवेऽश्वपते गोपत उर्वरापते ।
   १ ५ १ ०२०४c  सोमँ सोमपते पिब ॥ ४०२
   १ ५ १ ०२०५a  त्वया ह स्विद्युजा वयं प्रति श्वसन्तं वृषभ ब्रुवीमहि ।
   १ ५ १ ०२०५c  सँस्थे जनस्य गोमतः ॥ ४०३
   १ ५ १ ०२०६a  गावश्चिद्धा समन्यवः सजात्येन मरुतः सबन्धवः ।
   १ ५ १ ०२०६c  रिहते ककुभो मिथः ॥ ४०४
   १ ५ १ ०२०७a  त्वं न इन्द्रा भर ओजो नृम्णँ शतक्रतो विचर्षणे ।
   १ ५ १ ०२०७c  आ वीरं पृतनासहम् ॥ ४०५
   १ ५ १ ०२०८a  अधा हीन्द्र गिर्वण उप त्वा काम ईमहे ससृग्महे ।
   १ ५ १ ०२०८c  उदेव ग्मन्त उदभिः ॥ ४०६
   १ ५ १ ०२०९a  सीदन्तस्ते वयो यथा गोश्रीते मधौ मदिरे विवक्षणे ।
   १ ५ १ ०२०९c  अभि त्वामिन्द्र नोनुमः ॥ ४०७
   १ ५ १ ०२१०a  वयमु त्वामपूर्व्य स्थूरं न कच्चिद्भरन्तोऽवस्यवः ।
   १ ५ १ ०२१०c  वज्रिञ्चित्रँ हवामहे ॥ ४०८

   १ ५ १ ०३०१a  स्वादोरित्था विषूवतो मधोः पिबन्ति गौर्यः ।
   १ ५ १ ०३०१c  या इन्द्रेण सयावरीर्वृष्णा मदन्ति शोभथा वस्वीरनु स्वराज्यम् ॥ ४०९
   १ ५ १ ०३०२a  इत्था हि सोम इन्मदो ब्रह्म चकार वर्धनम् ।
   १ ५ १ ०३०२c  शविष्ठ वज्रिन्नोजसा पृथिव्या निः शशा अहिमर्चन्ननु स्वराज्यम् ॥ ४१०
   १ ५ १ ०३०३a  इन्द्रो मदाय वावृधे शवसे वृत्रहा नृभिः ।
   १ ५ १ ०३०३c  तमिन्महत्स्वाजिषूतिमर्भे हवामहे स वाजेषु प्र नोऽविषत् ॥ ४११
   १ ५ १ ०३०४a  इन्द्र तुभ्यमिदद्रिवोऽनुत्तं वज्रिन्वीर्यम् ।
   १ ५ १ ०३०४c  यद्ध त्यं मायिनं मृगं तव त्यन्माययावधीरर्चन्ननु स्वराज्यम् ॥ ४१२
   १ ५ १ ०३०५a  प्रेह्यभीहि धृष्णुहि न ते वज्रो नि यँसते ।
   १ ५ १ ०३०५c  इन्द्र नृम्णँ हि ते शवो हनो वृत्रं जया अपोऽर्चन्ननु स्वराज्यम् ॥ ४१३
   १ ५ १ ०३०६a  यदुदीरत आजयो धृष्णवे धीयते धनम् ।
   १ ५ १ ०३०६c  युङ्क्ष्वा मदच्युता हरी कँ हनः कं वसौ दधोऽस्माँ इन्द्र वसौ दधः ॥ ४१४
   १ ५ १ ०३०७a  अक्षन्नमीमदन्त ह्यव प्रिया अधूषत ।
   १ ५ १ ०३०७c  अस्तोषत स्वभानवो विप्रा नविष्ठया मती योजा न्विन्द्र ते हरी ॥ ४१५
   १ ५ १ ०३०८a  उपो षु शृणुही गिरो मघवन्मातथा इव ।
   १ ५ १ ०३०८c  कदा नः सूनृतावतः कर इदर्थयास इद्योजा न्विन्द्र ते हरी ॥ ४१६
   १ ५ १ ०३०९a  चन्द्रमा अप्स्वा३न्तरा सुपर्णो धावते दिवि ।
   १ ५ १ ०३०९c  न वो हिरण्यनेमयः पदं विन्दन्ति विद्युतो वित्तं मे अस्य रोदसी ॥ ४१७
   १ ५ १ ०३१०a  प्रति प्रियतमँ रथं वृषणं वसुवाहनम् ।
   १ ५ १ ०३१०c  स्तोता वामश्विनावृशि स्तोमेभिर्भूषति प्रति माध्वी मम श्रुतँ हवम् ॥ ४१८

   १ ५ १ ०४०१a  आ ते अग्न इधीमहि द्युमन्तं देवाजरम् ।
   १ ५ १ ०४०१c  युद्ध स्या ते पनीयसी समिद्दीदयति द्यवीषँ स्तोतृभ्य आ भर ॥ ४१९
   १ ५ १ ०४०२a  आग्निं न स्ववृक्तिभिर्होतारं त्वा वृणीमहे ।
   १ ५ १ ०४०२c  शीरं पावकशोचिषं वि वो मदे यज्ञेषु स्तीर्णबर्हिषं विवक्षसे ॥ ४२०
   १ ५ १ ०४०३a  महे नो अद्य बोधयोषो राये दिवित्मती ।
   १ ५ १ ०४०३c  यथा चिन्नो अबोधयः सत्यश्रवसि वाय्ये सुजाते अश्वसूनृते ॥ ४२१
   १ ५ १ ०४०४a  भद्रं नो अपि वातय मनो दक्षमुत क्रतुम् ।
   १ ५ १ ०४०४c  अथा ते सख्ये अन्धसो वि वो मदे रणा गावो न यवसे विवक्षसे ॥ ४२२
   १ ५ १ ०४०५a  क्रत्वा महाँ अनुष्वधं भीम आ वावृते शवः ।
   १ ५ १ ०४०५c  श्रिय ऋष्व उपाकयोर्नि शिप्री हरिवां दधे हस्तयोर्वज्रमायसम् ॥ ४२३
   १ ५ १ ०४०६a  स घा तं वृषणँ रथमधि तिष्ठाति गोविदम् ।
   १ ५ १ ०४०६c  यः पात्रँ हारियोजनं पूर्णमिन्द्रा चिकेतति योजा न्विन्द्र ते हरी ॥ ४२४
   १ ५ १ ०४०७a  अग्निं तं मन्ये यो वसुरस्तं यं यन्ति धेनवः ।
   १ ५ १ ०४०७c  अस्तमर्वन्त आशवोऽस्तं नित्यासो वाजिन इषँ स्तोतृभ्य आ भर ॥ ४२५
   १ ५ १ ०४०८a  न तमँहो न दुरितं देवासो अष्ट मर्त्यम् ।
   १ ५ १ ०४०८c  सजोषसो यमर्यमा मित्रो नयति वरुणो अति द्विषः ॥ ४२६

   १ ५ १ ०५०१a  परि प्र धन्वेन्द्राय सोम स्वादुर्मित्राय पूष्णे भगाय ॥ ४२७
   १ ५ १ ०५०२a  पर्यू षु प्र धन्व वाजसातये परि वृत्राणि सक्षणिः ।
   १ ५ १ ०५०२c  द्विषस्तरध्या ऋणया न ईरसे ॥ ४२८
   १ ५ १ ०५०३a  पवस्व सोम महान्त्समुद्रः पिता देवानां विश्वाभि धाम ॥ ४२९
   १ ५ १ ०५०४a  पवस्व सोम महे दक्षायाश्वो न निक्तो वाजी धनाय ॥ ४३०
   १ ५ १ ०५०५a  इन्दुः पविष्ट चारुर्मदायापामुपस्थे कविर्भगाय ॥ ४३१
   १ ५ १ ०५०६a  अनु हि त्वा सुतँ सोम मदामसि महे समर्यराज्ये ।
   १ ५ १ ०५०६c  वाजाँ अभि पवमान प्र गाहसे ॥ ४३२
   १ ५ १ ०५०७a  क ईं व्यक्ता नरः सनीडा रुद्रस्य मर्या अथ स्वश्वाः ॥ ४३३
   १ ५ १ ०५०८a  अग्ने तमद्याश्वं न स्तोमैः क्रतुं न भद्रँ हृदिस्पृशम् ।
   १ ५ १ ०५०८c  ऋध्यामा त ओहैः ॥ ४३४
   १ ५ १ ०५०९a  आविर्मर्या आ वाजं वाजिनो अग्मं देवस्य सवितुः सवम् ।
   १ ५ १ ०५०९c  स्वर्गाँ अर्वन्तो जयत ॥ ४३५
   १ ५ १ ०५१०a  पवस्व सोम द्युम्नी सुधारो महाँ अवीनामनुपूर्व्यः ॥ ४३६

      पञ्चम प्रपाठकः ।  द्वितीयोऽर्धः
   १ ५ २ ०६०१a  विश्वतोदावन्विश्वतो न आ भर यं त्वा शविष्ठमीमहे ॥ ४३७
   १ ५ २ ०६०२a  एष ब्रह्मा य ऋत्विय इन्द्रो नाम श्रुतो गृणे ॥ ४३८
   १ ५ २ ०६०३a  ब्रह्माण इन्द्रं महयन्तो अर्कैरवर्धयन्नहये हन्तवा उ ॥ ४३९
   १ ५ २ ०६०४a  अनवस्ते रथमश्वाय तक्षुस्त्वष्टा वज्रं पुरुहूत द्युमन्तम् ॥ ४४०
   १ ५ २ ०६०५a  शं पदं मघँ रयीषिणो न काममव्रतो हिनोति न स्पृशद्रयिम् ॥ ४४१
   १ ५ २ ०६०६a  सदा गावः शुचयो विश्वधायसः सदा देवा अरेपसः ॥ ४४२
   १ ५ २ ०६०७a  आ याहि वनसा सह गावः सचन्त वर्त्तनिं यदूधभिः ॥ ४४३
   १ ५ २ ०६०८a  उप प्रक्षे मधुमति क्षियन्तः पुष्येम रयिं धीमहे त इन्द्र ॥ ४४४
   १ ५ २ ०६०९a  अर्चन्त्यर्कं मरुतः स्वर्क्का आ स्तोभति श्रुतो युवा स इन्द्रः ॥ ४४५
   १ ५ २ ०६१०a  प्र व इन्द्राय वृत्रहन्तमाय विप्राय गाथं गायत यं जुजोषते ॥ ४४६

   १ ५ २ ०७०१a  अचेत्यग्निश्चिकितिर्हव्यवाड्न सुमद्रथः ॥ ४४७
   १ ५ २ ०७०२a  अग्ने त्वं नो अन्तम उत त्राता शिवो भुवो वरूथ्यः ॥ ४४८
   १ ५ २ ०७०३a  भगो न चित्रो अग्निर्महोनां दधाति रत्नम् ॥ ४४९
   १ ५ २ ०७०४a  विश्वस्य प्र स्तोभ पुरो वा सन्यदि वेह नूनम् ॥ ४५०
   १ ५ २ ०७०५a  उषा अप स्वसुष्टमः सं वर्त्तयति वर्त्तनिँ सुजातता ॥ ४५१
   १ ५ २ ०७०६a  इमा नु कं भुवना सीषधेमेन्द्रश्च विश्वे च देवाः ॥ ४५२
   १ ५ २ ०७०७a  वि स्रुतयो यथा पथ इन्द्र त्वद्यन्तु रातयः ॥ ४५३
   १ ५ २ ०७०८a  अया वाजं देवहितँ सनेम मदेम शतहिमाः सुवीराः ॥ ४५४
   १ ५ २ ०७०९a  ऊर्जा मित्रो वरुणः पिन्वतेडाः पीवरीमिषं कृणुही न इन्द्र ॥ ४५५
   १ ५ २ ०७१०a  इन्द्रो विश्वस्य राजति ॥ ४५६

   १ ५ २ ०८०१a  त्रिकद्रुकेषु महिषो यवाशिरं तुविशुष्मस्तृम्पत्सोममपिबद्विष्णुना सुतं यथावशम् ।
   १ ५ २ ०८०१c  स ईं ममाद महि कर्म कर्त्तवे महामुरुँ सैनँ सश्चद्देवो देवँ सत्य इन्दुः सत्यमिन्द्रम् ॥ ४५७
   १ ५ २ ०८०२a  अयँ सहस्रमानवो दृशः कवीनां मतिर्ज्योतिर्विधर्म ।
   १ ५ २ ०८०२c  ब्रध्नः समीचीरुषसः समैरयदरेपसः सोचेतसः स्वसरे मन्युमन्तश्चिता गोः ॥ ४५८
   १ ५ २ ०८०३a  एन्द्र याह्युप नः परावतो नायमच्छा विदथानीव सत्पतिरस्ता राजेव सत्पतिः ।
   १ ५ २ ०८०३c  हवामहे त्वा प्रयस्वन्तः सुतेष्वा पुत्रासो न पितरं वाजसातये मँहिष्ठं वाजसातये ॥ ४५९
   १ ५ २ ०८०४a  तमिन्द्रं जोहवीमि मघवानमुग्रँ सत्रा दधानमप्रतिष्कुतँ श्रवाँसि भूरिः ।
   १ ५ २ ०८०४c  मँहिष्ठो गीर्भिरा च यज्ञियो ववर्त्त राये नो विश्वा सुपथा कृणोतु वज्री ॥ ४६०
   १ ५ २ ०८०५a  अस्तु श्रौष्ट्पुरो अग्निं धिया दध आ नु त्यच्छर्धो दिव्यं वृणीमह इन्द्रवायू वृणीमहे ।
   १ ५ २ ०८०५c  यद्ध क्राणा विवस्वते नाभा सन्दाय नव्यसे ।
   १ ५ २ ०८०५e  अध प्र नूनमुप यन्ति धीतयो देवाँअच्छा न धीतयः ॥ ४६१
   १ ५ २ ०८०६a  प्र वो महे मतयो यन्तु विष्णवे मरुत्वते गिरिजा एवयामरुत् ।
   १ ५ २ ०८०६c  प्र शर्धाय प्र यज्यवे सुखादये तवसे भन्ददिष्टये धुनिव्रताय शवसे ॥ ४६२
   १ ५ २ ०८०७a  अया रुचा हरिण्या पुनानो विश्वा द्वेषाँसि तरति सयुग्वभिः सूरो न सयुग्वभिः ।
   १ ५ २ ०८०७c  धारा पृष्ठस्य रोचते पुनानो अरुषो हरिः ।
   १ ५ २ ०८०७e  विश्वा यद्रूपा परियास्यृक्वभिः सप्तास्येभिरृक्वभिः ॥ ४६३
   १ ५ २ ०८०८a  अभि त्यं देवँ सवितारमोण्योः कविक्रतुमर्चामि सत्यसवँ रत्नधामभि प्रियं मतिम्
   १ ५ २ ०८०८c  ऊर्ध्वा यस्यामतिर्भा अदिद्युतत्सवीमनि हिरण्यपाणिरमिमीत सुक्रतुः कृपा स्वः ॥ ४६४
   १ ५ २ ०८०९a  अग्निँ होतारं मन्ये दास्वन्तं वसोः सूनुँ सहसो जातवेदसं विप्रं न जातवेदसम् ।
   १ ५ २ ०८०९c  य ऊर्ध्वया स्वध्वरो देवो देवाच्या कृपा ।
   १ ५ २ ०८०९c  घृतस्य विभ्राष्टिमनु शुक्रशोचिष आजुह्वानस्य सर्पिषः ॥ ४६५
   १ ५ २ ०८१०a  तव त्यन्नर्यं नृतोऽप इन्द्र प्रथमं पूर्व्यं दिवि प्रवाच्यं कृतम् ।
   १ ५ २ ०८१०c  यो देवस्य शवसा प्रारिणा असु रिणन्नपः ।
   १ ५ २ ०८१०e  भुवो विश्वमभ्यदेवमोजसा विदेदूर्जँ शतक्रतुर्विदेदिषम् ॥ ४६६

      ॥ इत्यैन्द्रं पर्व काण्डम् ॥

     पावमान काण्डम्
   १ ५ २ ०९०१a  उच्चा ते जातमन्धसो दिवि सद्भूम्या ददे ।
   १ ५ २ ०९०१c  उग्रँ शर्म महि श्रवः ॥ ४६७
   १ ५ २ ०९०२a  स्वादिष्ठया मदिष्ठया पवस्व सोम धारया ।
   १ ५ २ ०९०२c  इन्द्राय पातवे सुतः ॥ ४६८
   १ ५ २ ०९०३a  वृषा पवस्व धारया मरुत्वते च मत्सरः ।
   १ ५ २ ०९०३c  विश्वा दधान ओजसा ॥ ४६९
   १ ५ २ ०९०४a  यस्ते मदो वरेण्यस्तेना पवस्वान्धसा ।
   १ ५ २ ०९०४c  देवावीरघशँसहा ॥ ४७०
   १ ५ २ ०९०५a  तिस्रो वाच उदीरते गावो मिमन्ति धेनवः ।
   १ ५ २ ०९०५c  हरिरेति कनिक्रदत् ॥ ४७१
   १ ५ २ ०९०६a  इन्द्रायेन्दो मरुत्वते पवस्व मधुमत्तमः ।
   १ ५ २ ०९०६c  अर्कस्य योनिमासदम् ॥ ४७२
   १ ५ २ ०९०७a  असाव्यँशुर्मदायाप्सु दक्षो गिरिष्ठाः ।
   १ ५ २ ०९०७c  श्येनो न योनिमासदत् ॥ ४७३
   १ ५ २ ०९०८a  पवस्व दक्षसाधनो देवेभ्यः पीतये हरे ।
   १ ५ २ ०९०८c  मरुद्भ्यो वायवे मदः ॥ ४७४
   १ ५ २ ०९०९a  परि स्वानो गिरिष्ठाः पवित्रे सोमो अक्षरत् ।
   १ ५ २ ०९०९c  मदेषु सर्वधा असि ॥ ४७५
   १ ५ २ ०९१०a  परि प्रिया दिवः कविर्वयाँसि नप्त्योर्हितः ।
   १ ५ २ ०९१०c  स्वानैर्याति कविक्रतुः ॥ ४७६

   १ ५ २ १००१a  प्र सोमासो मदच्युतः श्रवसे नो मघोनः ।
   १ ५ २ १००१c  सुता विदथे अक्रमुः ॥ ४७७
   १ ५ २ १००२a  प्र सोमासो विपश्चितोऽपो नयन्त ऊर्मयः ।
   १ ५ २ १००२c  वनानि महिषा इव ॥ ४७८
   १ ५ २ १००३a  पवस्वेन्दो वृषा सुतः कृधी नो यशसो जने ।
   १ ५ २ १००३c  विश्वा अप द्विषो जहि ॥ ४७९
   १ ५ २ १००४a  वृषा ह्यसि भानुना द्युमन्तं त्वा हवामहे ।
   १ ५ २ १००४c  पवमान स्वर्दृशम् ॥ ४८०
   १ ५ २ १००५a  इन्दुः पविष्ट चेतनः प्रियः कवीनां मतिः ।
   १ ५ २ १००५c  सृजदश्वँ रथीरिव ॥ ४८१
   १ ५ २ १००६a  असृक्षत प्र वाजिनो गव्या सोमासो अश्वया ।
   १ ५ २ १००६c  शुक्रासो वीरयाशवः ॥ ४८२
   १ ५ २ १००७a  पवस्व देव आयुषगिन्द्रं गच्छतु ते मदः ।
   १ ५ २ १००७c  वायुमा रोह धर्मणा ॥ ४८३
   १ ५ २ १००८a  पवमानो अजीजनद्दिवश्चित्रं न तन्यतुम् ।
   १ ५ २ १००८c  ज्योतिर्वैश्वानरं बृहत् ॥ ४८४
   १ ५ २ १००९a  परि स्वानास इन्दवो मदाय बर्हणा गिरा ।
   १ ५ २ १००९c  मधो अर्षन्ति धारया ॥ ४८५
   १ ५ २ १०१०a  परि प्रासिष्यदत्कविः सिन्धोरूर्मावधि श्रितः ।
   १ ५ २ १०१०c  कारुं बिभ्रत्पुरुस्पृहम् ॥ ४८६

      षष्ठ प्रपाठकः ।  प्रथमोऽर्धः
   १ ६ १ ०१०१a  उपो षु जातमप्तुरं गोभिर्भङ्गं परिष्कृतम् ।
   १ ६ १ ०१०१c  इन्दुं देवा अयासिषुः ॥ ४८७
   १ ६ १ ०१०२a  पुनानो अक्रमीदभि विश्वा मृधो विचर्षणिः ।
   १ ६ १ ०१०२c  शुम्भन्ति विप्रं धीतिभिः ॥ ४८८
   १ ६ १ ०१०३a  आविशन्कलशँ सुतो विश्वा अर्षन्नभि श्रियः ।
   १ ६ १ ०१०३c  इन्दुरिन्द्राय धीयते ॥ ४८९
   १ ६ १ ०१०४a  असर्जि रथ्यो यथा पवित्रे चम्वोः सुतः ।
   १ ६ १ ०१०४c  कार्ष्मन्वाजी न्यक्रमीत् ॥ ४९०
   १ ६ १ ०१०५a  प्र यद्गावो न भूर्णयस्त्वेषा अयासो अक्रमुः ।
   १ ६ १ ०१०५c  घ्नन्तः कृष्णामप त्वचम् ॥ ४९१
   १ ६ १ ०१०६a  अपघ्नन्पवसे मृधः क्रतुवित्सोम मत्सरः ।
   १ ६ १ ०१०६c  नुदस्वादेवयुं जनम् ॥ ४९२
   १ ६ १ ०१०७a  अया पवस्व धारया यया सूर्यमरोचयः ।
   १ ६ १ ०१०७c  हिन्वानो मानुषीरपः ॥ ४९३
   १ ६ १ ०१०८a  स पवस्व य आविथेन्द्रं वृत्राय हन्तवे ।
   १ ६ १ ०१०८c  वव्रिवाँसं महीरपः ॥ ४९४
   १ ६ १ ०१०९a  अया वीती परि स्रव यस्त इन्दो मदेष्वा ।
   १ ६ १ ०१०९c  अवाहन्नवतीर्नव ॥ ४९५
   १ ६ १ ०११०a  परि द्युक्षँ सनद्रायिं भरद्वाजं नो अन्धसा ।
   १ ६ १ ०११०c  स्वानो अर्ष पवित्र आ ॥ ४९६

   १ ६ १ ०२०१a  अचिक्रदद्वृषा हरिर्महान्मित्रो न दर्शतः ।
   १ ६ १ ०२०१c  सँ सूर्येण दिद्युते ॥ ४९७
   १ ६ १ ०२०२a  आ ते दक्षं मयोभुवं वह्निमद्या वृणीमहे ।
   १ ६ १ ०२०२c  पान्तमा पुरुस्पृहम् ॥ ४९८
   १ ६ १ ०२०३a  अध्वर्यो अद्रिभिः सुतँ सोमं पवित्र आ नय ।
   १ ६ १ ०२०३c  पुनीहीन्द्राय पातवे ॥ ४९९
   १ ६ १ ०२०४a  तरत्स मन्दी धावति धारा सुतस्यान्धसः ।
   १ ६ १ ०२०४c  तरत्स मन्दी धावति ॥ ५००
   १ ६ १ ०२०५a  आ पवस्व सहस्रिणँ रयिँ सोम सुवीर्यम् ।
   १ ६ १ ०२०५c  अस्मे श्रवाँसि धारय ॥ ५०१
   १ ६ १ ०२०६a  अनु प्रत्नास आयवः पदं नवीयो अक्रमुः ।
   १ ६ १ ०२०६c  रुचे जनन्त सूर्यम् ॥ ५०२
   १ ६ १ ०२०७a  अर्षा सोम द्युमत्तमोऽभि द्रोणानि रोरुवत् ।
   १ ६ १ ०२०७c  सीदन्योनौ योनेष्वा ॥ ५०३
   १ ६ १ ०२०८a  वृषा सोम द्युमाँ असि वृषा देव वृषव्रतः ।
   १ ६ १ ०२०८c  वृषा धर्माणि दध्रिषे ॥ ५०४
   १ ६ १ ०२०९a  इषे पवस्व धारया मृज्यमानो मनीषिभिः ।
   १ ६ १ ०२०९c  इन्दो रुचाभि गा इहि ॥ ५०५
   १ ६ १ ०२१०a  मन्द्रया सोम धारया वृषा पवस्व देवयुः ।
   १ ६ १ ०२१०c  अव्यो वारेभिरस्मयुः ॥ ५०६
   १ ६ १ ०२११a  अया सोम सुकृत्यपा महान्त्सन्नभ्यवर्धथाः ।
   १ ६ १ ०२११c  हिन्दान इद्वृषायसे ॥ ५०७
   १ ६ १ ०२१२a  अयं विचर्षणिर्हितः पवमानः स चेतति ।
   १ ६ १ ०२१२c  हिन्वान आप्यं बृहत् ॥ ५०८
   १ ६ १ ०२१३a  प्र ण इन्दो महे तु न ऊर्मिं न बिभ्रदर्षसि ।
   १ ६ १ ०२१३c  अभि देवाँ अयास्यः ॥ ५०९
   १ ६ १ ०२१४a  अपघ्नन्पवते मृधोऽप सोमो अराव्णः ।
   १ ६ १ ०२१४c  गच्छन्निन्द्रस्य निष्कृतम् ॥ ५१०

   १ ६ १ ०३०१a  पुनानः सोम धारयापो वसानो अर्षसि ।
   १ ६ १ ०३०१c  आ रत्नधा योनिमृतस्य सीदस्युत्सो देवो हिरण्ययः ॥ ५११
   १ ६ १ ०३०२a  परीतो षिञ्चता सुतँ सोमो य उत्तमँ हविः ।
   १ ६ १ ०३०२c  दधन्वाँ यो नर्यो अप्स्वा३न्तरा सुषाव सोममद्रिभिः ॥ ५१२
   १ ६ १ ०३०३a  आ सोम स्वानो अद्रिभिस्तिरो वाराण्यव्यया ।
   १ ६ १ ०३०३c  जनो न पुरि चम्वोर्विशद्धरिः सदो वनेषु दध्रिषे ॥ ५१३
   १ ६ १ ०३०४a  प्र सोम देववीतये सिन्धुर्न पिप्ये अर्णसा ।
   १ ६ १ ०३०४c  अँशोः पयसा मदिरो न जागृविरच्छा कोशं मधुश्चुतम् ॥ ५१४
   १ ६ १ ०३०५a  सोम उ ष्वाणः सोतृभिरधि ष्णुभिरवीनाम् ।
   १ ६ १ ०३०५c  अश्वयेव हरिता याति धारया मन्द्रया याति धारया ॥ ५१५
   १ ६ १ ०३०६a  तवाहँ सोम रारण सख्य इन्दो दिवेदिवे ।
   १ ६ १ ०३०६c  पुरूणि बभ्रो नि चरन्ति मामव परिधीँरति ताँ इहि ॥ ५१६
   १ ६ १ ०३०७a  मृज्यमानः सुहस्त्या समुद्रे वाचमिन्वसि ।
   १ ६ १ ०३०७c  रयिं पिशङ्गं बहुलं पुरुस्पृहं पवमानाभ्यर्षसि ॥ ५१७
   १ ६ १ ०३०८a  अभि सोमास आयवः पवन्ते मद्यं मदम् ।
   १ ६ १ ०३०८c  समुद्रस्याधि विष्टपे मनीषिणो मत्सरासो मदच्युतः ॥ ५१८
   १ ६ १ ०३०९a  पुनानः सोम जागृविरव्या वारैः परि प्रियः ।
   १ ६ १ ०३०९c  त्वं विप्रो अभवोऽङ्गिरस्तम मध्वा यज्ञं मिमिक्ष णः ॥ ५१९
   १ ६ १ ०३१०a  इन्द्राय पवते मदः सोमो मरुत्वते सुतः ।
   १ ६ १ ०३१०c  सहस्रधारो अत्यव्यमर्षति तमी मृजन्त्यायवः ॥ ५२०
   १ ६ १ ०३११a  पवस्व वाजसातमोऽभि विश्वानि वार्या ।
   १ ६ १ ०३११c  त्वँ समुद्रः प्रथमे विधर्मं देवेभ्यं सोम मत्सरः ॥ ५२१
   १ ६ १ ०३१२a  पवमाना असृक्षत पवित्रमति धारया ।
   १ ६ १ ०३१२c  मरुत्वन्तो मत्सरा इन्द्रिया हया मेधामभि प्रयाँसि च ॥ ५२२

   १ ६ १ ०४०१a  प्र तु द्रव परि कोशं नि षीद नृभिः पुनानो अभि वाजमर्ष ।
   १ ६ १ ०४०१c  अश्वं न त्वा वाजिनं मर्जयन्तोऽच्छा बर्ही रशनाभिर्नयन्ति ॥ ५२३
   १ ६ १ ०४०२a  प्र काव्यमुशनेव ब्रुवाणो देवो देवानां जनिमा विवक्ति ।
   १ ६ १ ०४०२c  महिव्रतः शुचिबन्धुः पावकः पदा वराहो अभ्येति रेभन् ॥ ५२४
   १ ६ १ ०४०३a  तिस्रो वाच ईरयति प्र वह्निरृतस्य धीतिं ब्रह्मणो मनीषाम् ।
   १ ६ १ ०४०३c  गावो यन्ति गोपतिं पृच्छमानाः सोमं यन्ति मतयो वावशानाः ॥ ५२५
   १ ६ १ ०४०४a  अस्य प्रेषा हेमना पूयमानो देवो देवेभिः समपृक्त रसम् ।
   १ ६ १ ०४०४c  सुतः पवित्रं पर्येति रेभन्मितेव सद्म पशुमन्ति होता ॥ ५२६
   १ ६ १ ०४०५a  सोमः पवते जनिता मतीनां जनिता दिवो जनिता पृथिव्याः ।
   १ ६ १ ०४०५c  जनिताग्नेर्जनिता सूर्यस्य जनितेन्द्रस्य जनितोत विष्णोः ॥ ५२७
   १ ६ १ ०४०६a  अभि त्रिपृष्ठं वृषणं वयोधामाङ्गोषिणमवावशन्त वाणीः ।
   १ ६ १ ०४०६c  वना वसानो वरुणो न सिन्धूर्वि रत्नधा दयते वार्याणि ॥ ५२८
   १ ६ १ ०४०७a  अक्रान्त्समुद्रः प्रथमे विधर्मं जनयन्प्रजा भुवनस्य गोपाः ।
   १ ६ १ ०४०७c  वृषा पवित्रे अधि सानो अव्ये बृहत्सोमो वावृधे स्वानो अद्रिः ॥ ५२९
   १ ६ १ ०४०८a  कनिक्रन्ति हरिरा सृज्यमानः सीदन्वनस्य जठरे पुनानः ।
   १ ६ १ ०४०८c  नृभिर्यतः कृणुते निर्णिजं गामतो मतिं जनयत स्वधाभिः ॥ ५३०
   १ ६ १ ०४०९a  एष स्य ते मधुमाँ इन्द्र सोमो वृषा वृष्णः परि पवित्रे अक्षाः ।
   १ ६ १ ०४०९c  सहस्रदाः शतदा भूरिदावा शश्वत्तमं बर्हिरा वाज्यस्थात् ॥ ५३१
   १ ६ १ ०४१०a  पवस्व सोम मधुमाँ ऋतावापो वसानो अधि सानो अव्ये ।
   १ ६ १ ०४१०c  अव द्रोणानि घृतवन्ति रोह मदिन्तमो मत्सर इन्द्रपानः ॥ ५३२

   १ ६ १ ०५०१a  प्र सेनानीः शूरो अग्रे रथानां गव्यन्नेति हर्षते अस्य सेना ।
   १ ६ १ ०५०१c  भद्रान्कृण्वन्निन्द्रहवान्त्सखिभ्य आ सोमो वस्त्रा रभसानि दत्ते ॥ ५३३
   १ ६ १ ०५०२a  प्र ते धारा मधुमतीरसृग्रन्वारं यत्पूतो अत्येष्यव्यम् ।
   १ ६ १ ०५०२c  पवमान पवसे धाम गोनां जनयन्त्सूर्यमपिन्वो अर्कैः ॥ ५३४
   १ ६ १ ०५०३a  प्र गायताभ्यर्चाम देवान्त्सोमँ हिनोत महते धनाय ।
   १ ६ १ ०५०३c  स्वादुः पवतामति वारमव्यमा सीदतु कलशं देव इन्दुः ॥ ५३५
   १ ६ १ ०५०४a  प्र हिन्वानो जनिता रोदस्यो रथो न वाजँ सनिषन्नयासीत् ।
   १ ६ १ ०५०४c  इन्द्रं गच्छन्नायुधा सँशिशानो विश्वा वसु हस्तयोरादधानः ॥ ५३६
   १ ६ १ ०५०५a  तक्षद्यदी मनसो वेनतो वाग्ज्येष्ठस्य धर्मं द्युक्षोरनीके ।
   १ ६ १ ०५०५c  आदीमायन्वरमा वावशाना जुष्टं पतिं कलशे गाव इन्दुम् ॥ ५३७
   १ ६ १ ०५०६a  साकमुक्षो मर्जयन्त स्वसारो दश धीरस्य धीतयो धनुत्रीः ।
   १ ६ १ ०५०६c  हरिः पर्यद्रवज्जाः सूर्यस्य द्रोणं ननक्षे अत्यो न वाजी ॥ ५३८
   १ ६ १ ०५०७a  अधि यदस्मिन्वाजिनीव शुभः स्पर्धन्ते धियः सूरे न विशः ।
   १ ६ १ ०५०७c  अपो वृणानः पवते कवीयन्व्रजं न पशुवर्धनाय मन्म ॥ ५३९
   १ ६ १ ०५०८a  इन्दुर्वाजी पवते गोन्योघा इन्द्रे सोमः सह इन्वन्मदाय ।
   १ ६ १ ०५०८c  हन्ति रक्षो बाधते पर्यरातिं वरिवस्कृण्वन्वृजनस्य राजा ॥ ५४०
   १ ६ १ ०५०९a  अया पवा पवस्वैना वसूनि माँश्चत्व इन्द्रो सरसि प्र धन्व ।
   १ ६ १ ०५०९c  ब्रघ्नश्चिद्यस्य वातो न जूतिं पुरुमेधाश्चित्तकवे नरं धात् ॥ ५४१
   १ ६ १ ०५१०a  महत्तत्सोमो महिषश्चकारापां यद्गर्भोऽवृणीत देवान् ।
   १ ६ १ ०५१०c  अदधादिन्द्रे पवमान ओजोऽजनयत्सूर्ये ज्योतिरिन्दुः ॥ ५४२
   १ ६ १ ०५११a  असर्जि वक्वा रथ्ये यथाजौ धिया मनोता प्रथमा मनीष ।
   १ ६ १ ०५११c  दश स्वसारो अधि सानो अव्ये मृजन्ति वह्निँ सदनेष्वच्छ ॥ ५४३
   १ ६ १ ०५१२a  अपामिवेदूर्मयस्तर्त्तुराणाः प्र मनीषा ईरते सोममच्छ ।
   १ ६ १ ०५१२c  नमस्यन्तीरुप च यन्ति सं चाच विशन्त्युशतीरुशन्तम् ॥ ५४४

      षष्ठ प्रपाठकः ।  द्वितीयोऽर्धः
   १ ६ २ ०६०१a  पुरोजिती वो अन्धसः सुताय मादयित्नवे ।
   १ ६ २ ०६०१c  अप श्वानँ श्नथिष्टन सखायो दीर्घजिह्व्यम् ॥ ५४५
   १ ६ २ ०६०२a  अयं पूषा रयिर्भगः सोमः पुनानो अर्षति ।
   १ ६ २ ०६०२c  पतिर्विश्वस्य भूमनो व्यख्यद्रोदसी उभे ॥ ५४६
   १ ६ २ ०६०३a  सुतासो मधुमत्तमाः सोमा इन्द्राय मन्दिनः ।
   १ ६ २ ०६०३c  पवित्रवन्तो अक्षरन्देवान्गच्छन्तु वो मदाः ॥ ५४७
   १ ६ २ ०६०४a  सोमाः पवन्त इन्दवोऽस्मभ्यं गातुवित्तमाः ।
   १ ६ २ ०६०४c  मित्राः स्वाना अरेपसः स्वाध्यः स्वर्विदः ॥ ५४८
   १ ६ २ ०६०५a  अभी नो वाजसातमँ रयिमर्ष शतस्पृहम् ।
   १ ६ २ ०६०५c  इन्दो सहस्रभर्णसं तुविद्युम्नं विभासहम् ॥ ५४९
   १ ६ २ ०६०६a  अभी नवन्ते अद्रुहः प्रियमिन्द्रस्य काम्यम् ।
   १ ६ २ ०६०६c  वत्सं न पूर्व आयुनि जातँ रिहन्ति मातरः ॥ ५५०
   १ ६ २ ०६०७a  आ हर्यताय धृष्णवे धनुष्टन्वन्ति पौँस्यम् ।
   १ ६ २ ०६०७c  शुक्रा वि यन्त्यसुराय निर्णिजे विपामग्रे महीयुवः ॥ ५५१
   १ ६ २ ०६०८a  परि त्यँ हर्यतँ हरिं बभ्रुं पुनन्ति वारेण ।
   १ ६ २ ०६०८c  यो देवान्विश्वाँ इत्परि मदेन सह गच्छति ॥ ५५२
   १ ६ २ ०६०९a  प्र सुन्वानास्यान्धसो मर्तो न वष्ट तद्वचः ।
   १ ६ २ ०६०९c  अप श्वानमराधसँ हता मखं न भृगवः ॥ ५५३

   १ ६ २ ०७०१a  अभि प्रियाणि पवते चनोहितो नामानि यह्वो अधि येषु वर्धते ।
   १ ६ २ ०७०१c  आ सूर्यस्य बृहतो बृहन्नधि रथं विष्वञ्चमरुहद्विचक्षणः ॥ ५५४
   १ ६ २ ०७०२a  अचोदसो नो धन्वन्त्विन्दवः प्र स्वानासो बृहद्देवेषु हरयः ।
   १ ६ २ ०७०२c  वि चिदश्नाना इषयो अरातयोऽर्यो नः सन्तु सनिषन्तु नो धियः ॥ ५५५
   १ ६ २ ०७०३a  एष प्र कोशे मधुमाँ अचिक्रददिन्द्रस्य वज्रो वपुषो वपुष्टमः ।
   १ ६ २ ०७०३c  अभ्यॄ३तस्य सुदुघा घृतश्चुतो वाश्रा अर्षन्ति पयसा च घेनवः ॥ ५५६
   १ ६ २ ०७०४a  प्रो अयासीदिन्दुरिन्द्रस्य निष्कृतँ सखा सख्युर्न प्र मिनाति सङ्गिरम् ।
   १ ६ २ ०७०४c  मर्य इव युवतिभिः समर्षति सोमः कलशे शतयामना पथा ॥ ५५७
   १ ६ २ ०७०५a  धर्ता दिवः पवते कृत्व्यो रसो दक्षो देवानामनुमाद्यो नृभिः ।
   १ ६ २ ०७०५c  हरिः सृजानो अत्यो न सत्वभिर्वृथा पाजाँसि कृणुषे नदीष्वा ॥ ५५८
   १ ६ २ ०७०६a  वृषा मतीनां पवते विचक्षणः सोमो अह्नां प्रतरीतोषसां दिवः ।
   १ ६ २ ०७०६c  प्राणा सिन्धूनां कलशाँ अचिक्रददिन्द्रस्य हार्द्याविशन्मनीषिभिः ॥ ५५९
   १ ६ २ ०७०७a  त्रिरस्मै सप्त धेनवो दुदुह्रिरे सत्यामाशिरं परमे व्योमनि ।
   १ ६ २ ०७०७c  चत्वार्यन्या भुवनानि निर्णिजे चारूणि चक्रे यदृतैरवर्धत ॥ ५६०
   १ ६ २ ०७०८a  इन्द्राय सोम सुषुतः परि स्रवापामीवा भवतु रक्षसा सह ।
   १ ६ २ ०७०८c  मा ते रसस्य मत्सत द्वयाविनो द्रविणस्वन्त इह सन्त्विन्दवः ॥ ५६१
   १ ६ २ ०७०९a  असावि सोमो अरुषो वृषा हरी राजेव दस्मो अभि गा अचिक्रदत् ।
   १ ६ २ ०७०९c  पुनानो वारमत्येष्यव्ययँ श्येनो न योनिं घृतवन्तमासदत् ॥ ५६२
   १ ६ २ ०७१०a  प्र देवमच्छा मधुमन्त इन्दवोऽसिष्यदन्त गाव आ न धेनवः ।
   १ ६ २ ०७१०c  बर्हिषदो वचनावन्त ऊधभिः परिस्रुतमुस्रिया निर्णिजं धिरे ॥ ५६३
   १ ६ २ ०७११a  अञ्जते व्यञ्जते समञ्जते क्रतुँ रिहन्ति मघ्वाभ्यञ्जते ।
   १ ६ २ ०७११c  सिन्धोरुऽच्छ्वासे पतयन्तमुक्षणँ हिरण्यपावाः पशुमप्सु गृभ्णते ॥ ५६४
   १ ६ २ ०७१२a  पवित्रं ते विततं ब्रह्मणस्पते प्रभुर्गात्राणि पर्येषि विश्वतः ।
   १ ६ २ ०७१२c  अतप्ततनूर्न तदामो अश्नुते शृतास इद्वहन्तः सं तदाशत ॥ ५६५

   १ ६ २ ०८०१a  इन्द्रमच्छ सुता इमे वृषणं यन्तु हरयः ।
   १ ६ २ ०८०१c  श्रुष्टे जातास इन्दवः स्वर्विदः ॥ ५६६
   १ ६ २ ०८०२a  प्र धन्वा सोम जागृविरिन्द्रायेन्दो परि स्रव ।
   १ ६ २ ०८०२c  द्युमन्तँ शुष्ममा भर स्वर्विदम् ॥ ५६७
   १ ६ २ ०८०३a  सखाय आ नि षीदत पुनानाय प्र गायत ।
   १ ६ २ ०८०३c  शिशुं न यज्ञैः परि भूषत श्रिये ॥ ५६८
   १ ६ २ ०८०४a  तं वः सखायो मदाय पुनानमभि गायत ।
   १ ६ २ ०८०४c  शिशुं न हव्यैः स्वदयन्त गूर्तिभिः ॥ ५६९
   १ ६ २ ०८०५a  प्राणा शिशुर्महीनाँ हिन्वन्नृतस्य दीधितिम् ।
   १ ६ २ ०८०५c  विश्वा परि प्रिया भुवदध द्विता ॥ ५७०
   १ ६ २ ०८०६a  पवस्व देववीतय इन्दो धाराभिरोजसा ।
   १ ६ २ ०८०६c  आ कलशं मधुमान्त्सोम नः सदः ॥ ५७१
   १ ६ २ ०८०७a  सोमः पुनान ऊर्मिणाव्यं वारं वि धावति ।
   १ ६ २ ०८०७c  अग्रे वाचः पवमानः कनिक्रदत् ॥ ५७२
   १ ६ २ ०८०८a  प्र पुनानाय वेधसे सोमाय वच उच्यते ।
   १ ६ २ ०८०८c  भृतिं न भरा मतिभिर्जुजोषते ॥ ५७३
   १ ६ २ ०८०९a  गोमन्न इन्दो अश्ववत्सुतः सुदक्ष धनिव ।
   १ ६ २ ०८०९c  शुचिं च वर्णमधि गोषु धार्य ॥ ५७४
   १ ६ २ ०८१०a  अस्मभ्यं त्वा वसुविदमभि वाणीरनूषत ।
   १ ६ २ ०८१०c  गोभिष्टे वर्णमभि वासयामसि ॥ ५७५
   १ ६ २ ०८११a  पवते हर्यतो हरिरति ह्वराँसि रँह्या ।
   १ ६ २ ०८११c  अभ्यर्ष स्तोतृभ्यो वीरवद्यशः ॥ ५७६
   १ ६ २ ०८१२a  परि कोशं मधुश्चुतँ सोमः पुनानो अर्षति ।
   १ ६ २ ०८१२c  अभि वाणीरृषीणाँ सप्ता नूषत ॥ ५७७

   १ ६ २ ०९०१a  पवस्व मधुमत्तम इन्द्राय सोम क्रतुवित्तमो मदः ।
   १ ६ २ ०९०१c  महि द्युक्षतमो मदः ॥ ५७८
   १ ६ २ ०९०२a  अभि द्युम्नं बृहद्यश इषस्पते दिदीहि देव देवयुम् ।
   १ ६ २ ०९०२c  वि कोशं मध्यमं युव ॥ ५७९
   १ ६ २ ०९०३a  आ सोता परि षिञ्चताश्वं न स्तोममप्तुरँ रजस्तुरम् ।
   १ ६ २ ०९०३c  वनप्रक्षमुदप्रुतम् ॥ ५८०
   १ ६ २ ०९०४a  एतमु त्यं मदच्युतँ सहस्रधारं वृषभं दिवोदुहम् ।
   १ ६ २ ०९०४c  विश्वा वसूनि बिभ्रतम् ॥ ५८१
   १ ६ २ ०९०५a  स सुन्वे यो वसूनां यो रायामानेता य इडानाम् ।
   १ ६ २ ०९०५c  सोमो यः सुक्षितीनाम् ॥ ५८२
   १ ६ २ ०९०६a  त्वँ ह्या३ङ्ग दैव्या पवमान जनिमानि द्युमत्तमः ।
   १ ६ २ ०९०६c  अमृतत्वाय घोषयन् ॥ ५८३
   १ ६ २ ०९०७a  एष स्य धारया सुतोऽव्यो वारेभिः पवते मदिन्तमः ।
   १ ६ २ ०९०७c  क्रीडन्नूर्मिरपामिव ॥ ५८४
   १ ६ २ ०९०८a  य उस्रिया अपि या अन्तरश्मनि निर्गा अकृन्तदोजसा ।
   १ ६ २ ०९०८c  अभि व्रजं तत्निषे गव्यमश्व्यं वर्मीव धृष्णवा रुज ।
   १ ६ २ ०९०८e  ॐ वर्मीव धृष्णवा रुज ॥ ५८५

      ॥ इति सौम्यं पावमानं पर्व काण्डम् ॥

      ॥ इति पूर्वार्चिकः ॥

      आरण्य आर्चिकः
     आरण्य काण्डम्
   २ ० ० ०१०१a  इन्द्र ज्येष्ठं न आ भर ओजिष्ठं पुपुरि श्रवः ।
   २ ० ० ०१०१c  यद्दिधृक्षेम वज्रहस्त रोदसी ओभे सुशिप्र पप्राः ॥ ५८६
   २ ० ० ०१०२a  इन्द्रो राजा जगतश्चर्षणीनामधिक्षमा विश्वरूपं यदस्य ।
   २ ० ० ०१०२c  ततो ददाति दाशुषे वसूनि चोदद्राध उपस्तुतं चिदर्वाक् ॥ ५८७
   २ ० ० ०१०३a  यस्येदमा रजोयुजस्तुजे जने वनँ स्वः ।
   २ ० ० ०१०३c  इन्द्रस्य रन्त्यं बृहत् ॥ ५८८
   २ ० ० ०१०४a  उदुत्तमं वरुण पाशमस्मदवाधमं वि मध्यमँ श्रथाय ।
   २ ० ० ०१०४c  अथादित्य व्रते वयं तवानागसो अदितये स्याम ॥ ५८९
   २ ० ० ०१०५a  त्वया वयं पवमानेन सोम भरे कृतं वि चिनुयाम शश्वत् ।
   २ ० ० ०१०५c  तन्नो मित्रो वरुणो मामहन्तामदितिः सिन्धुः पृथिवी उत द्यौः ॥ ५९०
   २ ० ० ०१०६a  इमं वृषणं कृणुतैकमिन्माम् ॥ ५९१
   २ ० ० ०१०७a  स न इन्द्राय यज्यवे वरुणाय मरुद्भ्यः ।
   २ ० ० ०१०७c  वरिवोवित्परिस्रव ॥ ५९२
   २ ० ० ०१०८a  एना विश्वान्यर्य आ द्युम्नानि मानुषाणाम् ।
   २ ० ० ०१०८c  सिषासन्तो वनामहे ॥ ५९३
   २ ० ० ०१०९a  अहमस्मि प्रथमजा ऋतस्य पूर्वं देवेभ्यो अमृतस्य नाम ।
   २ ० ० ०१०९c  यो मा ददाति स इदेवमावदहमन्नमन्नमदन्तमद्मि ॥ ५९४

   २ ० ० ०२०१a  त्वमेतदधारयः कृष्णासु रोहिणीषु च ।
   २ ० ० ०२०१c  परुष्णीषु रुशत्पयः ॥ ५९५
   २ ० ० ०२०२a  अरूरुचदुषसः पृश्निरग्रिय उक्षा मिमेति भुवनेषु वाजयुः ।
   २ ० ० ०२०२c  मायाविनो ममिरे अस्य मायया नृचक्षसः पितरो गर्भमादधुः ॥ ५९६
   २ ० ० ०२०३a  इन्द्र इद्धर्योः सचा सम्मिश्ल आ वचोयुजा ।
   २ ० ० ०२०३c  इन्द्रो वज्री हिरण्ययः ॥ ५९७
   २ ० ० ०२०४a  इन्द्र वाजेषु नोऽव सहस्रप्रधनेषु च ।
   २ ० ० ०२०४c  उग्र उग्राभिरूतिभिः ॥ ५९८
   २ ० ० ०२०५a  प्रथश्च यस्य सप्रथश्च नामानुष्टुभस्य हविषो हविर्यत् ।
   २ ० ० ०२०५c  धातुर्द्युतानात्सवितुश्च विष्णो रथन्तरमा जभारा वसिष्ठः ॥ ५९९
   २ ० ० ०२०६a  नियुत्वान्वायवा गह्ययँ शुक्रो अयामि ते ।
   २ ० ० ०२०६c  गन्तासि सुन्वतो गृहम् ॥ ६००
   २ ० ० ०२०७a  यज्जायथा अपूर्व्य मघवन्वृत्रहत्याय ।
   २ ० ० ०२०७c  तत्पृथिवीमप्रथयस्तदस्तभ्ना उतो दिवम् ॥ ६०१

   २ ० ० ०३०१a  मयि वर्चो अथो यशोऽथो यज्ञस्य यत्पयः ।
   २ ० ० ०३०१c  परमेष्ठी प्रजापतिर्दिवि द्यामिव दृँहतु ॥ ६०२
   २ ० ० ०३०२a  सं ते पयाँसि समु यन्तु वाजाः सं वृष्ण्यान्यभिमातिषाहः ।
   २ ० ० ०३०२c  आप्यायमानो अमृताय सोम दिवि श्रवाँस्युत्तमानि धिष्व ॥ ६०३
   २ ० ० ०३०३a  त्वमिमा ओषधीः सोम विश्वास्त्वमपो अजनयस्त्वं गाः ।
   २ ० ० ०३०३c  त्वमातनोरुर्वा३न्तरिक्षं त्वं ज्योतिषा वि तमो ववर्थ ॥ ६०४
   २ ० ० ०३०४a  अग्निमीडे पुरोहितं यज्ञस्य देवमृत्विजम् ।
   २ ० ० ०३०४c  होतारं रत्नधातमम् ॥ ६०५
   २ ० ० ०३०५a  ते मन्वत प्रथमं नाम गोनां त्रिः सप्त परमं नाम जनान् ।
   २ ० ० ०३०५c  ता जानतीरभ्यनूषत क्षा आविर्भुवन्नरुणीर्यशसा गावः ॥ ६०६
   २ ० ० ०३०६a  समन्या यन्त्युपयन्त्यन्याः समानमूर्वं नद्यस्पृणन्ति ।
   २ ० ० ०३०६c  तमू शुचिँ शुचयो दीदिवाँसमपान्नपातमुप यन्त्यापः ॥ ६०७
   २ ० ० ०३०७a  आ प्रागाद्भद्रा युवतिरह्नः केतून्त्समीर्त्सति ।
   २ ० ० ०३०७c  अभूद्भद्रा निवेशनी विश्वस्य जगतो रात्री ॥ ६०८
   २ ० ० ०३०८a  प्रक्षस्य वृष्णो अरुषस्य नू महः प्र नो वचो विदथा जातवेदसे ।
   २ ० ० ०३०८c  वैश्वानराय मतिर्नव्यसे शुचिः सोम इव पवते चारुरग्नये ॥ ६०९
   २ ० ० ०३०९a  विश्वे देवा मम शृण्वन्तु यज्ञमुभे रोदसी अपां नपाच्च मन्म ।
   २ ० ० ०३०९c  मा वो वचाँसि परिचक्ष्याणि वोचँ सुम्नेष्विद्वो अन्तमा मदेम ॥ ६१०
   २ ० ० ०३१०a  यशो मा द्यावापृथिवी यशो मेन्द्रबृहस्पती ।
   २ ० ० ०३१०c  यशो भगस्य विन्दतु यशो मा प्रतिमुच्यताम् ।
   २ ० ० ०३१०e  यशस्व्या३स्याः सँ सदोऽहं प्रवदिता स्याम् ॥ ६११
   २ ० ० ०३११a  इन्द्रस्य नु वीर्याणि प्रवोचं यानि चकार प्रथमानि वज्री ।
   २ ० ० ०३११c  अहन्नहिमन्वपस्ततर्द प्र वक्षणा अभिनत्पर्वतानाम् ॥ ६१२
   २ ० ० ०३१२a  अग्निरस्मि जन्मना जातवेदा घृतं मे चक्षुरमृतं म आसन् ।
   २ ० ० ०३१२c  त्रिधातुरर्को रजसो विमानोऽजस्रं ज्योतिर्हविरस्मि सर्वम् ॥ ६१३
   २ ० ० ०३१३a  पात्यग्निर्विपो अग्रं पदं वेः पाति यह्वश्चरणँ सूर्यस्य ।
   २ ० ० ०३१३c  पाति नाभा सप्तशीर्षाणमग्निः ॥ ६१४

   २ ० ० ०४०१a  भ्राजन्त्यग्ने समिधान दीदिवो जिह्वा चरत्यन्तरासनि ।
   २ ० ० ०४०१c  स त्वं नो अग्ने पयसा वसुविद्रयिं वर्चो दृशेऽदाः ॥ ६१५
   २ ० ० ०४०२a  वसन्त इन्नु रन्त्यो ग्रीष्म इन्नु रन्त्यः ।
   २ ० ० ०४०२c  वर्षाण्यनु शरदो हेमन्तः शिशिर इन्नु रन्त्यः ॥ ६१६
   २ ० ० ०४०३a  सहस्रशीर्षा पुरुषः सहस्राक्षः सहस्रपात् ।
   २ ० ० ०४०३c  स भूमिँ सर्वतो वृत्वात्यतिष्ठद्दशाङ्गुलम् ॥ ६१७
   २ ० ० ०४०४a  त्रिपादूर्ध्व उदैत्पुरुषः पदोऽस्येहाभवत्पुनः ।
   २ ० ० ०४०४c  तथा विष्वङ् व्यक्रामदशनानशने अभि ॥ ६१८
   २ ० ० ०४०५a  पुरुष एवेदँ सर्वं यद्भूतं यच्च भाव्यम् ।
   २ ० ० ०४०५c  पादोऽस्य सर्वा भूतानि त्रिपादस्यामृतं दिवि ॥ ६१९
   २ ० ० ०४०६a  तावानस्य महिमा ततो ज्यायाँश्च पूरुषः ।
   २ ० ० ०४०६c  उतामृतत्वस्येशानो यदन्नेनातिरोहति ॥ ६२०
   २ ० ० ०४०७a  ततो विराडजायत विराजो अधि पूरुषः ।
   २ ० ० ०४०७c  स जातो अत्यरिच्यत पश्चाद्भूमिमथो पुरः ॥ ६२१
   २ ० ० ०४०८a  मन्ये वाँ द्यावापृथिवी सुभोजसौ ये अप्रथेथाममितमभि योजनम् ।
   २ ० ० ०४०८c  द्यावापृथिवी भवतँ स्योने ते नो मुञ्चतमँहसः ॥ ६२२
   २ ० ० ०४०९a  हरी त इन्द्र श्मश्रूण्युतो ते हरितौ हरि ।
   २ ० ० ०४०९c  तं त्वा स्तुवन्ति कवयः पुरुषासो वनर्गवः ॥ ६२३
   २ ० ० ०४१०a  यद्वर्चो हिरण्यस्य यद्वा वर्चो गवामुत ।
   २ ० ० ०४१०c  सत्यस्य ब्रह्मणो वर्चस्तेन मा सँ सृजामसि ॥ ६२४
   २ ० ० ०४११a  सहस्तन्न इन्द्र दद्ध्योज ईशे ह्यस्य महतो विरप्शिन् ।
   २ ० ० ०४११c  क्रतुं न नृम्णँ स्थविरं च वाजं वृत्रेषु शत्रून्त्सुहना कृधी नः ॥ ६२५
   २ ० ० ०४१२a  सहर्षभाः सहवत्सा उदेत विश्वा रूपाणी बिभ्रतीर्द्व्यूद्नीः ।
   २ ० ० ०४१२c  उरुः पृथुरयं वो अस्तु लोक इमा आपः सुप्रपाणा इह स्त ॥ ६२६

   २ ० ० ०५०१a  अग्न आयूँषि पवस आसुवोर्जमिषं च नः ।
   २ ० ० ०५०१c  आरे बाधस्व दुच्छुनाम् ॥ ६२७
   २ ० ० ०५०२a  विभ्राङ्बृहत्पिबतु सोम्यं मध्वायुर्दधद्यज्ञपतावविह्रुतम् ।
   २ ० ० ०५०२c  वातजूतो यो अभिरक्षति त्मना प्रजाः पिपर्ति बहुधा वि राजति ॥ ६२८
   २ ० ० ०५०३a  चित्रं देवानामुदगादनीकं चक्षुर्मित्रस्य वरुणस्याग्नेः ।
   २ ० ० ०५०३c  आप्रा द्यावापृथिवी अन्तरिक्षँ सूर्य आत्मा जगतस्तस्थुषश्च ॥ ६२९
   २ ० ० ०५०४a  आयं गौः पृश्निरक्रमीदसदन्मातरं पुरः ।
   २ ० ० ०५०४c  पितरं च प्रयन्त्स्वः ॥ ६३०
   २ ० ० ०५०५a  अन्तश्चरति रोचनास्य प्राणादपानती ।
   २ ० ० ०५०५c  व्यख्यन्महिषो दिवम् ॥ ६३१
   २ ० ० ०५०६a  त्रिँषद्धाम वि राजति वाक्पतङ्गाय धीयते ।
   २ ० ० ०५०६c  प्रति वस्तोरह द्युभिः ॥ ६३२
   २ ० ० ०५०७a  अप त्ये तायवो यथा नक्षत्रा यन्त्यक्तुभिः ।
   २ ० ० ०५०७c  सूराय विश्वचक्षसे ॥ ६३३
   २ ० ० ०५०८a  अदृश्रन्नस्य केतवो वि रश्मयो जनाँ अनु ।
   २ ० ० ०५०८c  भ्राजन्तो अग्नयो यथा ॥ ६३४
   २ ० ० ०५०९a  तरणिर्विश्वदर्शतो ज्योतिष्कृदसि सूर्य ।
   २ ० ० ०५०९c  विश्वमाभासि रोचनम् ॥ ६३५
   २ ० ० ०५१०a  प्रत्यङ् देवानां विशः प्रत्यङ्ङुदेषि मानुषान् ।
   २ ० ० ०५१०c  प्रत्यङ् विश्वँ स्वर्दृशे ॥ ६३६
   २ ० ० ०५११a  येना पावक चक्षसा भुरण्यन्तं जनाँ अनु ।
   २ ० ० ०५११c  त्वं वरुण पश्यसि ॥ ६३७
   २ ० ० ०५१२a  उद्द्यामेषि रजः पृथ्वहा मिमानो अक्तुभिः ।
   २ ० ० ०५१२c  पश्यञ्जन्मानि सूर्य ॥ ६३८
   २ ० ० ०५१३a  अयुक्त सप्त शुन्ध्युवः सूरो रथस्य नप्त्र्यः ।
   २ ० ० ०५१३c  ताभिर्याति स्वयुक्तिभिः ॥ ६३९
   २ ० ० ०५१४a  सप्त त्वा हरितो रथे वहन्ति देव सूर्य ।
   २ ० ० ०५१४c  शोचिष्केशं विचक्षण ॥ ६४०
      ॥ इत्यारण्यं पर्व काण्डम् ॥

      महानाम्न्य आर्चिकः
   ३ ० ० ०००१a  विदा मघवन् विदा गातुमनुशँसिषो दिशः ।
   ३ ० ० ०००१c  शिक्षा शचीनां पते पूर्वीणां पुरूवसो ॥ ६४१
   ३ ० ० ०००२a  आभिष्ट्वमभिष्टिभिः स्वाऽ३र्न्नाँशुः ।
   ३ ० ० ०००२c  प्रचेतन प्रचेतयेन्द्र द्युम्नाय न इषे ॥ ६४२
   ३ ० ० ०००३a  एवा हि शक्रो राये वाजाय वज्रिवः ।
   ३ ० ० ०००३c  शविष्ठ वज्रिन्नृञ्जसे मँहिष्ठ वज्रिन्नृञ्जस ।
   ३ ० ० ०००३e  आ याहि पिब मत्स्व ॥ ६४३
   ३ ० ० ०००४a  विदा राये सुवीर्यं भवो वाजानां पतिर्वशाँ अनु ।
   ३ ० ० ०००४c  मँहिष्ठ वज्रिन्नृञ्जसे यः शविष्ठः शूराणाम् ॥ ६४४
   ३ ० ० ०००५a  यो मँहिष्ठो मघोनाम्ँशुर्न्न शोचिः ।
   ३ ० ० ०००५c  चिकित्वो अभि नो नयेन्द्रो विदे तमु स्तुहि ॥ ६४५
   ३ ० ० ०००६a  ईशे हि शक्रस्तमूतये हवामहे जेतारमपराजितम् ।
   ३ ० ० ०००६c  स नः स्वर्षदति द्विषः क्रतुश्छन्द ऋतं बृहत् ॥ ६४६
   ३ ० ० ०००७a  इन्द्रं धनस्य सातये हवामहे जेतारमपराजितम् ।
   ३ ० ० ०००७c  स नः स्वर्षदति द्विषः स नः स्वर्षदति द्विषः ॥ ६४७
   ३ ० ० ०००८a  पूर्वस्य यत्ते अद्रिवोँऽशुर्मदाय ।
   ३ ० ० ०००८c  सुम्न आ धेहि नो वसो पूर्तिः शविष्ठ शस्यते ।
   ३ ० ० ०००८e  वशी हि शक्रो नूनं तन्नव्यँ संन्यसे ॥ ६४८
   ३ ० ० ०००९a  प्रभो जनस्य वृत्रहन्त्समर्येषु ब्रवावहै ।
   ३ ० ० ०००९c  शूरो यो गोषु गच्छति सखा सुशेवो अद्वयुः ॥ ६४९
     अथ पञ्च पुरीषपदानि
   ३ ० ० ००१०a  एवाह्योऽ३ऽ३ऽ३वा । एवा ह्यग्ने । एवाहीन्द्र ।
   ३ ० ० ००१०c  एवा हि पूषन् । एवा हि देवाः ॐ एवाहि देवाः ॥ ६५०
      ॥ इति पञ्च पुरीषपदानि ॥

      ॥ इति महानाम्न्यार्चिकः ॥

      उत्तर आर्चिकः
      प्रथम प्रपाठकः ।  प्रथमोऽर्धः
      असितः काश्यपो देवलो वा। गायत्री। पवमानः सोमः।
   ४ १ १ ०१ ०१a  उपास्मै गायता नरः पवमानायेन्दवे ।
   ४ १ १ ०१ ०१c  अभि देवाँ इयक्षते ॥ ६५१
   ४ १ १ ०१ ०२a  अभि ते मधुना पयोऽथर्वाणो अशिश्रयुः ।
   ४ १ १ ०१ ०२c  देवं देवाय देवयु ॥ ६५२
   ४ १ १ ०१ ०३a  स नः पवस्व शं गवे शं जनाय शमर्वते ।
   ४ १ १ ०१ ०३c  शँ राजन्नोषधीभ्यः ॥ ६५३

      कश्यपो मारीचः। गायत्री। पवमानः सोमः।
   ४ १ १ ०२ ०१a  दविद्युतत्या रुचा परिष्टोभन्त्या कृपा ।
   ४ १ १ ०२ ०१c  सोमाः शुक्रा गवाशिरः ॥ ६५४
   ४ १ १ ०२ ०२a  हिन्वानो हेतृभिर्हित आ वाजं वाज्यक्रमीत् ।
   ४ १ १ ०२ ०२c  सीदन्तो वनुषो यथा ॥ ६५५
   ४ १ १ ०२ ०३a  ऋधक्सोम स्वस्तये सञ्जग्मानो दिवा कवे ।
   ४ १ १ ०२ ०३c  पवस्व सूर्यो दृशे ॥ ६५६

      शतं वैखानसाः, गायत्री, पवमानः सोमः।
   ४ १ १ ०३ ०१a  पवमानस्य ते कवे वाजिन्त्सर्गा असृक्षते ।
   ४ १ १ ०३ ०१c  अर्वन्तो न श्रवस्यवः ॥ ६५७
   ४ १ १ ०३ ०२a  अच्छा कोशं मधुश्चुतमसृग्रं वारे अव्यये ।
   ४ १ १ ०३ ०२c  अवावशन्त धीतयः ॥ ६५८
   ४ १ १ ०३ ०३a  अच्छा समुद्रमिन्दवोऽस्तं गावो न धेनवः ।
   ४ १ १ ०३ ०३c  अग्मन्नृतस्य योनिमा ॥ ६५९

      भरद्वाजो बार्हस्पत्यः, गायत्री, अग्निः।
   ४ १ १ ०४ ०१a  अग्न आ याहि वीतये गृणानो हव्यदातये ।
   ४ १ १ ०४ ०१c  नि होता सत्सि बर्हिषि ॥ ६६०
   ४ १ १ ०४ ०२a  तं त्वा समिद्भिरङ्गिरो घृतेन वर्धयामसि ।
   ४ १ १ ०४ ०२c  बृहच्छोचा यविष्ठ्य ॥ ६६१
   ४ १ १ ०४ ०३a  स नः पृथु श्रवाय्यमच्छा देव विवाससि ।
   ४ १ १ ०४ ०३c  बृहदग्ने सुवीर्यम् ॥ ६६२

      विश्वामित्रो गाथिनः जमदग्निर्वा, गायत्री, मित्रावरुणौ।
   ४ १ १ ०५ ०१a  आ नो मित्रावरुणा घृतैर्गव्यूतिमुक्षतम् ।
   ४ १ १ ०५ ०१c  मध्वा रजाँसि सुक्रतू ॥ ६६३
   ४ १ १ ०५ ०२a  उरुशँसा नमोवृधा मह्ना दक्षस्य राजथः ।
   ४ १ १ ०५ ०२c  द्राघिष्ठाभिः शुचिव्रता ॥ ६६४
   ४ १ १ ०५ ०३a  गृणाना जमदग्निना योनावृतस्य सीदतम् ।
   ४ १ १ ०५ ०३c  पातँ सोममृतावृधा ॥ ६६५

      इरीम्बिठिः काण्वः। गायत्री। इन्द्रः।
   ४ १ १ ०६ ०३a  आ याहि सुषुमा हि त इन्द्र सोमं पिबा इमम् ।
   ४ १ १ ०६ ०३c  एदं बर्हिः सदो मम ॥ ६६६
   ४ १ १ ०६ ०३a  आ त्वा ब्रह्मयुजा हरी वहतामिन्द्र केशिना ।
   ४ १ १ ०६ ०३c  उप ब्रह्माणि नः शृणु ॥ ६६७
   ४ १ १ ०६ ०३a  ब्रह्माणस्त्वा युजा वयँ सोमपामिन्द्र सोमिनः ।
   ४ १ १ ०६ ०३c  सुतावन्तो हवामहे ॥ ६६८

      विश्वामित्रो गाथिनः। गायत्री। इन्द्राग्नी।
   ४ १ १ ०७ ०१a  इन्द्राग्नी आ गतँ सुतं गीर्भिर्नभो वरेण्यम् ।
   ४ १ १ ०७ ०१c  अस्य पातं धियेषिता ॥ ६६९
   ४ १ १ ०७ ०२a  इन्द्राग्नी जरितुः सचा यज्ञो जिगाति चेतनः ।
   ४ १ १ ०७ ०२c  अया पातमिमँ सुतम् ॥ ६७०
   ४ १ १ ०७ ०३a  इन्द्रमग्निं कविच्छदा यज्ञस्य जूत्या वृणे ।
   ४ १ १ ०७ ०३c  ता सोमस्येह तृम्पताम् ॥ ६७१

      अमहीयुराङ्गिरसः। गायत्री। पवमानः सोमः।
   ४ १ १ ०८ ०१a  उच्चा ते जातमन्धसो दिवि सद्भूम्या ददे ।
   ४ १ १ ०८ ०१c  उग्रँ शर्म महि श्रवः ॥ ६७२
   ४ १ १ ०८ ०२a  स न इन्द्राय यज्यवे वरुणाय मरुद्भ्यः ।
   ४ १ १ ०८ ०२c  वरिवोवित्परि स्रव ॥ ६७३
   ४ १ १ ०८ ०३a  एना विश्वान्यर्य आ द्युम्नानि मानुषाणाम् ।
   ४ १ १ ०८ ०३c  सिषासन्तो वनामहे ॥ ६७४

   ४ १ १ ०९ ०१a  पुनानः सोम धारयापो वसानो अर्षसि ।
   ४ १ १ ०९ ०१c  आ रत्नधा योनिमृतस्य सीदस्युत्सो देवो हिरण्ययः ॥ ६७५
   ४ १ १ ०९ ०२a  दुहान ऊधर्दिव्यं मधु प्रियं प्रत्नँ सधस्थमासदत् ।
   ४ १ १ ०९ ०२c  आपृच्छ्यं धरुणं वाज्यर्षसि नृभिर्धौतो विचक्षणः ॥ ६७६

   ४ १ १ १० ०१a  प्र तु द्रव परि कोशं नि षीद नृभिः पुनानो अभि वाजमर्ष ।
   ४ १ १ १० ०१c  अश्वं न त्वा वाजिनं मर्जयन्तोऽच्छा बर्ही रशनाभिर्नयन्ति ॥ ६७७
   ४ १ १ १० ०२a  स्वायुधः पवते देव इन्दुरशस्तिहा वृजना रक्षमाणः ।
   ४ १ १ १० ०२c  पिता देवानां जनिता सुदक्षो विष्टम्भो दिवो धरुणः पृथिव्याः ॥ ६७८
   ४ १ १ १० ०३a  ऋषिर्विप्रः पुरएता जनानामृभुर्धीर उशना काव्येन ।
   ४ १ १ १० ०३c  स चिद्विवेद निहितं यदासामपीच्या३ं गुह्यं नाम गोनाम् ॥ ६७९

   ४ १ १ ११ ०१a  अभि त्वा शूर नोनुमोऽदुग्धा इव धेनवः ।
   ४ १ १ ११ ०१c  ईशानमस्य जगतः स्वर्दृशमीशानमिन्द्र तस्थुषः ॥ ६८०
   ४ १ १ ११ ०२a  न त्वावाँ अन्यो दिव्यो न पार्थिवो न जातो न जनिष्यते ।
   ४ १ १ ११ ०२c  अश्वायन्तो मघवन्निन्द्र वाजिनो गव्यन्तस्त्वा हवामहे ॥ ६८१

   ४ १ १ १२ ०१a  कया नश्चित्र आ भुवदूती सदावृधः सखा ।
   ४ १ १ १२ ०१c  कया शचिष्ठया वृता ॥ ६८२
   ४ १ १ १२ ०२a  कस्त्वा सत्यो मदानां मँहिष्ठो मत्सदन्धसः ।
   ४ १ १ १२ ०२c  दृढा चिदारुजे वसु ॥ ६८३
   ४ १ १ १२ ०३a  अभी षु णः सखीनामविता जरितॄणाम् ।
   ४ १ १ १२ ०३c  शतं भवास्यूतये ॥ ६८४

   ४ १ १ १३ ०१a  तं वो दस्ममृतीषहं वसोर्मन्दानमन्धसः ।
   ४ १ १ १३ ०१c  अभि वत्सं न स्वसरेषु धेनव इन्द्रं गीर्भिर्नवामहे ॥ ६८५
   ४ १ १ १३ ०२a  द्युक्षँ सुदानुं तविषीभिरावृतं गिरिं न पुरुभोजसम् ।
   ४ १ १ १३ ०२c  क्षुमन्तं वाजँ शतिनँ सहस्रिणं मक्षू गोमन्तमीमहे ॥ ६८६

   ४ १ १ १४ ०१a  तरोभिर्वो विदद्वसुमिन्द्रँ सबाध ऊतये ।
   ४ १ १ १४ ०१c  बृहद्गायन्तः सुतसोमे अध्वरे हुवे भरं न कारिणम् ॥ ६८७
   ४ १ १ १४ ०२a  न यं दुध्रा वरन्ते न स्थिरा मुरो मदेषु शिप्रमन्धसः ।
   ४ १ १ १४ ०२c  य आदृत्या शशमानाय सुन्वते दाता जरित्र उक्थ्यम् ॥ ६८८

   ४ १ १ १५ ०१a  स्वादिष्ठया मदिष्ठया पवस्व सोम धारया ।
   ४ १ १ १५ ०१c  इन्द्राय पातवे सुतः ॥ ६८९
   ४ १ १ १५ ०२a  रक्षोहा विश्वचर्षणिरभि योनिमयोहते ।
   ४ १ १ १५ ०२c  द्रोणे सधस्थमासदत् ॥ ६९०
   ४ १ १ १५ ०३a  वरिवोधातमो भुवो मँहिष्ठो वृत्रहन्तमः ।
   ४ १ १ १५ ०३c  पर्षि राधो मघोनाम् ॥ ६९१

   ४ १ १ १६ ०१a  पवस्व मधुमत्तम इन्द्राय सोम क्रतुवित्तमो मदः ।
   ४ १ १ १६ ०१c  महि द्युक्षतमो मदः ॥ ६९२
   ४ १ १ १६ ०२a  यस्य ते पीत्वा वृषभो वृषायतेऽस्य पीत्वा स्वर्विदः ।
   ४ १ १ १६ ०२c  स सुप्रकेतो अभ्यक्रमीदिषोऽच्छा वाजं नैतशः ॥ ६९३

   ४ १ १ १७ ०१a  इन्द्रमच्छ सुता इमे वृषणं यन्तु हरयः ।
   ४ १ १ १७ ०१c  श्रुष्टे जातास इन्दवः स्वर्विदः ॥ ६९४
   ४ १ १ १७ ०२a  अयं भराय सानसिरिन्द्राय पवते सुतः ।
   ४ १ १ १७ ०२c  सोमो जैत्रस्य चेतति यथा विदे ॥ ६९५
   ४ १ १ १७ ०३a  अस्येदिन्द्रो मदेष्वा ग्राभं गृभ्णाति सानसिम् ।
   ४ १ १ १७ ०३c  वज्रं च वृषणं भरत्समप्सुजित् ॥ ६९६

   ४ १ १ १८ ०१a  पुरोजिती वो अन्धसः सुताय मादयित्नवे ।
   ४ १ १ १८ ०१c  अप श्वानँ श्नथिष्टन सखायो दीर्घजिह्व्यम् ॥ ६९७
   ४ १ १ १८ ०२a  यो धारया पावकया परिप्रस्यन्दते सुतः ।
   ४ १ १ १८ ०२c  इन्दुरश्वो न कृत्व्यः ॥ ६९८
   ४ १ १ १८ ०३a  तं दुरोषमभी नरः सोमं विश्वाच्या धिया ।
   ४ १ १ १८ ०३c  यज्ञाय सन्त्वद्रयः ॥ ६९९

   ४ १ १ १९ ०१a  अभि प्रियाणि पवते चनोहितो नामानि यह्वो अधि येषु वर्धते ।
   ४ १ १ १९ ०१c  आ सूर्यस्य बृहतो बृहन्नधि रथं विष्वञ्चमरुहद्विचक्षणः ॥ ७००
   ४ १ १ १९ ०२a  ऋतस्य जिह्वा पवते मधु प्रियं वक्ता पतिर्धियो अस्या अदाभ्यः ।
   ४ १ १ १९ ०२c  दधाति पुत्रः पित्रोरपीच्या३ं नाम तृतीयमधि रोचनं दिवः ॥ ७०१
   ४ १ १ १९ ०३a  अव द्युतानः कलशाँ अचिक्रदन्नृभिर्येमाणः कोश आ हिरण्यये ।
   ४ १ १ १९ ०३c  अभी ऋतस्य दोहना अनूषताधि त्रिपृष्ठ उषसो वि राजसि ॥ ७०२

   ४ १ १ २० ०१a  यज्ञायज्ञा वो अग्नये गिरागिरा च दक्षसे ।
   ४ १ १ २० ०१c  प्रप्र वयममृतं जातवेदसं प्रियं मित्रं न शँसिषम् ॥ ७०३
   ४ १ १ २० ०२a  ऊर्जो नपातँ स हिनायमस्मयुर्दाशेम हव्यदातये ।
   ४ १ १ २० ०२c  भुवद्वाजेष्वविता भुवद्वृध उत त्राता तनूनाम् ॥ ७०४

   ४ १ १ २१ ०१a  एह्यू षु ब्रवाणि तेऽग्न इत्थेतरा गिरः ।
   ४ १ १ २१ ०१c  एभिर्वर्धास इन्दुभिः ॥ ७०५
   ४ १ १ २१ ०२a  यत्र क्व च ते मनो दक्षं दधस उत्तरम् ।
   ४ १ १ २१ ०२c  तत्रा योनिं कृणवसे ॥ ७०६
   ४ १ १ २१ ०३a  न हि ते पूर्तमक्षिपद्भुवन्नेमानां पते ।
   ४ १ १ २१ ०३c  अथा दुवो वनवसे ॥ ७०७

   ४ १ १ २२ ०१a  वयमु त्वामपूर्व्य स्थूरं न कच्चिद्भरन्तोऽवस्यवः ।
   ४ १ १ २२ ०१c  वज्रिञ्चित्रँ हवामहे ॥ ७०८
   ४ १ १ २२ ०२a  उप त्वा कर्मन्नूतये स नो युवोग्रश्चक्राम यो धृषत् ।
   ४ १ १ २२ ०२c  त्वामिध्यवितारं ववृमहे सखाय इन्द्र सानसिम् ॥ ७०९

   ४ १ १ २३ ०१a  अधा हीन्द्र गिर्वण उप त्वा काम ईमहे ससृग्महे ।
   ४ १ १ २३ ०१c  उदेव ग्मन्त उदभिः ॥ ७१०
   ४ १ १ २३ ०२a  वार्ण त्वा यव्याभिर्वर्धन्ति शूर ब्रह्माणि ।
   ४ १ १ २३ ०२c  ववृध्वाँसं चिदद्रिवो दिवेदिवे ॥ ७११
   ४ १ १ २३ ०३a  पुञ्जन्ति हरी इषिरस्य गाथयोरौ रथ उरुयुगे वचोयुजा ।
   ४ १ १ २३ ०३c  इन्द्रवाहा स्वर्विदा ॥ ७१२

      प्रथम प्रपाठकः ।  द्वितीयोऽर्धः
   ४ १ २ ०१ ०१a  पान्तमा वो अन्धस इन्द्रमभि प्र गायत ।
   ४ १ २ ०१ ०१c  विश्वासाहँ शत्क्रतुं मँहिष्ठं चर्षणीनाम् ॥ ७१३
   ४ १ २ ०१ ०२a  पुरुहूतं पुरुष्टुतं गाथान्या३ँ सनश्रुतम् ।
   ४ १ २ ०१ ०२c  इन्द्र इति ब्रवीतन ॥ ७१४
   ४ १ २ ०१ ०३a  इन्द्र इन्नो महोनां दाता वाजानां नृतुः ।
   ४ १ २ ०१ ०३c  महाँ अभिज्ञ्वा यमत् ॥ ७१५

   ४ १ २ ०२ ०१a  प्र व इन्द्राय मादनँ हर्यश्वाय गायत ।
   ४ १ २ ०२ ०१c  सखायः सोमपाव्ने ॥ ७१६
   ४ १ २ ०२ ०२a  शँसेदुक्थँ सुदानव उत द्युक्षं यथ नरः ।
   ४ १ २ ०२ ०२c  चकृमा सत्यराधसे ॥ ७१७
   ४ १ २ ०२ ०३a  त्वं न इन्द्र वाजयुस्त्वं गव्युः शतक्रतो ।
   ४ १ २ ०२ ०३c  त्वँ हिरण्ययुर्वसो ॥ ७१८

   ४ १ २ ०३ ०१a  वयमु त्वा तदिदर्था इन्द्र त्वायन्तः सखायः ।
   ४ १ २ ०३ ०१c  कण्वा उक्थेभिर्जरन्ते ॥ ७१९
   ४ १ २ ०३ ०२a  न घेमन्यदा पपन वज्रिन्नपसो नविष्टौ ।
   ४ १ २ ०३ ०२c  तवेदु स्तोमैश्चिकेत ॥ ७२०
   ४ १ २ ०३ ०३a  इच्छन्ति देवाः सुन्वन्तं न स्वप्नाय स्पृहयन्ति ।
   ४ १ २ ०३ ०३c  यन्ति प्रमादमतन्द्राः ॥ ७२१

   ४ १ २ ०४ ०१a  इन्द्राय मद्व्ने सुतं परि ष्टोभन्तु नो गिरः ।
   ४ १ २ ०४ ०१c  अर्कमर्च्चन्तु कारवः ॥ ७२२
   ४ १ २ ०४ ०२a  यस्मिन्विश्वा अधि श्रियो रणन्ति सप्त सँसदः ।
   ४ १ २ ०४ ०२c  इन्द्रँ सुते हवामहे ॥ ७२३
   ४ १ २ ०४ ०३a  त्रिकद्रुकेषु चेतनं देवासो यज्ञमत्नत ।
   ४ १ २ ०४ ०३c  तमिद्वर्धन्तु नो गिरः ॥ ७२४

   ४ १ २ ०५ ०१a  अयं त इन्द्र सोमो निपूतो अधि बर्हिषि ।
   ४ १ २ ०५ ०१c  एहीमस्य द्रवा पिब ॥ ७२५
   ४ १ २ ०५ ०२a  शाचिगो शाचिपूजनायँ रणाय ते सुतः ।
   ४ १ २ ०५ ०२c  आखण्डल प्र हूयसे ॥ ७२६
   ४ १ २ ०५ ०३a  यस्ते शृङ्गवृषो णपात्प्रणपात्कुण्डपाय्यः ।
   ४ १ २ ०५ ०३c  न्यस्मिं दध्र आ मनः ॥ ७२७

   ४ १ २ ०६ ०१a  आ तू न इन्द्र क्षुमन्तं चित्रं ग्राभँ सं गृभाय ।
   ४ १ २ ०६ ०१c  महाहस्ति दक्षिणेन ॥ ७२८
   ४ १ २ ०६ ०२a  विद्मा हि त्वा तुविकूर्मिं तुविदेष्णं तुवीमघम् ।
   ४ १ २ ०६ ०२c  तुविमात्रमवोभिः ॥ ७२९
   ४ १ २ ०६ ०३a  न हि त्वा शूर देवा न मर्तासो दित्सन्तम् ।
   ४ १ २ ०६ ०३c  भीमं न गां वारयन्ते ॥ ७३०

   ४ १ २ ०७ ०१a  अभि त्वा वृषभा सुते सुतँ सृजामि पीतये ।
   ४ १ २ ०७ ०१c  तृम्पा व्यश्नुही मदम् ॥ ७३१
   ४ १ २ ०७ ०२a  मा त्वा मूरा अविष्यवो मोपहस्वान आ दभन् ।
   ४ १ २ ०७ ०२c  मा कीं ब्रह्मद्विषं वनः ॥ ७३२
   ४ १ २ ०७ ०३a  इह त्वा गोपरीणसं महे मन्दन्तु राधसे ।
   ४ १ २ ०७ ०३c  सरो गौरो यथा पिब ॥ ७३३

   ४ १ २ ०८ ०१a  इदम् वसो सुतमन्धः पिबा सुपूर्णमुदरम् ।
   ४ १ २ ०८ ०१c  अनाभयिन्ररिमा ते ॥ ७३४
   ४ १ २ ०८ ०२a  नृभिर्धौतः सुतो अश्नैरव्या वारैः परिपूतः ।
   ४ १ २ ०८ ०२c  अश्वो न निक्तो नदीषु ॥ ७३५
   ४ १ २ ०८ ०३a  तं ते यवं यथा गोभिः स्वादुमकर्म श्रीणन्तः ।
   ४ १ २ ०८ ०३c  इन्द्र त्वास्मिन्त्सधमादे ॥ ७३६

   ४ १ २ ०९ ०१a  इदँ ह्यन्वोजसा सुतँ राधानां पते ।
   ४ १ २ ०९ ०१c  पिबा त्वा३स्य गिर्वणः ॥ ७३७
   ४ १ २ ०९ ०२a  यस्ते अनु स्वधामसत्सुते नि यच्छ तन्वम् ।
   ४ १ २ ०९ ०२c  स त्वा ममत्तु सोम्यम् ॥ ७३८
   ४ १ २ ०९ ०३a  प्र ते अश्नोतु कुक्ष्योः प्रेन्द्र ब्रह्मणा शिरः ।
   ४ १ २ ०९ ०३c  प्र बाहू शूर राधसा ॥ ७३९

   ४ १ २ १० ०१a  आ त्वेता नि षीदतेन्द्रमभि प्र गायत ।
   ४ १ २ १० ०१c  सखाय स्तोमवाहसः ॥ ७४०
   ४ १ २ १० ०२a  पुरूतमं पुरूणामीशानं वार्याणाम् ।
   ४ १ २ १० ०२c  इन्द्रँ सोमे सचा सुते ॥ ७४१
   ४ १ २ १० ०३a  स घा नो योग आ भुवत्स राये स पुरन्ध्या ।
   ४ १ २ १० ०३c  गमद्वाजेभिरा स नः ॥ ७४२

   ४ १ २ ११ ०१a  योगेयोगे तवस्तरं वाजेवाजे हवामहे ।
   ४ १ २ ११ ०१c  सखाय इन्द्रमूतये ॥ ७४३
   ४ १ २ ११ ०२a  अनु प्रत्नस्यौकसो हुवे तुविप्रतिं नरम् ।
   ४ १ २ ११ ०२c  यं ते पूर्वं पिता हुवे ॥ ७४४
   ४ १ २ ११ ०३a  आ घा गमद्यदि श्रवत्सहस्रिणीभिरूतिभिः ।
   ४ १ २ ११ ०३c  वाजेभिरुप नो हवम् ॥ ७४५

   ४ १ २ १२ ०१a  इन्द्र सुतेषु सोमेषु क्रतुं पुनीष उक्थ्यम् ।
   ४ १ २ १२ ०१c  विदे वृधस्य दक्षस्य महाँ हि षः ॥ ७४६
   ४ १ २ १२ ०२a  स प्रथमे व्योमनि देवानाँ सदने वृधः ।
   ४ १ २ १२ ०२c  सुपारः सुश्रवस्तमः समप्सुजित् ॥ ७४७
   ४ १ २ १२ ०३a  तमु हुवे वाजसातय इन्द्रं भराय शुष्मिणम् ।
   ४ १ २ १२ ०३c  भवा नः सुम्ने अन्तमः सखा वृधे ॥ ७४८

   ४ १ २ १३ ०१a  एना वो अग्निं नमसोर्जो नपातमा हुवे ।
   ४ १ २ १३ ०१c  प्रियं चेतिष्ठमरतिँ स्वध्वरं विश्वस्य दूतममृतम् ॥ ७४९
   ४ १ २ १३ ०२a  स योजते अरुषा विश्वभोजसा स दुद्रवत्स्वाहुतः ।
   ४ १ २ १३ ०२c  सुब्रह्मा यज्ञः सुशमी वसूनां देवँ राधो जनानाम् ॥ ७५०

   ४ १ २ १४ ०१a  प्रत्यु अदर्श्यायत्यू३च्छन्ती दुहिता दिवः ।
   ४ १ २ १४ ०१c  अपो मही वृणुते चक्षुषा तमो ज्योतिष्कृणोति सूनरी ॥ ७५१
   ४ १ २ १४ ०२a  उदुस्रियाः सृजते सूर्यः सचा उद्यन्नक्षत्रमर्चिवत् ।
   ४ १ २ १४ ०२c  तवेदुषो व्युषि सूर्यस्य च सं भक्तेन गमेमहि ॥ ७५२

   ४ १ २ १५ ०१a  इमा उ वां दिविष्टय उस्रा हवन्ते अश्विना ।
   ४ १ २ १५ ०१c  अयं वामह्वेऽवसे शचीवसू विशंविशँ हि गच्छथः ॥ ७५३
   ४ १ २ १५ ०२a  युवं चित्रं ददथुर्भोजनं नरा चोदेथाँ सूनृतावते ।
   ४ १ २ १५ ०२c  अर्वाग्रथँ समनसा नि यच्छतं पिबतँ सोम्यं मधु ॥ ७५४

   ४ १ २ १६ ०१a  अस्य प्रत्नामनु द्युतँ शुक्रं दुदुह्रे अह्रयः ।
   ४ १ २ १६ ०१c  पयः सहस्रसामृषिम् ॥ ७५५
   ४ १ २ १६ ०२a  अयँ सूर्य इवोपदृगयँ सराँसि धावति ।
   ४ १ २ १६ ०२c  सप्त प्रवत आ दिवम् ॥ ७५६
   ४ १ २ १६ ०३a  अयं विश्वानि तिष्ठति पुनानो भुवनोपरि ।
   ४ १ २ १६ ०३c  सोमो देवो न सूर्यः ॥ ७५७

   ४ १ २ १७ ०१a  एष प्रत्नेन जन्मना देवो देवेभ्यः सुतः ।
   ४ १ २ १७ ०१c  हरिः पवित्रे अर्षति ॥ ७५८
   ४ १ २ १७ ०२a  एष प्रत्नेन मन्मना देवो देवेभ्यस्परि ।
   ४ १ २ १७ ०२c  कविर्विप्रेण वावृधे ॥ ७५९
   ४ १ २ १७ ०३a  दुहानः प्रत्नमित्पयः पवित्रे परि षिच्यसे ।
   ४ १ २ १७ ०३c  क्रन्दं देवाँ अजीजनः ॥ ७६०

   ४ १ २ १८ ०१a  उप शिक्षापतस्थुषो भियसमा धेहि शत्रवे ।
   ४ १ २ १८ ०१c  पवमान विदा रयिम् ॥ ७६१
   ४ १ २ १८ ०२a  उषो षु जातमप्तुरं गोभिर्भङ्गं परिष्कृतम् ।
   ४ १ २ १८ ०२c  इन्दुं देवा अयासिषुः ॥ ७६२
   ४ १ २ १८ ०३a  उपास्मै गायता नरः पवमानायेन्दवे ।
   ४ १ २ १८ ०३c  अभि देवाँ इयक्षते ॥ ७६३

   ४ १ २ १९ ०१a  प्र सोमासो विपश्चितोऽपो नयन्त ऊर्मयः ।
   ४ १ २ १९ ०१c  वनानि महिषा इव ॥ ७६४
   ४ १ २ १९ ०२a  अभि द्रोणानि बभ्रवः शुक्रा ऋतस्य धारया ।
   ४ १ २ १९ ०२c  वाजं गोमन्तमक्षरन् ॥ ७६५
   ४ १ २ १९ ०३a  सुता इन्द्राय वायवे वरुणाय मरुद्भ्यः ।
   ४ १ २ १९ ०३c  सोमा अर्षन्तु विष्णवे ॥ ७६६

   ४ १ २ २० ०१a  प्र सोम देववीतये सिन्धुर्न पिप्ये अर्णसा ।
   ४ १ २ २० ०१c  अँशोः पयसा मदिरो न जागृविरच्छा कोशं मधुश्चुतम् ॥ ७६७
   ४ १ २ २० ०२a  आ हर्यतो अर्जुनो अत्के अव्यत प्रियः सूनुर्न मर्ज्यः ।
   ४ १ २ २० ०२c  तमीँ हिन्वन्त्यपसो यथा रथं नदीष्वा गभस्त्योः ॥ ७६८

   ४ १ २ २१ ०१a  प्र सोमासो मदच्युतः श्रवसे नो मघोनाम् ।
   ४ १ २ २१ ०१c  सुता विदथे अक्रमुः ॥ ७६९
   ४ १ २ २१ ०२a  आदीँ हँसो यथा गणं विश्वस्यावीवशन्मतिम् ।
   ४ १ २ २१ ०२c  अत्यो न गोभिरज्यते ॥ ७७०
   ४ १ २ २१ ०३a  आदीं त्रितस्य योषणो हरिँ हिन्वन्त्यद्रिभिः ।
   ४ १ २ २१ ०३c  इन्दुमिन्द्राय पीतये ॥ ७७१

   ४ १ २ २२ ०१a  अया पवस्व देवयु रेभन्पवित्रं पर्येषि विश्वतः ।
   ४ १ २ २२ ०१c  मधोर्धारा असृक्षत ॥ ७७२
   ४ १ २ २२ ०२a  पवते हर्यतो हरिरति ह्वराँसि रँह्या ।
   ४ १ २ २२ ०२c  अभ्यर्ष स्तोतृभ्यो वीरवद्यशः ॥ ७७३
   ४ १ २ २२ ०३a  प्र सुन्वानास्यान्धसो मर्तो न वष्ट तद्वचः ।
   ४ १ २ २२ ०३c  अप श्वानमराधसँ हता मखं न भृगवः ॥ ७७४

      द्वितीय प्रपाठकः ।  प्रथमोऽर्धः
   ४ २ १ ०१ ०१a  पवस्व वाचो अग्रियः सोम चित्राभिरूतिभिः ।
   ४ २ १ ०१ ०१c  अभि विश्वानि काव्या ॥ ७७५
   ४ २ १ ०१ ०२a  त्वँ समुद्रिया अपोऽग्रियो वाच ईरयन् ।
   ४ २ १ ०१ ०२c  पवस्व विश्वचर्षणे ॥ ७७६
   ४ २ १ ०१ ०३a  तुभ्येमा भुवना कवे महिम्ने सोम तस्थिरे ।
   ४ २ १ ०१ ०३c  तुभ्यं धावन्ति धेनवः ॥ ७७७

   ४ २ १ ०२ ०१a  पवस्वेन्दो वृषा सुतः कृधी नो यशसो जने ।
   ४ २ १ ०२ ०१c  विश्वा अप द्विषो जहि ॥ ७७८
   ४ २ १ ०२ ०२a  यस्य ते सख्ये वयँ सासह्याम पृतन्यतः ।
   ४ २ १ ०२ ०२c  तवेन्दो द्युम्न उत्तमे ॥ ७७९
   ४ २ १ ०२ ०३a  या ते भीमान्यायुधा तिग्मानि सन्ति धूर्वणे ।
   ४ २ १ ०२ ०३c  रक्षा समस्य नो निदः ॥ ७८०

   ४ २ १ ०३ ०१a  वृषा सोम द्युमाँ असि वृषा देव वृषव्रतः ।
   ४ २ १ ०३ ०१c  वृषा धर्माणि दध्रिषे ॥ ७८१
   ४ २ १ ०३ ०२a  वृष्णस्ते वृष्ण्यँ शवो वृषा वनं वृषा सुतः ।
   ४ २ १ ०३ ०२c  स त्वं वृषन्वृषेदसि ॥ ७८२
   ४ २ १ ०३ ०३a  अश्वो न चक्रदो वृषा सं गा इन्दो समर्वतः ।
   ४ २ १ ०३ ०३c  वि नो राये दुरो वृधि ॥ ७८३

   ४ २ १ ०४ ०१a  वृषा ह्यसि भानुना द्युमन्तं त्वा हवामहे ।
   ४ २ १ ०४ ०१c  पवमान स्वर्दृशम् ॥ ७८४
   ४ २ १ ०४ ०२a  यदद्भिः परिशिच्यसे मर्मृज्यमान आयुभिः ।
   ४ २ १ ०४ ०२c  द्रोणे सधस्थमश्नुषे ॥ ७८५
   ४ २ १ ०४ ०३a  आ पवस्व सुवीर्यं मन्दमानः स्वायुध ।
   ४ २ १ ०४ ०३c  इहो ष्विन्दवा गहि ॥ ७८६

   ४ २ १ ०५ ०१a  पवमानस्य ते वयं पवित्रमभ्युन्दतः ।
   ४ २ १ ०५ ०१c  सखित्वमा वृणीमहे ॥ ७८७
   ४ २ १ ०५ ०२a  ये ते पवित्रमूर्मयोऽभिक्षरन्ति धारया ।
   ४ २ १ ०५ ०२c  तेभिर्नः सोम मृडय ॥ ७८८
   ४ २ १ ०५ ०३a  स नः पुनान आ भर रयिं वीरवतीमिषम्
   ४ २ १ ०५ ०३c  ईशानः सोम विश्वतः ॥ ७८९

   ४ २ १ ०६ ०१a  अग्निं दूतं वृणीमहे होतारं विश्ववेदसम् ।
   ४ २ १ ०६ ०१c  अस्य यज्ञस्य सुक्रतुम् ॥ ७९०
   ४ २ १ ०६ ०२a  अग्निमग्निँ हवीमभिः सदा हवन्त विश्पतिम् ।
   ४ २ १ ०६ ०२c  हव्यवाहं पुरुप्रियम् ॥ ७९१
   ४ २ १ ०६ ०३a  अग्ने देवाँ इहा वह जज्ञानो वृक्तबर्हिषे ।
   ४ २ १ ०६ ०३c  असि होता न ईड्यः ॥ ७९२

   ४ २ १ ०७ ०१a  मित्रं वयँ हवामहे वरुणँ सोमपीतये ।
   ४ २ १ ०७ ०१c  य जाता पूतदक्षसा ॥ ७९३
   ४ २ १ ०७ ०२a  ऋतेन यावृतावृधावृतस्य ज्योतिषस्पती ।
   ४ २ १ ०७ ०२c  ता मित्रावरुणा हुवे ॥ ७९४
   ४ २ १ ०७ ०३a  वरुणः प्राविता भुवन्मित्रो विश्वाभिरूतिभिः ।
   ४ २ १ ०७ ०३c  करतां नः सुराधसः ॥ ७९५

   ४ २ १ ०८ ०१a  इन्द्रमिद्गाथिनो बृहदिन्द्रमर्केभिरर्किणः ।
   ४ २ १ ०८ ०१c  इन्द्रं वाणीरनूषत ॥ ७९६
   ४ २ १ ०८ ०२a  इन्द्र इद्धर्योः सचा सम्मिश्ल आ वचोयुजा ।
   ४ २ १ ०८ ०२c  इन्द्रो वज्री हिरण्ययः ॥ ७९७
   ४ २ १ ०८ ०३a  इन्द्र वाजेषु नोऽव सहस्रप्रधनेषु च ।
   ४ २ १ ०८ ०३c  उग्र उग्राभिरूतिभिः ॥ ७९८
   ४ २ १ ०८ ०४a  इन्द्रो दीर्धाय चक्षस आ सूर्यँ रोहयद्दिवि ।
   ४ २ १ ०८ ०४c  वि गोभिरद्रिमैरयत् ॥ ७९९

   ४ २ १ ०९ ०१a  इन्द्रे अग्ना नमो बृहत्सुवृक्तिमेरयामहे ।
   ४ २ १ ०९ ०१c  धिया धेना अवस्यवः ॥ ८००
   ४ २ १ ०९ ०२a  ता हि शश्वन्त ईडत इत्था विप्रास ऊतये ।
   ४ २ १ ०९ ०२c  सबाधो वाजसातये ॥ ८०१
   ४ २ १ ०९ ०३a  ता वां गीर्भिर्विपन्युवः प्रयस्वन्तो हवामहे ।
   ४ २ १ ०९ ०३c  मेधसाता सनिष्यवः ॥ ८०२

   ४ २ १ १० ०१a  वृषा पवस्व धारया मरुत्वते च मत्सरः ।
   ४ २ १ १० ०१c  दिश्वा दधान ओजसा ॥ ८०३
   ४ २ १ १० ०२a  तं त्वा धर्त्तारमोण्यो३ः पवमान स्वर्दृशम् ।
   ४ २ १ १० ०२c  हिन्वे वाजेषु वाजिनम् ॥ ८०४
   ४ २ १ १० ०३a  अया चित्तो विपानया हरिः पवस्व धारया ।
   ४ २ १ १० ०३c  युजं वाजेषु चोदय ॥ ८०५

   ४ २ १ ११ ०१a  वृषा शोणो अभिकनिक्रदद्गा नदयन्नेषि पृथिवीमुत द्याम् ।
   ४ २ १ ११ ०१c  इन्द्रस्येव वग्नुरा शृण्व आजौ प्रचोदयन्नर्षसि वाचमेमाम् ॥ ८०६
   ४ २ १ ११ ०२a  रसाय्यः पयसा पिन्वमान ईरयन्नेषि मधुमन्तमँशुम् ।
   ४ २ १ ११ ०२c  पवमान सन्तनिमेषि कृण्वन्निन्द्राय सोम परिषिच्यमानः ॥ ८०७
   ४ २ १ ११ ०३a  एवा पवस्व मदिरो मदायोदग्राभस्य नमयन्वधस्नुम् ।
   ४ २ १ ११ ०३c  परि वर्णं भरमाणो रुशन्तं गव्युर्नो अर्ष परि सोम सिक्तः ॥ ८०८

   ४ २ १ १२ ०१a  त्वामिद्धि हवामहे सातौ वाजस्य कारवः ।
   ४ २ १ १२ ०१c  त्वां वृत्रेष्विन्द्र सत्पतिं नरस्त्वां काष्ठास्वर्वतः ॥ ८०९
   ४ २ १ १२ ०२a  स त्वं नश्चित्र वज्रहस्त धृष्णुया मह स्तवानो अद्रिवः ।
   ४ २ १ १२ ०२c  गामश्वँ रथ्यमिन्द्र सं किर सत्रा वाजं न जिग्युषे ॥ ८१०

   ४ २ १ १३ ०१a  अभि प्र वः सुराधसमिन्द्रमर्च यथा विदे ।
   ४ २ १ १३ ०१c  यो जरितृभ्यो मघवा पुरूवसुः सहस्रेणेव शिक्षति ॥ ८११
   ४ २ १ १३ ०२a  शतानीकेव प्र जिगाति धृष्णुया हन्ति वृत्राणि दाशुषे ।
   ४ २ १ १३ ०२c  गिरेरिव प्र रसा अस्य पिन्विरे दत्राणि पुरुभोजसः ॥ ८१२

   ४ २ १ १४ ०१a  त्वामिदा ह्यो नरोऽपीप्यन्वज्रिन्भूर्णयः ।
   ४ २ १ १४ ०१c  स इन्द्र स्तोमवाहस इह श्रुध्युप स्वसरमा गहि ॥ ८१३
   ४ २ १ १४ ०२a  मत्स्वा सुशिप्रिन्हरिवस्तमीमहे त्वया भूषन्ति वेधसः ।
   ४ २ १ १४ ०२c  तव श्रवाँस्युपमान्युक्थ्य सुतेष्विन्द्र गिर्वणः ॥ ८१४

   ४ २ १ १५ ०१a  यस्ते मदो वरेण्यस्तेना पवस्वान्धसा ।
   ४ २ १ १५ ०१c  देवावीरघशँसहा ॥ ८१५
   ४ २ १ १५ ०२a  जघ्निर्वृत्रममित्रियँ सस्निर्वाजं दिवेदिवे ।
   ४ २ १ १५ ०२c  गोषातिरश्वसा असि ॥ ८१६
   ४ २ १ १५ ०३a  सम्मिश्लो अरुषो भुवः सूपस्थाभिर्न धेनुभि ।
   ४ २ १ १५ ०३c  सीदं च्छ्येनो न योनिमा ॥ ८१७

   ४ २ १ १६ ०१a  अयं पूषा रयिर्भगः सोमः पुनानो अर्षति ।
   ४ २ १ १६ ०१c  पतिर्विश्वस्य भूमनो व्यख्यद्रोदसी उभे ॥ ८१८
   ४ २ १ १६ ०२a  समु प्रिया अनूषत गावो मदाय घृष्वयः ।
   ४ २ १ १६ ०२c  सोमासः कृण्वते पथः पवमानास इन्दवः ॥ ८१९
   ४ २ १ १६ ०३a  य ओजिष्ठस्तमा भर पवमान श्रवाय्यम् ।
   ४ २ १ १६ ०३c  यः पञ्च चर्षणीरभि रयिं येन वनामहे ॥ ८२०

   ४ २ १ १७ ०१a  वृषा मतीनां पवते विचक्षणः सोमो अह्नां प्रतरीतोषसां दिवः ।
   ४ २ १ १७ ०१c  प्राणा सिन्धूनां कलशाँ अचिक्रददिन्द्रस्य हार्द्याविशन्मनीषिभिः ॥ ८२१
   ४ २ १ १७ ०२a  मनीषिभिः पवते पूर्व्यः कविर्नृभिर्यतः परि कोशाँ असिष्यदत् ।
   ४ २ १ १७ ०२c  त्रितस्य नाम जनयन्मधु क्षरन्निन्द्रस्य वायूँ सख्याय वर्धयन् ॥ ८२२
   ४ २ १ १७ ०३a  अयं पुनान उषसो अरोचयदयँ सिन्धुभ्यो अभवदु लोककृत् ।
   ४ २ १ १७ ०३c  अयं त्रिः सप्त दुदुहान आशिरँ सोमो हृदे पवते चारु मत्सरः ॥ ८२३

   ४ २ १ १८ ०१a  एवा ह्यसि वीरयुरेवा शूर उत स्थिरह् ।
   ४ २ १ १८ ०१c  एवा ते राध्यं मनः ॥ ८२४
   ४ २ १ १८ ०२a  एवा रातिस्तुवीमघ विश्वेभिर्धायि धातृभिः ।
   ४ २ १ १८ ०२c  अधा चिदिन्द्र नः सचा ॥ ८२५
   ४ २ १ १८ ०३a  मो षु ब्रह्मेव तदिन्द्रयुर्भुवो वाजानां पते ।
   ४ २ १ १८ ०३c  मत्स्वा सुतस्य गोमतः ॥ ८२६

   ४ २ १ १९ ०१a  इन्द्रं विश्वा अवीवृधन्त्समुद्रव्यचसं गिरः ।
   ४ २ १ १९ ०१c  रथीतमँ रथीनां वाजानाँ सत्पतिं पतिम् ॥ ८२७
   ४ २ १ १९ ०२a  सख्ये त इन्द्र वाजिनो मा भेम शवसस्पते ।
   ४ २ १ १९ ०२c  त्वामभि प्र नोनुमो जेतारमपराजितम् ॥ ८२८
   ४ २ १ १९ ०३a  पूर्वीरिन्द्रस्य रातयो न वि दस्यन्त्यूतयः ।
   ४ २ १ १९ ०३c  यदा वाजस्य गोमत स्तोतृभ्यो मँहते मघम् ॥ ८२९

      द्वितीय प्रपाठकः ।  द्वितीयोऽर्धः
   ४ २ २ ०१ ०१a  एत असृग्रमिन्दवस्तिरः पवित्रमाशवः ।
   ४ २ २ ०१ ०१c  विश्वान्यभि सौभगा ॥ ८३०
   ४ २ २ ०१ ०२a  विघ्नन्तो दुरिता पुरु सुगा तोकाय वाजिनः ।
   ४ २ २ ०१ ०२c  त्मना कृण्वन्तो अर्वतः ॥ ८३१
   ४ २ २ ०१ ०३a  कृण्वन्तो वरिवो गवेऽभ्यर्षन्ति सुष्टुतिम् ।
   ४ २ २ ०१ ०३c  इडामस्मभ्यँ संयतम् ॥ ८३२

   ४ २ २ ०२ ०१a  राजा मेधाभिरीयते पवमानो मनावधि ।
   ४ २ २ ०२ ०१c  अन्तरिक्षेण यातवे ॥ ८३३
   ४ २ २ ०२ ०२a  आ नः सोम सहो जुवो रूपं न वर्चसे भर ।
   ४ २ २ ०२ ०२c  सुष्वाणो देववीतये ॥ ८३४
   ४ २ २ ०२ ०३a  आ न इन्दो शतग्विनं गवां पोषँ स्वश्व्यम् ।
   ४ २ २ ०२ ०३c  वहा भगत्तिमूतये ॥ ८३५

   ४ २ २ ०३ ०१a  तं त्वा नृम्णानि बिभ्रतँ सधस्थेषु महो दिवः ।
   ४ २ २ ०३ ०१c  चारुँ सुकृत्ययेमहे ॥ ८३६
   ४ २ २ ०३ ०२a  संवृक्तधृष्णुमुक्थ्यं महामहिव्रतं मदम् ।
   ४ २ २ ०३ ०२c  शतं पुरो रुरुक्षणिम् ॥ ८३७
   ४ २ २ ०३ ०३a  अतस्त्वा रयिरभ्ययद्राजानँ सुक्रतो दिवः ।
   ४ २ २ ०३ ०३c  सुपर्णो अव्यथी भरत् ॥ ८३८
   ४ २ २ ०३ ०४a  अधा हिन्वान इन्द्रियं ज्यायो महित्वमानशे ।
   ४ २ २ ०३ ०४c  अभिष्टिकृद्विचर्षणिः ॥ ८३९
   ४ २ २ ०३ ०५a  विश्वस्मा इत्स्वर्दृशे साधारणँ रजस्तुरम् ।
   ४ २ २ ०३ ०५c  गोपामृतस्य विर्भरत् ॥ ८४०

   ४ २ २ ०४ ०१a  इषे पवस्व धारया मृज्यमानो मनीषिभिः ।
   ४ २ २ ०४ ०१c  इन्दो रुचाभि गा इहि ॥ ८४१
   ४ २ २ ०४ ०२a  पुनानो वरिवस्कृध्यूर्जं जनाय गिर्वणः ।
   ४ २ २ ०४ ०२c  हरे सृजान आशिरम् ॥ ८४२
   ४ २ २ ०४ ०३a  पुनानो देववीतय इन्द्रस्य याहि निष्कृतम् ।
   ४ २ २ ०४ ०३c  द्युतानो वाजिभिर्हितः ॥ ८४३

   ४ २ २ ०५ ०१a  अग्निनाग्निः समिध्यते कविर्गृहपतिर्युवा ।
   ४ २ २ ०५ ०१c  हव्यवाड्जुह्वास्यः ॥ ८४४
   ४ २ २ ०५ ०२a  यस्त्वामग्ने हविष्पतिर्दूतं देव सपर्यति ।
   ४ २ २ ०५ ०२c  तस्य स्म प्राविता भव ॥ ८४५
   ४ २ २ ०५ ०३a  यो अग्निं देववीतये हविष्माँ आविवासति ।
   ४ २ २ ०५ ०३c  तस्मै पावक मृडय ॥ ८४६

   ४ २ २ ०६ ०१a  मित्रँ हुवे पूतदक्षं वरुणं च रिशादसम् ।
   ४ २ २ ०६ ०१c  धियं घृताचीँ साधन्ता ॥ ८४७
   ४ २ २ ०६ ०२a  ऋतेन मित्रावरुणावृतावृधावृतस्पृशा ।
   ४ २ २ ०६ ०२c  क्रतुं बृहन्तमाशाथे ॥ ८४८
   ४ २ २ ०६ ०३a  कवी नो मित्रावरुणा तुविजाता उरुक्षया ।
   ४ २ २ ०६ ०३c  दक्षं दधाते अपसम् ॥ ८४९

   ४ २ २ ०७ ०१a  इन्द्रेण सँ हि दृक्षसे सञ्जग्मानो अबिभ्युषा ।
   ४ २ २ ०७ ०१c  मन्दू समानवर्च्चसा ॥ ८५०
   ४ २ २ ०७ ०२a  आदह स्वधामनु पुनर्गर्भत्वमेरिरे ।
   ४ २ २ ०७ ०२c  दधाना नाम यज्ञियम् ॥ ८५१
   ४ २ २ ०७ ०३a  वीडु चिदारुजत्नुभिर्गुहा चिदिन्द्र वह्निभिः ।
   ४ २ २ ०७ ०३c  अविन्द उस्रिया अनु ॥ ८५२

   ४ २ २ ०८ ०१a  ता हुवे ययोरिदं पप्ने विश्वं पुरा कृतम् ।
   ४ २ २ ०८ ०१c  इन्द्राग्नी न मर्धतः ॥ ८५३
   ४ २ २ ०८ ०२a  उग्रा विघनिना मृध इन्द्राग्नी हवामहे ।
   ४ २ २ ०८ ०२c  ता नो मृडात ईदृशे ॥ ८५४
   ४ २ २ ०८ ०३a  हथो वृत्राण्यार्या हथो दासानि सत्पती ।
   ४ २ २ ०८ ०३c  हथो विश्वा अप द्विषः ॥ ८५५

   ४ २ २ ०९ ०१a  अभि सोमास आयवः पवन्ते मद्यं मदम् ।
   ४ २ २ ०९ ०१c  समुद्रस्याधि विष्टपे मनीषिणो मत्सरासो मदच्युतः ॥ ८५६
   ४ २ २ ०९ ०२a  तरत्समुद्रं पवमान ऊर्मिणा राजा देव ऋतं बृहत् ।
   ४ २ २ ०९ ०२c  अर्षा मित्रस्य वरुणस्य धर्मणा प्र हिन्वान ऋतं बृहत् ॥ ८५७
   ४ २ २ ०९ ०३a  नृभिर्येमाणो हर्यतो विचक्षणो राजा देवः समुद्र्यः ॥ ८५८

   ४ २ २ १० ०१a  तिस्रो वाच ईरयति प्र वह्निरृतस्य धीतिं ब्रह्मणो मनीषाम् ।
   ४ २ २ १० ०१c  गावो यन्ति गोपतिं पृच्छमानाः सोमं यन्ति मतयो वावशानाः ॥ ८५९
   ४ २ २ १० ०२a  सोमं गावो धेनवो वावशानाः सोमं विप्रा मतिभिः पृच्छमानाः ।
   ४ २ २ १० ०२c  सोमः सुत ऋच्यते पूयमानः सोमे अर्कास्त्रिष्टुभः सं नवन्ते ॥ ८६०
   ४ २ २ १० ०३a  एवा नः सोम परिषिच्यमान आ पवस्व पूयमानः स्वस्ति ।
   ४ २ २ १० ०३c  इन्द्रमा विश बृहता मदेन वर्धया वाचं जनया पुरन्धिम् ॥ ८६१

   ४ २ २ ११ ०१a  यद्द्याव इन्द्र ते शतँशतं भूमीरुत स्युः ।
   ४ २ २ ११ ०१c  न त्वा वज्रिन्त्सहस्रँ सुर्या अनु न जातमष्ट रोदसी ॥ ८६२
   ४ २ २ ११ ०२a  आ पप्राथ महिना वृष्ण्या वृषन्विश्वा शविष्ठ शवसा ।
   ४ २ २ ११ ०२c  अस्माँ अव मघवन्गोमति व्रजे वज्रिञ्चित्राभिरूतिभिः ॥ ८६३

   ४ २ २ १२ ०१a  वयं घ त्वा सुतावन्त आपो न वृक्तबर्हिषः ।
   ४ २ २ १२ ०१c  पवित्रस्य प्रस्रवणेषु वृत्रहन्परि स्तोतार आसते ॥ ८६४
   ४ २ २ १२ ०२a  स्वरन्ति त्वा सुते नरो वसो निरेक उक्थिनः ।
   ४ २ २ १२ ०२c  कदा सुतं तृषाण ओक आ गम इन्द्र स्वब्दीव वँसगः ॥ ८६५
   ४ २ २ १२ ०३a  कण्वेभिर्धृष्णवा धृषद्वाजं दर्षि सहस्रिणम् ।
   ४ २ २ १२ ०३c  पिशङ्गरूपं मघवन्विचर्षणे मक्षू गोमन्तमीमहे ॥ ८६६

   ४ २ २ १३ ०१a  तरणिरित्सिषासति वाजं पुरन्ध्या युजा ।
   ४ २ २ १३ ०१c  आ व इन्द्रं पुरुहूतं नमे गिरा नेमिं तष्टेव सुद्रुवम् ॥ ८६७
   ४ २ २ १३ ०२a  न दुष्टुतिर्द्रविणोदेषु शस्यते न स्रेधन्तँ रयिर्नशत् ।
   ४ २ २ १३ ०२c  सुशक्तिरिन्मघवं तुभ्यं मावते देष्णं यत्पार्ये दिवि ॥ ८६८

   ४ २ २ १४ ०१a  तिस्रो वाच उदीरते गावो मिमन्ति धेनवः ।
   ४ २ २ १४ ०१c  हरिरेति कनिक्रदत् ॥ ८६९
   ४ २ २ १४ ०२a  अभि ब्रह्मीरनूषत यह्वीरृतस्य मातरः ।
   ४ २ २ १४ ०२c  मर्जयन्तीर्दिवः शिशुम् ॥ ८७०
   ४ २ २ १४ ०३a  रायः समुद्राँश्चतुरोऽस्मभ्यँ सोम विश्वतः ।
   ४ २ २ १४ ०३c  आ पवस्व सहस्रिणः ॥ ८७१

   ४ २ २ १५ ०१a  सुतासो मधुमत्तमाः सोमा इन्द्राय मन्दिनः ।
   ४ २ २ १५ ०१c  पवित्रवन्तो अक्षरं देवान्गच्छन्तु वो मदाः ॥ ८७२
   ४ २ २ १५ ०२a  इन्दुरिन्द्राय पवत इति देवासो अब्रुवन् ।
   ४ २ २ १५ ०२c  वाचस्पतिर्मखस्यते विश्वस्येशान ओजसाः ॥ ८७३
   ४ २ २ १५ ०३a  सहस्रधारः पवते समुद्रो वाचमीङ्खयः ।
   ४ २ २ १५ ०३c  सोमस्पती रयीणाँ सखेन्द्रस्य दिवेदिवे ॥ ८७४

   ४ २ २ १६ ०१a  पवित्रं ते विततं ब्रह्मणस्पते प्रभुर्गात्राणि पर्येषि विश्वतः ।
   ४ २ २ १६ ०१c  अतप्ततनूर्न तदामो अश्नुते शृतास इद्वहन्तः सं तदाशत ॥ ८७५
   ४ २ २ १६ ०२a  तपोष्पवित्रं विततं दिवस्पदेऽर्चन्तो अस्य तन्तवो व्यस्थिरन् ।
   ४ २ २ १६ ०२c  अवन्त्यस्य पवीतारमाशवो दिवः पृष्ठमधि रोहन्ति तेजसा ॥ ८७६
   ४ २ २ १६ ०३a  अरूरुचदुषसः पृश्निरग्रिय उक्षा मिमेति भुवनेषु वाजयुः ।
   ४ २ २ १६ ०३c  मायाविनो ममिरे अस्य मायया नृचक्षसः पितरो गर्भमा दधुः ॥ ८७७

   ४ २ २ १७ ०१a  प्र मँहिष्ठाय गायत ऋताव्ने बृहते शुक्रशोचिषे ।
   ४ २ २ १७ ०१c  उपस्तुतासो अग्नये ॥ ८७८
   ४ २ २ १७ ०२a  आ वँसते मघवा वीरवद्यशः समिद्धो द्युम्न्याहुतः ।
   ४ २ २ १७ ०२c  कुविन्नो अस्य सुमतिर्भवीयस्यच्छा वाजेभिरागमत् ॥ ८७९

   ४ २ २ १८ ०१a  तं ते मदं गृणीमसि वृषणं पृक्षु सासहिम् ।
   ४ २ २ १८ ०१c  उ लोककृत्नुमद्रिवो हरिश्रियम् ॥ ८८०
   ४ २ २ १८ ०२a  येन ज्योतीँष्यायवे मनवे च विवेदिथ ।
   ४ २ २ १८ ०२c  मन्दानो अस्य बर्हिषो वि राजसि ॥ ८८१
   ४ २ २ १८ ०३a  तदद्या चित्त उक्थिनोऽनु ष्टुवन्ति पूर्वथा ।
   ४ २ २ १८ ०३c  वृषपत्नीरपो जया दिवेदिवे ॥ ८८२

   ४ २ २ १९ ०१a  श्रुधी हवं तिरश्च्या इन्द्र यस्त्वा सपर्यति ।
   ४ २ २ १९ ०१c  सुवीर्यस्य गोमतो रायस्पूर्धि महाँ असि ॥ ८८३
   ४ २ २ १९ ०२a  यस्त इन्द्र नवीयसीं गिरं मन्द्रामजीजनत् ।
   ४ २ २ १९ ०२c  चिकित्विन्मनसं धियं प्रत्नामृतस्य पिप्युषीम् ॥ ८८४
   ४ २ २ १९ ०३a  तमु ष्टवाम यं गिर इन्द्रमुक्थानि वावृधुः ।
   ४ २ २ १९ ०३c  पुरूण्यस्य नौँस्या सिषासन्तो वनामहे ॥ ८८५

      तृतीय प्रपाठकः ।  प्रथमोऽर्धः
   ४ ३ १ ०१ ०१a  प्र त आश्विनीः पवमान धेनवो दिव्या असृग्रन्पयसा धरीमणि ।
   ४ ३ १ ०१ ०१c  प्रान्तरिक्षात्स्थाविरीस्ते असृक्षत ये त्वा मृजन्त्यृषिषाण वेधसः ॥ ८८६
   ४ ३ १ ०१ ०२a  उभयतः पवमानस्य रश्मयो ध्रुवस्य सतः परि यन्ति केतवः ।
   ४ ३ १ ०१ ०२c  यदी पवित्रे अधि मृज्यते हरिः सत्ता नि योनौ कलशेषु सीदति ॥ ८८७
   ४ ३ १ ०१ ०३a  विश्वा धामानि विश्वचक्ष ऋभ्वसः प्रभोष्टे सतः परि यन्ति केतवः ।
   ४ ३ १ ०१ ०३c  व्यानशी पवसे सोम धर्मणा पतिर्विश्वस्य भुवनस्य राजसि ॥ ८८८

   ४ ३ १ ०२ ०१a  पवमानो अजीजनद्दिवश्चित्रं न तन्यतुम् ।
   ४ ३ १ ०२ ०१c  ज्योतिर्वैश्वानरं बृहत् ॥ ८८९
   ४ ३ १ ०२ ०२a  पवमान रसस्तव मदो राजन्नदुच्छुनः ।
   ४ ३ १ ०२ ०२c  वि वारमव्यमर्षति ॥ ८९०
   ४ ३ १ ०२ ०३a  पवमानस्य ते रसो दक्षो वि राजति द्युमान् ।
   ४ ३ १ ०२ ०३c  ज्योतिर्विश्वँ स्वर्दृशे ॥ ८९१

   ४ ३ १ ०३ ०१a  प्र यद्गावो न भूर्णयस्त्वेषा अयासो अक्रमुः ।
   ४ ३ १ ०३ ०१c  घ्नन्तः कृष्णामप त्वचम् ॥ ८९२
   ४ ३ १ ०३ ०२a  सुवितस्य मनामहेऽति सेतुं दुराय्यम् ।
   ४ ३ १ ०३ ०२c  साह्याम दस्युमव्रतम् ॥ ८९३
   ४ ३ १ ०३ ०३a  शृण्वे वृष्टेरिव स्वनः पवमानस्य शुष्मिणः ।
   ४ ३ १ ०३ ०३c  चरन्ति विद्युतो दिवि ॥ ८९४
   ४ ३ १ ०३ ०४a  आ पवस्व महीमिषं गोमदिन्दो हिरण्यवत् ।
   ४ ३ १ ०३ ०४c  अश्ववत्सोम वीरवत् ॥ ८९५
   ४ ३ १ ०३ ०५a  पवस्व विश्वचर्षण आ मही रोदसी पृण ।
   ४ ३ १ ०३ ०५c  उषाः सूर्यो न रश्मिभिः ॥ ८९६
   ४ ३ १ ०३ ०६a  परि नः शर्मयन्त्या धारया सोम विश्वतः ।
   ४ ३ १ ०३ ०६c  सरा रसेव विष्टपम् ॥ ८९७

   ४ ३ १ ०४ ०१a  आशुरर्ष बृहन्मते परि प्रियेण धाम्ना ।
   ४ ३ १ ०४ ०१c  यत्र देवा इति ब्रुवन् ॥ ८९८
   ४ ३ १ ०४ ०२a  परिष्कृण्वन्ननिष्कृतं जनाय यातयन्निषः ।
   ४ ३ १ ०४ ०२c  वृष्टिं दिवः परि स्रव ॥ ८९९
   ४ ३ १ ०४ ०३a  अयँ स यो दिवस्परि रघुयामा पवित्र आ ।
   ४ ३ १ ०४ ०३c  सिन्धोरूर्मा व्यक्षरत् ॥ ९००
   ४ ३ १ ०४ ०४a  सुत एति पवित्र आ त्विषिं दधान ओजसा ।
   ४ ३ १ ०४ ०४c  विचक्षाणो विरोचयन् ॥ ९०१
   ४ ३ १ ०४ ०५a  आविवासन्परावतो अथो अर्वावतः सुतः ।
   ४ ३ १ ०४ ०५c  इन्द्राय सिच्यते मधु ॥ ९०२
   ४ ३ १ ०४ ००a  समीचीना अनूषत हरिँ हिन्वन्त्यद्रिभिः ।
   ४ ३ १ ०४ ००c  इन्दुमिन्द्राय पीतये ॥ ९०३

   ४ ३ १ ०५ ०१a  हिन्वन्ति सूरमुस्रयः स्वसारो जामयस्पतिम् ।
   ४ ३ १ ०५ ०१c  महामिन्दुं महीयुवः ॥ ९०४
   ४ ३ १ ०५ ०२a  पवमान रुचारुचा देवो देवेभ्यः सुतः ।
   ४ ३ १ ०५ ०२c  विश्वा वसून्या विश ॥ ९०५
   ४ ३ १ ०५ ०३a  आ पवमान सुष्टुतिं वृष्टिं देवेभ्यो दुवः ।
   ४ ३ १ ०५ ०३c  इषे पवस्व संयतम् ॥ ९०६

   ४ ३ १ ०६ ०१a  जनस्य गोपा अजनिष्ट जागृविरग्निः सुदक्षः सुविताय नव्यसे ।
   ४ ३ १ ०६ ०१c  घृतप्रतीको बृहता दिविस्पृषा द्युमद्वि भाति भरतेभ्यः शुचिः ॥ ९०७
   ४ ३ १ ०६ ०२a  त्वामग्ने अङ्गिरसो गुहा हितमन्वविन्दञ्छिश्रियाणं वनेवने ।
   ४ ३ १ ०६ ०२c  स जायसे मथ्यमानः सहो महत्वामाहुः सहसस्पुत्रमङ्गिरः ॥ ९०८
   ४ ३ १ ०६ ०३a  यज्ञस्य केतुं प्रथमं पुरोहितमग्निं नरस्त्रिषधस्थे समिन्धते ।
   ४ ३ १ ०६ ०३c  इन्द्रेण देवैः सरथँ स बर्हिषि सीदन्नि होता यजथाय सुक्रतुः ॥ ९०९

   ४ ३ १ ०७ ०१a  अयं वां मित्रावरुणा सुतः सोम ऋतावृधा ।
   ४ ३ १ ०७ ०१c  ममेदिह श्रुतँ हवम् ॥ ९१०
   ४ ३ १ ०७ ०२a  राजानावनभिद्रुहा ध्रुवे सदस्युत्तमे ।
   ४ ३ १ ०७ ०२c  सहस्रस्थूण आशाते ॥ ९११
   ४ ३ १ ०७ ०३a  ता सम्राजा घृतासुती आदित्या दानुनस्पती ।
   ४ ३ १ ०७ ०३c  सचेते अनवह्वरम् ॥ ९१२

   ४ ३ १ ०८ ०१a  इन्द्रो दधीचो अस्थभिर्वृत्राण्यप्रतिष्कुतः ।
   ४ ३ १ ०८ ०१c  जघान नवतीर्नव ॥ ९१३
   ४ ३ १ ०८ ०२a  इच्छन्नश्वस्य यच्छिरः पर्वतेष्वपश्रितम् ।
   ४ ३ १ ०८ ०२c  तद्विदच्छर्यणावति ॥ ९१४
   ४ ३ १ ०८ ०३a  अत्राह गोरमन्वत नाम त्वष्टुरपीच्यम् ।
   ४ ३ १ ०८ ०३c  इत्था चन्द्रमसो गृहे ॥ ९१५

   ४ ३ १ ०९ ०१a  इयं वामस्य मन्मन इन्द्राग्नी पूर्व्यस्तुतिः ।
   ४ ३ १ ०९ ०१c  अभ्राद्वृष्टिरिवाजनि ॥ ९१६
   ४ ३ १ ०९ ०२a  शृणुतं जरितुर्हवमिन्द्राग्नी वनतं गिरः ।
   ४ ३ १ ०९ ०२c  ईशाना पिप्यतं धियः ॥ ९१७
   ४ ३ १ ०९ ०३a  मा पापत्वाय नो नरेन्द्राग्नी माभिशस्तये ।
   ४ ३ १ ०९ ०३c  मा नो रीरधतं निदे ॥ ९१८

   ४ ३ १ १० ०१a  पवस्व दक्षसाधनो देवेभ्यः पीतये हरे ।
   ४ ३ १ १० ०१c  मरुद्भ्यो वायवे मदः ॥ ९१९
   ४ ३ १ १० ०२a  सं देवैः शोभते वृषा कविर्योनावधि प्रियः ।
   ४ ३ १ १० ०२c  पवमानो अदाभ्यः ॥ ९२०
   ४ ३ १ १० ०३a  पवमान धिया हितो३ऽभि योनिं कनिक्रदत् ।
   ४ ३ १ १० ०३c  धर्मणा वायुमारुहः ॥ ९२१

   ४ ३ १ ११ ०१a  तवाहँ सोम रारण सख्य इन्दो दिवेदिवे ।
   ४ ३ १ ११ ०१c  पुरूणि बभ्रो नि चरन्ति मामव परिधीँ रति ताँइहि ॥ ९२२
   ४ ३ १ ११ ०२a  तवाहं नक्तमुत सोम ते दिवा दुहानो बभ्र ऊधनि ।
   ४ ३ १ ११ ०२c  घृणा तपन्तमति सूर्यं परः शकुना इव पप्तिम ॥ ९२३

   ४ ३ १ १२ ०१a  पुनानो अक्रमीदभि विश्वा मृधो विचर्षणिः ।
   ४ ३ १ १२ ०१c  शुम्भन्ति विप्रं धीतिभिः ॥ ९२४
   ४ ३ १ १२ ०२a  आ योनिमरुणो रुहद्गमदिन्द्रं वृषा सुतम् ।
   ४ ३ १ १२ ०२c  ध्रुवे सदसि सीदतु ॥ ९२५
   ४ ३ १ १२ ०३a  नू नो रयिं महामिन्दोऽस्मभ्यँ सोम विश्वतः ।
   ४ ३ १ १२ ०३c  आ पवस्व सहस्रिणम् ॥ ९२६

   ४ ३ १ १३ ०१a  पिबा सोममिन्द्र मदन्तु त्वा यं ते सुषाव हर्यश्वाद्रिः ।
   ४ ३ १ १३ ०१c  सोतुर्बाहुभ्याँ सुयतो नार्वा ॥ ९२७
   ४ ३ १ १३ ०२a  यस्ते मदो युज्यश्चारुरस्ति येन वृत्राणि हर्यश्व हँसि ।
   ४ ३ १ १३ ०२c  स त्वामिन्द्र प्रभूवसो ममत्तु ॥ ९२८
   ४ ३ १ १३ ०३a  बोधा सु मे मघवन्वाचमेमां यां ते वसिष्ठो अर्चति प्रशस्तिम् ।
   ४ ३ १ १३ ०३c  इमा ब्रह्म सधमादे जुषस्व ॥ ९२९

   ४ ३ १ १४ ०१a  विश्वाः पृतना अभिभूतरं नरः सजूस्ततक्षुरिन्द्रं जजनुश्च राजसे ।
   ४ ३ १ १४ ०१c  क्रत्वे वरे स्थेमन्यामुरीमुतोग्रमोजिष्ठं तरसं तरस्विनम् ॥ ९३०
   ४ ३ १ १४ ०२a  नेमिं नमन्ति चक्षसा मेषं विप्रा अभिस्वरे ।
   ४ ३ १ १४ ०२c  सुदीतयो वो अद्रुहोऽपि कर्णे तरस्विनः समृक्वभिः ॥ ९३१
   ४ ३ १ १४ ०३a  समु रेभसो अस्वरन्निन्द्रँ सोमस्य पीतये ।
   ४ ३ १ १४ ०३c  स्वःपतिर्यदी वृधे धृतव्रतो ह्योजसा समूतिभिः ॥ ९३२

   ४ ३ १ १५ ०१a  यो राजा चर्षणीनां याता रथेभिरध्रिगुः ।
   ४ ३ १ १५ ०१c  विश्वासां तरुता पृतनानां ज्येष्ठं यो वृत्रहा गृणे ॥ ९३३
   ४ ३ १ १५ ०२a  इन्द्रं तँ शुम्भ्य पुरुहन्मन्नवसे यस्य द्विता विधर्त्तरि ।
   ४ ३ १ १५ ०२c  हस्तेन वज्रः प्रति धायि दर्शतो महां देवो न सूर्यः ॥ ९३४

   ४ ३ १ १६ ०१a  परि प्रिया दिवः कविर्वयाँसि नप्त्योर्हितः ।
   ४ ३ १ १६ ०१c  स्वानैर्याति कविक्रतुः ॥ ९३५
   ४ ३ १ १६ ०२a  स सूनुर्मातरा शुचिर्जातो जाते अरोचयत् ।
   ४ ३ १ १६ ०२c  महान्मही ऋतावृधा ॥ ९३६
   ४ ३ १ १६ ०३a  प्रप्र क्षयाय पन्यसे जनाय जुष्टो अद्रुहः ।
   ४ ३ १ १६ ०३c  वीत्यर्ष पनिष्टये ॥ ९३७

   ४ ३ १ १७ ०१a  त्वँ ह्या३ँङ्ग दैव्या पवमान जनिमानि द्युमत्तमः ।
   ४ ३ १ १७ ०१c  अमृतत्वाय घोषयन् ॥ ९३८
   ४ ३ १ १७ ०२a  येना नवग्वो दध्यङ्ङपोर्णुते येन विप्रास आपिरे ।
   ४ ३ १ १७ ०२c  देवानाँ सुम्ने अमृतस्य चारुणो येन श्रवाँस्याशत ॥ ९३९

   ४ ३ १ १८ ०१a  सोमः पुनान ऊर्मिणाव्यं वारं वि धावति ।
   ४ ३ १ १८ ०१c  अग्रे वाचः पवमानः कनिक्रदत् ॥ ९४०
   ४ ३ १ १८ ०२a  धीभिर्मृजन्ति वाजिनं वने क्रीडन्तमत्यविम् ।
   ४ ३ १ १८ ०२c  अभि त्रिपृष्ठं मतयः समस्वरन् ॥ ९४१
   ४ ३ १ १८ ०३a  असर्जि कलशाँ अभि मीढ्वान्त्सप्तिर्न वाजयुः ।
   ४ ३ १ १८ ०३c  पुनानो वाचं जनयन्नसिष्यदत् ॥ ९४२

   ४ ३ १ १९ ०१a  सोमः पवते जनिता मतीनां जनिता दिवो जनिता पृथिव्याः ।
   ४ ३ १ १९ ०१c  जनिताग्नेर्जनिता सूर्यस्य जनितेन्द्रस्य जनितोत विष्णोः ॥ ९४३
   ४ ३ १ १९ ०२a  ब्रह्मा देवानां पदवीः कवीनां ऋषिर्विप्राणां महिषोमृगाणाम् ।
   ४ ३ १ १९ ०२c  श्येनो गृध्राणाँ स्वधितिर्वनानाँ सोमः पवित्रमत्येति रेभन् ॥ ९४४
   ४ ३ १ १९ ०३a  प्रावीविपद्वाच ऊर्मिं न सिन्धुर्गिर स्तोमान्पवमानो मनीषाः ।
   ४ ३ १ १९ ०३c  अन्तः पश्यन्वृजनेमावराण्या तिष्ठति वृषभो गोषु जानन् ॥ ९४५

   ४ ३ १ २० ०१a  अग्निं वो वृधन्तमध्वराणां पुरूतमम् ।
   ४ ३ १ २० ०१c  अच्छा नप्त्रे सहस्वते ॥ ९४६
   ४ ३ १ २० ०२a  अयं यथा न आभुवत्त्वष्टा रूपेव तक्ष्या ।
   ४ ३ १ २० ०२c  अस्य क्रत्वा यशस्वतः ॥ ९४७
   ४ ३ १ २० ०३a  अयं विश्वा अभि श्रियोऽग्निर्देवेषु पत्यते ।
   ४ ३ १ २० ०३c  आ वाजैरुप नो गमत् ॥ ९४८

   ४ ३ १ २१ ०१a  इममिन्द्र सुतं पिब ज्येष्ठममर्त्यं मदम् ।
   ४ ३ १ २१ ०१c  शुक्रस्य त्वाभ्यक्षरन्धारा ऋतस्य सादने ॥ ९४९
   ४ ३ १ २१ ०२a  न किष्ट्वद्रथीतरो हरी यदिन्द्र यच्छसे ।
   ४ ३ १ २१ ०२c  न किष्ट्वानु मज्मना न किः स्वश्व आनशे ॥ ९५०
   ४ ३ १ २१ ०३a  इन्द्राय नूनमर्चतोक्थानि च ब्रवीतन ।
   ४ ३ १ २१ ०३c  सुता अमत्सुरिन्दवो ज्येष्ठं नमस्यता सहः ॥ ९५१

   ४ ३ १ २२ ०१a  इन्द्र जुषस्व प्र वहा याहि शूर हरिह ।
   ४ ३ १ २२ ०१c  पिबा सुतस्य मतिर्न मधोश्चकानश्चारुर्मदाय ॥ ९५२
   ४ ३ १ २२ ०२a  इन्द्र जठरं नव्यं न पृणस्व मधोर्दिवो न ।
   ४ ३ १ २२ ०२c  अस्य सुतस्य स्वा३र्नोप त्वा मदाः सुवाचो अस्थुः ॥ ९५३
   ४ ३ १ २२ ०३a  इन्द्रस्तुराषाण्मित्रो न जघान वृत्रं यतिर्न ।
   ४ ३ १ २२ ०३c  बिभेद वलं भृगुर्न ससाहे शत्रून्मदे सोमस्य ॥ ९५४

      तृतीय प्रपाठकः ।  द्वितीयोऽर्धः
   ४ ३ २ ०१ ०१a  गोवित्पवस्व वसुविद्धिरण्यविद्रेतोधा इन्दो भुवनेष्वर्पितः ।
   ४ ३ २ ०१ ०१c  त्वँ सुवीरो असि सोम विश्ववित्तं त्वा नर उप गिरेम आसते ॥ ९५५
   ४ ३ २ ०१ ०२a  त्वं नृचक्षा असि सोम विश्वतः पवमान वृषभ ता वि धावसि ।
   ४ ३ २ ०१ ०२c  स नः पवस्व वसुमद्धिरण्यवद्वयँ स्याम भुवनेषु जीवसे ॥ ९५६
   ४ ३ २ ०१ ०३a  ईशान इमा भुवनानि ईयसे युजान इन्दो हरितः सुपर्ण्यः ।
   ४ ३ २ ०१ ०३c  तास्ते क्षरन्तु मधुमद्घृतं पयस्तव व्रते सोम तिष्ठन्तु कृष्टयः ॥ ९५७

   ४ ३ २ ०२ ०१a  पवमानस्य विश्ववित्प्र ते सर्गा असृक्षत ।
   ४ ३ २ ०२ ०१c  सूर्यस्येव न रश्मयः ॥ ९५८
   ४ ३ २ ०२ ०२a  केतुं कृण्वं दिवस्परि विश्वा रूपाभ्यर्षसि ।
   ४ ३ २ ०२ ०२c  समुद्रः सोम पिन्वसे ॥ ९५९
   ४ ३ २ ०२ ०३a  जज्ञानो वाचमिष्यसि पवमान विधर्मणि ।
   ४ ३ २ ०२ ०३c  क्रन्दं देवो न सूर्यः ॥ ९६०

   ४ ३ २ ०३ ०१a  प्र सोमासो अधन्विषुः पवमानास इन्दवः ।
   ४ ३ २ ०३ ०१c  श्रीणाना अप्सु वृञ्जते ॥ ९६१
   ४ ३ २ ०३ ०२a  अभि गावो अधन्विषुरापो न प्रवता यतीः ।
   ४ ३ २ ०३ ०२c  पुनाना इन्द्रमाशत ॥ ९६२
   ४ ३ २ ०३ ०३a  प्र पवमान धन्वसि सोमेन्द्राय मादनः ।
   ४ ३ २ ०३ ०३c  नृभिर्यतो वि नीयसे ॥ ९६३
   ४ ३ २ ०३ ०४a  इन्दो यदद्रिभिः सुतः पवित्रं परिदीयसे ।
   ४ ३ २ ०३ ०४c  अरमिन्द्रस्य धाम्ने ॥ ९६४
   ४ ३ २ ०३ ०५a  त्वँ सोम नृमादनः पवस्व चर्षणीधृतिः ।
   ४ ३ २ ०३ ०५c  सस्निर्यो अनुमाद्यः ॥ ९६५
   ४ ३ २ ०३ ०६a  पवस्व वृत्रहन्तम उक्थेभिरनुमाद्यः ।
   ४ ३ २ ०३ ०६c  शुचिः पावको अद्भुतः ॥ ९६६
   ४ ३ २ ०३ ०७a  शुचिः पावक उच्यते सोमः सुतः स मधुमान् ।
   ४ ३ २ ०३ ०७c  देवावीरघशँसहा ॥ ९६७

   ४ ३ २ ०४ ०१a  प्र कविर्देववीतयेऽव्या वारेभिरव्यत ।
   ४ ३ २ ०४ ०१c  साह्वान्विश्वा अभि स्पृधः ॥ ९६८
   ४ ३ २ ०४ ०२a  स हि ष्मा जरितृभ्य आ वाजं गोमन्तमिन्वति ।
   ४ ३ २ ०४ ०२c  पवमानः सहस्रिणम् ॥ ९६९
   ४ ३ २ ०४ ०३a  परि विश्वानि चेतसा मृज्यसे पवसे मती ।
   ४ ३ २ ०४ ०३c  स नः सोम श्रवो विदः ॥ ९७०
   ४ ३ २ ०४ ०४a  अभ्यर्ष बृहद्यशो मघवद्भ्यो ध्रुवँ रयिम् ।
   ४ ३ २ ०४ ०४c  इषँ स्तोतृभ्य आ भर ॥ ९७१
   ४ ३ २ ०४ ०५a  त्वँ राजेव सुव्रतो गिरः सोमाविवेशिथ ।
   ४ ३ २ ०४ ०५c  पुनानो वह्ने अद्भुत ॥ ९७२
   ४ ३ २ ०४ ०६a  स वह्निरप्सु दुष्टरो मृज्यमानो गभस्त्योः ।
   ४ ३ २ ०४ ०६c  सोमश्चमूषु सीदति ॥ ९७३
   ४ ३ २ ०४ ०७a  क्रीडुर्मखो न मँहयुः पवित्रँ सोम गच्छसि ।
   ४ ३ २ ०४ ०७c  दधत्स्तोत्रे सुवीर्यम् ॥ ९७४

   ४ ३ २ ०५ ०१a  यवंयवं नो अन्धसा पुष्टंपुष्टं परि स्रव ।
   ४ ३ २ ०५ ०१c  विश्वा च सोम सौभगा ॥ ९७५
   ४ ३ २ ०५ ०२a  इन्दो यथा तव स्तवो यथा ते जातमन्धसः ।
   ४ ३ २ ०५ ०२c  नि बर्हिषि प्रिये सदः ॥ ९७६
   ४ ३ २ ०५ ०३a  उत नो गोविदश्ववित्पवस्व सोमान्धसा ।
   ४ ३ २ ०५ ०३c  मक्षूतमेभिरहभिः ॥ ९७७
   ४ ३ २ ०५ ०४a  यो जिनाति न जीयते हन्ति शत्रुमभीत्य ।
   ४ ३ २ ०५ ०४c  स पवस्व सहस्रजित् ॥ ९७८

   ४ ३ २ ०६ ०१a  यास्ते धारा मधुश्चुतोऽसृग्रमिन्द ऊतये ।
   ४ ३ २ ०६ ०१c  ताभिः पवित्रमासदः ॥ ९७९
   ४ ३ २ ०६ ०२a  सो अर्षेन्द्राय पीतये तिरो वाराण्यव्यया ।
   ४ ३ २ ०६ ०२c  सीदन्नृतस्य योनिमा ॥ ९८०
   ४ ३ २ ०६ ०३a  त्वँ सोम परि स्रव स्वादिष्ठो अङ्गिरोभ्यः ।
   ४ ३ २ ०६ ०३c  वरिवोविद्धृतं पयः ॥ ९८१

   ४ ३ २ ०७ ०१a  तव श्रियो वर्ष्यस्येव विद्युतोग्नेश्चिकित्र उषसामिवेतयः ।
   ४ ३ २ ०७ ०१c  यदोषधीरभिसृष्टो वनानि च परि स्वयं चिनुषे अन्नमासनि ॥ ९८२
   ४ ३ २ ०७ ०२a  वातोपजूत इषितो वशाँ अनु तृषु यदन्ना वेविषद्वितिष्ठसे ।
   ४ ३ २ ०७ ०२c  आ ते यतन्ते रथ्यो३ यथा पृथक्षर्धाँस्यग्ने अजरस्य धक्षतः ॥ ९८३
   ४ ३ २ ०७ ०३a  मेधाकारं विदथस्य प्रसाधनमग्निँ होतारं परिभूतरं मतिम् ।
   ४ ३ २ ०७ ०३c  त्वामर्भस्य हविषः समानमित्तवां महो वृणते नान्यं त्वत् ॥ ९८४

   ४ ३ २ ०८ ०१a  पुरूरुणा चिद्ध्यस्त्यवो नूनं वां वरुण ।
   ४ ३ २ ०८ ०१c  मित्र वँसि वाँ सुमतिम् ॥ ९८५
   ४ ३ २ ०८ ०२a  ता वाँ सम्यगद्रुह्वाणेषमश्याम धाम च ।
   ४ ३ २ ०८ ०२c  वयं वां मित्रा स्याम ॥ ९८६
   ४ ३ २ ०८ ०३a  पातं नो मित्रा पायुभिरुत त्रायेथाँ सुत्रात्रा ।
   ४ ३ २ ०८ ०३c  साह्याम दस्यूं तनूभिः ॥ ९८७

   ४ ३ २ ०९ ०१a  उत्तिष्ठन्नोजसा सह पीत्वा शिप्रे अवेपयः ।
   ४ ३ २ ०९ ०१c  सोममिन्द्र चमूसुतम् ॥ ९८८
   ४ ३ २ ०९ ०२a  अनु त्वा रोदसी उभे स्पर्धमानमददेताम् ।
   ४ ३ २ ०९ ०२c  इन्द्र यद्दस्युहाभवः ॥ ९८९
   ४ ३ २ ०९ ०३a  वाचमष्टापदीमहं नवस्रक्तिमृतावृधम् ।
   ४ ३ २ ०९ ०३c  इन्द्रात्परितन्वं ममे ॥ ९९०

   ४ ३ २ १० ०१a  इन्द्राग्नी युवामिमे३ऽभि स्तोमा अनूषत ।
   ४ ३ २ १० ०१c  पिबतँ शम्भुवा सुतम् ॥ ९९१
   ४ ३ २ १० ०२a  या वाँ सन्ति पुरुस्पृहो नियुतो दाशुषे नरा ।
   ४ ३ २ १० ०२c  इन्द्राग्नी ताभिरा गतम् ॥ ९९२
   ४ ३ २ १० ०३a  ताभिरा गच्छतं नरोपेदँ सवनँ सुतम् ।
   ४ ३ २ १० ०३c  इन्द्राग्नी सोमपीतये ॥ ९९३

   ४ ३ २ ११ ०१a  अर्षा सोम द्युमत्तमोऽभि द्रोणानि रोरुवत् ।
   ४ ३ २ ११ ०१c  सीदन्योनौ योनेष्वा ॥ ९९४
   ४ ३ २ ११ ०२a  अप्सा इन्द्राय वायवे वरुणाय मरुद्भ्यः ।
   ४ ३ २ ११ ०२c  सोमा अर्षन्तु विष्णवे ॥ ९९५
   ४ ३ २ ११ ०३a  इषं तोकाय नो दधदस्मभ्यँ सोम विश्वतः ।
   ४ ३ २ ११ ०३c  आ पवस्व सहस्रिणम् ॥ ९९६

   ४ ३ २ १२ ०१a  सोम उ ष्वाणः सोतृभिरधि ष्णुभिरवीनाम् ।
   ४ ३ २ १२ ०१c  अश्वयेव हरिता याति धारया मन्द्रया याति धारया ॥ ९९७
   ४ ३ २ १२ ०२a  अनूपे गोमान्गोभिरक्षाः सोमो दुग्धाभिरक्षाः ।
   ४ ३ २ १२ ०२c  समुद्रं न संवरणान्यग्मन्मन्दी मदाय तोशते ॥ ९९८

   ४ ३ २ १३ ०१a  यत्सोम चित्रमुक्थ्यं दिव्यं पार्थिवं वसु ।
   ४ ३ २ १३ ०१c  तन्नः पुनान आ भर ॥ ९९९
   ४ ३ २ १३ ०२a  वृषा पुनान आयुँषि स्तनयन्नधि बर्हिषि ।
   ४ ३ २ १३ ०२c  हरिः सन्योनिमासदः ॥ १०००
   ४ ३ २ १३ ०३a  युवँ हि स्थः स्वःपती इन्द्रश्च सोम गोपती ।
   ४ ३ २ १३ ०३c  ईशाना पिप्यतं धियः ॥ १००१

   ४ ३ २ १४ ०१a  इन्द्रो मदाय वावृधे शवसे वृत्रहा नृभिः ।
   ४ ३ २ १४ ०१c  तमिन्महत्स्वाजिषूतिमर्भे हवामहे स वाजेषु प्र नोऽविषत् ॥ १००२
   ४ ३ २ १४ ०२a  असि हि वीर सेन्योऽसि भूरि पराददिः ।
   ४ ३ २ १४ ०२c  असि दभ्रस्य चिद्वृधो यजमानाय शिक्षसि सुन्वते भूरि ते वसु ॥ १००३
   ४ ३ २ १४ ०३a  यदुदीरत आजयो धृष्णवे धीयते धनाम् ।
   ४ ३ २ १४ ०३c  युङ्क्ष्वा मदच्युता हरी कं हनः कं वसौ दधोऽस्मां इन्द्र वसौ दधः ॥ १००४

   ४ ३ २ १५ ०१a  स्वादोरित्था विषूवतो मध्वः पिबन्ति गौर्यः ।
   ४ ३ २ १५ ०१c  या इन्द्रेण सयावरीर्वृष्णा मदन्ति शोभसे वस्वीरनु स्वराज्यम् ॥ १००५
   ४ ३ २ १५ ०२a  ता अस्य पृशनायुवः सोमँ श्रीणन्ति पृश्नयः ।
   ४ ३ २ १५ ०२c  प्रिया इन्द्रस्य धेनवो वज्रँ हिन्वन्ति सायकं वस्वीरनु स्वराज्यम् ॥ १००६
   ४ ३ २ १५ ०३a  ता अस्य नमसा सहः सपर्यन्ति प्रचेतसः ।
   ४ ३ २ १५ ०३c  व्रतान्यस्य सश्चिरे पुरूणि पूर्वचित्तये वस्वीरनु स्वराज्यम् ॥ १००७

   ४ ३ २ १६ ०१a  असाव्यँशुर्मदायाप्सु दक्षो गिरिष्ठाः ।
   ४ ३ २ १६ ०१c  श्येनो न योनिमासदत् ॥ १००८
   ४ ३ २ १६ ०२a  शुभ्रमन्धो देववातमप्सु धौतं नृभिः सुतम् ।
   ४ ३ २ १६ ०२c  स्वदन्ति गावः पयोभिः ॥ १००९
   ४ ३ २ १६ ०३a  आदीमश्वं न हेतारमशूशुभन्नमृताय ।
   ४ ३ २ १६ ०३c  मधो रसँ सधमादे ॥ १०१०

   ४ ३ २ १७ ०१a  अभि द्युभ्नं बृहद्यश इषस्पते दीदिहि देव देवयुम् ।
   ४ ३ २ १७ ०१c  वि कोशं मध्यमं युव ॥ १०११
   ४ ३ २ १७ ०२a  आ वच्यस्व सुदक्ष चम्वोः सुतो विशां वह्निर्न विश्पतिः ।
   ४ ३ २ १७ ०२c  वृष्टिं दिवः पवस्व रीतिमपो जिन्वन्गविष्टये धियः ॥ १०१२

   ४ ३ २ १८ ०१a  प्राणा शिशुर्महीनाँ हिन्वन्नृतस्य दीधितिम् ।
   ४ ३ २ १८ ०१c  विश्वा परि प्रिया भुवदध द्विता ॥ १०१३
   ४ ३ २ १८ ०२a  उप त्रितस्य पाष्यो३रभक्त यद्गुहा पदम् ।
   ४ ३ २ १८ ०२c  यज्ञस्य सप्त धामभिरध प्रियम् ॥ १०१४
   ४ ३ २ १८ ०३a  त्रीणि त्रितस्य धारया पृष्टेष्वैरयद्रयिम् ।
   ४ ३ २ १८ ०३c  मिमीते अस्य योजना वि सुक्रतुः ॥ १०१५

   ४ ३ २ १९ ०१a  पवस्व वाजसातये पवित्रे धारया सुतः ।
   ४ ३ २ १९ ०१c  इन्द्राय सोम विष्णवे देवेभ्यो मधुमत्तरः ॥ १०१६
   ४ ३ २ १९ ०२a  त्वाँ रिहन्ति धीतयो हरिं पवित्रे अद्रुहः ।
   ४ ३ २ १९ ०२c  वत्सं जातं न मातरः पवमान विधर्मणि ॥ १०१७
   ४ ३ २ १९ ०३a  त्वं द्यां च महिव्रत पृथिवीं चाति जभ्रिषे ।
   ४ ३ २ १९ ०३c  प्रति द्रापिममुञ्चथाः पवमान महित्वना ॥ १०१८

   ४ ३ २ २० ०१a  इन्दुर्वाजी पवते गोन्योघा इन्द्रे सोमः सह इन्वन्मदाय ।
   ४ ३ २ २० ०१c  हन्ति रक्षो बाधते पर्यरातिं वरिवस्कृण्वन्वृजनस्य राजा ॥ १०१९
   ४ ३ २ २० ०२a  अध धारया मध्वा पृचानस्तिरो रोम पवते अद्रिदुग्धः ।
   ४ ३ २ २० ०२c  इन्दुरिन्द्रस्य सख्यं जुषाणो देवो देवस्य मत्सरो मदाय ॥ १०२०
   ४ ३ २ २० ०३a  अभि व्रतानि पवते पुनानो देवो देवान्त्स्वेन रसेन पृञ्चन् ।
   ४ ३ २ २० ०३c  इन्दुर्धर्माण्यृतुथा वसानो दश क्षिपो अव्यत सानो अव्ये ॥ १०२१

   ४ ३ २ २१ ०१a  आ ते अग्न इधीमहि द्युमन्तं देवाजरम् ।
   ४ ३ २ २१ ०१c  युद्ध स्या ते पनीयसी समिद्दीदयति द्यवीषँ स्तोतृभ्य आ भर ॥ १०२२
   ४ ३ २ २१ ०२a  आ ते अग्न ऋचा हविः शुक्रस्य ज्योतिषस्पते ।
   ४ ३ २ २१ ०२c  सुश्चन्द्र दस्म विश्पते हव्यवाट्तुभ्यँ हूयत इषँ स्तोतृभ्य आ भर ॥ १०२३
   ४ ३ २ २१ ०३a  ओभे सुश्चन्द्र विश्पते दर्वी श्रीणीष आसनि ।
   ४ ३ २ २१ ०३c  उतो न उत्पुपूर्या उक्थेषु शवसस्पत इषँ स्तोतृभ्य आ भर ॥ १०२४

   ४ ३ २ २२ ०१a  इन्द्राय साम गायत विप्राय बृहते बृहत् ।
   ४ ३ २ २२ ०१c  ब्रह्माकृते विपश्चिते पनस्यवे ॥ १०२५
   ४ ३ २ २२ ०२a  त्वमिन्द्राभिभूरसि त्वँ सूर्यमरोचयः ।
   ४ ३ २ २२ ०२c  विश्वकर्मा विश्वदेवो महाँ असि ॥ १०२६
   ४ ३ २ २२ ०३a  विभ्राजं ज्योतिषा त्व३रगच्छो रोचनं दिवः ।
   ४ ३ २ २२ ०३c  देवास्त इन्द्र सख्याय येमिरे ॥ १०२७

   ४ ३ २ २३ ०१a  असावि सोम इन्द्र ते शविष्ठ धृष्णवा गहि ।
   ४ ३ २ २३ ०१c  आ त्वा पृणक्त्विन्द्रियँ रजः सूर्यो न रश्मिभिः ॥ १०२८
    ४ ३ २ २३ ०२a  आ तिष्ठ वृत्रहन्रथं युक्ता ते ब्रह्मणा हरी ।
   ४ ३ २ २३ ०२c  अर्वाचीनँ सु ते मनो ग्रावा कृणोतु वग्नुना ॥ १०२९
   ४ ३ २ २३ ०३a  इन्द्रमिद्धरी वहतोऽप्रतिधृष्टशवसम् ।
   ४ ३ २ २३ ०३c  ऋषीणाँ सुष्टुतीरुप यज्ञं च मानुषाणाम् ॥ १०३०

      चतुर्थ प्रपाठकः ।  प्रथमोऽर्धः
   ४ ४ १ ०१ ०१a  ज्योतिर्यज्ञस्य पवते मधु प्रियं पिता देवानां जनिता विभूवसुः ।
   ४ ४ १ ०१ ०१c  दधाति रत्नँ स्वधयोरपीच्यं मदिन्तमो मत्सर इन्द्रियो रसः ॥ १०३१
   ४ ४ १ ०१ ०२a  अभिक्रन्दन्कलशं वाज्यर्षति पतिर्दिवः शतधारो विचक्षणः ।
   ४ ४ १ ०१ ०२c  हरिर्मित्रस्य सदनेषु सीदति मर्मृजानोऽविभिः सिन्धुभिर्वृषा ॥ १०३२
   ४ ४ १ ०१ ०३a  अग्रे सिन्धूनां पवमानो अर्षत्यग्रे वाचो अग्रियो गोषु गच्छसि ।
   ४ ४ १ ०१ ०३c  अग्रे वाजस्य भजसे महद्धनँ स्वायुधः सोतृभिः सोम सूयसे ॥ १०३३

   ४ ४ १ ०२ ०१a  असृक्षत प्र वाजिनो गव्या सोमासो अश्वया ।
   ४ ४ १ ०२ ०१c  शुक्रासो वीरयाशवः ॥ १०३४
   ४ ४ १ ०२ ०२a  शुम्भमानो ऋतायुभिर्मृज्यमाना गभस्त्योः ।
     र्म् ४ ४ १ ०२ ०२c  पवन्ते वारे अव्यये ॥ १०३५
   ४ ४ १ ०२ ०३a  ते विश्वा दाशुषे वसु सोमा दिव्यानि पार्थिवा ।
   ४ ४ १ ०२ ०३c  पवन्तामान्तरिक्ष्या ॥ १०३६

   ४ ४ १ ०३ ०१a  पवस्व देववीरति पवित्रँ सोम रँह्या ।
   ४ ४ १ ०३ ०१c  इन्द्रमिन्दो वृषा विश ॥ १०३७
   ४ ४ १ ०३ ०२a  आ वच्यस्व महि प्सरो वृषेन्दो द्युम्नवत्तमः ।
   ४ ४ १ ०३ ०२c  आ योनिं धर्णसिः सदः ॥ १०३८
   ४ ४ १ ०३ ०३a  अधुक्षत प्रियं मधु धारा सुतस्य वेधसः ।
   ४ ४ १ ०३ ०३c  अपो वसिष्ट सुक्रतुः ॥ १०३९
   ४ ४ १ ०३ ०४a  महान्तं त्वा महीरन्वापो अर्षन्ति सिन्धवः ।
   ४ ४ १ ०३ ०४c  यद्गोभिर्वासयिष्यसे ॥ १०४०
   ४ ४ १ ०३ ०५a  समुद्रो अप्सु मामृजे विष्टम्भो धरुणो दिवः ।
   ४ ४ १ ०३ ०५c  सोमः पवित्रे अस्मयुः ॥ १०४१
   ४ ४ १ ०३ ०६a  अचिक्रदद्वृषा हरिर्महान्मित्रो न दर्शतः ।
   ४ ४ १ ०३ ०६c  सँ सूर्येण दिद्युते ॥ १०४२
   ४ ४ १ ०३ ०७a  गिरस्त इन्द ओजसा मर्मृज्यन्ते अपस्युवः ।
   ४ ४ १ ०३ ०७c  याभिर्मदाय शुम्भसे ॥ १०४३
   ४ ४ १ ०३ ०८a  तं त्वा मदाय घृष्वय उ लोककृत्नुमीमहे ।
   ४ ४ १ ०३ ०८c  तव प्रशस्तये महे ॥ १०४४
   ४ ४ १ ०३ ०९a  गोषा इन्दो नृषा अस्यश्वसा वाजसा उत ।
   ४ ४ १ ०३ ०९c  आत्मा यज्ञस्य पूर्व्यः ॥ १०४५
   ४ ४ १ ०३ १०a  अस्मभ्यमिन्दविन्द्रियं मधोः पवस्व धारया ।
   ४ ४ १ ०३ १०c  पर्जन्यो वृष्टिमाँ इव ॥ १०४६

   ४ ४ १ ०४ ०१a  सना च सोम जेषि च पवमान महि श्रवः ।
   ४ ४ १ ०४ ०१c  अथा नो वस्यसस्कृधि ॥ १०४७
   ४ ४ १ ०४ ०२a  सना ज्योतिः सना स्वा३र्विश्वा च सोम सौभगा ।
   ४ ४ १ ०४ ०२c  अथा नो वस्यसस्कृधि ॥ १०४८
   ४ ४ १ ०४ ०३a  सना दक्षमुत क्रतुमप सोम मृधो जहि ।
   ४ ४ १ ०४ ०३c  अथा नो वस्यसस्कृधि ॥ १०४९
   ४ ४ १ ०४ ०४a  पवीतारः पुनीतन सोममिन्द्राय पातवे ।
   ४ ४ १ ०४ ०४c  अथा नो वस्यसस्कृधि ॥ १०५०
   ४ ४ १ ०४ ०५a  त्वँ सूर्ये न आ भज तव क्रत्वा तवोतिभिः ।
   ४ ४ १ ०४ ०५c  अथा नो वस्यसस्कृधि ॥ १०५१
   ४ ४ १ ०४ ०६a  तव क्रत्वा तवोतिभिर्ज्योक्पश्येम सूर्यम् ।
   ४ ४ १ ०४ ०६c  अथा नो वस्यसस्कृधि ॥ १०५२
   ४ ४ १ ०४ ०७a  अभ्यर्ष स्वायुध सोम द्विबर्हसँ रयिम् ।
   ४ ४ १ ०४ ०७c  अथा नो वस्यसस्कृधि ॥ १०५३
   ४ ४ १ ०४ ०८a  अभ्या३र्षानपच्युतो वाजिन्त्समत्सु सासहिः ।
   ४ ४ १ ०४ ०८c  अथा नो वस्यसस्कृधि ॥ १०५४
   ४ ४ १ ०४ ०९a  त्वां यज्ञैरवीवृधन्पवमान विधर्मणि ।
   ४ ४ १ ०४ ०९c  अथा नो वस्यसस्कृधि ॥ १०५५
   ४ ४ १ ०४ १०a  रयिं नश्चित्रमश्विनमिन्दो विश्वायुमा भर ।
   ४ ४ १ ०४ १०c  अथा नो वस्यसस्कृधि ॥ १०५६

   ४ ४ १ ०५ ०१a  तरत्स मन्दी धावति धारा सुतस्यान्धसः ।
   ४ ४ १ ०५ ०१c  तरत्स मन्दी धावति ॥ १०५७
   ४ ४ १ ०५ ०२a  उस्रा वेद वसूनां मर्त्तस्य देव्यवसः ।
   ४ ४ १ ०५ ०२c  तरत्स मन्दी धावति ॥ १०५८
   ४ ४ १ ०५ ०३a  ध्वस्रयोः पुरुषन्त्योरा सहस्राणि दद्महे ।
   ४ ४ १ ०५ ०३c  तरत्स मन्दी धावति ॥ १०५९
   ४ ४ १ ०५ ०४a  आ ययोस्त्रिँशतं तना सहस्राणि च दद्महे ।
   ४ ४ १ ०५ ०४c  तरत्स मन्दी धावति ॥ १०६०

   ४ ४ १ ०६ ०१a  एते सोमा असृक्षत गृणानाः शवसे महे ।
   ४ ४ १ ०६ ०१c  मदिन्तमस्य धारया ॥ १०६१
   ४ ४ १ ०६ ०२a  अभि गव्यानि वीतये नृम्णा पुनानो अर्षसि ।
   ४ ४ १ ०६ ०२c  सनद्वाजः परि स्रव ॥ १०६२
   ४ ४ १ ०६ ०३a  उत नो गोमतीरिषो विश्वा अर्ष परिष्टुभः ।
   ४ ४ १ ०६ ०३c  गृणानो जमदग्निना ॥ १०६३

   ४ ४ १ ०७ ०१a  इमँ स्तोममर्हते जातवेदसे रथमिव सं महेमा मनीषया ।
   ४ ४ १ ०७ ०१c  भद्रा हि नः प्रमतिरस्य सँसद्यग्ने सख्ये मा रिषामा वयं तव ॥ १०६४
   ४ ४ १ ०७ ०२a  भरामेध्मं कृणवामा हवीँषि ते चितयन्तः पर्वणापर्वणा वयम् ।
   ४ ४ १ ०७ ०२c  जीवातवे प्रतरँ साधया धियोऽग्ने सख्ये म रिषामा वयं तव ॥ १०६५
   ४ ४ १ ०७ ०३a  शकेम त्वा समिधँ साधया धियस्त्वे देवा हविरदन्त्याहुतम् ।
   ४ ४ १ ०७ ०३c  त्वमादित्याँ आ वह तान्ह्यू३श्मस्यग्ने सख्ये मा रिषामा वयं तव ॥ १०६६

   ४ ४ १ ०८ ०१a  प्रति वाँ सूर उदिते मित्रं गृणीषे वरुणम् ।
   ४ ४ १ ०८ ०१c  अर्यमणँ रिशादसम् ॥ १०६७
   ४ ४ १ ०८ ०२a  राया हिरण्यया मतिरियमवृकाय शवसे ।
   ४ ४ १ ०८ ०२c  इयं विप्रामेधसातये ॥ १०६८
   ४ ४ १ ०८ ०३a  ते स्याम देव वरुण ते मित्र सूरिभिः सह ।
   ४ ४ १ ०८ ०३c  इषँ स्वश्च धीमहि ॥ १०६९

   ४ ४ १ ०९ ०१a  भिन्धि विश्वा अप द्विषः परि बाधो जही मृधः ।
   ४ ४ १ ०९ ०१c  वसु स्पार्हं तदा भर ॥ १०७०
   ४ ४ १ ०९ ०२a  यस्य ते विश्वमानुषग्भूरेर्दत्तस्य वेदति ।
   ४ ४ १ ०९ ०२c  वसु स्पार्हं तदा भर ॥ १०७१
   ४ ४ १ ०९ ०३a  यद्वीडाविन्द्र यत्स्थिरे यत्पर्शाने पराभृतम् ।
   ४ ४ १ ०९ ०३c  वसु स्पार्हं तदा भर ॥ १०७२

   ४ ४ १ १० ०१a  यज्ञस्य हि स्थ ऋत्विजा सस्नी वाजेषु कर्मसु ।
   ४ ४ १ १० ०१c  इन्द्राग्नी तस्य बोधतम् ॥ १०७३
   ४ ४ १ १० ०२a  तोशासा रथयावाना वृत्रहणापराजिता ।
   ४ ४ १ १० ०२c  इन्द्राग्नी तस्य बोधतम् ॥ १०७४
   ४ ४ १ १० ०३a  इदं वां मदिरं मध्वधुक्षन्नद्रिभिर्नरः ।
   ४ ४ १ १० ०३c  इन्द्राग्नी तस्य बोधतम् ॥ १०७५

   ४ ४ १ ११ ०१a  इन्द्रायेन्दो मरुत्वते पवस्व मधुमत्तमः ।
   ४ ४ १ ११ ०१c  अर्कस्य योनिमासदम् ॥ १०७६
   ४ ४ १ ११ ०२a  तं त्वा विप्रा वचोविदः परिष्कृण्वन्ति धर्णसिम् ।
   ४ ४ १ ११ ०२c  सं त्वा मृजन्त्यायवः ॥ १०७७
   ४ ४ १ ११ ०३a  रसं ते मित्रो अर्यमा पिबन्तु वरुणः कवे ।
   ४ ४ १ ११ ०३c  पवमानस्य मरुतः ॥ १०७८

   ४ ४ १ १२ ०१a  मृज्यमानः सुहस्त्य समुद्रे वाचमिन्वसि ।
   ४ ४ १ १२ ०१c  रयिं पिशङ्गं बहुलं पुरुस्पृहं पवमानाभ्यर्षसि ॥ १०७९
   ४ ४ १ १२ ०२a  पुनानो वरे पवमनो अव्यये वृषो अचिक्रदद्वने ।
   ४ ४ १ १२ ०२c  देवानाँ सोम पवमान निष्कृतं गोभिरञ्जानो अर्षसि ॥ १०८०

   ४ ४ १ १३ ०१a  एतमु त्यं दश क्षिपो मृजन्ति सिन्धुमातरम् ।
   ४ ४ १ १३ ०१c  समादित्येभिरख्यत ॥ १०८१
   ४ ४ १ १३ ०२a  समिन्द्रेणोत वायुना सुत एति पवित्र आ ।
   ४ ४ १ १३ ०२c  सँ सूर्यस्य रश्मिभिः ॥ १०८२
   ४ ४ १ १३ ०३a  स नो भगाय वायवे पूष्णे पवस्व मधुमान् ।
   ४ ४ १ १३ ०३c  चारुर्मित्रे वरुणे च ॥ १०८३

   ४ ४ १ १४ ०१a  रेवतीर्नः सधमाद इन्द्रे सन्तु तुविवाजाः ।
   ४ ४ १ १४ ०१c  क्षुमन्तो याभिर्मदेम ॥ १०८४
   ४ ४ १ १४ ०२a  आ घ त्वावां त्मना युक्तः स्तोतृभ्यो धृष्णवीयानः ।
   ४ ४ १ १४ ०२c  ऋणोरक्षं न चक्र्योः ॥ १०८५
   ४ ४ १ १४ ०३a  आ यद्दुवः शतक्रतवा कामं जरितॄणाम् ।
   ४ ४ १ १४ ०३c  ऋणोरक्षं न शचीभिः ॥ १०८६

   ४ ४ १ १५ ०१a  सुरूपकृत्नुमूतये सुदुघामिव गोदुहे ।
   ४ ४ १ १५ ०१c  जुहूमसि द्यविद्यवि ॥ १०८७
   ४ ४ १ १५ ०२a  उप नः सवना गहि सोमस्य सोमपाः पिब ।
   ४ ४ १ १५ ०२c  गोदा इद्रेवतो मदः ॥ १०८८
   ४ ४ १ १५ ०३a  अथा ते अन्तमानां विद्याम सुमतीनाम् ।
   ४ ४ १ १५ ०३c  मा नो अति ख्य आ गहि ॥ १०८९

   ४ ४ १ १६ ०१a  उभे यदिन्द्र रोदसी आपप्राथोषा इव ।
   ४ ४ १ १६ ०१c  महान्तं त्वा महीनाँ सम्राजं चर्षणीनाम् ।
   ४ ४ १ १६ ०१e  देवी जनित्र्यजीजनद्भद्रा जनित्र्यजीजनत् ॥ १०९०
   ४ ४ १ १६ ०२a  दीर्घँ ह्यङ्कुशं यथा शक्तिं बिभर्षि मन्तुमः ।
   ४ ४ १ १६ ०२c  पूर्वेण मघवन्पदा वयामजो यथा यमः ।
   ४ ४ १ १६ ०२e  देवी जनित्र्यजीजनद्भद्रा जनित्र्यजीजनत् ॥ १०९१
   ४ ४ १ १६ ०३a  अव स्म दुर्हृणायतो मर्त्तस्य तनुहि स्थिरम् ।
   ४ ४ १ १६ ०३c  अधस्पदं तमीं कृधि यो अस्माँ अभिदासति ।
   ४ ४ १ १६ ०३e  देवी जनित्र्यजीजनद्भद्रा जनित्र्यजीजनत् ॥ १०९२

   ४ ४ १ १७ ०१a  परि स्वानो गिरिष्ठाः पवित्रे सोमो अक्षरत् ।
   ४ ४ १ १७ ०१c  मदेषु सर्वधा असि ॥ १०९३
   ४ ४ १ १७ ०२a  त्वं विप्रस्त्वं कविर्मधु प्र जातमन्धसः ।
   ४ ४ १ १७ ०२c  मदेषु सर्वधा असि ॥ १०९४
   ४ ४ १ १७ ०३a  त्वे विश्वे सजोषसो देवासः पीतिमाशत ।
   ४ ४ १ १७ ०३c  मदेषु सर्वधा असि ॥ १०९५

   ४ ४ १ १८ ०१a  स सुन्वे यो वसूनां यो रायामानेता य इडानाम् ।
   ४ ४ १ १८ ०१c  सोमो यः सुक्षितीनाम् ॥ १०९६
   ४ ४ १ १८ ०२a  यस्य त इन्द्रः पिबाद्यस्य मरुतो यस्य वार्यमणा भगः ।
   ४ ४ १ १८ ०२c  आ येन मित्रावरुणा करामह एन्द्रमवसे महे ॥ १०९७

   ४ ४ १ १९ ०१a  तं वः सखायो मदाय पुनानमभि गायत ।
   ४ ४ १ १९ ०१c  शिशुं न हव्यैः स्वदयन्त गूर्तिभिः ॥ १०९८
   ४ ४ १ १९ ०२a  सं वत्स इव मातृभिरिन्दुर्हिन्वानो अज्यते ।
   ४ ४ १ १९ ०२c  देवावीर्मदो मतिभिः परिष्कृतः ॥ १०९९
   ४ ४ १ १९ ०३a  अयं दक्षाय साधनोऽयँ शर्धाय वीतये ।
   ४ ४ १ १९ ०३c  अयं देवेभ्यो मधुमत्तरः सुतः ॥ ११००

   ४ ४ १ २० ०१a  सोमाः पवन्त इन्दवोऽस्मभ्यं गातुवित्तमाः ।
   ४ ४ १ २० ०१c  मित्राः सुवाना अरेपसः स्वाध्यः स्वर्विदः ॥ ११०१
   ४ ४ १ २० ०२a  ते पूतासो विपश्चितः सोमासो दध्याशिरः ।
   ४ ४ १ २० ०२c  सूरासो न दर्शतासो जिगत्नवो ध्रुवा घृते ॥ ११०२
   ४ ४ १ २० ०३a  सुष्वाणासो व्यद्रिभिश्चिताना गोरधि त्वचि ।
   ४ ४ १ २० ०३c  इषमस्मभ्यमभितः समस्वरन्वसुविदः ॥ ११०३

   ४ ४ १ २१ ०१a  अया पवा पवस्वैना वसूनि माँश्चत्व इन्दो सरसि प्र धन्व ।
   ४ ४ १ २१ ०१c  ब्रघ्नश्चिद्यस्य वातो न जूतिं पुरुमेधाश्चित्तकवे नरं धात् ॥ ११०४
   ४ ४ १ २१ ०२a  उत न एना पवया पवस्वाधि श्रुते श्रवाय्यस्य तीर्थे ।
   ४ ४ १ २१ ०२c  षष्टिँ सहस्रा नैगुतो वसूनि वृक्षं न पक्वं धूनवद्रणाय ॥ ११०५
   ४ ४ १ २१ ०३a  महीमे अस्य वृष नाम शूषे माँश्चत्वे वा पृशने वा वधत्रे ।
   ४ ४ १ २१ ०३c  अस्वापयन्निगुतः स्नेहयच्चापामित्राँ अपाचितो अचेतः ॥ ११०६

   ४ ४ १ २२ ०१a  अग्ने त्वं नो अन्तम उत त्राता शिवो भुवो वरूथ्यः ॥ ११०७
   ४ ४ १ २२ ०२a  वसुरग्निर्वसुश्रवा अच्छा नक्षि द्युमत्तमो रयिं दाः ॥ ११०८
   ४ ४ १ २२ ०३a  तं त्वा शोचिष्ठ दीदिवः सुम्नाय नूनमीमहे सखिभ्यः ॥ ११०९

   ४ ४ १ २३ ०१a  इमा नु कं भुवना सीषधेमेन्द्रश्च विश्वे च देवाः ॥ १११०
   ४ ४ १ २३ ०२a  यज्ञं च नस्तन्वं च प्रजां चादित्यैरिन्द्रः सह सीषधातु ॥ ११११
   ४ ४ १ २३ ०३a  आदित्यैरिन्द्रः सगणो मरुद्भिरस्मभ्यं भेषजा करत् ॥ १११२

   ४ ४ १ २४ ०१a  प्र व इन्द्राय वृत्रहन्तमाय विप्राय गाथं गायत यं जुजोषते ॥ १११३
   ४ ४ १ २४ ०२a  अर्चन्त्यर्कं मरुतः स्वर्का आ स्तोभति श्रुतो युवा स इन्द्रः ॥ १११४
   ४ ४ १ २४ ०३a  उप प्रक्षे मधुमति क्षियन्तः पुष्येम रयिं धीमहे त इन्द्र ॥ १११५

      चतुर्थ प्रपाठकः ।  द्वितीयोऽर्धः
   ४ ४ २ ०१ ०१a  प्र काव्यमुशनेव ब्रुवाणो देवो देवानां जनिमा विवक्ति ।
   ४ ४ २ ०१ ०१c  महिव्रतः शुचिबन्धुः पावकः पदा वराहो अभ्येति रेभन् ॥ १११६
   ४ ४ २ ०१ ०२a  प्र हँसासस्तृपला वग्नुमच्छामादस्तं वृषगणा अयासुः ।
   ४ ४ २ ०१ ०२c  आङ्गोषिणं पवमानँ सखायो दुर्मर्षं वाणं प्र वदन्ति साकम् ॥ १११७
   ४ ४ २ ०१ ०३a  स योजत उरुगायस्य जूतिं वृथा क्रीडन्तं मिमते न गावः ।
   ४ ४ २ ०१ ०३c  परीणसं कृणुते तिग्मशृङ्गो दिवा हरिर्ददृशे नक्तमृज्रः ॥ १११८
   ४ ४ २ ०१ ०४a  प्र स्वानासो रथा इवार्वन्तो न अवस्यवः ।
   ४ ४ २ ०१ ०४c  सोमासो राये अक्रमुः ॥ १११९
   ४ ४ २ ०१ ०५a  हिन्वानासो रथा इव दधन्विरे गभस्त्योः ।
   ४ ४ २ ०१ ०५c  भरासः कारिणामिव ॥ ११२०
   ४ ४ २ ०१ ०६a  राजानो न प्रशस्तिभिः सोमासो गोभिरञ्जते ।
   ४ ४ २ ०१ ०६c  यज्ञो न सप्त धातृभिः ॥ ११२१
   ४ ४ २ ०१ ०७a  परि स्वानास इन्दवो मदाय बर्हणा गिरा ।
   ४ ४ २ ०१ ०७c  मधो अर्षन्ति धारया ॥ ११२२
   ४ ४ २ ०१ ०८a  आपानासो विवस्वतो जिन्वन्त उषसो भगम् ।
   ४ ४ २ ०१ ०८c  सूरा अण्वं वि तन्वते ॥ ११२३
   ४ ४ २ ०१ ०९a  अप द्वारा मतीनां प्रत्ना ऋण्वन्ति कारवः ।
   ४ ४ २ ०१ ०९c  वृष्णो हरस आयवः ॥ ११२४
   ४ ४ २ ०१ १०a  समीचीनास आशत होतारः सप्तजानयः ।
   ४ ४ २ ०१ १०c  पदमेकस्य पिप्रतः ॥ ११२५
   ४ ४ २ ०१ ११a  नाभा नाभिं न आ ददे चक्षुषा सूर्य दृशे ।
   ४ ४ २ ०१ ११c  कवेरपत्यमा दुहे ॥ ११२६
   ४ ४ २ ०१ १२a  अभि प्रियं दिवस्पदमध्वर्युभिर्गुहा हितम् ।
   ४ ४ २ ०१ १३c  सूरः पस्यति चक्षसा ॥ ११२७

   ४ ४ २ ०२ ०१a  असृग्रमिन्दवः पथा धर्मन्नृतस्य सुश्रियः ।
   ४ ४ २ ०२ ०१c  विदाना अस्य योजना ॥ ११२८
   ४ ४ २ ०२ ०२a  प्र धारा मधो अग्रियो महीरपो वि गाहते ।
   ४ ४ २ ०२ ०२c  हविर्हविःषु वन्द्यः ॥ ११२९
   ४ ४ २ ०२ ०३a  प्र युजा वाचो अग्रियो वृषो अचिक्रदद्वने ।
   ४ ४ २ ०२ ०३c  सद्माभि सत्यो अध्वरः ॥ ११३०
   ४ ४ २ ०२ ०४a  परि यत्काव्या कविर्नृम्णा पुनानो अर्षति ।
   ४ ४ २ ०२ ०४c  स्वर्वाजी सिषासति ॥ ११३१
   ४ ४ २ ०२ ०५a  पवमानो अभि स्पृधो विशो राजेव सीदति ।
   ४ ४ २ ०२ ०५c  यदीमृण्वन्ति वेधसः ॥ ११३२
   ४ ४ २ ०२ ०६a  अव्या वारे परि प्रियो हरिर्वनेषु सीदति ।
   ४ ४ २ ०२ ०६c  रेभो वनुष्यते मति ॥ ११३३
   ४ ४ २ ०२ ०७a  स वायुमिन्द्रमश्विना साकं मदेन गच्छति ।
   ४ ४ २ ०२ ०७c  रणा यो अस्य धर्मणा ॥ ११३४
   ४ ४ २ ०२ ०८a  आ मित्रे वरुणे भगे मधोः पवन्त ऊर्मयः ।
   ४ ४ २ ०२ ०८c  विदाना अस्य शक्मभिः ॥ ११३५
   ४ ४ २ ०२ ०९a  अस्मभ्यँ रोदसी रयिं मध्वो वाजस्य सातये ।
   ४ ४ २ ०२ ०९c  श्रवो वसूनि सञ्जितम् ॥ ११३६
   ४ ४ २ ०२ १०a  आ ते दक्षं मयोभुवं वह्निमद्या वृणीमहे ।
   ४ ४ २ ०२ १०c  पान्तमा पुरुस्पृहम् ॥ ११३७
   ४ ४ २ ०२ ११a  आ मन्द्रमा वरेण्यमा विप्रमा मनीषिणम् ।
   ४ ४ २ ०२ ११c  पान्तमा पुरुस्पृहम् ॥ ११३८
   ४ ४ २ ०२ १२a  आ रयिमा सुचेतुनमा सुक्रतो तनूष्वा ।
   ४ ४ २ ०२ १२c  पान्तमा पुरुस्पृहम् ॥ ११३९

   ४ ४ २ ०३ ०१a  मूर्धानं दिवो अरतिं पृथिव्या वैश्वानरमृत आ जातमग्निम् ।
   ४ ४ २ ०३ ०१c  कविँ सम्राजमतिथिं जनानामासन्नः पात्रं जनयन्त देवाः ॥ ११४०
   ४ ४ २ ०३ ०२a  त्वां विश्वे अमृत जायमानँ शिशुं न देवा अभि सं नवन्ते ।
   ४ ४ २ ०३ ०२c  तव क्रतुभिरमृतत्वमायन्वैश्वानर यत्पित्रोरदीदेः ॥ ११४१
   ४ ४ २ ०३ ०३a  नाभिं यज्ञानाँ सदनँ रयीणां महामाहावमभि सं नवन्त ।
   ४ ४ २ ०३ ०३c  वैश्वानरँ रथ्यमध्वराणां यज्ञस्य केतुं जनयन्त देवाः ॥ ११४२

   ४ ४ २ ०४ ०१a  प्र वो मित्राय गायत वरुणाय विपा गिरा ।
   ४ ४ २ ०४ ०१c  महिक्षत्रावृतं बृहत् ॥ ११४३
   ४ ४ २ ०४ ०२a  सम्राजा या घृतयोनी मित्रश्चोभा वरुणश्च ।
   ४ ४ २ ०४ ०२c  देवा देवेषु प्रशस्ता ॥ ११४४
   ४ ४ २ ०४ ०३a  ता नः शक्तं पर्थिवस्य महो रायो दिव्यस्य ।
   ४ ४ २ ०४ ०३c  महि वां क्षत्रं देवेषु ॥ ११४५

   ४ ४ २ ०५ ०१a  इन्द्रा याहि चित्रभानो सुता इमे त्वायवः ।
   ४ ४ २ ०५ ०१c  अण्वीभिस्तना पूतासः ॥ ११४६
   ४ ४ २ ०५ ०२a  इन्द्रा याहि धियेषितो विप्रजूतः सुतावतः ।
   ४ ४ २ ०५ ०२c  उप ब्रह्माणि वाघतः ॥ ११४७
   ४ ४ २ ०५ ०३a  इन्द्रा याहि तूतुजान उप ब्रह्माणि हरिवः ।
   ४ ४ २ ०५ ०३c  सुते दधिष्व नश्चनः ॥ ११४८

   ४ ४ २ ०६ ०१a  तमीडिष्व यो अर्चिषा वना विश्वा परिष्वजत् ।
   ४ ४ २ ०६ ०१c  कृष्णा कृणोति जिह्वया ॥ ११४९
   ४ ४ २ ०६ ०२a  य इद्ध आविवासति सुम्नमिन्द्रस्य मर्त्यः ।
   ४ ४ २ ०६ ०२c  द्युम्नाय सुतरा अपः ॥ ११५०
   ४ ४ २ ०६ ०३a  ता नो वाजवतीरिष आशून्पिपृतमर्वतः ।
   ४ ४ २ ०६ ०३c  एन्द्रमग्निं च वोढवे ॥ ११५१

   ४ ४ २ ०७ ०१a  प्रो अयासीदिन्दुरिन्द्रस्य निष्कृतँ सखा सख्युर्न प्र मिनाति सङ्गिरम् ।
   ४ ४ २ ०७ ०१c  मर्य इव युवतिभिः समर्षति सोमः कलशे शतयाम्ना पथा ॥ ११५२
   ४ ४ २ ०७ ०२a  प्र वो धियो मन्द्रयुवो विपन्युवः पनस्युवः संवरणेष्वक्रमुः ।
   ४ ४ २ ०७ ०२c  हरिं क्रीडन्तमभ्यनूषत स्तुभोऽभि धेनवः पयसेदशिश्रयुः ॥ ११५३
   ४ ४ २ ०७ ०३a  आ नः सोम संयतं पिप्युषीमिषमिन्दो पवस्व पवमान ऊर्मिणा ।
   ४ ४ २ ०७ ०३c  या नो दोहते त्रिरहन्नसश्चुषी क्षुमद्वाजवन्मधुमत्सुवीर्यम् ॥ ११५४

   ४ ४ २ ०८ ०१a  न किष्टं कर्मणा नशद्यश्चकार सदावृधम् ।
   ४ ४ २ ०८ ०१c  इन्द्रं न यज्ञैर्विश्वगूर्त्तमृभ्वसमधृष्टं धृष्णुमोजसा ॥ ११५५
   ४ ४ २ ०८ ०२a  अषाढमुग्रं पृतनासु सासहिं यस्मिन्महीरुरुज्रयः ।
   ४ ४ २ ०८ ०२c  सं धेनवो जायमाने अनोनवुर्द्यावः क्षामीरनोनवुः ॥ ११५६

   ४ ४ २ ०९ ०१a  सखाय आ नि षीदत पुनानाय प्र गायत ।
   ४ ४ २ ०९ ०१c  शिशुं न यज्ञैः परि भूषत श्रिये ॥ ११५७
   ४ ४ २ ०९ ०२a  समी वत्सं न मातृभिः सृजता गयसाधनम् ।
   ४ ४ २ ०९ ०२c  देवाव्या३ं मदमभि द्विशवसम् ॥ ११५८
   ४ ४ २ ०९ ०३a  पुनाता दक्षसाधनं यथा शर्धाय वीतये ।
   ४ ४ २ ०९ ०३c  यथा मित्राय वरुणाय शन्तमम् ॥ ११५९

   ४ ४ २ १० ०१a  प्र वाज्यक्षाः सहस्रधारस्तिरः पवित्रं वि वारमव्यम् ॥ ११६०
   ४ ४ २ १० ०२a  स वाज्यक्षाः सहस्ररेता अद्भिर्मृजानो गोभिः श्रीणानः ॥ ११६१
   ४ ४ २ १० ०३a  प्र सोम याहीन्द्रस्य कुक्षा नृभिर्येमानो अद्रिभिः सुतः ॥ ११६२

   ४ ४ २ ११ ०१a  ये सोमासः परावति ये अर्वावति सुन्विरे ।
   ४ ४ २ ११ ०१c  ये वादः शर्यणावति ॥ ११६३
   ४ ४ २ ११ ०२a  य आर्जीकेषु कृत्वसु ये मध्ये पस्त्यानाम् ।
   ४ ४ २ ११ ०२c  ये वा जनेषु पञ्चसु ॥ ११६४
   ४ ४ २ ११ ०३a  ते नो वृष्टिं दिवस्परि पवन्तामा सुवीर्यम् ।
   ४ ४ २ ११ ०३c  स्वाना देवास इन्दवः ॥ ११६५

   ४ ४ २ १२ ०१a  आ ते वत्सो मनो यमत्परमाच्चित्सधस्थात् ।
   ४ ४ २ १२ ०१c  अग्ने त्वां कामये गिरा ॥ ११६६
   ४ ४ २ १२ ०२a  पुरुत्रा हि सदृङ्ङसि दिशो विश्वा अनु प्रभुः ।
   ४ ४ २ १२ ०२c  समत्सु त्वा हवामहे ॥ ११६७
   ४ ४ २ १२ ०३a  समत्स्वग्निमवसे वाजयन्तो हवामहे ।
   ४ ४ २ १२ ०३c  वाजेषु चित्रराधसम् ॥ ११६८

   ४ ४ २ १३ ०१a  त्वं न इन्द्रा भर ओजो नृम्णँ शतक्रतो विचर्षणे ।
   ४ ४ २ १३ ०१c  आ वीरं पृतनासहम् ॥ ११६९
   ४ ४ २ १३ ०२a  त्वँ हि नः पिता वसो त्वं माता शतक्रतो बभूविथ ।
   ४ ४ २ १३ ०२c  अथा ते सुम्नमीमहे ॥ ११७०
   ४ ४ २ १३ ०३a  त्वाँ शुष्मिन्पुरुहूत वाजयन्तमुप ब्रुवे सहस्कृत ।
   ४ ४ २ १३ ०३c  स नो रास्व सुवीर्यम् ॥ ११७१
   ४ ४ २ १३ ०४a  यदिन्द्र चित्र म इह नास्ति त्वादातमद्रिवः ।
   ४ ४ २ १३ ०४c  राधस्तन्नो विदद्वस उभयाहस्त्या भर ॥ ११७२
   ४ ४ २ १३ ०५a  यन्मन्यसे वरेण्यमिन्द्र द्युक्षं तदा भर ।
   ४ ४ २ १३ ०५c  विद्याम तस्य ते वयमकूपारस्य दावनः ॥ ११७३
   ४ ४ २ १३ ०६a  यत्ते दिक्षु प्रराध्यं मनो अस्ति श्रुतं बृहत् ।
   ४ ४ २ १३ ०६c  तेन दृढा चिदद्रिव आ वाजं दर्षि सातये ॥ ११७४

      पञ्चम प्रपाठकः ।  प्रथमोऽर्धः
   ४ ५ १ ०१ ०१a  शिशुं जज्ञानँ हर्यतं मृजन्ति शुम्भन्ति विप्रं मरुतो गणेन ।
   ४ ५ १ ०१ ०१c  कविर्गीर्भिः काव्येना कविः सन्त्सोमः पवित्रमत्येति रेभन् ॥ ११७५
   ४ ५ १ ०१ ०२a  ऋषिमना य ऋषिकृत्स्वर्षाः सहस्रनीथः पदवीः कवीनाम् ।
   ४ ५ १ ०१ ०२c  तृतीयं धाम महिषः सिषासन्त्सोमो विराजमनु राजति ष्टुप् ॥ ११७६
   ४ ५ १ ०१ ०३a  चमूषच्छ्येनः शकुनो विभृत्वा गोविन्दुर्द्रप्स आयुधानि बिभ्रत् ।
   ४ ५ १ ०१ ०३c  अपामूर्मिँ सचमानः समुद्रं तुरीयं धाम महिषो विवक्ति ॥ ११७७

   ४ ५ १ ०२ ०१a  एते सोमा अभि प्रियमिन्द्रस्य काममक्षरन् ।
   ४ ५ १ ०२ ०१c  वर्धन्तो अस्य वीर्यम् ॥ ११७८
   ४ ५ १ ०२ ०२a  पुनानासश्चमूषदो गच्छन्तो वायुमश्विना ।
   ४ ५ १ ०२ ०२c  ते नो धत्त सुवीर्यम् ॥ ११८१
   ४ ५ १ ०२ ०३a  इन्द्रस्य सोम राधसे पुनानो हार्दि चोदय ।
   ४ ५ १ ०२ ०३c  देवानां योनिमासदम् ॥ ११८०
   ४ ५ १ ०२ ०४a  मृजन्ति त्वा देश क्षिपो हिन्वन्ति सप्त धीतयः ।
   ४ ५ १ ०२ ०४c  अनु विप्रा अमादिषुः ॥ ११८१
   ४ ५ १ ०२ ०५a  देवेभ्यस्त्वा मदाय कँ सृजानमति मेष्यः ।
   ४ ५ १ ०२ ०५c  स गोभिर्वासयामसि ॥ ११८२
   ४ ५ १ ०२ ०६a  पुनानः कलशेष्वा वस्त्राण्यरुषो हरिः ।
   ४ ५ १ ०२ ०६c  परि गव्यान्यव्यत ॥ ११८३
   ४ ५ १ ०२ ०७a  मघोन आ पवस्व नो जहि विश्वा अप द्विषः ।
   ४ ५ १ ०२ ०७c  इन्दो सखायमा विश ॥ ११८४
   ४ ५ १ ०२ ०८a  नृचक्षसं त्वा वयमिन्द्रपीतँ स्वर्विदम् ।
   ४ ५ १ ०२ ०८c  भक्षीमहि प्रजामिषम् ॥ ११८५
   ४ ५ १ ०२ ०९a  वृष्टिं दिवः परि स्रव द्युम्नं पृथिव्या अधि ।
   ४ ५ १ ०२ ०९c  सहो नः सोम पृत्सु धाः ॥ ११८६

   ४ ५ १ ०३ ०१a  सोमः पुनानो अर्षति सहस्रधारो अत्यविः ।
   ४ ५ १ ०३ ०१c  वायोरिन्द्रस्य निष्कृतम् ॥ ११८७
   ४ ५ १ ०३ ०२a  पवमानमवस्यवो विप्रमभि प्र गायत ।
   ४ ५ १ ०३ ०२c  सुष्वाणं देववीतये ॥ ११८८
   ४ ५ १ ०३ ०३a  पवन्ते वाजसातये सोमाः सहस्रपाजसः ।
   ४ ५ १ ०३ ०३c  गृणाना देववीतये ॥ ११८९
   ४ ५ १ ०३ ०४a  उत नो वाजसातये पवस्व बृहतीरिषः ।
   ४ ५ १ ०३ ०४c  द्युमदिन्दो सुवीर्यम् ॥ ११९०
   ४ ५ १ ०३ ०५a  अत्या हियाना न हेतृभिरसृग्रं वाजसातये ।
   ४ ५ १ ०३ ०५c  वि वारमव्यमाशवः ॥ ११९१
   ४ ५ १ ०३ ०६a  ते नः सहस्रिणँ रयिं पवन्तामा सुवीर्यम् ।
   ४ ५ १ ०३ ०६c  सुवाना देवास इन्दवः ॥ ११९२
   ४ ५ १ ०३ ०७a  वाश्रा अर्षन्तीन्दवोऽभि वत्सं न मातरः ।
   ४ ५ १ ०३ ०७c  दधन्विरे गभस्त्योः ॥ ११९३
   ४ ५ १ ०३ ०८a  जुष्ट इन्द्राय मत्सरः पवमान कनिक्रदत् ।
   ४ ५ १ ०३ ०८c  विश्वा अप द्विषो जहि ॥ ११९४
   ४ ५ १ ०३ ०९a  अपघ्नन्तो अराव्णः पवमानाः स्वर्दृशः ।
   ४ ५ १ ०३ ०९c  योनावृतस्य सीदत ॥ ११९५

   ४ ५ १ ०४ ०१a  सोमा असृग्रमिन्दवः सुता ऋतस्य धारया ।
   ४ ५ १ ०४ ०१c  इन्द्राय मधुमत्तमाः ॥ ११९६
   ४ ५ १ ०४ ०२a  अभि विप्रा अनूषत गावो वत्सं न धेनवः ।
   ४ ५ १ ०४ ०२c  इन्द्रँ सोमस्य पीतये ॥ ११९७
   ४ ५ १ ०४ ०३a  मदच्युत्क्षेति सादने सिन्धोरूर्मा विपश्चित् ।
   ४ ५ १ ०४ ०३c  सोमो गौरी अधि श्रितः ॥ ११९८
   ४ ५ १ ०४ ०४a  दिवो नाभा विचक्षणोऽव्यो वारे महीयते ।
   ४ ५ १ ०४ ०४c  सोमो यः सुक्रतुः कविः ॥ ११९९
   ४ ५ १ ०४ ०५a  यः सोमः कलशेष्वा अन्तः पवित्र आहितः ।
   ४ ५ १ ०४ ०५c  तमिन्दुः परि षस्वजे ॥ १२००
   ४ ५ १ ०४ ०६a  प्र वाचमिन्दुरिष्यति समुद्रस्याधि विष्टपि ।
   ४ ५ १ ०४ ०६c  जिन्वन्कोशं मधुश्चुतम् ॥ १२०१
   ४ ५ १ ०४ ०७a  नित्यस्तोत्रो वनस्पतिर्धेनामन्तः सबर्दुघाम् ।
   ४ ५ १ ०४ ०७c  हिन्वानो मानुषा युजा ॥ १२०२
   ४ ५ १ ०४ ०८a  आ पवमान धारय रयिँ सहस्रवर्चसम् ।
   ४ ५ १ ०४ ०८c  अस्मे इन्दो स्वाभुवम् ॥ १२०३
   ४ ५ १ ०४ ०९a  अभि प्रिया दिवः कविर्विप्रः स धारया सुतः ।
   ४ ५ १ ०४ ०९c  सोमो हिन्वे परावति ॥ १२०४

   ४ ५ १ ०५ ०१a  उत्ते शुष्मास ईरते सिन्धोरूर्मेरिव स्वनः ।
   ४ ५ १ ०५ ०१c  वाणस्य चोदया पविम् ॥ १२०५
   ४ ५ १ ०५ ०२a  प्रसवे त उदीरते तिस्रो वाचो मखस्युवः ।
   ४ ५ १ ०५ ०२c  यदव्य एषि सानवि ॥ १२०६
   ४ ५ १ ०५ ०३a  अव्या वारैः परि प्रियँ हरिँ हिन्वन्त्यद्रिभिः ।
   ४ ५ १ ०५ ०३c  पवमानं मधुश्चुतम् ॥ १२०७
   ४ ५ १ ०५ ०४a  आ पवस्व मदिन्तम पवित्रं धारया कवे ।
   ४ ५ १ ०५ ०४c  अर्कस्य योनिमासदम् ॥ १२०८
   ४ ५ १ ०५ ०५a  स पवस्व मदिन्तम गोभिरञ्जानो अक्तुभिः ।
   ४ ५ १ ०५ ०५c  एन्द्रस्य जठरं विश ॥ १२०९

   ४ ५ १ ०६ ०१a  अया वीती परि स्रव यस्त इन्दो मदेष्वा ।
   ४ ५ १ ०६ ०१c  अवाहन्नवतीर्नव ॥ १२१०
   ४ ५ १ ०६ ०२a  पुरः सद्य इत्थाधिये दिवोदासाय शम्बरम् ।
   ४ ५ १ ०६ ०२c  अध त्यं तुर्वशं यदुम् ॥ १२१च्ल्स्दिर्
   ४ ५ १ ०६ ०३a  परि नो अश्वमश्वविद्गोमदिन्दो हिरण्यवत् ।
   ४ ५ १ ०६ ०३c  क्षरा सहस्रिणीरिषः ॥ १२१२

   ४ ५ १ ०७ ०१a  अपघ्नन्पवते मृधोऽप सोमो अराव्णः ।
   ४ ५ १ ०७ ०१c  गच्छन्निन्द्रस्य निष्कृतम् ॥ १२१३
   ४ ५ १ ०७ ०२a  महो नो राय आ भर पवमान जही मृधः ।
   ४ ५ १ ०७ ०२c  रास्वेन्दो वीरवद्यशः ॥ १२१४
   ४ ५ १ ०७ ०३a  न त्वा शतं च न ह्रुतो राधो दित्सन्तमा मिनन् ।
   ४ ५ १ ०७ ०३c  यत्पुनानो मखस्यसे ॥ १२१५

   ४ ५ १ ०८ ०१a  अया पवस्व धारया यया सूर्यमरोचयः ।
   ४ ५ १ ०८ ०१c  हिन्वानो मानुषीरपः ॥ १२१६
   ४ ५ १ ०८ ०२a  अयुक्त सूर एतशं पवमानो मनावधि ।
   ४ ५ १ ०८ ०२c  अन्तरिक्षेण यातवे ॥ १२१७
   ४ ५ १ ०८ ०३a  उत त्या हरितो रथे सूरो अयुक्त यातवे ।
   ४ ५ १ ०८ ०३c  इन्दुरिन्द्र इति ब्रुवन् ॥ १२१८

   ४ ५ १ ०९ ०१a  अग्निं वो देवमग्निभिः सजोषा यजिष्ठं दूतमध्वरे कृणुध्वम् ।
   ४ ५ १ ०९ ०१c  यो मर्त्येषु निध्रुविरृतावा तपुर्मूर्धा घृतान्नः पावकः ॥ १२१९
   ४ ५ १ ०९ ०२a  प्रोथदश्वो न यवसेऽविष्यन्यदा महः संवरणाद्व्यस्थात् ।
   ४ ५ १ ०९ ०२c  आदस्य वातो अनु वाति शोचिरध स्म ते व्रजनं कृष्णमस्ति ॥ १२२०
   ४ ५ १ ०९ ०३a  उद्यस्य ते नवजातस्य वृष्णोऽग्ने चरन्त्यजरा इधानाः ।
   ४ ५ १ ०९ ०३c  अच्छा द्यामरुषो धूम एषि सं दूतो अग्न ईयसे हि देवान् ॥ १२२१

   ४ ५ १ १० ०१a  तमिन्द्रं वाजयामसि महे वृत्राय हन्तवे ।
   ४ ५ १ १० ०१c  स वृषा वृषभो भुवत् ॥ १२२२
   ४ ५ १ १० ०२a  इन्द्रः स दामने कृत ओजिष्ठः स बले हितः ।
   ४ ५ १ १० ०२c  द्युम्नी श्लोकी स सोम्यः ॥ १२२३
   ४ ५ १ १० ०३a  गिरा वज्रो न सम्भृतः सबलो अनपच्युतः ।
   ४ ५ १ १० ०३c  ववक्ष उग्रो अस्तृतः ॥ १२२४

   ४ ५ १ ११ ०१a  अध्वर्यो अद्रिभिः सुतँ सोमं पवित्र आ नय ।
   ४ ५ १ ११ ०१c  पुनाहीन्द्राय पातवे ॥ १२२५
   ४ ५ १ ११ ०२a  तव त्य इन्दो अन्धसो देवा मधोर्व्याशत ।
   ४ ५ १ ११ ०२c  पवमानस्य मरुतः ॥ १२२६
   ४ ५ १ ११ ०३a  दिवः पीयूषमुत्तमँ सोममिन्द्राय वज्रिणे ।
   ४ ५ १ ११ ०३c  सुनोता मधुमत्तमम् ॥ १२२७

   ४ ५ १ १२ ०१a  धर्त्ता दिवः पवते कृत्व्यो रसो दक्षो देवानामनुमाद्यो नृभिः ।
   ४ ५ १ १२ ०१c  हरिः सृजानो अत्यो न सत्वभिर्वृथा पाजाँसि कृणुषे नदीष्वा ॥ १२२८
   ४ ५ १ १२ ०२a  शूरो न धत्त आयुधा गभस्त्योः स्वा३ः सिषासन्रथिरो गविष्टिषु ।
   ४ ५ १ १२ ०२c  इन्द्रस्य शुष्ममीरयन्नपस्युभिरिन्दुर्हिन्वानो अज्यते मनीषिभिः ॥ १२२९
   ४ ५ १ १२ ०३a  इन्द्रस्य सोम पवमान ऊर्मिणा तविष्यमाणो जठरेष्वा विश ।
   ४ ५ १ १२ ०३c  प्र नः पिन्व विद्युदभ्रेव रोदसी धिया नो वाजाँ उप माहि शश्वतः ॥ १२३०

   ४ ५ १ १३ ०१a  यदिन्द्र प्रागपागुदङ्न्यग्वा हूयसे नृभिः ।
   ४ ५ १ १३ ०१c  सिमा पुरू नृषूतो अस्यानवेऽसि प्रशर्ध तुर्वशे ॥ १२३१
   ४ ५ १ १३ ०२a  यद्वा रुमे रुशमे श्यावके कृप इन्द्र मादयसे सचा ।
   ४ ५ १ १३ ०२c  कण्वासस्त्वा स्तोमेभिर्ब्रह्मवाहस इन्द्रा यच्छन्त्या गहि ॥ १२३२

   ४ ५ १ १४ ०१a  उभयँ शृणवच्च न इन्द्रो अर्वागिदं वचः ।
   ४ ५ १ १४ ०१c  सत्राच्या मघवान्त्सोमपीतये धिया शविष्ठ आ गमत् ॥ १२३३
   ४ ५ १ १४ ०२a  तँ हि स्वराजं वृषभं तमोजसा धिषणे निष्टतक्षतुः ।
   ४ ५ १ १४ ०२c  उतोपमानां प्रथमो नि षीदसि सोमकामँ हि ते मनः ॥ १२३४

   ४ ५ १ १५ ०१a  पवस्व देव आयुषगिन्द्रं गच्छतु ते मदः ।
   ४ ५ १ १५ ०१c  वायुमा रोह धर्मणा ॥ १२३५
   ४ ५ १ १५ ०२a  पवमान नि तोशसे रयिँ सोम श्रवाय्यम् ।
   ४ ५ १ १५ ०२c  इन्दो समुद्रमा विश ॥ १२३६
   ४ ५ १ १५ ०३a  अपघ्नन्पवसे मृधः क्रतुवित्सोम मत्सरः ।
   ४ ५ १ १५ ०३c  नुदस्वादेवयुं जनम् ॥ १२३७

   ४ ५ १ १६ ०१a  अभी नो वाजसातमँ रयिमर्ष शतस्पृहम् ।
   ४ ५ १ १६ ०१c  इन्दो सहस्रभर्णसं तुविद्युम्नं विभासहम् ॥ १२३८
   ४ ५ १ १६ ०२a  वयं ते अस्य राधसो वसोर्वसो पुरुस्पृहः ।
   ४ ५ १ १६ ०२c  नि नेदिष्ठतमा इषः स्याम सुम्ने ते आध्रिगो ॥ १२३९
   ४ ५ १ १६ ०३a  परि स्य स्वानो अक्षरिदिन्दुरव्ये मदच्युतः ।
   ४ ५ १ १६ ०३c  धारा य ऊर्ध्वो अध्वरे भ्राजा न याति गव्ययुः ॥ १२४०
   ४ ५ १ १६ ०४a  पवस्व सोम महान्त्समुद्रः पिता देवानां विश्वाभि धाम ॥ १२४१
   ४ ५ १ १६ ०५a  शुक्रः पवस्व देवेभ्यः सोम दिवे पृथिव्यै शं च प्रजाभ्यः ॥ १२४२
   ४ ५ १ १६ ०६a  दिवो धर्त्तासि शुक्रः पीयूषः सत्ये विधर्मन्वाजी पवस्व ॥ १२४३

   ४ ५ १ १८ ०१a  प्रेष्ठं वो अतिर्थिँ स्तुषे मित्रमिव प्रियम् ।
   ४ ५ १ १८ ०१c  अग्ने रथं न वेद्यम् ॥ १२४४
   ४ ५ १ १८ ०२a  कविमिव प्रशँस्यं यं देवास इति द्विता ।
   ४ ५ १ १८ ०२c  नि मर्त्येष्वादधुः ॥ १२४५
   ४ ५ १ १८ ०३a  त्वं यविष्ठ दाशुषो नॄँपाहि शृणुही गिरः ।
   ४ ५ १ १८ ०३c  रक्षा तोकमुत त्मना ॥ १२४६

   ४ ५ १ १९ ०१a  एन्द्र नो गधि प्रिय सत्राजिदगोह्य ।
   ४ ५ १ १९ ०१c  गिरिर्न विश्वतः पृथुः पतिर्दिवः ॥ १२४७
   ४ ५ १ १९ ०२a  अभि हि सत्य सोमपा उभे बभूथ रोदसी ।
   ४ ५ १ १९ ०२c  इन्द्रासि सुन्वतो वृधः पतिर्दिवः ॥ १२४८
   ४ ५ १ १९ ०३a  त्वँ हि शश्वतीनामिन्द्र धर्त्ता पुरामसि ।
   ४ ५ १ १९ ०३c  हन्ता दस्योर्मनोर्वृधः पतिर्दिवः ॥ १२४९

   ४ ५ १ २० ०१a  पुरां भिन्दुर्युवा कविरमितौजा अजायत ।
   ४ ५ १ २० ०१c  इन्द्रो विश्वस्य कर्मणो धर्त्ता वज्री पुरुष्टुतः ॥ १२५०
   ४ ५ १ २० ०२a  त्वं वलस्य गोमतोऽपावरद्रिवो बिलम् ।
   ४ ५ १ २० ०२c  त्वां देवा अबिभ्युषस्तुज्यमानास आविषुः ॥ १२५१
   ४ ५ १ २० ०३a  इन्द्रमीशानमोजसाभि स्तोमैरनूषत ।
   ४ ५ १ २० ०३c  सहस्रं यस्य रातय उत वा सन्ति भूयसीः ॥ १२५२

      पञ्चम प्रपाठकः ।  द्वितीयोऽर्धः
   ४ ५ २ ०१ ०१a  अक्रान्त्समुद्रः प्रथमे विधर्मं जनयन्प्रजा भुवनस्य गोपाः ।
   ४ ५ २ ०१ ०१c  वृषा पवित्रे अधि सानो अव्ये बृहत्सोमो वावृधे स्वानो अद्रिः ॥ १२५३
   ४ ५ २ ०१ ०२a  मत्सि वायुमिष्टये राधसे च मत्सि मित्रावरुणा पूयमानः ।
   ४ ५ २ ०१ ०२c  मत्सि शर्धो मारुतं मत्सि देवान्मत्सि द्यावापृथिवी देव सोम ॥ १२५४
   ४ ५ २ ०१ ०३a  महत्तत्सोमो महिषश्चकारापां यद्गर्भोऽवृणीत देवान् ।
   ४ ५ २ ०१ ०३c  अदधादिन्द्रे पवमान ओजोऽजनयत्सूर्ये ज्योतिरिन्दुः ॥ १२५५

   ४ ५ २ ०२ ०१a  एष देवो अमर्त्यः पर्णवीरिव दीयते ।
   ४ ५ २ ०२ ०१c  अभि द्रोणान्यासदम् ॥ १२५६
   ४ ५ २ ०२ ०२a  एष विप्रैरभिष्टुतोऽपो देवो वि गाहते ।
   ४ ५ २ ०२ ०२c  दधद्रत्नानि दाशुषे ॥ १२५७
   ४ ५ २ ०२ ०३a  एष विश्वानि वार्या शूरो यन्निव सत्वभिः ।
   ४ ५ २ ०२ ०३c  पवमानः सिषासति ॥ १२५८
   ४ ५ २ ०२ ०४a  एष देवो रथर्यति पवमानो दिशस्यति ।
   ४ ५ २ ०२ ०४c  आविष्कृणोति वग्वनुम् ॥ १२५९
   ४ ५ २ ०२ ०५a  एष देवो विपन्युभिः पवमान ऋतायुभिः ।
   ४ ५ २ ०२ ०५c  हरिर्वाजाय मृज्यते ॥ १२६०
   ४ ५ २ ०२ ०६a  एष देवो विपा कृतोऽति ह्वराँसि धावति ।
   ४ ५ २ ०२ ०६c  पवमानो अदाभ्यः ॥ १२६१
   ४ ५ २ ०२ ०७a  एष दिवं वि धावति तिरो रजाँसि धारया ।
   ४ ५ २ ०२ ०७c  पवमानः कनिक्रदत् ॥ १२६२
   ४ ५ २ ०२ ०८a  एष दिवं व्यासरत्तिरो रजाँस्यस्पृतः ।
   ४ ५ २ ०२ ०८c  पवमानः स्वध्वरः ॥ १२६३
   ४ ५ २ ०२ ०९a  एष प्रत्नेन जन्मना देवो देवेभ्यः सुतः ।
   ४ ५ २ ०२ ०९c  हरिः पवित्रे अर्षति ॥ १२६४
   ४ ५ २ ०२ १०a  एष उ स्य पुरुव्रतो जज्ञानो जनयन्निषः ।
   ४ ५ २ ०२ १०c  धारया पवते सुतः ॥ १२६५

   ४ ५ २ ०३ ०१a  एष धिया यात्यण्व्य शूरो रथेभिराशुभिः ।
   ४ ५ २ ०३ ०१c  गच्छन्निन्द्रस्य निष्कृतम् ॥ १२६६
   ४ ५ २ ०३ ०२a  एष पुरू धियायते बृहते देवतातये ।
   ४ ५ २ ०३ ०२c  यत्रामृतास आशत ॥ १२६७
   ४ ५ २ ०३ ०३a  एतं मृजन्ति मर्ज्यमुप द्रोणेष्वायवः ।
   ४ ५ २ ०३ ०३c  प्रचक्राणं महीरिषः ॥ १२६८
   ४ ५ २ ०३ ०४a  एष हितो वि नीयतेऽन्तः शुन्ध्यावता पथा ।
   ४ ५ २ ०३ ०४c  यदी तुञ्जन्ति भूर्णयः ॥ १२६९
   ४ ५ २ ०३ ०५a  एष रुक्मिभिरीयते वाजि शुभ्रेभिरँशुभिः ।
   ४ ५ २ ०३ ०५c  पतिः सिन्धूनां भवन् ॥ १२७०
   ४ ५ २ ०३ ०६a  एष शृङ्गाणि दोधुवच्छिशीते यूथ्यो३ वृषा ।
   ४ ५ २ ०३ ०६c  नृम्णा दधान ओजसा ॥ १२७१
   ४ ५ २ ०३ ०७a  एष वसूनि पिब्दनः परुषा ययिवाँ अति ।
   ४ ५ २ ०३ ०७c  अव शादेषु गच्छति ॥ १२७२
   ४ ५ २ ०३ ०८a  एतमु त्यं दश क्षिपो हरिँ हिवन्ति यातवे ।
   ४ ५ २ ०३ ०८c  स्वायुधं मदिन्तमम् ॥ १२७३

   ४ ५ २ ०४ ०१a  एष उ स्य वृषा रथोऽव्या वारेभिरव्यत ।
   ४ ५ २ ०४ ०१c  गच्छन्वाजँ सहस्रिणम् ॥ १२७४
   ४ ५ २ ०४ ०२a  एतं त्रितस्य योषणो हरिँ हिन्वन्त्यद्रिभिः ।
   ४ ५ २ ०४ ०२c  इन्दुमिन्द्राय पीतये ॥ १२७५
   ४ ५ २ ०४ ०३a  एष स्य मानुषीष्वा श्येनो न विक्षु सीदति ।
   ४ ५ २ ०४ ०३c  गच्छं जारो न योषितम् ॥ १२७६
   ४ ५ २ ०४ ०४a  एष स्य मद्यो रसोऽव चष्टे दिवः शिशुः ।
   ४ ५ २ ०४ ०४c  य इन्दुर्वारमाविशत् ॥ १२७७
   ४ ५ २ ०४ ०५a  एष स्य पीतये सुतो हरिरर्षति धर्णसिः ।
   ४ ५ २ ०४ ०५c  क्रन्दन्योनिमभि प्रियम् ॥ १२७८
   ४ ५ २ ०४ ०६a  एतं त्यँ हरितो दश मर्मृज्यन्ते अपस्युवः ।
   ४ ५ २ ०४ ०६c  याभिर्मदाय शुम्भते ॥ १२७९

   ४ ५ २ ०५ ०१a  एष वाजी हितो नृभिर्विश्वविन्मनसस्पतिः ।
   ४ ५ २ ०५ ०१c  अव्यो वारं वि धावति ॥ १२८०
   ४ ५ २ ०५ ०२a  एष पवित्रे अक्षरत्सोमो देवेभ्यः सुतः ।
   ४ ५ २ ०५ ०२c  विश्वा धामान्याविशन् ॥ १२८१
   ४ ५ २ ०६ ०३a  एष देवः शुभायतेऽधि योनावमर्त्यः ।
   ४ ५ २ ०६ ०३c  वृत्रहा देववीतमः ॥ १२८२
   ४ ५ २ ०७ ०४a  एष वृषा कनिक्रदद्दशभिर्जामिभिर्यतः ।
   ४ ५ २ ०७ ०४c  अभि द्रोणानि धावति ॥ १२८३
   ४ ५ २ ०८ ०५a  एष सूर्यमरोचयत्पवमानो अधि द्यवि ।
   ४ ५ २ ०८ ०५c  पवित्रे मत्सरो मदः ॥ १२८४
   ४ ५ २ ०९ ०६a  एष सूर्येण हासते संवसानो विवस्वता ।
   ४ ५ २ ०९ ०६c  पतिर्वाचो अदाभ्यः ॥ १२८५

   ४ ५ २ ०६ ०१a  एष कविरभिष्टुतः पवित्रे अधि तोशते ।
   ४ ५ २ ०६ ०१c  पुनानो घ्नन्नप द्विषः ॥ १२८६
   ४ ५ २ ०६ ०२a  एष इन्द्राय वायवे स्वर्जित्परि षिच्यते ।
   ४ ५ २ ०६ ०२c  पवित्रे दक्षसाधनः ॥ १२८७
   ४ ५ २ ०६ ०३a  एष नृभिर्वि नीयते दिवो मूर्धा वृषा सुतः ।
   ४ ५ २ ०६ ०३c  सोमो वनेषु विश्ववित् ॥ १२८८
   ४ ५ २ ०६ ०४a  एष गव्युरचिक्रदत्पवमानो हिरण्ययुः ।
   ४ ५ २ ०६ ०४c  इन्दुः सत्राजिदस्तृतः ॥ १२८९
   ४ ५ २ ०६ ०५a  एष शुष्म्यसिष्यददन्तरिक्षे वृषा हरिः ।
   ४ ५ २ ०६ ०५c  पुनान इन्दुरिन्द्रमा ॥ १२९०
   ४ ५ २ ०६ ०६a  एष शुष्म्यदाभ्यः सोमः पुनानो अर्षति ।
   ४ ५ २ ०६ ०६c  देवावीरघशँसहा ॥ १२९१

   ४ ५ २ ०७ ०१a  स सुतः पीतये वृषा सोमः पवित्रे अर्षति ।
   ४ ५ २ ०७ ०१c  विघ्नन्रक्षाँसि देवयुः ॥ १२९२
   ४ ५ २ ०७ ०२a  स पवित्रे विचक्षणो हरिरर्षति धर्णसिः ।
   ४ ५ २ ०७ ०२c  अभि योनिं कनिक्रदत् ॥ १२९३
   ४ ५ २ ०७ ०३a  स वाजी रोचना दिवः पवमानो वि धावति ।
   ४ ५ २ ०७ ०३c  रक्षोहा वारमव्ययम् ॥ १२९४
   ४ ५ २ ०७ ०४a  स त्रितस्याधि सानवि पवमानो अरोचयत् ।
   ४ ५ २ ०७ ०४c  जामिभिः सूर्यँ सह ॥ १२९५
   ४ ५ २ ०७ ०५a  स वृत्रहा वृषा सुतो वरिवोविददाभ्यः ।
   ४ ५ २ ०७ ०५c  सोमो वाजमिवासरत् ॥ १२९६
   ४ ५ २ ०७ ०६a  स देवः कविनेषितो३ऽभि द्रोणानि धावति ।
   ४ ५ २ ०७ ०६c  इन्दुरिन्द्राय मँहयन् ॥ १२९७

   ४ ५ २ ०८ ०१a  यः पावमानीरध्येत्यृषिभिः सम्भृतँ रसम् ।
   ४ ५ २ ०८ ०१c  सर्वँ स पूतमश्नाति स्वदितं मातरिश्वना ॥ १२९८
   ४ ५ २ ०८ ०२a  पावमानीर्यो अध्येत्यृषिभिः सम्भृतँ रसम् ।
   ४ ५ २ ०८ ०२c  तस्मै सरस्वती दुहे क्षीरँ सर्पिर्मधूदकम् ॥ १२९९
   ४ ५ २ ०८ ०३a  पावमानीः स्वस्त्ययनीः सुदुघा हि घृतश्चुतः ।
   ४ ५ २ ०८ ०३c  ऋषिभिः सम्भृतो रसो ब्राह्मणेष्वमृतँ हितम् ॥ १३००
   ४ ५ २ ०८ ०४a  पावमानीर्दधन्तु न इमं लोकमथो अमुम् ।
   ४ ५ २ ०८ ०४c  कामान्त्समर्धयन्तु नो देवीर्देवैः समाहृताः ॥ १३०१
   ४ ५ २ ०८ ०५a  येन देवाः पवित्रेणात्मानं पुनते सदा ।
   ४ ५ २ ०८ ०५c  तेन सहस्रधारेण पावमानीः पुनन्तु नः ॥ १३०२
   ४ ५ २ ०८ ०६a  पावमानीः स्वस्त्ययनीस्ताभिर्गच्छति नान्दनम् ।
   ४ ५ २ ०८ ०६c  पुण्याँश्च भक्षान्भक्षयत्यमृतत्वं च गच्छति ॥ १३०३

   ४ ५ २ ०९ ०१a  अगन्म महा नमसा यविष्ठं यो दीदाय समिद्धः स्वे दुरोणे ।
   ४ ५ २ ०९ ०१c  चित्रभानुँ रोदसी अन्तरुर्वी स्वाहुतं विश्वतः प्रत्यञ्चम् ॥ १३०४
   ४ ५ २ ०९ ०२a  स मह्ना विश्वा दुरितानि साह्वानग्नि ष्टवे दम आ जातवेदाः ।
   ४ ५ २ ०९ ०२c  स नो रक्षिषद्दुरितादवद्यादस्मान्गृणत उत नो मघोनः ॥ १३०५
   ४ ५ २ ०९ ०३a  त्वं वरुण उत मित्रो अग्ने त्वां वर्धन्ति मतिभिर्वसिष्ठाः ।
   ४ ५ २ ०९ ०३c  त्वे वसु सुषणनानि सन्तु यूयं पात स्वस्तिभिः सदा नः ॥ १३०६

   ४ ५ २ १० ०१a  महाँ इन्द्रो य ओजसा पर्जन्यो वृष्टिमाँ इव ।
   ४ ५ २ १० ०१c  स्तोमैर्वत्सस्य वावृधे ॥ १३०७
   ४ ५ २ १० ०१a  कण्वा इन्द्रं यदक्रत स्तोमैर्यज्ञस्य साधनम् ।
   ४ ५ २ १० ०१c  जामि ब्रुवत आयुधा ॥ १३०८
   ४ ५ २ १० ०१a  प्रजामृतस्य पिप्रतः प्र यद्भरन्त वह्नयः ।
   ४ ५ २ १० ०१c  विप्रा ऋतस्य वाहसा ॥ १३०९

   ४ ५ २ ११ ०१a  पवमानस्य जिघ्नतो हरेश्चन्द्रा असृक्षत ।
   ४ ५ २ ११ ०१c  जीरा अजिरशोचिषः ॥ १३१०
   ४ ५ २ ११ ०२a  पवमानो रथीतमः शुभ्रेभिः शुभ्रशस्तमः ।
   ४ ५ २ ११ ०२c  हरिश्चन्द्रो मरुद्गणः ॥ १३११
   ४ ५ २ ११ ०३a  पवमान् व्यश्नुहि रश्मिभिर्वाजसातमः ।
   ४ ५ २ ११ ०३c  दधत्स्तोत्रे सुवीर्यम् ॥ १३१२

   ४ ५ २ १२ ०१a  परीतो षिञ्चता सुतँ सोमो य उत्तमँ हविः ।
   ४ ५ २ १२ ०१c  दधन्वाँ यो नर्यो अप्स्वा३न्तरा सुषाव सोममद्रिभिः ॥ १३१३
   ४ ५ २ १२ ०२a  नूनं पुनानोऽविभिः परि स्रवादब्धः सुरभिन्तरः ।
   ४ ५ २ १२ ०२c  सुते चित्वाप्सु मदामो अन्धसा श्रीणन्तो गोभिरुत्तरम् ॥ १३१४
   ४ ५ २ १२ ०३a  परि स्वानश्चक्षसे देवमादनः क्रतुरिन्दुर्विचक्षणः ॥ १३१५

   ४ ५ २ १३ ०१a  असावि सोमो अरुषो वृषा हरी राजेव दस्मो अभि गा अचिक्रदत् ।
   ४ ५ २ १३ ०१c  पुनानो वारमत्येष्यव्ययँ श्येनो न योनिं घृतवन्तमासदत् ॥ १३१६
   ४ ५ २ १३ ०२a  पर्जन्यः पिता महिषस्य पर्णिनो नाभा पृथिव्या गिरिषु क्षयं दधे ।
   ४ ५ २ १३ ०२c  स्वसार आपो अभि गा उदासरन्त्सं ग्रावभिर्वसते वीते अध्वरे ॥ १३१७
   ४ ५ २ १३ ०३a  कविर्वेधस्या पर्येषि माहिनमत्यो न मृष्टो अभि वाजमर्षसि ।
   ४ ५ २ १३ ०३c  अपसेधन्दुरिता सोम नो मृड घृता वसानः परि यासि निर्णिजम् ॥ १३१८

   ४ ५ २ १४ ०१a  श्रायन्त इव सूर्यं विश्वेदिन्द्रस्य भक्षत ।
   ४ ५ २ १४ ०१c  वसूनि जातो जनिमान्योजसा प्रति भागं न दीधिमः ॥ १३१९
   ४ ५ २ १४ ०२a  अलर्षिरातिं वसुदामुप स्तुहि भद्रा इन्द्रस्य रातयः ।
   ४ ५ २ १४ ०२c  यो अस्य कामं विधतो न रोषति मनो दानाय चोदयन् ॥ १३२०

   ४ ५ २ १५ ०१a  यत इन्द्र भयामहे ततो नो अभ्यं कृधि ।
   ४ ५ २ १५ ०१c  मघवन्छग्धि तव तन्न ऊतये वि द्विषो वि मृधो जहि ॥ १३२१
   ४ ५ २ १५ ०२a  त्वँ हि राधस्पते राधसो महः क्षयस्यासि विध्रत्ता ।
   ४ ५ २ १५ ०२c  तं त्वा वयं मघवन्निन्द्र गिर्वणः सुतावन्तो हवामहे ॥ १३२२

   ४ ५ २ १६ ०१a  त्वँ सोमासि धारयुर्मन्द्र ओजिष्ठो अध्वरे ।
   ४ ५ २ १६ ०१c  पवस्व मँहयद्रयिः ॥ १३२३
   ४ ५ २ १६ ०२a  त्वँ सुतो मदिन्तमो दधन्वान्मत्सरिन्तमः ।
   ४ ५ २ १६ ०२c  इन्दुः सत्राजिदस्तृतः ॥ १३२४
   ४ ५ २ १६ ०३a  त्वँ सुष्वाणो अद्रिभिरभ्यर्ष कनिक्रदत् ।
   ४ ५ २ १६ ०३c  द्युमन्तँ शुष्मा भर ॥ १३२५

   ४ ५ २ १७ ०१a  पवस्व देववीतय इन्दो धाराभिरोजसा ।
   ४ ५ २ १७ ०१c  आ कलशं मधुमान्त्सोम नः सदः ॥ १३२६
   ४ ५ २ १७ ०२a  तव द्रप्सा उदप्रुत इन्द्रं मदाय वावृधुः ।
   ४ ५ २ १७ ०२c  त्वां देवासो अमृताय कं पपुः ॥ १३२७
   ४ ५ २ १७ ०३a  आ नः सुतास इन्दवः पुनाना धावता रयिम् ।
   ४ ५ २ १७ ०३c  वृष्टिद्यावो रीत्यापः स्वर्विदः ॥ १३२८

   ४ ५ २ १८ ०१a  परि त्यँ हर्यतँ हरिं बभ्रुं पुनन्ति वारेण ।
   ४ ५ २ १८ ०१c  यो देवान्विश्वाँ इत्परि मदेन सह गच्छति ॥ १३२९
   ४ ५ २ १८ ०२a  द्विर्यं पञ्च स्वयशसँ सखायो अद्रिसँहतम् ।
   ४ ५ २ १८ ०२c  प्रियमिन्द्रस्य काम्यं प्रस्नापयन्त ऊर्मयः ॥ १३३०
   ४ ५ २ १८ ०३a  इन्द्राय सोम पातवे वृत्रघ्ने परि षिच्यसे ।
   ४ ५ २ १८ ०३c  नरे च दक्षिणावते वीराय सदनासदे ॥ १३३१

   ४ ५ २ १९ ०१a  पवस्व सोम महे दक्षायाश्वो न निक्तो वाजी धनाय ॥ १३३२
   ४ ५ २ १९ ०२a  प्र ते सोतारो रसं मदाय पुनन्ति सोमं महे द्युम्नाय ॥ १३३३
   ४ ५ २ १९ ०३a  शिशुं जज्ञानँ हरिं मृजन्ति पवित्रे सोमं देवेभ्य इन्दुम् ॥ १३३४

   ४ ५ २ २० ०१a  उषो षु जातमप्तुरं गोभिर्भङ्गं परिष्कृतम् ।
   ४ ५ २ २० ०१c  इन्दुं देवा अयासिषुः ॥ १३३५
   ४ ५ २ २० ०२a  तमिद्वर्धन्तु नो गिरो वत्सँ सँशिश्वरीरिव ।
   ४ ५ २ २० ०२c  य इन्द्रस्य हृदँसनिः ॥ १३३६
   ४ ५ २ २० ०३a  अर्षा नः सोम शं गवे धुक्षस्व पिप्युषीमिषम् ।
   ४ ५ २ २० ०३c  वर्धा समुद्रमुक्थ्यम् ॥ १३३७

   ४ ५ २ २१ ०१a  आ घा ये अग्निमिन्धते स्तृणन्ति बर्हिरानुषक् ।
   ४ ५ २ २१ ०१c  येषामिन्द्रो युवा सखा ॥ १३३८
   ४ ५ २ २१ ०२a  बृहन्निदिध्म एषां भूरि शस्त्रं पृथुः स्वरुः ।
   ४ ५ २ २१ ०२c  येषामिन्द्रो युवा सखा ॥ १३३९
   ४ ५ २ २१ ०३a  अयुद्ध इद्युधा वृतँ शूर आजति सत्वभिः ।
   ४ ५ २ २१ ०३c  येषामिन्द्रो युवा सखा ॥ १३४०

   ४ ५ २ २२ ०१a  य एक इद्विदयते वसु मर्त्ताय दाशुषे ।
   ४ ५ २ २२ ०१c  ईशानो अप्रतिष्कुत इन्द्रो अङ्ग ॥ १३४१
   ४ ५ २ २२ ०२a  यश्चिद्धि त्वा बहुभ्य आ सुतावाँ आविवासति ।
   ४ ५ २ २२ ०२c  उग्रं तत्पत्यते शव इन्द्रो अङ्ग ॥ १३४२
   ४ ५ २ २२ ०३a  कदा मर्त्तमराधसं पदा क्षुम्पमिव स्फुरत् ।
   ४ ५ २ २२ ०३c  कदा नः शुश्रवद्गिर इन्द्रो अङ्ग ॥ १३४३

   ४ ५ २ २३ ०१a  गायन्ति त्वा गायत्रिणोऽर्चन्त्यर्कमर्किणः ।
   ४ ५ २ २३ ०१c  ब्रह्माणस्त्वा शतक्रत उद्वँशमिव येमिरे ॥ १३४४
   ४ ५ २ २३ ०२a  यत्सानोः सान्वारुहो भूर्यस्पष्ट कर्त्त्वम् ।
   ४ ५ २ २३ ०२c  तदिन्द्रो अर्थं चेतति यूथेन वृष्णिरेजति ॥ १३४५
   ४ ५ २ २३ ०३a  युङ्क्ष्वा हि केशिना हरी वृषणा कक्ष्यप्रा ।
   ४ ५ २ २३ ०३c  अथा न इन्द्र सोमपा गिरामुपश्रुतिं चर ॥ १३४६

      षष्ठ प्रपाठकः ।  प्रथमोऽर्धः
   ४ ६ १ ०१ ०१a  सुषमिद्धो न आ वह देवाँ अग्ने हविष्मते ।
   ४ ६ १ ०१ ०१c  होतः पावक यक्षि च ॥ १३४७
   ४ ६ १ ०१ ०२a  मधुमन्तं तनूनपाद्यज्ञं देवेषु नः कवे ।
   ४ ६ १ ०१ ०२c  अद्या कृणुय्हूतये ॥ १३४८
   ४ ६ १ ०१ ०३a  नराशँसमिह प्रियमस्मिन्यज्ञ उप ह्वये ।
   ४ ६ १ ०१ ०३c  मधुजिह्वँ हविष्कृतम् ॥ १३४९
   ४ ६ १ ०१ ०४a  अग्ने सुखतमे रथे देवाँ ईडित आ वह ।
   ४ ६ १ ०१ ०४c  असि होता मनुर्हितः ॥ १३५०

   ४ ६ १ ०२ ०१a  यदद्य सूर उदितेऽनागा मित्रो अर्यमा ।
   ४ ६ १ ०२ ०१c  सुवाति सविता भगः ॥ १३५१
   ४ ६ १ ०२ ०२a  सुप्रावीरस्तु स क्षयः प्र नु यामन्त्सुदानवः ।
   ४ ६ १ ०२ ०२c  ये नो अँहोऽतिपिप्रति ॥ १३५२
   ४ ६ १ ०२ ०३a  उत स्वराजो अदितिरदब्धस्य व्रतस्य ये ।
   ४ ६ १ ०२ ०३c  महो राजान ईशते ॥ १३५३

   ४ ६ १ ०३ ०१a  उ त्वा मन्दन्तु सोमाः कृणुष्व राधो अद्रिवः ।
   ४ ६ १ ०३ ०१c  अव ब्रह्मद्विषो जहि ॥ १३५४
   ४ ६ १ ०३ ०२a  पदा पणीनराधसो नि बाधस्व महाँ असि ।
   ४ ६ १ ०३ ०२c  न हि त्वा कश्च न प्रति ॥ १३५५
   ४ ६ १ ०३ ०३a  त्वमीशिषे सुतानामिन्द्र त्वमसुतानाम् ।
   ४ ६ १ ०३ ०३c  त्वँ राजा जनानाम् ॥ १३५६

   ४ ६ १ ०४ ०१a  आ जागृविर्विप्र ऋतां मतीनाँ सोमः पुनानो असदच्चमूषु ।
   ४ ६ १ ०४ ०१c  सपन्ति यं मिथुनासो निकामा अध्वर्यवो रथिरासः सुहस्ताः ॥ १३५७
   ४ ६ १ ०४ ०२a  स पुनान उप सूरे दधान ओबे अप्रा रोदसी वि ष आवः ।
   ४ ६ १ ०४ ०२c  प्रिया चिद्यस्य प्रियसास ऊती सतो धनं कारिणे न प्र यँसत् ॥ १३५८
   ४ ६ १ ०४ ०३a  स वर्धिता वर्धनः पूयमानः सोमो मीढ्वाँ अभि नो ज्योतिषावीत् ।
   ४ ६ १ ०४ ०३c  यत्र नः पूर्वे पितरः पदज्ञाः स्वर्विदो अभि गा अद्रिमिष्णन् ॥ १३५९

   ४ ६ १ ०५ ०१a  मा चिदन्यद्वि शँसत सखायो मा रिषण्यत ।
   ४ ६ १ ०५ ०१c  इन्द्रमित्स्तोता वृषणँ सचा सुते मुहुरुक्था च शँसत ॥ १३६०
   ४ ६ १ ०५ ०२a  अवक्रक्षिणं वृषभं यथा जुवं गां न चर्षणीसहम् ।
   ४ ६ १ ०५ ०२c  विद्वेषणँ संवननमुभयङ्करं मँहिष्ठमुभयाविनम् ॥ १३६१

   ४ ६ १ ०६ ०१a  उदु त्ये मधुमत्तमा गिर स्तोमास ईरते ।
   ४ ६ १ ०६ ०१c  सत्राजितो धनसा अक्षितोतयो वाजन्तो रथा इव ॥ १३६२
   ४ ६ १ ०६ ०२a  कण्वा इव भृगवः सूर्या इव विश्वमिद्धीतमाशत ।
   ४ ६ १ ०६ ०२c  इन्द्रँ स्तोमेभिर्महयन्त आयवः प्रियमेधासो अस्वरन् ॥ १३६३

   ४ ६ १ ०७ ०१a  पर्यू षु प्र धन्व वाजसातये परि वृत्राणि सक्षणिः ।
   ४ ६ १ ०७ ०१c  द्विषस्तरध्या ऋणया न ईरसे ॥ १३६४
   ४ ६ १ ०७ ०२a  अजीजनो हि पवमान सूर्यं विधारे शक्मना पयः ।
   ४ ६ १ ०७ ०२c  गोजीरया रँहमानः पुरन्ध्या ॥ १३६५
   ४ ६ १ ०७ ०३a  अनु हि त्वा सुतँ सोम मदामसि महे समर्यराज्ये ।
   ४ ६ १ ०७ ०३c  वाजाँ अभि पवमान प्र गाहसे ॥ १३६६

   ४ ६ १ ०८ ०१a  परि प्र धन्वेन्द्राय सोम स्वादुर्मित्राय पूष्णे भगाय ॥ १३६७
   ४ ६ १ ०८ ०२a  एवामृताय महे क्षयाय स शुक्रो अर्ष दिव्यः पीयूषः ॥ १३६८
   ४ ६ १ ०८ ०३a  इन्द्रस्ते सोम सुतस्य पेयात्क्रत्वे दक्षाय विश्वे च देवाः ॥ १३६९

   ४ ६ १ ०९ ०१a  सूर्यस्येव रश्मयो द्रावयित्नवो मत्सरासः प्रसुतः साकमीरते ।
   ४ ६ १ ०९ ०१c  तन्तुं ततं परि सर्गास आशवो नेन्द्रादृते पवते धाम किं चन ॥ १३७०
   ४ ६ १ ०९ ०२a  उपो मतिः पृच्यते सिच्यते मधु मन्द्राजनी चोदते अन्तरासनि ।
   ४ ६ १ ०९ ०२c  पवमानः सन्तनिः सुन्वतामिव मधुमान्द्रप्सः परि वारमर्षति ॥ १३७१
   ४ ६ १ ०९ ०३a  उक्षा मिमेति प्रति यन्ति धेनवो देवस्य देवीरुप यन्ति निष्कृतम् ।
   ४ ६ १ ०९ ०३c  अत्यक्रमीदर्जुनं वारमव्ययमत्कं न निक्तं परि सोमो अव्यत ॥ १३७२

   ४ ६ १ १० ०१a  अग्निं नरो दीधितिभिररण्योर्हस्तच्युतं जनयत प्रशस्तम् ।
   ४ ६ १ १० ०१c  दूरेदृशं गृहपतिमथव्युम् ॥ १३७३
   ४ ६ १ १० ०२a  तमग्निमस्ते वसवो न्यृण्वन्त्सुप्रतिचक्षमवसे कुतश्चित् ।
   ४ ६ १ १० ०२c  दक्षाय्यो यो दम आस नित्यः ॥ १३७४
   ४ ६ १ १० ०३a  प्रेद्धो अग्ने दीदिहि पुरो नोऽजस्रया सूर्म्या यविष्ठ ।
   ४ ६ १ १० ०३c  त्वाँ शश्वन्त उप यन्ति वाजाः ॥ १३७५

   ४ ६ १ ११ ०१a  आयं गौः पृश्निरक्रमीदसदन्मातरं पुरः ।
   ४ ६ १ ११ ०१c  पितरं च प्रयन्त्स्वः ॥ १३७६
   ४ ६ १ ११ ०२a  अन्तश्चरति रोचनास्य प्राणादपानती ।
   ४ ६ १ ११ ०२c  व्यख्यन्महिषो दिवम् ॥ १३७७
   ४ ६ १ ११ ०३a  त्रिँशद्धाम वि राजति वाक्पतङ्गाय धीयते ।
   ४ ६ १ ११ ०३c  प्रति वस्तोरह द्युभिः ॥ १३७८

      षष्ठ प्रपाठकः ।  द्वितीयोऽर्धः
   ४ ६ २ ०१ ०१a  उपप्रयन्तो अध्वरं मन्त्रं वोचेमाग्नये ।
   ४ ६ २ ०१ ०१c  आरे अस्मे च शृण्वते ॥ १३७९
   ४ ६ २ ०१ ०२a  यः स्नीहितीषु पूर्व्यः सञ्जग्मानासु कृष्टिषु ।
   ४ ६ २ ०१ ०२c  अरक्षद्दाशुषे गयम् ॥ १३८०
   ४ ६ २ ०१ ०३a  स नो वेदो अमात्यमग्नी रक्षतु शन्तमः ।
   ४ ६ २ ०१ ०३c  उतास्मान्पात्वँहसः ॥ १३८१
   ४ ६ २ ०१ ०४a  उत ब्रुवन्तु जन्तव उदग्निर्वृत्रहाजनि ।
   ४ ६ २ ०१ ०४c  धनञ्जयो रणेरणे ॥ १३८२

   ४ ६ २ ०२ ०१a  अग्ने युङ्क्ष्वा हि ये तवाश्वासो देव साधवः ।
   ४ ६ २ ०२ ०१c  अरं वहन्त्याशवः ॥ १३८३
   ४ ६ २ ०२ ०२a  अच्छा नो याह्या वहाभि प्रयाँसि वीतये ।
   ४ ६ २ ०२ ०२c  आ देवान्त्सोमपीतये ॥ १३८४
   ४ ६ २ ०२ ०३a  उदग्ने भारत द्युमदजस्रेण दविद्युतत् ।
   ४ ६ २ ०२ ०३c  शोचा वि भाह्यजर ॥ १३८५

   ४ ६ २ ०३०१a  प्र सुन्वानायान्धसो मर्त्तो न वष्ट तद्वचः ।
   ४ ६ २ ०३०१c  अप श्वानमराधसँ हता मखं न भृगवः ॥ १३८६
   ४ ६ २ ०३०२a  आ जामिरत्के अव्यत भुजे न पुत्र ओण्योः ।
   ४ ६ २ ०३०२c  सरज्जारो न योषणां वरो न योनिमासदम् ॥ १३८७
   ४ ६ २ ०३०३a  स वीरो दक्षसाधनो वि यस्तस्तम्भ रोदसी ।
   ४ ६ २ ०३०३c  हरिः पवित्रे अव्यत वेधा न योनिमासदम् ॥ १३८८

   ४ ६ २ ०४०१a  अभ्रातृव्यो अना त्वमनापिरिन्द्र जनुषा सनादसि ।
   ४ ६ २ ०४०१c  युधेदापित्वमिच्छसे ॥ १३८९
   ४ ६ २ ०४०२a  न की रेवन्तँ सख्याय विन्दसे पीयन्ति ते सुराश्वः ।
   ४ ६ २ ०४०२c  यदा कृणोषि नदनुँ समूहस्यादित्पितेव हूयसे ॥ १३९०

   ४ ६ २ ०५०१a  आ त्वा सहस्रमा शतं युक्ता रथे हिरण्यये ।
   ४ ६ २ ०५०१c  ब्रह्मयुजो हरय इन्द्र केशिनो वहन्तु सोमपीतये ॥ १३९१
   ४ ६ २ ०५०२a  आ त्वा रथे हिरण्यये हरी मयूरशेप्या ।
   ४ ६ २ ०५०२c  शितिपृष्ठा वहतां मध्वो अन्धसो विवक्षणस्य पीतये ॥ १३९२
   ४ ६ २ ०५०३a  पिबा त्वा३स्य गिर्वणः सुतस्य पूर्वपा इव ।
   ४ ६ २ ०५०३c  परिष्कृतस्य रसिन इयमासुतिश्चारुर्मदाय पत्यते ॥ १३९३

   ४ ६ २ ०६०१a  आ सोता परि षिञ्चताश्वं न स्तोममप्तुरँ रजस्तुरम् ।
   ४ ६ २ ०६०१c  वनप्रक्षमुदप्रुतम् ॥ १३९४
   ४ ६ २ ०६०२a  सहस्रधारं वृषभं पयोदुहं प्रियं देवाय जन्मने ।
   ४ ६ २ ०६०२c  ऋतेन य ऋतजातो विवावृधे राजा देव ऋतं बृहत् ॥ १३९५

   ४ ६ २ ०७०१a  अग्निर्वृत्राणि जङ्घनद्द्रविणस्युर्विपन्यया ।
   ४ ६ २ ०७०१c  समिद्धः शुक्र आहुतः ॥ १३९६
   ४ ६ २ ०७०२a  गर्भे मातुः पितुष्पिता विदिद्युतानो अक्षरे ।
   ४ ६ २ ०७०२c  सीदन्नृतस्य योनिमा ॥ १३९७
   ४ ६ २ ०७०३a  ब्रह्म प्रजावदा भर जातवेदो विचर्षणे ।
   ४ ६ २ ०७०३c  अग्ने यद्दीदयद्दिवि ॥ १३९८

   ४ ६ २ ०८०१a  अस्य प्रेषा हेमना पूयमानो देवो देवेभिः समपृक्त रसम् ।
   ४ ६ २ ०८०१c  सुतः पवित्रं पर्येति रेभन्मितेव सद्म पशुमन्ति होता ॥ १३९९
   ४ ६ २ ०८०२a  भद्रा वस्त्रा समन्याऽऽ३ वसानो महान्कविर्निवचनानि शँसन् ।
   ४ ६ २ ०८०२c  आ वच्यस्व चम्वोः पूयमानो विचक्षणो जागृविर्देववीतौ ॥ १४००
   ४ ६ २ ०८०३a  समु प्रियो मृज्यते सानो अव्ये यशस्तरो यशसां क्षैतो अस्मे ।
   ४ ६ २ ०८०३c  अभि स्वर धन्वा पूयमानो यूयं पात स्वस्तिभिः सदा नः ॥ १४०१

   ४ ६ २ ०९०१a  एतो न्विन्द्रँ स्तवाम शुद्धँ शुद्धेन साम्ना ।
   ४ ६ २ ०९०१c  शुद्धैरुक्थैर्वावृध्वाँसँ शुद्धैराशीर्वान्ममत्तु ॥ १४०२
   ४ ६ २ ०९०२a  इन्द्र शुद्धो न आ गहि शुद्धः शुद्धाभिरूतिभिः ।
   ४ ६ २ ०९०२c  शुद्धो रयिं नि धारय शुद्धो ममद्धि सोम्य ॥ १४०३
   ४ ६ २ ०९०३a  इन्द्र शुद्धो हि नो रयिँ शुद्धो रत्नानि दाशुषे ।
   ४ ६ २ ०९०३c  शुद्धो वृत्राणि जिघ्नसे शुद्धो वाजँ सिषाससि ॥ १४०४

   ४ ६ २ १००१a  अग्ने स्तोमं मनामहे सिध्रमद्य दिविस्पृशः ।
   ४ ६ २ १००१c  देवस्य द्रविणस्यवः ॥ १४०५
   ४ ६ २ १००२a  अग्निर्जुषत नो गिरो होता यो मानुषेष्वा ।
   ४ ६ २ १००२c  स यक्षद्दैव्यं जनम् ॥ १४०६
   ४ ६ २ १००३a  त्वमग्ने सप्रथा असि जुष्टो होता वरेण्यः ।
   ४ ६ २ १००३c  त्वया यज्ञं वि तन्वते ॥ १४०७

   ४ ६ २ ११०१a  अभि त्रिपृष्ठं वृषणं वयोधामाङ्गोषिणमवावशन्त वाणीः ।
   ४ ६ २ ११०१c  वना वसानो वरुणो न सिन्धूर्वि रत्नधा दयते वार्याणि ॥ १४०८
   ४ ६ २ ११०२a  शूरग्रामः सर्ववीरः सहावान्जेता पवस्व सनिता धनानि ।
   ४ ६ २ ११०२c  तिग्मायुधः क्षिप्रधन्वा समत्स्वषाढः साह्वान्पृतनासु शत्रून् ॥ १४०९
   ४ ६ २ ११०३a  उरुगव्यूतिरभयानि कृण्वन्त्समीचीने आ पवस्वा पुरन्धी ।
   ४ ६ २ ११०३c  अपः सिषासन्नुषसः स्वा३र्गाः सं चिक्रदो महो अस्मभ्यं वाजान् ॥ १४१०

   ४ ६ २ १२०१a  त्वमिन्द्र यशा अस्यृजीषी शवसस्पतिः ।
   ४ ६ २ १२०१c  त्वं वृत्राणि हँस्यप्रतीन्येक इत्पुर्वनुत्तश्चर्षणीधृतिः ॥ १४११
   ४ ६ २ १२०२a  तमु त्वा नूनमसुर प्रचेतसँ राधो भागमिवेमहे ।
   ४ ६ २ १२०२c  महीव कृत्तिः शरणा त इन्द्र प्र ते सुम्ना नो अश्नवन् ॥ १४१२

   ४ ६ २ १३०१a  यजिष्ठं त्वा ववृमहे देवं देवत्रा होतारममर्त्यम् ।
   ४ ६ २ १३०१c  अस्य यज्ञस्य सुक्रतुम् ॥ १४१३
   ४ ६ २ १३०२a  अपां नपातँ सुभगँ सुदीदितिमग्निमु श्रेष्ठशोचिषम् ।
   ४ ६ २ १३०२c  स नो मित्रस्य वरुणस्य सो अपामा सुम्नं यक्षते दिवि ॥ १४१४

   ४ ६ २ १४०१a  यमग्ने पृत्सु मर्त्यमवा वाजेषु यं जुनाः ।
   ४ ६ २ १४०१c  स यन्ता शश्वतीरिषः ॥ १४१५
   ४ ६ २ १४०२a  न किरस्य सहन्त्य पर्येता कयस्य चित् ।
   ४ ६ २ १४०२c  वाजो अस्ति श्रवाय्यः ॥ १४१६
   ४ ६ २ १४०३a  स वाजं विश्वचर्षणिरर्वद्भिरस्तु तरुता ।
   ४ ६ २ १४०३c  विप्रेभिरस्तु सनिता ॥ १४१७

   ४ ६ २ १५०१a  साकमुक्षो मर्जयन्त स्वसारो दश धीरस्य धीतयो धनुत्रीः ।
   ४ ६ २ १५०१c  हरिः पर्यद्रवज्जाः सूर्यस्य द्रोणं ननक्षे अत्यो न वाजी ॥ १४१८
   ४ ६ २ १५०२a  सं मातृभिर्न शिशुर्वावशानो वृषा दधन्वे पुरुवारो अद्भिः ।
   ४ ६ २ १५०२c  मर्यो न योषामभि निष्कृतं यन्त्सं गच्छते कलश उस्रियाभिः ॥ १४१९
   ४ ६ २ १५०३a  उत प्र पिप्य ऊधरघ्न्याया इन्दुर्धाराभिः सचते सुमेधाः ।
   ४ ६ २ १५०३c  मूर्धानं गावः पयसा चमूष्वभि श्रीणन्ति वसुभिर्न निक्तैः ॥ १४२०

   ४ ६ २ १६००a  पिबा सुतस्य रसिनो मत्स्वा न इन्द्र गोमतः ।
   ४ ६ २ १६००c  आपिर्नो बोधि सधमाद्ये वृधे३ऽस्माँ अवन्तु ते धियः ॥ १४२१
   ४ ६ २ १६००a  भूयाम ते सुमतौ वाजिनो वयं मा न स्तरभिमातये ।
   ४ ६ २ १६००c  अस्मां चित्राभिरवतादभिष्टिभिरा नः सुम्नेषु यामय ॥ १४२२

   ४ ६ २ १७०१a  त्रिरस्मै सप्त धेनवो दुदुह्रिरे सत्यामाशिरं परमे व्योमनि ।
   ४ ६ २ १७०१c  चत्वार्यन्या भुवनानि निर्णिजे चारूणि चक्रे यदृतैरवर्धत ॥ १४२३
   ४ ६ २ १७०२a  स भक्षमाणो अमृतस्य चारुण उभे द्यावा काव्येना वि शश्रथे ।
   ४ ६ २ १७०२c  तेजिष्ठा अपो मँहना परि व्यत यदी देवस्य श्रवसा सदो विदुः ॥ १४२४
   ४ ६ २ १७०३a  ते अस्य सन्तु केतवोऽमृत्यवोऽदाभ्यासो जनुषी उभे अनु ।
   ४ ६ २ १७०३c  येभिर्नृम्णा च देव्या च पुनत आदिद्राजानं मनना अगृभ्णत ॥ १४२५

   ४ ६ २ १८०१a  अभि वायुं वीत्यर्षा गृणानो३ऽभि मित्रावरुणा पूयमानः ।
   ४ ६ २ १८०१c  अभी नरं धीजवनँ रथेष्ठामभीन्द्रं वृषणं वज्रबाहुम् ॥ १४२६
   ४ ६ २ १८०२a  अभि वस्त्रा सुवसनान्यर्षाभि धेनूः सुदुघाः पूयमानः ।
   ४ ६ २ १८०२c  अभि चन्द्रा भर्त्तवे नो हिरण्याभ्यश्वान्रथिनो देव सोम ॥ १४२७
   ४ ६ २ १८०३a  अभी नो अर्ष दिव्या वसून्यभि विश्वा पार्थिवा पूयमानः ।
   ४ ६ २ १८०३c  अभि येन द्रविणमश्नवामाभ्यार्षेयं जमदग्निवन्नः ॥ १४२८

   ४ ६ २ १९०१a  यज्जायथा अपूर्व्य मघवन्वृत्रहत्याय ।
   ४ ६ २ १९०१c  तत्पृथिवीमप्रथयस्तदस्तभ्ना उतो दिवम् ॥ १४२९
   ४ ६ २ १९०२a  तत्ते यज्ञो अजायत तदर्क उत हस्कृतिः ।
   ४ ६ २ १९०२c  तद्विश्वमभिभूरसि यज्जातं यच्च जन्त्वम् ॥ १४३०
   ४ ६ २ १९०३a  आमासु पक्वमैरय आ सूर्यँ रोहयो दिवि ।
   ४ ६ २ १९०३c  घर्मं न सामं तपता सुवृक्तिभिर्जुष्टं गिर्वणसे बृहत् ॥ १४३१

   ४ ६ २ २००१a  मत्स्यपायि ते महः पात्रस्येव हरिवो मत्सरो मदः ।
   ४ ६ २ २००१c  वृषा ते वृष्ण इन्दुर्वाजी सहस्रसातमः ॥ १४३२
   ४ ६ २ २००२a  आ नस्ते गन्तु मत्सरो वृषा मदो वरेण्यः ।
   ४ ६ २ २००२c  सहावाँ इन्द्र सानसिः पृतनषाडमर्त्यः ॥ १४३३
   ४ ६ २ २००३a  त्वँ हि शूरः सनिता चोदयो मनुषो रथम् ।
   ४ ६ २ २००३c  सहावान्दस्युमव्रतमोषः पात्रं न शोचिषा ॥ १४३४

      षष्ठ प्रपाठकः ।  तृतीयोऽर्धः
   ४ ६ ३ ०१०१a  पवस्व वृष्टिमा सु नोऽपामूर्मिं दिवस्परि ।
   ४ ६ ३ ०१०१c  अयक्ष्मा बृहतीरिषः ॥ १४३५
   ४ ६ ३ ०१०२a  तया पवस्व धारया यया गाव इहागमन् ।
   ४ ६ ३ ०१०२c  जन्यास उप नो गृहम् ॥ १४३६
   ४ ६ ३ ०१०३a  घृतं पवस्व धारया यज्ञेषु देववीतमः ।
   ४ ६ ३ ०१०३c  अस्मभ्यं वृष्टिमा पव ॥ १४३७
   ४ ६ ३ ०१०४a  स न ऊर्जे व्या३व्ययं पवित्रं धाव धारया ।
   ४ ६ ३ ०१०४c  देवासः शृणवन्हि कम् ॥ १४३८
   ४ ६ ३ ०१०५a  पवमानो असिष्यदद्रक्षाँस्यपजङ्घनत् ।
   ४ ६ ३ ०१०५c  प्रत्नवद्रोचयन्रुचः ॥ १४३९

   ४ ६ ३ ०२०१a  प्रत्यस्मै पिपीषते विश्वानि विदुषे भर ।
   ४ ६ ३ ०२०१c  अरङ्गमाय जग्मयेऽपश्चादध्वने नरः ॥ १४४०
   ४ ६ ३ ०२०२a  एमेनं प्रत्येतन सोमेभिः सोमपातमम् ।
   ४ ६ ३ ०२०२c  अमत्रेभिरृजीषिणमिन्द्रँ सुतेभिरिन्दुभिः ॥ १४४१
   ४ ६ ३ ०२०३a  यदी सुतेभिरिन्दुभिः सोमेभिः प्रतिभूषथ ।
   ४ ६ ३ ०२०३c  वेदा विश्वस्य मेधिरो धृषत्तन्तमिदेषते ॥ १४४२
   ४ ६ ३ ०२०४a  अस्माअस्मा इदन्धसोऽध्वर्यो प्र भरा सुतम् ।
   ४ ६ ३ ०२०४c  कुवित्समस्य जेन्यस्य शर्धतोऽभिशस्तेरवस्वरत् ॥ १४४३

   ४ ६ ३ ०३०१a  बभ्रवे नु स्वतवसेऽरुणाय दिविस्पृशे ।
   ४ ६ ३ ०३०१c  सोमाय गाथमर्चत ॥ १४४४
   ४ ६ ३ ०३०२a  हस्तच्युतेभिरद्रिभिः सुतँ सोमं पुनीतन ।
   ४ ६ ३ ०३०२c  मधावा धावता मधु ॥ १४४५
   ४ ६ ३ ०३०३a  नमसेदुप सीदत दध्नेदभि श्रीणीतन ।
   ४ ६ ३ ०३०३c  इन्दुमिन्द्रे दधातन ॥ १४४६
   ४ ६ ३ ०३०४a  अमित्रहा विचर्षणिः पवस्व सोम शं गवे ।
   ४ ६ ३ ०३०४c  देवेभ्यो अनुकामकृत् ॥ १४४७
   ४ ६ ३ ०३०५a  इन्द्राय सोम पातवे मदाय परि षिच्यसे ।
   ४ ६ ३ ०३०५c  मनश्चिन्मनसस्पतिः ॥ १४४८
   ४ ६ ३ ०३०६a  पवमान सुवीर्यँ रयिँ सोम रिरीहि नः ।
   ४ ६ ३ ०३०६c  इन्दविन्द्रेण नो युजा ॥ १४४९

   ४ ६ ३ ०४०१a  उद्धेदभि श्रुतामघं वृषमं नर्यापसम् ।
   ४ ६ ३ ०४०१c  अस्तारमेषि सूर्य ॥ १४५०
   ४ ६ ३ ०४०२a  नव यो नवतिं पुरो बिभेद बाह्वोजसा ।
   ४ ६ ३ ०४०२c  अहिं च वृत्रहावधीत् ॥ १४५१
   ४ ६ ३ ०४०३a  स न इन्द्रः शिवः सखाश्वावद्गोमद्यवमत् ।
   ४ ६ ३ ०४०३c  उरुधारेव दोहते ॥ १४५२

   ४ ६ ३ ०५०१a  विभ्राड् बृहत्पिबतु सोम्यं मध्वायुर्दधद्यज्ञपतावविह्रुतम् ।
   ४ ६ ३ ०५०१c  वातजूतो यो अभिरक्षति त्मना प्रजाः पिपर्ति बहुधा वि राजति ॥ १४५३
   ४ ६ ३ ०५०२a  विभ्राड् बृहत्सुभृतं वाजसातमं धर्मं दिवो धरुणे सत्यमर्पितम् ।
   ४ ६ ३ ०५०२c  अमित्रहा वृत्रहा दस्युहन्तमं ज्योतिर्जज्ञे असुरहा सपत्नहा ॥ १४५४
   ४ ६ ३ ०५०३a  इदँ श्रेष्ठं ज्योतिषां ज्योतिरुत्तमं विश्वजिद्धनजिदुच्यते बृहत् ।
   ४ ६ ३ ०५०३c  विश्वभ्राड् भ्राजो महि सूर्यो दृश उरु पप्रथे सह ओजो अच्युतम् ॥ १४५५

   ४ ६ ३ ०६०१a  इन्द्र क्रतुं न आ भर पिता पुत्रेभ्यो यथा ।
   ४ ६ ३ ०६०१c  शिक्षा णो अस्मिन्पुरुहूत यामनि जीव ज्योतिरशीमहि ॥ १४५६
   ४ ६ ३ ०६०२a  मा नो अज्ञाता वृजना दुराध्यो३ माशिवासोऽव क्रमुः ।
   ४ ६ ३ ०६०२c  त्वया वयं प्रवतः शश्वतीरपोऽति शूर तरामसि ॥ १४५७

   ४ ६ ३ ०७०१a  अद्याद्या श्वःश्व इन्द्र त्रास्व परे च नः ।
   ४ ६ ३ ०७०१c  विश्वा च नो जरितॄन्त्सत्पते अहा दिवा नक्तं च रक्षिषः ॥ १४५८
   ४ ६ ३ ०७०२a  प्रभङ्गी शूरो मघवा तुवीमघः सम्मिश्लो विर्याय कम् ।
   ४ ६ ३ ०७०२c  उभा ते बाहू वृषणा शतक्रतो नि या वज्रं मिमिक्षतुः ॥ १४५९

   ४ ६ ३ ०८०१a  जनीयन्तो न्वग्रवः पुत्रीयन्तः सुदानवः ।
   ४ ६ ३ ०८०१c  सरस्वन्तँ हवामहे ॥ १४६०

   ४ ६ ३ ०९०१a  उत नः प्रिया प्रियासु सप्तस्वसा सुजुष्टा ।
   ४ ६ ३ ०९०१c  सरस्वती स्तोम्या भूत् ॥ १४६१

   ४ ६ ३ १००१a  तत्सवितुर्वरेण्यं भर्गो देवस्य धीमहि ।
   ४ ६ ३ १००१c  धियो यो नः प्रचोदयात् ॥ १४६२
   ४ ६ ३ १००२a  सोमानाँ स्वरणं कृणुहि ब्रह्मणस्पते ।
   ४ ६ ३ १००२a  कक्षीवन्तँ य औशिजः ॥ १४६३
   ४ ६ ३ १००३a  अग्न आयूँषि पवसे आ सुवोर्जं इषं च नः ।
   ४ ६ ३ १००३a  आरे बाधस्व दुच्छुनाम् ॥ १४६४

   ४ ६ ३ ११०१a  ता नः शक्तं पार्थिवस्य महो रायो दिव्यस्य ।
   ४ ६ ३ ११०१c  महि वा क्षत्रं देवेषु ॥ १४६५
   ४ ६ ३ ११०२a  ऋतमृतेन सपन्तेषिरं दक्षमाशाते ।
   ४ ६ ३ ११०२c  अद्रुहा देवौ वर्धेते ॥ १४६६
   ४ ६ ३ ११०३a  वृष्टिद्यावा रीत्यापेषस्पती दानुमत्याः ।
   ४ ६ ३ ११०३c  बृहन्तं गर्त्तमाशाते ॥ १४६७

   ४ ६ ३ १२०१a  युञ्जन्ति ब्रध्नमरुषं चरन्तं परि तस्थुषः ।
   ४ ६ ३ १२०१c  रोचन्ते रोचना दिवि ॥ १४६८
   ४ ६ ३ १२०२a  युञ्जन्त्यस्य काम्या हरी विपक्षसा रथे ।
   ४ ६ ३ १२०२c  शोणा धृष्णू नृवाहसा ॥ १४६९
   ४ ६ ३ १२०३a  केतुं कृण्वन्नकेतवे पेशो मर्या अपेशसे ।
   ४ ६ ३ १२०३c  समुषद्भिरजायथाः ॥ १४७०

   ४ ६ ३ १३०१a  अयँ सोम इन्द्र तुभ्यँ सुन्वे तुभ्यं पवते त्वमस्य पाहि ।
   ४ ६ ३ १३०१c  त्वँ ह यं चकृषे त्वं ववृष इन्दुं मदाय युज्याय सोमम् ॥ १४७१
   ४ ६ ३ १३०२a  स ईँ रथो न भुरिषाडयोजि महः पुरूणि सातये वसूनि ।
   ४ ६ ३ १३०२c  आदीं विश्वा नहुष्याणि जाता स्वर्षाता वन ऊर्ध्वा नवन्त ॥ १४७२
   ४ ६ ३ १३०३a  शुष्मी शर्धो न मारुतं पवस्वानभिशस्ता दिव्या यथा विट् ।
   ४ ६ ३ १३०३c  आपो न मक्षू सुमतिर्भवा नः सहस्राप्साः पृतनाषाण्न यज्ञः ॥ १४७३

   ४ ६ ३ १४०१a  त्वमग्ने यज्ञानाँ होता विश्वेषाँ हितः ।
   ४ ६ ३ १४०१c  देवेभिर्मानुषे जने ॥ १४७४
   ४ ६ ३ १४०२a  स नो मन्द्राभिरध्वरे जिह्वाभिर्यजा महः ।
   ४ ६ ३ १४०२c  आ देवान्वक्षि यक्षि च ॥ १४७५
   ४ ६ ३ १४०३a  वेत्था हि वेधो अध्वनः पथश्च देवाञ्जसा ।
   ४ ६ ३ १४०३c  अग्ने यज्ञेषु सुक्रतो ॥ १४७६

   ४ ६ ३ १५०१a  होता देवो अमर्त्यः पुरस्तादेति मायया ।
   ४ ६ ३ १५०१c  विदथानि प्रचोदयन् ॥ १४७७
   ४ ६ ३ १५०२a  वाजी वाजेषु धीयतेऽध्वरेषु प्र णीयते ।
   ४ ६ ३ १५०२c  विप्रो यज्ञस्य साधनः ॥ १४७८
   ४ ६ ३ १५०३a  धिया चक्रे वरेण्यो भूतानां गर्भमा दधे ।
   ४ ६ ३ १५०३c  दक्षस्य पितरं तना ॥ १४७९

   ४ ६ ३ १६०१a  आ सुते सिञ्चत श्रियँ रोदस्योरभिश्रियम् ।
   ४ ६ ३ १६०१c  रसा दधीत वृषभम् ॥ १४८०
   ४ ६ ३ १६०२a  ते जानत स्वमोक्या३ँ सं वत्सासो न मातृभिः ।
   ४ ६ ३ १६०२c  मिथो नसन्त जामिभिः ॥ १४८१
   ४ ६ ३ १६०३a  उप स्रक्वेषु बप्सतः कृण्वते धरुणं दिवि ।
   ४ ६ ३ १६०३c  इन्द्रे अग्ना नमः स्वः ॥ १४८२

   ४ ६ ३ १७०१a  तदिदास भुवनेषु ज्येष्टं यतो जज्ञा उग्रस्त्वेषनृम्णः ।
   ४ ६ ३ १७०१c  सद्यो जज्ञानो नि रिणाति शत्रूननु यं विश्वे मदन्त्यूमाः ॥ १४८३
   ४ ६ ३ १७०२a  वावृधानः शवसा भूर्योजाः शत्रुर्दासाय भियसं दधाति ।
   ४ ६ ३ १७०२c  अव्यनच्च व्यनच्च सस्नि सं ते नवन्त प्रभृता मदेषु ॥ १४८४
   ४ ६ ३ १७०३a  त्वे क्रतुमपि वृञ्जन्ति विश्वे द्विर्यदेते त्रिर्भवन्त्यूमाः ।
   ४ ६ ३ १७०३c  स्वादोः स्वादीयः स्वादुना सृजा समदः सु मधु मधुनाभि योधीः ॥ १४८५

   ४ ६ ३ १८०१a  त्रिकद्रुकेषु महिषो यवाशिरं तुविशुष्मस्तृम्पत्सोममपिबद्विष्णुना सुतं यथावशम् ।
   ४ ६ ३ १८०१c  स ईं ममाद महि कर्म कर्तवे महामुरुँ सैनँ सश्चद्देवो देवँ सत्य इन्दुः सत्यमिन्द्रम् ॥ १४८६
   ४ ६ ३ १८०२a  साकं जातः क्रतुना साकमोजसा ववक्षिथ साकं वृद्धो वीर्यैः सासहिर्मृधो विचर्षणिः ।
   ४ ६ ३ १८०२c  दाता राध स्तुवते काम्यं वसु प्रचेतन सैनँ सश्चद्देवो देवँ सत्य इन्दुः सत्यमिन्द्रम् ॥ १४८७
   ४ ६ ३ १८०३a  अध त्विषीमाँ अभ्योजसा कृविं युधाभवदा रोदसी अपृणदस्य मज्मना प्र वावृधे ।
   ४ ६ ३ १८०३c  अधत्तान्यं जठरे प्रेमरिच्यत प्र चेतय सैनँ सश्चद्देवो देवँ सत्य इन्दुः सत्यमिन्द्रम् ॥ १४८८

      सप्तम प्रपाठकः ।  प्रथमोऽर्धः
   ४ ७ १ ०१०१a  अभि प्र गोपतिं गिरेन्द्रमर्च यथा विदे ।
   ४ ७ १ ०१०१c  मूनुँ सत्यस्य सत्पतिम् ॥ १४८९
   ४ ७ १ ०१०२a  आ हरयः ससृज्रिरेऽरुषीरधि बर्हिषि ।
   ४ ७ १ ०१०२c  यत्राभि संनवामहे ॥ १४९०
   ४ ७ १ ०१०३a  इन्द्राय गाव आशिरं दुदुह्रे वज्रिणे मधु ।
   ४ ७ १ ०१०३c  यत्सीमुपह्वरे विदत् ॥ १४९१

   ४ ७ १ ०२०१a  आ नो विश्वासु हव्यमिन्द्रँ समत्सु भूषत ।
   ४ ७ १ ०२०१c  उप ब्रह्माणि सवनानि वृत्रहन्परमज्या ऋचीषम ॥ १४९२
   ४ ७ १ ०२०२a  त्वं दाता प्रथमो राधसामस्यसि सत्य ईशानकृत् ।
   ४ ७ १ ०२०२c  तुविद्युम्नस्य युज्या वृणीमहे पुत्रस्य शवसो महः ॥ १४९३

   ४ ७ १ ०३०१a  प्रत्नं पीयूषं पूर्व्यं यदुक्थ्यं महो गाहद्दिव आ निरधुक्षत ।
   ४ ७ १ ०३०१c  इन्द्रमभि जायमानँ समस्वरन् ॥ १४९४
   ४ ७ १ ०३०२a  आदीं के चित्पश्यमानास आप्यं वसुरुचो दिव्या अभ्यनूषत ।
   ४ ७ १ ०३०२c  दिवो न वारँ सविता व्यूर्णुते ॥ १४९५
   ४ ७ १ ०३०३a  अध यदिमे पवमान रोदसी इमा च विश्वा भुवनाभि मज्मना ।
   ४ ७ १ ०३०३c  यूथे न निष्ठा वृषभो वि राजसि ॥ १४९६

   ४ ७ १ ०४०१a  इममू षु त्वमस्माकँ सनिं गायत्रं नव्याँसम् ।
   ४ ७ १ ०४०१c  अग्ने देवेषु प्र वोचः ॥ १४९७
   ४ ७ १ ०४०२a  विभक्तासि चित्रभानो सिन्धोरूर्मा उपाक आ ।
   ४ ७ १ ०४०२c  सद्यो दाशुषे क्षरसि ॥ १४९८
   ४ ७ १ ०४०३a  आ नो भज परमेष्वा वाजेषु मध्यमेषु ।
   ४ ७ १ ०४०३c  शिक्षा वस्वो अन्तमस्य ॥ १४९९

   ४ ७ १ ०५०१a  अहमिद्धि पितुष्परि मेधामृतस्य जग्रह ।
   ४ ७ १ ०५०१c  अहँ सूर्य इवाजनि ॥ १५००
   ४ ७ १ ०५०२a  अहं प्रत्नेन जन्मना गिरः शुम्भामि कण्ववत् ।
   ४ ७ १ ०५०२c  येनेन्द्रः शुष्ममिद्दधे ॥ १५०१
   ४ ७ १ ०५०३a  ये त्वामिन्द्र न तुष्टुवुरृषयो ये च तुष्टुवुः ।
   ४ ७ १ ०५०३c  ममेद्वर्धस्व सुष्टुतः ॥ १५०२

   ४ ७ १ ०६०१a  अग्ने विश्वेभिरग्निभिर्जोषि ब्रह्म सहस्कृत ।
   ४ ७ १ ०६०१c  ये देवत्रा य आयुषु तेभिर्नो महया गिरः ॥ १५०३
   ४ ७ १ ०६०२a  प्र स विश्वेभिरग्निभिरग्निः स यस्य वाजिनः ।
   ४ ७ १ ०६०२c  तनये तोके अस्मदा सम्यङ्वाजैः परीवृतः ॥ १५०४
   ४ ७ १ ०६०३a  त्वं नो अग्ने अग्निभिर्ब्रह्म यज्ञं च वर्धय ।
   ४ ७ १ ०६०३c  त्वं नो देवतातये रायो दानाय चोदय ॥ १५०५

   ४ ७ १ ०७०१a  त्वे सोम प्रथमा वृक्तबर्हिषो महे वाजाय श्रवसे धियन् दधुः ।
   ४ ७ १ ०७०१c  स त्वं नो वीर वीर्याय चोदय ॥ १५०६
   ४ ७ १ ०७०२a  अभ्यभि हि श्रवसा ततर्दिथोत्सं न कं चिज्जनपानमक्षितम् ।
   ४ ७ १ ०७०२c  शर्याभिर्न भरमाणो गभस्त्योः ॥ १५०७
   ४ ७ १ ०७०३a  अजीजनो अमृत मर्त्याय अमृतस्य धर्मन्नमृतस्य चारुणः ।
   ४ ७ १ ०७०३c  सदासरो वाजमच्छा सनिष्यदत् ॥ १५०८

   ४ ७ १ ०८०१a  एन्दुमिन्द्राय सिञ्चत पिबाति सोम्यं मधु ।
   ४ ७ १ ०८०१c  प्र राधाँसि चोदयते महित्वना ॥ १५०९
   ४ ७ १ ०८०२a  उपो हरीणां पतिँ राधः पृञ्चन्तमब्रवम् ।
   ४ ७ १ ०८०२c  नूनँ श्रुधि स्तुवतो अश्व्यस्य ॥ १५१०
   ४ ७ १ ०८०३a  न ह्याङ्३ग पुरा च न जज्ञे वीरतरस्त्वत् ।
   ४ ७ १ ०८०३c  न की राया नैवथा न भन्दना ॥ १५११

   ४ ७ १ ०९०१a  नदं व ओदतीनां नदं योयुवतीनाम् ।
   ४ ७ १ ०९०१c  पतिं वो अघ्न्यानां धेनूनामिषुध्यसि ॥ १५१२

   ४ ७ १ १००१a  देवो वो द्रविणोदाः पूर्णां विवष्ट्वासिचम् ।
   ४ ७ १ १००१c  उद्वा सिञ्चध्वमुप वा पृणध्वमादिद्वो देव ओहते ॥ १५१३
   ४ ७ १ १००२a  तँ होतारमध्वरस्य प्रचेतसं वह्निं देवा अकृण्वत ।
   ४ ७ १ १००२c  दधाति रत्नं विधते सुवीर्यमग्निर्जनाय दाशुषे ॥ १५१४

   ४ ७ १ ११०१a  अदर्शि गातुवित्तमो यस्मिन्व्रतान्यादधुः ।
   ४ ७ १ ११०१c  उपोषु जातमार्यस्य वर्धनमग्निं नक्षन्तु नो गिरः ॥ १५१५
   ४ ७ १ ११०२a  यस्माद्रेजन्त कृष्टयश्चर्कृत्यानि कृण्वतः ।
   ४ ७ १ ११०२c  सहस्रसां मेधसाताविव त्मनाग्निं धीभिर्नमस्यत ॥ १५१६
   ४ ७ १ ११०३a  प्र दैवोदासो अग्निर्देव इन्द्रो न मज्मना ।
   ४ ७ १ ११०३c  अनु मातरं पृथिवीं वि वावृते तस्थौ नाकस्य शर्मणि ॥ १५१७

   ४ ७ १ १२०१a  अग्न आयूँषि पवसे आसुवोर्जमिषं च नः ।
   ४ ७ १ १२०१c  आरे बाधस्व दुच्छुनाम् ॥ १५१८
   ४ ७ १ १२०२a  अग्निरृषिः पवमानः पाञ्चजन्यः पुरोहितः ।
   ४ ७ १ १२०२c  तमीमहे महागयम् ॥ १५१९
   ४ ७ १ १२०३a  अग्ने पवस्व स्वपा अस्मे वर्चः सुवीर्यम् ।
   ४ ७ १ १२०३c  दधद्रयिं मयि योषम् ॥ १५२०

   ४ ७ १ १३०१a  अग्ने पावक रोचिषा मन्द्रया देव जिह्वया ।
   ४ ७ १ १३०१c  आ देवान्वक्षि यक्षि च ॥ १५२१
   ४ ७ १ १३०२a  तं त्वा घृतस्नवीमहे चित्रभानो स्वर्दृशम् ।
   ४ ७ १ १३०२c  देवाँ आ वीतये वह ॥ १५२२
   ४ ७ १ १३०३a  वीतिहोत्रं त्वा कवे द्युमन्तँ समिधीमहि ।
   ४ ७ १ १३०३c  अग्ने बृहन्तमध्वरे ॥ १५२३

   ४ ७ १ १४०१a  अवा नो अग्न ऊतिभिर्गायत्रस्य प्रभर्मणि ।
   ४ ७ १ १४०१c  विश्वासु धीषु वन्द्य ॥ १५२४
   ४ ७ १ १४०२a  आ नो अग्ने रयिं भर सत्रासाहं वरेण्यम् ।
   ४ ७ १ १४०२c  विश्वासु पृत्सु दुष्टरम् ॥ १५२५
   ४ ७ १ १४०३a  आ नो अग्ने सुचेतुना रयिं विश्वायुपोषसम् ।
   ४ ७ १ १४०३c  मार्डीकं धेहि जीवसे ॥ १५२६

   ४ ७ १ १५०१a  अग्निँ हिन्वन्तु नो धियः सप्तिमाशुमिवाजिषु ।
   ४ ७ १ १५०१c  तेन जेष्म धनन्धनम् ॥ १५२७
   ४ ७ १ १५०२a  यया गा आकरामहै सेनयाग्ने तवोत्या ।
   ४ ७ १ १५०२c  तां नो हिन्व मघत्तये ॥ १५२८
   ४ ७ १ १५०३a  आग्ने स्थूरँ रयिं भर पृथुं गोमन्तमश्विनम् ।
   ४ ७ १ १५०३c  अङ्धि खं वर्त्तया पविम् ॥ १५२९
   ४ ७ १ १५०४a  अग्ने नक्षत्रमजरमा सूर्यँ रोहयो दिवि ।
   ४ ७ १ १५०४c  दधज्ज्योतिर्जनेभ्यः ॥ १५३०
   ४ ७ १ १५०५a  अग्ने केतुर्विशामसि प्रेष्ठः श्रेष्ठ उपस्थसत् ।
   ४ ७ १ १५०५c  बोधा स्तोत्रे वयो दधत् ॥ १५३१

   ४ ७ १ १६०१a  अग्निर्मूर्धा दिवः ककुत्पतिः पृथिव्या अयम् ।
   ४ ७ १ १६०१c  अपाँ रेताँसि जिन्वति ॥ १५३२
   ४ ७ १ १६०२a  ईशिषे वार्यस्य हि दात्रस्याग्ने स्वःपतिः ।
   ४ ७ १ १६०२c  स्तोता स्यां तव शर्मणि ॥ १५३३
   ४ ७ १ १६०३a  उदग्ने शुचयस्तव शुक्रा भ्राजन्त ईरते ।
   ४ ७ १ १६०३c  तव ज्योतीँष्यर्चयः ॥ १५३४

      सप्तम प्रपाठकः ।  द्वितीयोऽर्धः
   ४ ७ २ ०१०१a  कस्ते जामिर्जनानामग्ने को दाश्वध्वरः ।
   ४ ७ २ ०१०१c  को ह कस्मिन्नसि श्रितः ॥ १५३५
   ४ ७ २ ०१०२a  त्वं जामिर्जनानामग्ने मित्रो असि प्रियः ।
   ४ ७ २ ०१०२c  सखा सखिभ्य ईड्यः ॥ १५३६
   ४ ७ २ ०१०३a  यजा नो मित्रावरुणा यजा देवाँ ऋतं बृहत् ।
   ४ ७ २ ०१०३c  अग्ने यक्षि स्वं दमम् ॥ १५३७

   ४ ७ २ ०२०१a  ईडेन्यो नमस्यस्तिरस्तमाँसि दर्शतः ।
   ४ ७ २ ०२०१c  समग्निरिध्यते वृषा ॥ १५३८
   ४ ७ २ ०२०२a  वृषो अग्निः समिध्यतेऽश्वो न देववाहनः ।
   ४ ७ २ ०२०२c  तँ हविष्मन्त ईडते ॥ १५३९
   ४ ७ २ ०२०३a  वृषणं त्वा वयं वृषन्वृषणः समिधीमहि ।
   ४ ७ २ ०२०३c  अग्ने दीद्यतं बृहत् ॥ १५४०

   ४ ७ २ ०३०१a  उत्ते बृहन्तो अर्चयः समिधानस्य दीदिवः ।
   ४ ७ २ ०३०१c  अग्ने शुक्रास ईरते ॥ १५४१
   ४ ७ २ ०३०२a  उप त्वा जुह्वो३ मम घृताचीर्यन्तु हर्यत ।
   ४ ७ २ ०३०२c  अग्ने हव्या जुषस्व नः ॥ १५४२
   ४ ७ २ ०३०३a  मन्द्रँ होतारमृत्विजं चित्रभानुं विभावसुम् ।
   ४ ७ २ ०३०३c  अग्निमीडे स उ श्रवत् ॥ १५४३

   ४ ७ २ ०४०१a  पाहि नो अग्न एकया पाह्यू३त द्वितीयया ।
   ४ ७ २ ०४०१c  पाहि गीर्भिस्तिसृभिरूर्जां पते पाहि चतसृभिर्वसो ॥ १५४४
   ४ ७ २ ०४०२a  पाहि विश्वस्माद्रक्षसो अराव्णः प्र स्म वाजेषु नोऽव ।
   ४ ७ २ ०४०२c  त्वामिद्धि नेदिष्ठं देवतातय आपिं नक्षामहे वृधे ॥ १५४५

   ४ ७ २ ०५०१a  इनो राजन्नरतिः समिद्धो रौद्रो दक्षाय सुषुमाँ अदर्शि ।
   ४ ७ २ ०५०१c  चिकिद्वि भाति भासा बृहतासिक्नीमेति रुशतीमपाजन् ॥ १५४६
   ४ ७ २ ०५०२a  कृष्णां यदेनीमभि वर्पसाभूज्जनयन्योषां बृहतः पितुर्जाम् ।
   ४ ७ २ ०५०२c  ऊर्ध्वं भानुँ सूर्यस्य स्तभायन्दिवो वसुभिररतिर्वि भाति ॥ १५४७
   ४ ७ २ ०५०३a  भद्रो भद्रया सचमान आगात्स्वसारं जारो अभ्येति पश्चात् ।
   ४ ७ २ ०५०३c  सुप्रकेतैर्द्युभिरग्निर्वितिष्ठन्रुशद्भिर्वर्णैरभि राममस्थात् ॥ १५४८

   ४ ७ २ ०६०१a  कया ते अग्ने अङ्गिर ऊर्जो नपादुपस्तुतिम् ।
   ४ ७ २ ०६०१c  वराय देव मन्यवे ॥ १५४९
   ४ ७ २ ०६०२a  दाशेम कस्य मनसा यज्ञस्य सहसो यहो ।
   ४ ७ २ ०६०२c  कदु वोच इदं नमः ॥ १५५०
   ४ ७ २ ०६०३a  अधा त्वँ हि नस्करो विश्वा अस्मभ्यँ सुक्षितीः ।
   ४ ७ २ ०६०३c  वाजद्रविणसो गिरः ॥ १५५१

   ४ ७ २ ०७०१a  अग्न आ याह्यग्निभिर्होतारं त्वा वृणीमहे ।
   ४ ७ २ ०७०१c  आ त्वामनक्तु प्रयता हविष्मती यजिष्ठं बर्हिरासदे ॥ १५५२
   ४ ७ २ ०७०२a  अच्छा हि त्वा सहसः सूनो अङ्गिरः स्रुचश्चरन्त्यध्वरे ।
   ४ ७ २ ०७०२c  ऊर्जो नपातं घृतकेशमीमहेऽग्निं यज्ञेषु पूर्व्यम् ॥ १५५३

   ४ ७ २ ०८०१a  अच्छा नः शीरशोचिषं गिरो यन्तु दर्शतम् ।
   ४ ७ २ ०८०१c  अच्छा यज्ञासो नमसा पुरूवसुं पुरुप्रशस्तमूतये ॥ १५५४
   ४ ७ २ ०८०२a  अग्निँ सूनुँ सहसो जातवेदसं दानाय वार्याणाम् ।
   ४ ७ २ ०८०२c  द्विता यो भूदमृतो मर्त्येष्वा होता मन्द्रतमो विशि ॥ १५५५

   ४ ७ २ ०९०१a  अदाभ्यः पुरएता विशामग्निर्मानुषीणाम् ।
   ४ ७ २ ०९०१c  तूर्णी रथः सदा नवः ॥ १५५६
   ४ ७ २ ०९०२a  अभि प्रयाँसि वाहसा दाश्वाँ अश्नोति मर्त्यः ।
   ४ ७ २ ०९०२c  क्षयं पावकशोचिषः ॥ १५५७
   ४ ७ २ ०९०३a  साह्वान्विश्वा अभियुजः क्रतुर्देवानाममृक्तः ।
   ४ ७ २ ०९०३c  अग्निस्तुविश्रवस्तमः ॥ १५५८

   ४ ७ २ १००१a  भद्रो नो अग्निराहुतो भद्रा रातिः सुभग भद्रो अध्वरः ।
   ४ ७ २ १००१c  भद्रा उत प्रशस्तयः ॥ १५५९
   ४ ७ २ १००२a  भद्रं मनः कृणुष्व वृत्रतूर्ये येना समत्सु सासहिः ।
   ४ ७ २ १००२c  अव स्थिरा तनुहि भूरि शर्धतां वनेमा ते अभिष्टये ॥ १५६०

   ४ ७ २ ११०१a  अग्ने वाजस्य गोमत ईशानः सहसो यहो ।
   ४ ७ २ ११०१c  अस्मे देहि जातवेदो महि श्रवः ॥ १५६१
   ४ ७ २ ११०२a  स इधानो वसुष्कविरग्निरीडेन्यो गिरा ।
   ४ ७ २ ११०२c  रेवदस्मभ्यं पुर्वणीक दीदिहि ॥ १५६२
   ४ ७ २ ११०३a  क्षपो राजन्नुत त्मनाग्ने वस्तोरुतोषसः ।
   ४ ७ २ ११०३c  स तिग्मजम्भ रक्षसो दह प्रति ॥ १५६३

   ४ ७ २ १२०१a  विशोविशो वो अतिथिं वाजयन्तः पुरुप्रियम् ।
   ४ ७ २ १२०१c  अग्निं वो दुर्यं वच स्तुषे शूषस्य मन्मभिः ॥ १५६४
   ४ ७ २ १२०२a  यं जनासो हविष्मन्तो मित्रं न सर्पिरासुतिम् ।
   ४ ७ २ १२०२c  प्रशँसन्ति प्रशस्तिभिः ॥ १५६५
   ४ ७ २ १२०३a  पन्याँसं जातवेदसं यो देवतात्युद्यता ।
   ४ ७ २ १२०३c  हव्यान्यैरयद्दिवि ॥ १५६६

   ४ ७ २ १३०१a  समिद्धमग्निँ समिधा गिरा गृणे शुचिं पावकं पुरो अध्वरे ध्रुवम् ।
   ४ ७ २ १३०१c  विप्रँ होतारं पुरुवारमद्रुहं कविँ सुम्नैरीमहे जातवेदसम् ॥ १५६७
   ४ ७ २ १३०२a  त्वां दूतमग्ने अमृतं युगेयुगे हव्यवाहं दधिरे पायुमीड्यम्।
   ४ ७ २ १३०२c  देवासश्च मर्त्तासश्च जागृविं विभुं विश्पतिं नमसा नि षेदिरे ॥ १५६८
   ४ ७ २ १३०३a  विभूषन्नग्न उभयाँ अनु व्रता दूतो देवानाँ रजसी समीयसे ।
   ४ ७ २ १३०३c  यत्ते धीतिँ सुमतिमावृणीमहेऽध स्मा नस्त्रिवरूथः शिवो भव ॥ १५६९

   ४ ७ २ १४०१a  उप त्वा जामयो गिरो देदिशतीर्हविष्कृतः ।
   ४ ७ २ १४०१c  वायोरनीके अस्थिरन् ॥ १५७०
   ४ ७ २ १४०२a  यस्य त्रिधात्ववृतं बर्हिस्तस्थावसन्दिनम् ।
   ४ ७ २ १४०२c  आपश्चिन्नि दधा पदम् ॥ १५७१
   ४ ७ २ १४०३a  पदं देवस्य मीढुषोऽनाधृष्टाभिरूतिभिः ।
   ४ ७ २ १४०३c  भद्रा सूर्य इवोपदृक् ॥ १५७२

      सप्तम प्रपाठकः ।  तृतीयोऽर्धः
   ४ ७ ३ ०१०१a  अभि त्वा पूर्वपीतय इन्द्र स्तोमेभिरायवः ।
   ४ ७ ३ ०१०१c  समीचीनास ऋभवः समस्वरन्रुद्रा गृणन्त पूर्व्यम् ॥ १५७३
   ४ ७ ३ ०१०२a  अस्येदिन्द्रो वावृधे वृष्ण्यँ शवो मदे सुतस्य विष्णवि ।
   ४ ७ ३ ०१०२c  अद्या तमस्य महिमानमायवोऽनु ष्टुवन्ति पूर्वथा ॥ १५७४

   ४ ७ ३ ०२०१a  प्र वामर्चन्त्युक्थिनो नीथाविदो जरितारः ।
   ४ ७ ३ ०२०१c  इन्द्राग्नी इष आ वृणे ॥ १५७५
   ४ ७ ३ ०२०२a  इन्द्राग्नी नवतिं पुरो दासपत्नीरधूनुतम् ।
   ४ ७ ३ ०२०२c  साकमेकेन कर्मणा ॥ १५७६
   ४ ७ ३ ०२०३a  इन्द्राग्नी अपसस्पर्युप प्र यन्ति धीतयः ।
   ४ ७ ३ ०२०३c  ऋतस्य पथ्याऽऽ३ अनु ॥ १५७७
   ४ ७ ३ ०२०४a  इन्द्राग्नी तविषाणी वाँ सधस्थानि प्रयाँसि च ।
   ४ ७ ३ ०२०४c  युवोरप्तूर्यँ हितम् ॥ १५७८

   ४ ७ ३ ०३०१a  शग्ध्यू३ षु शचीपत इन्द्र विश्वाभिरूतिभिः ।
   ४ ७ ३ ०३०१c  भगं न हि त्वा यशसं वसुविदमनु शूर चरामसि ॥ १५७९
   ४ ७ ३ ०३०२a  पौरो अश्वस्य पुरुकृद्गवामस्युत्सो देव हिरण्ययः ।
   ४ ७ ३ ०३०२c  न किर्हि दानं परि मर्धिषत्वे यद्यद्यामि तदा भर ॥ १५८०

   ४ ७ ३ ०४०१a  त्वँ ह्येहि चेरवे विदा भगं वसुत्तये ।
   ४ ७ ३ ०४०१c  उद्वावृषस्व मधवन्गविष्टय उदिन्द्राश्वमिष्टये ॥ १५८१
   ४ ७ ३ ०४०२a  त्वं पुरू सहस्राणि शतानि च यूथा दानाय मँहसे ।
   ४ ७ ३ ०४०२c  आ पुरन्दरं चकृम विप्रवचस इन्द्रं गायन्तोऽवसे ॥ १५८२

   ४ ७ ३ ०५०१a  यो विश्वा दयते वसु होता मन्द्रो जनानाम् ।
   ४ ७ ३ ०५०१c  मधोर्न पात्रा प्रथमान्यस्मै प्र स्तोमा यन्त्वग्नये ॥ १५८३
   ४ ७ ३ ०५०२a  अश्व न गीर्भी रथ्यँ सुदानवो मर्मृज्यन्ते देवयवः ।
   ४ ७ ३ ०५०२c  उभे तोके तनये दस्म विस्पते पर्षि राधो मघोनाम् ॥ १५८४

   ४ ७ ३ ०६०१a  इमं मे वरुण श्रुधी हवमद्या च मृडय ।
   ४ ७ ३ ०६०१c  त्वामवस्युरा चके ॥ १५८५

   ४ ७ ३ ०७०१a  कया त्वं न ऊत्याभि प्र मन्दसे वृषन् ।
   ४ ७ ३ ०७०१c  कया स्तोतृभ्य आ भर ॥ १५८६

   ४ ७ ३ ०८०१a  इन्द्रमिद्देवतातय इन्द्रं प्रयत्यध्वरे ।
   ४ ७ ३ ०८०१c  इन्द्रँ समीके वनिनो हवामह इन्द्रं धनस्य सातये ॥ १५८७
   ४ ७ ३ ०८०२a  इन्द्रो मह्ना रोदसी पप्रथच्छव इन्द्रः सूर्यमरोचयत् ।
   ४ ७ ३ ०८०२c  इन्द्रे ह विश्वा भुवनानि येमिर इन्द्रे सुवानास इन्दवः ॥ १५८८

   ४ ७ ३ ०९०१a  विश्वकर्मन्हविषा वावृधानः स्वयं यजस्व तन्वा३ँ स्वा हि ते ।
   ४ ७ ३ ०९०१c  मुह्यन्त्वन्ये अभितो जनास इहास्माकं मघवा सूरिरस्तु ॥ १५८९

   ४ ७ ३ १००१a  अया रुचा हरिण्या पुनानो विश्वा द्वेषाँसि तरति सयुग्वभिः सूरो न सयुग्वभिः ।
   ४ ७ ३ १००१c  धारा पृष्ठस्य रोचते पुनानो अरुषो हरिः ।
   ४ ७ ३ १००१e  विश्वा यद्रूपा परियास्यृक्वभिः सप्तास्येभिरृक्वभिः ॥ १५९०
   ४ ७ ३ १००२a  प्राचीमनु प्रदिशं पाति चेकितत्सँ रश्मिभिर्यतते दर्शतो रथो दैव्यो दर्शतो रथः ।
   ४ ७ ३ १००२c  अग्मन्नुक्थानि पौँस्येन्द्रं जैत्राय हर्षयत ।
   ४ ७ ३ १००२e  वज्रश्च यद्भवथो अनपच्युता समत्स्वनपच्युता ॥ १५९१
   ४ ७ ३ १००३a  त्वं ह त्यत्पणीनां विदो वसु सं मातृभिर्मर्जयसि स्व आ दम ऋतस्य धीतिभिर्दमे ।
   ४ ७ ३ १००३c  परावतो न साम तद्यत्रा रणन्ति धीतयः ।
   ४ ७ ३ १००३e  त्रिधातुभिररुषीभिर्वयो दधे रोचमानो वयो दधे ॥ १५९२

   ४ ७ ३ ११०१a  उत नो गोषणिं धियमश्वसां वाजसामुत ।
   ४ ७ ३ ११०१c  नृवत्कृणुह्यूतये ॥ १५९३

   ४ ७ ३ १२०१a  शशमानस्य वा नरः स्वेदस्य सत्यशवसः ।
   ४ ७ ३ १२०१c  विदा कामस्य वेनतः ॥ १५९४

   ४ ७ ३ १३०१a  उप नः सूनवो गिरः शृण्वन्त्वमृतस्य ये ।
   ४ ७ ३ १३०१c  सुमृडीका भवन्तु नः ॥ १५९५

   ४ ७ ३ १४०१a  प्र वां महि द्यवी अभ्युपस्तुतिं भरामहे ।
   ४ ७ ३ १४०१c  शुची उप प्रशस्तये ॥ १५९६
   ४ ७ ३ १४०२a  पुनाने तन्वा मिथः स्वेन दक्षेण राजथः ।
   ४ ७ ३ १४०२c  ऊह्याथे सनादृतम् ॥ १५९७
   ४ ७ ३ १४०३a  मही मित्रस्य साधथस्तरन्ती पिप्रती ऋतम् ।
   ४ ७ ३ १४०३c  परि यज्ञं नि षेदथुः ॥ १५९८

   ४ ७ ३ १५०१a  अयमु ते समतसि कपोत इव गर्भधिम् ।
   ४ ७ ३ १५०१c  वचस्तच्चिन्न ओहसे ॥ १५९९
   ४ ७ ३ १५०२a  स्तोत्रँ राधानां पते गिर्वाहो वीर यस्य ते ।
   ४ ७ ३ १५०२c  विभूतिरस्तु सूनृता ॥ १६००
   ४ ७ ३ १५०३a  ऊर्ध्वस्तिष्ठा न ऊतयेऽस्मिन्वाजे शतक्रतो ।
   ४ ७ ३ १५०३c  समन्येषु ब्रवावहै ॥ १६०१

   ४ ७ ३ १६०१a  गाव उप वदावटे महि यज्ञस्य रप्सुदा ।
   ४ ७ ३ १६०१c  उभा कर्णा हिरण्यया ॥ १६०२
   ४ ७ ३ १६०२a  अभ्यारमिदद्रयो निषिक्तं पुष्करे मधु ।
   ४ ७ ३ १६०२c  अवटस्य विसर्जने ॥ १६०३
   ४ ७ ३ १६०३a  सिञ्चन्ति नमसावटमुच्चाचक्रं परिज्मानम् ।
   ४ ७ ३ १६०३c  नीचीनबारमक्षितम् ॥ १६०४

   ४ ७ ३ १७०१a  मा भेम मा श्रमिष्मोग्रस्य सख्ये तव ।
   ४ ७ ३ १७०१c  महत्ते वृष्णो अभिचक्ष्यं कृतं पश्येम तुर्वशं यदुम् ॥ १६०५
   ४ ७ ३ १७०२a  सव्यामनु स्फिग्यं वावसे वृष्ना न दानो अस्य रोषति ।
   ४ ७ ३ १७०२c  मध्वा सम्पृक्ताः सारघेण धेनवस्तूयमेहि द्रवा पिब ॥ १६०६

   ४ ७ ३ १८०१a  इमा उ त्वा पुरूवसो गिरो वर्धन्तु या मम ।
   ४ ७ ३ १८०१c  पावकवर्णाः शुचयो विपश्चितोऽभि स्तोमैरनूषत ॥ १६०७
   ४ ७ ३ १८०२a  अयँ सहस्रमृषिभिः सहस्कृतः समुद्र इव पप्रथे ।
   ४ ७ ३ १८०२c  सत्यः सो अस्य महिमा गृणे शवो यज्ञेषु विप्रराज्ये ॥ १६०८

   ४ ७ ३ १९०१a  यस्यायं विश्व आर्यो दासः शेवधिपा अरिः ।
   ४ ७ ३ १९०१c  तिरश्चिदर्ये रुशमे पवीरवि तुभ्येत्सो अज्यते रयिः ॥ १६०९
   ४ ७ ३ १९०२a  तुरण्यवो मधुमन्तं घृतश्चतं विप्रासो अर्कमानृचुः ।
   ४ ७ ३ १९०२c  अस्मे रयिः पप्रथे वृष्ण्यं शवोऽस्मे स्वानास इन्दवः ॥ १६१०

   ४ ७ ३ २००१a  गोमन्न इन्दो अश्ववत्सुतः सुदक्ष धनिव ।
   ४ ७ ३ २००१c  शुचिं च वर्णमधि गोषु धार्य ॥ १६११
   ४ ७ ३ २००२a  स नो हरीणां पत इन्दो देवप्सरस्तमः ।
   ४ ७ ३ २००२c  सखेव सख्ये नर्यो रुचे भव ॥ १६१२
   ४ ७ ३ २००३a  सनेमि त्वमस्मदा अदेवं कं चिदत्रिणम् ।
   ४ ७ ३ २००३c  साह्वाँ इन्दो परि बाधो अप द्वयुम् ॥ १६१३

   ४ ७ ३ २१०१a  अञ्जते व्यञ्जते समञ्जते क्रतुँ रिहन्ति मध्वाभ्यञ्जते ।
   ४ ७ ३ २१०१c  सिन्धोरुऽच्छ्वासे पतयन्तमुक्षणँ हिरण्यपावाः पशुमप्सु गृभ्णते ॥ १६१४
   ४ ७ ३ २१०२a  विपश्चिते पवमानाय गायत मही न धारात्यन्धो अर्षति ।
   ४ ७ ३ २१०२c  अहिर्न जूर्णामति सर्पति त्वचमत्यो न क्रीडन्नसरद्वृषा हरिः ॥ १६१५
   ४ ७ ३ २१०३a  अग्रेगो राजाप्यस्तविष्यते विमानो अह्नां भुवनेष्वर्पितः ।
   ४ ७ ३ २१०३c  हरिर्घृतस्नुः सुदृशीको अर्णवो ज्योतीरथः पवते राय ओक्यः ॥ १६१६

      आष्टम प्रपाठकः ।  प्रथमोऽर्धः
   ४ ८ १ ०१०१a  विश्वेभिरग्ने अग्निभिरिमं यज्ञमिदं वचः ।
   ४ ८ १ ०१०१c  चनो घाः सहसा यहो ॥ १६१७
   ४ ८ १ ०१०२a  यच्चिद्धि शश्वा तना देवन्देवं यजामहे ।
   ४ ८ १ ०१०२c  त्वे इद्धूयते हविः ॥ १६१८
   ४ ८ १ ०१०३a  प्रियो नो अस्तु विश्पतिर्होता मन्द्रो वरेण्यः ।
   ४ ८ १ ०१०३c  प्रियाः स्वग्नयो वयम् ॥ १६१९

   ४ ८ १ ०२०१a  इन्द्रं वो विश्वतस्परि हवामहे जनेभ्यः ।
   ४ ८ १ ०२०१c  अस्माकमस्तु केवलः  ॥ १६२०
   ४ ८ १ ०२०२a  स नो वृषन्नमुं चरुँ सत्रादावन्नपा वृधि ।
   ४ ८ १ ०२०२c  अस्मभ्यमप्रतिष्कुतः ॥ १६२१
   ४ ८ १ ०२०३a  बृषा यूथेव वँसगः कृष्टीरियर्त्योजसा ।
   ४ ८ १ ०२०३c  ईशानो अप्रतिष्कुतः ॥ १६२२

   ४ ८ १ ०३०१a  त्वं नश्चित्र ऊत्या वसो राधाँसि चोदय ।
   ४ ८ १ ०३०१c  अस्य रायस्त्वमग्ने रथीरसि विदा गाधं तुचे तु नः ॥ १६२३
   ४ ८ १ ०३०२a  पर्षि तोकं तनयं पर्तृभिष्ट्वमदब्धैरप्रयुत्वभिः ।
   ४ ८ १ ०३०२c  अग्ने हेडाँसि दैव्या युयोधि नोऽदेवानि हराँसि च ॥ १६२४

   ४ ८ १ ०४०१a  किमित्ते विष्णो परिचक्षि नाम प्र यद्ववक्षे शिपिविष्टो अस्मि ।
   ४ ८ १ ०४०१c  मा वर्पो अस्मदप गूह एतद्यदन्यरूपः समिथे बभूथ ॥ १६२५
   ४ ८ १ ०४०२a  प्र तत्ते अद्य शिपिविष्ट हव्यमर्यः शँसामि वयुनानि विद्वान् ।
   ४ ८ १ ०४०२c  तं त्वा गृणामि तवसमतव्यान्क्षयन्तमस्य रजसः पराके ॥ १६२६
   ४ ८ १ ०४०३a  वषट् ते विष्णवास आ कृणोमि तन्मे जुषस्व शिपिविष्ट हव्यम् ।
   ४ ८ १ ०४०३c  वर्धन्तु त्वा सुष्टुतयो गिरि मे यूयं पात स्वस्तभिः सदा नः ॥ १६२७

   ४ ८ १ ०५०१a  वायो शुक्रो अयामि ते मध्वो अग्रं दिविष्टिषु ।
   ४ ८ १ ०५०१c  आ याहि सोमपीतये स्पार्हो देव नियुत्वता ॥ १६२८
   ४ ८ १ ०५०२a  इन्द्रश्च वायवेषाँ सोमानां पीतिमर्हथः ।
   ४ ८ १ ०५०२c  युवाँ हि यन्तीन्दवो निम्नमापो न सध्र्यक् ॥ १६२९
   ४ ८ १ ०५०३a  वायविन्द्रश्च शुष्मिणा सरथँ शवसस्पती ।
   ४ ८ १ ०५०३c  नियुत्वन्ता न ऊतय आ यातँ सोमपीतये ॥ १६३०

   ४ ८ १ ०६०१a  अध क्षपा परिष्कृतो वाजाँ अभि प्र गाहते ।
   ४ ८ १ ०६०१c  यदी विवस्वतो धियो हरिँ हिन्वन्ति यातवे ॥ १६३१
   ४ ८ १ ०६०२a  तमस्य मर्जयामसि मदो य इन्द्रपातमः ।
   ४ ८ १ ०६०२c  यं गाव आसभिर्दधुः पुरा नूनं च सूरयः ॥ १६३२
   ४ ८ १ ०६०३a  तं गाथया पुराण्या पुनानमभ्यनूषत ।
   ४ ८ १ ०६०३c  उतो कृपन्त धीतयो देवानां नाम बिभ्रतीः ॥ १६३३

   ४ ८ १ ०७०१a  अश्वं न त्वा वारवन्तं वन्दध्या अग्निं नमोभिः ।
   ४ ८ १ ०७०१c  सम्राजन्तमध्वराणाम् ॥ १६३४
   ४ ८ १ ०७०२a  स घा नः सूनुः शवसा पृथुप्रगामा सुशेवः ।
   ४ ८ १ ०७०२c  मीढ्वाँ अस्माकं बभूयात् ॥ १६३५
   ४ ८ १ ०७०३a  स नो दूराच्चासाच्च नि मर्त्यादघायोः ।
   ४ ८ १ ०७०३c  पाहि सदमिद्विश्वायुः ॥ १६३६

   ४ ८ १ ०८०१a  त्वमिन्द्र प्रतूर्तिष्वभि विश्वा असि स्पृधः ।
   ४ ८ १ ०८०१c  अशस्तिहा जनिता वृत्रतूरसि त्वं तूर्य तरुष्यतः ॥ १६३७
   ४ ८ १ ०८०२a  अनु ते शुष्मं तुरयन्तमीयतुः क्षोणी शिशुं न मातरा ।
   ४ ८ १ ०८०२c  विश्वास्ते स्पृधः श्नथयन्त मन्यवे वृत्रं यदिन्द्र तूर्वसि ॥ १६३८

   ४ ८ १ ०९०१a  यज्ञ इन्द्रमवर्धयद्यद्भूमिं व्यवर्तयत् ।
   ४ ८ १ ०९०१c  चक्राण ओपशं दिवि ॥ १६३९
   ४ ८ १ ०९०२a  व्या३न्तरिक्षमतिरन्मदे सोमस्य रोचना ।
   ४ ८ १ ०९०२c  इन्द्रो यदभिनद्वलम् ॥ १६४०
   ४ ८ १ ०९०३a  उदगा आजदङ्गिरोभ्य आविष्कृण्वन्गुहा सतीः ।
   ४ ८ १ ०९०३c  अर्वाञ्चं नुनुदे वलम् ॥ १६४१

   ४ ८ १ १००१a  त्यमु वः सत्रासाहं विश्वासु गीर्ष्वायतम् ।
   ४ ८ १ १००१c  आ च्यावयस्यूतये ॥ १६४२
   ४ ८ १ १००२a  युध्मँ सन्तमनर्वाणँ सोमपामनपच्युतम् ।
   ४ ८ १ १००२c  नरमवार्यक्रतुम् ॥ १६४३
   ४ ८ १ १००३a  शिक्षा ण इन्द्र राय आ पुरु विद्वाँ ऋचीषम ।
   ४ ८ १ १००३c  अवा नः पार्ये धने ॥ १६४४

   ४ ८ १ ११०१a  तव त्यदिन्द्रियं बृहत्तव दक्ष्ममुत क्रतुम् ।
   ४ ८ १ ११०१c  वज्रँ शिशाति धिषणा वरेण्यम् ॥ १६४५
   ४ ८ १ ११०२a  तव द्यौरिन्द्र पौँस्यं पृथिवी वर्धति श्रवः ।
   ४ ८ १ ११०२c  त्वामापः पर्वतासश्च हिन्विरे ॥ १६४६
   ४ ८ १ ११०३a  त्वां विष्णुर्बृहन्क्षयो मित्रो गृणाति वरुणः ।
   ४ ८ १ ११०३c  त्वाँ शर्धो मदत्यनु मारुतम् ॥ १६४७

   ४ ८ १ १२०१a  नमस्ते अग्न ओजसे गृणन्ति देव कृष्टयः ।
   ४ ८ १ १२०१c  अमैरमित्रमर्दय ॥ १६४८
   ४ ८ १ १२०२a  कुवित्सु नो गविष्टयेऽग्ने संवेषिषो रयिम् ।
   ४ ८ १ १२०२c  उरुकृदुरु णस्कृधि ॥ १६४९
   ४ ८ १ १२०३a  मा नो अग्ने महाधने परा वर्ग्भारभृद्यथा ।
   ४ ८ १ १२०३c  संवर्गँ सँ रयिं जय ॥ १६५०

   ४ ८ १ १३०१a  समस्य मन्यवे विशो विश्वा नमन्त कृष्टयः ।
   ४ ८ १ १३०१c  समुद्रायेव सिन्धवः ॥ १६५१
   ४ ८ १ १३०२a  वि चिद्वृत्रस्य दोधतः शिरो बिभेद वृष्णिना ।
   ४ ८ १ १३०२c  वज्रेण शतपर्वणा ॥ १६५२
   ४ ८ १ १३०३a  ओजस्तदस्य तित्विष उभे यत्समवर्त्तयत् ।
   ४ ८ १ १३०३c  इन्द्रश्चर्मेव रोदसी ॥ १६५३

   ४ ८ १ १४०१a  सुमन्मा वस्वी रन्ती सूनरी ॥ १६५४
   ४ ८ १ १४०२a  सरूप वृषन्ना गहीमौ भद्रौ धुर्यावभि ।
   ४ ८ १ १४०२c  ताविमा उप सर्पतः ॥ १६५५
   ४ ८ १ १४०३a  नीव शीर्षाणि मृढ्वं मध्य आपस्य तिष्ठति ।
   ४ ८ १ १४०३c  शृङ्गेभिर्दशभिर्दिशन् ॥ १६५६

      आष्टम प्रपाठकः ।  द्वितीयोऽर्धः
   ४ ८ २ ०१०१a  पन्यंपन्यमित्सोतार आ धावत मद्याय ।
   ४ ८ २ ०१०१c  सोमं वीराय शूराय ॥ १६५७
   ४ ८ २ ०१०२a  एह हरी ब्रह्मयुजा शग्मा वक्षतः सखायम् ।
   ४ ८ २ ०१०२c  इन्द्रं गीर्भिर्गिर्वणसम् ॥ १६५८
   ४ ८ २ ०१०३a  पाता वृत्रहा सुतमा घा गमन्नारे अस्मत् ।
   ४ ८ २ ०१०३c  नि यमते शतमूतिः ॥ १६५९

   ४ ८ २ ०२०१a  आ त्वा विशन्त्विन्दवः समुद्रमिव सिन्धवः ।
   ४ ८ २ ०२०१c  न त्वामिन्द्राति रिच्यते ॥ १६६०
   ४ ८ २ ०२०२a  विव्यक्थ महिना वृषन्भक्षँ सोमस्य जागृवे ।
   ४ ८ २ ०२०२c  य इन्द्र जठरेषु ते ॥ १६६१
   ४ ८ २ ०२०३a  अरं त इन्द्र कुक्षये सोमो भवतु वृत्रहन् ।
   ४ ८ २ ०२०३c  अरं धामभ्य इन्दवः ॥ १६६२

   ४ ८ २ ०३०१a  जराबोध तद्विविड्ढि विशेविशे यज्ञियाय ।
   ४ ८ २ ०३०१c  स्तोमँ रुद्राय दृशीकम् ॥ १६६३
   ४ ८ २ ०३०२a  स नो महाँ अनिमानो धूमकेतुः पुरुश्चन्द्रः ।
   ४ ८ २ ०३०२c  धिये वाजाय हिन्वतु ॥ १६६४
   ४ ८ २ ०३०३a  स रेवाँ इव विश्पतिर्दैव्यः केतुः शृणोतु नः ।
   ४ ८ २ ०३०३c  उक्थैरग्निर्बृहद्भानुः ॥ १६६५

   ४ ८ २ ०४०१a  तद्वो गाय सुते सचा पुरुहूताय सत्वने ।
   ४ ८ २ ०४०१c  शं यद्गवे न शाकिने ॥ १६६६
   ४ ८ २ ०४०२a  न घा वसुर्नि यमते दानं वाजस्य गोमतः ।
   ४ ८ २ ०४०२c  यत्सीमुपश्रवद्गिरः ॥ १६६७
   ४ ८ २ ०४०३a  कुवित्सस्य प्र हि व्रजं गोमन्तं दस्युहा गमत् ।
   ४ ८ २ ०४०३c  शचीभिरप नो वरत् ॥ १६६८

   ४ ८ २ ०५०१a  इदं विष्णुर्वि चक्रमे त्रेधा नि दधे पदम् ।
   ४ ८ २ ०५०१c  समूढमस्य पाँसुले ॥ १६६९
   ४ ८ २ ०५०२a  त्रीणि पदा वि चक्रमे विष्णुर्गोपा अदाभ्यः ।
   ४ ८ २ ०५०२c  अतो धर्माणि धारयन् ॥ १६७०
   ४ ८ २ ०५०३a  विष्णोः कर्माणि पश्यत यतो व्रतानि पस्पशे ।
   ४ ८ २ ०५०३c  इन्द्रस्य युज्यः सखा ॥ १६७१
   ४ ८ २ ०५०४a  तद्विष्णोः परमं पदँ सदा पश्यन्ति सूरयः ।
   ४ ८ २ ०५०४c  दिवीव चक्षुराततम् ॥ १६७२
   ४ ८ २ ०५०५a  तद्विप्रासो विपन्युवो जागृवाँसः समिन्धते ।
   ४ ८ २ ०५०५c  विष्णोर्यत्परमं पदम् ॥ १६७३
   ४ ८ २ ०५०६a  अतो देवा अवन्तु नो यतो विष्णुर्विचक्रमे ।
   ४ ८ २ ०५०६c  पृथिव्या अधि सानवि ॥ १६७४

   ४ ८ २ ०६०१a  मो षु त्वा वाघतश्च नारे अस्मन्नि रीरमन् ।
   ४ ८ २ ०६०१c  आरात्ताद्व सधमादं न आ गहीह वा सन्नुप श्रुधि ॥ १६७५
   ४ ८ २ ०६०२a  इमे हि ते ब्रह्मकृतः सुते सचा मधौ न मक्ष आसते ।
   ४ ८ २ ०६०२c  इन्द्रे कामं जरितारो वसूयवो रथे न पादमा दधुः ॥ १६७६

   ४ ८ २ ०७०१a  अस्तावि मन्म पूर्व्यं ब्रह्मेन्द्राय वोचत ।
   ४ ८ २ ०७०१c  पूर्वीरृतस्य बृहतीरनूषत स्तोतुर्मेधा असृक्षत ॥ १६७७
   ४ ८ २ ०७०२a  समिन्द्रो रायो बृहतीरधूनुत सं क्षोणी समु सूर्यम् ।
   ४ ८ २ ०७०२c  सँ शुक्रासः शुचयः सं गवाशिरः सोमा इन्द्रममन्दिषुः ॥ १६७८

   ४ ८ २ ०८०१a  इन्द्राय सोम पातवे वृत्रघ्ने परि षिच्यसे ।
   ४ ८ २ ०८०२c  नरे च दक्षिणावते देवाय सदनासदे ॥ १६७९
   ४ ८ २ ०८०२a  तँ सखायः पुरूरुचं यूयं वयं च सूरयः ।
   ४ ८ २ ०८०२c  अश्याम वाजगन्ध्यँ सनेम वाजपस्त्यम् ॥ १६८०
   ४ ८ २ ०८०३a  परि त्यँ हर्यतँ हरिं बभ्रुं पुनन्ति वारेण ।
   ४ ८ २ ०८०३c  यो देवान्विश्वाँ इत्परि मदेन सह गच्छति ॥ १६८१

   ४ ८ २ ०९०१a  कस्तमिन्द्र त्वावसो मर्त्यो दधर्षति ।
   ४ ८ २ ०९०१c  श्रद्धा इत्तेमघवन् पार्ये दिवि वाजी वाजं सिषासति ॥ १६८२
   ४ ८ २ ०९०२a  मघोनः स्म वृत्रहत्येषु चोदय ये ददति प्रिया वसु ।
   ४ ८ २ ०९०२c  तव प्रणीती हर्यश्व सूरिभिर्विश्वा तरेम दुरिता ॥ १६८३

   ४ ८ २ १००१a  एदु मधोर्मदिन्तरँ सिञ्चाध्वर्यो अन्धसः ।
   ४ ८ २ १००१c  एवा हि वीर स्तवते सदावृधः ॥ १६८४
   ४ ८ २ १००२a  इन्द्र स्थातर्हरीणां न किष्टे पूर्व्यस्तुतिम् ।
   ४ ८ २ १००२c  उदानँश शवसा न भन्दना ॥ १६८५
   ४ ८ २ १००३a  तं वो वाजानां पतिमहूमहि श्रवस्यवः ।
   ४ ८ २ १००३c  अप्रायुभिर्ज्ञेभिर्वावृधेन्यम् ॥ १६८६

   ४ ८ २ ११०१a  तं गूर्धया स्वर्णरं देवासो देवमरतिं दधन्विरे ।
   ४ ८ २ ११०१c  देवत्रा हव्यमूहिषे ॥ १६८७
   ४ ८ २ ११०२a  विभूतरातिं विप्र चित्रशोचिषमग्निमीडिष्व यन्तुरम् ।
   ४ ८ २ ११०२c  अस्य मेधस्य सोम्यस्य सोभरे प्रेमध्वराय पूर्व्यम् ॥ १६८८

   ४ ८ २ १२०१a  आ सोम सवानो अद्रिभिस्तिरो वाराण्यव्यया ।
   ४ ८ २ १२०१c  जनो न पुरि चम्वोर्विशद्धरिः सदो वनेषु दध्रिषे ॥ १६८९
   ४ ८ २ १२०२a  स मामृजे तिरो अण्वानि मेष्यो मीड्वान्त्सप्तिर्न वाजयुः ।
   ४ ८ २ १२०२c  अनुमाद्यः पवमानो मनीषिभिः सोमो विप्रेभिरृक्वभिः ॥ १६९०

   ४ ८ २ १३०१a  वयमेनमिदा ह्योऽपीपेमेह वज्रिणम् ।
   ४ ८ २ १३०१c  तस्मा उ अद्य सवने सुतं भरा नूनं भूषत श्रुते ॥ १६९१
   ४ ८ २ १३०२a  वृकश्चिदस्य वारण उरामथिरा वयुनेषु भूषति ।
   ४ ८ २ १३०२c  सेमं न स्तोमं जुजुषाण आ गहीन्द्र प्र चित्रया धिया ॥ १६९२

   ४ ८ २ १४०१a  इन्द्राग्नी रोचना दिवः परि वाजेषु भूषथः ।
   ४ ८ २ १४०१c  तद्वां चेति प्र वीर्यम् ॥ १६९३
   ४ ८ २ १४०२a  इन्द्राग्नी अपसस्परि उप प्र यन्ति धीतयः ।
   ४ ८ २ १४०२c  ऋतस्य पथ्या अनु ॥ १६९४
   ४ ८ २ १४०३a  इन्द्राग्नी तविषाणि वाम् सधस्थानि प्रयाँसि च ।
   ४ ८ २ १४०३c  युवोरप्तूर्यं हितम् ॥ १६९५

   ४ ८ २ १५०१a  क ईं वेद सुते सचा पिबन्तं कद्वयो दधे ।
   ४ ८ २ १५०१c  अयं यः पुरो विभिनत्त्योजसा मन्दानः शिप्रयन्धसः ॥ १६९६
   ४ ८ २ १५०२a  दाना मृगो न वारणः पुरुत्रा चरथं दधे ।
   ४ ८ २ १५०२c  न किष्ट्वा नि यमदा सुते गमो महाँश्चरस्योजसा ॥ १६९७
   ४ ८ २ १५०३a  य उग्रः सन्ननिष्टृतः स्थिरो रणाय सँस्कृतः ।
   ४ ८ २ १५०३c  यदि स्तोतुर्मघवा शृणवद्धवं नेन्द्रो योषत्या गमत् ॥ १६९८

   ४ ८ २ १६०१a  पवमाना असृक्षत सोमाः शुक्रास इन्दवः ।
   ४ ८ २ १६०१c  अभि विश्वानि काव्या ॥ १६९९
   ४ ८ २ १६०२a  पवमाना दिवस्पर्यन्तरिक्षादसृक्षत ।
   ४ ८ २ १६०२c  पृथिव्या अधि सानवि ॥ १७००
   ४ ८ २ १६०३a  पवमानास आशवः शुभ्रा असृग्रमिन्दवः ।
   ४ ८ २ १६०३c  घ्नन्तो विश्वा अप द्विषः ॥ १७०१

   ४ ८ २ १७०१a  तोशा वृत्रहणा हुवे सजित्वानापराजिता ।
   ४ ८ २ १७०१c  इन्द्राग्नी वाजसातमा ॥ १७०२
   ४ ८ २ १७०२a  प्र वामर्चन्त्युक्थिनो नीथाविदो जरितारः ।
   ४ ८ २ १७०२c  इन्द्राग्नी इष आ वृणे ॥ १७०३
   ४ ८ २ १७०३a  इन्द्राग्नी नवतिं पुरो दासपत्नीरधूनुतम् ।
   ४ ८ २ १७०३c  साकमेकेन कर्मणा ॥ १७०४

   ४ ८ २ १८०१a  उप त्वा रण्वसन्दृशं प्रयस्वन्तः सहस्कृत ।
   ४ ८ २ १८०१c  अग्ने ससृज्महे गिरः ॥ १७०५
   ४ ८ २ १८०२a  उप च्छायामिव घृणेरगन्म शर्म ते वयम् ।
   ४ ८ २ १८०२c  अग्ने हिरण्यसन्दृशः ॥ १७०६
   ४ ८ २ १८०३a  य उग्र इव शर्यहा तिग्मशृङ्गो न वँसगः ।
   ४ ८ २ १८०३c  अग्ने पुरो रुरोजिथ ॥ १७०७

   ४ ८ २ १९०१a  ऋतावानं वैश्वानरमृतस्य ज्योतिषस्पतिम् ।
   ४ ८ २ १९०१c  अजस्रं घर्ममीमहे ॥ १७०८
   ४ ८ २ १९०२a  य इदं प्रतिपप्रथे यज्ञस्य स्वरुत्तिरन् ।
   ४ ८ २ १९०२c  ऋतूनुत्सृजते वशी ॥ १७०९
   ४ ८ २ १९०३a  अग्निः प्रियेषु धामसु कामो भूतस्य भव्यस्य ।
   ४ ८ २ १९०३c  सभ्राडेको वि राजति ॥ १७१०

      आष्टम प्रपाठकः ।  तृतीयोऽर्धः
   ४ ८ ३ ०१०१a  अग्निः प्रत्नेन जन्मना शुम्भानस्तन्वा३ँ स्वाम् ।
   ४ ८ ३ ०१०१c  कविर्विप्रेण ववृधे ॥ १७११
   ४ ८ ३ ०१०२a  ऊर्ज्जो नपातमा हुवेऽग्निं पावकशोचिषम् ।
   ४ ८ ३ ०१०२c  अस्मिन्यज्ञे स्वध्वरे ॥ १७१२
   ४ ८ ३ ०१०३a  स नो मित्रमहस्त्वमग्ने शुक्रेण शोचिषा ।
   ४ ८ ३ ०१०३c  देवैरा सत्सि बर्हिषि ॥ १७१३

   ४ ८ ३ ०२०१a  उत्ते शुष्मासो अस्थू रक्षो भिन्दन्तो अद्रिवः ।
   ४ ८ ३ ०२०१c  नुदस्व याः परिस्पृधः ॥ १७१४
   ४ ८ ३ ०२०२a  अया निजघ्निरोजसा रथसङ्गे धने हिते ।
   ४ ८ ३ ०२०२c  स्तवा अबिभ्युषा हृदा ॥ १७१५
   ४ ८ ३ ०२०३a  अस्य व्रतानि नाधृषे पवमानस्य दूढ्या ।
   ४ ८ ३ ०२०३c  रुज यस्त्वा पृतन्यति ॥ १७१६
   ४ ८ ३ ०२०४a  तँ हिन्वन्ति मदच्युतँ हरिं नदीषु वाजिनम् ।
   ४ ८ ३ ०२०४c  इन्दुमिन्द्राय मत्सरम् ॥ १७१७

   ४ ८ ३ ०३०१a  आ मन्द्रैरिन्द्र हरिभिर्याहि मयूररोमभिः ।
   ४ ८ ३ ०३०१c  मा त्वा के चिन्नि येमुरिन्न पाशिनोऽति धन्वेव ताँ इहि ॥ १७१८
   ४ ८ ३ ०३०२a  वृत्रखादो वलँ रुजः पुरां दर्मो अपामजः ।
   ४ ८ ३ ०३०२c  स्थाता रथस्य हर्योरभिस्वर इन्द्रो दृढा चिदारुजः ॥ १७१९
   ४ ८ ३ ०३०३a  गम्भीराँ उदधीँरिव क्रतुं पुष्यसि गा इव ।
   ४ ८ ३ ०३०३c  प्र सुगोपा यवसं धेनवो यथा ह्रदं कुल्या इवाशत ॥ १७२०

   ४ ८ ३ ०४०१a  यथा गौरो अपा कृतं तृष्यन्नेत्यवेरिणम् ।
   ४ ८ ३ ०४०१c  आपित्वे नः प्रपित्वे तूयमा गहि कण्वेषु सु सचा पिब ॥ १७२१
   ४ ८ ३ ०४०२a  मन्दन्तु त्वा मघवन्निन्द्रेन्दवो राधोदेयाय सुन्वते ।
   ४ ८ ३ ०४०२c  आमुष्या सोममपिबश्चमू सुतं ज्येष्ठं तद्दधिषे सहः ॥ १७२२

   ४ ८ ३ ०५०१a  त्वमङ्ग प्र शुँसिषो देवः शविष्ठ मर्त्यम् ।
   ४ ८ ३ ०५०१c  न त्वदन्यो मघवन्नस्ति मर्डितेन्द्र ब्रवीमि ते वचः ॥ १७२३
   ४ ८ ३ ०५०२a  मा ते राधाँसि मा त ऊतयो वसोऽस्मान्कदा चना दभन् ।
   ४ ८ ३ ०५०२c  विश्वा च न उपमिमीहि मानुष वसूनि चर्षणिभ्य आ ॥ १७२४

   ४ ८ ३ ०६०१a  प्रति ष्या सूनरी जनी व्युच्छन्ती परि स्वसुः ।
   ४ ८ ३ ०६०१c  दिवो अदर्शि दुहिता ॥ १७२५
   ४ ८ ३ ०६०२a  अश्वेव चित्रारुषी माता गवामृतावरी ।
   ४ ८ ३ ०६०२c  सखा भूदश्विनोरुषाः ॥ १७२६
   ४ ८ ३ ०६०३a  उत सखास्यश्विनोरुत माता गवामसि ।
   ४ ८ ३ ०६०३c  उतोषो वस्व ईशिषे ॥ १७२७

   ४ ८ ३ ०७०१a  एषो उषा अपूर्व्य व्युच्छति प्रिया दिवः ।
   ४ ८ ३ ०७०१c  स्तुषे वामश्विना बृहत् ॥ १७२८
   ४ ८ ३ ०७०२a  या दस्रा सिन्धुमातरा मनोतरा रयीणाम् ।
   ४ ८ ३ ०७०२c  धिया देवा वसुविदा ॥ १७२९
   ४ ८ ३ ०७०३a  वच्यन्ते वां ककुहासो जूर्णायामधि विष्टपि ।
   ४ ८ ३ ०७०३c  यद्वाँ रथो विभिष्पतात् ॥ १७३०

   ४ ८ ३ ०८०१a  उषस्तच्चित्रमा भरास्मभ्यं वाजिनीवति ।
   ४ ८ ३ ०८०१c  येन तोकं च तनयं च धामहे ॥ १७३१
   ४ ८ ३ ०८०२a  उषो अद्येह गोमत्यश्वावति विभावरि ।
   ४ ८ ३ ०८०२c  रेवदस्मे व्युच्छ सूनृतावति ॥ १७३२
   ४ ८ ३ ०८०३a  युङ्क्ष्वा हि वाजिनीवत्यश्वाँ अद्यारुणाँ उषः ।
   ४ ८ ३ ०८०३c  अथा नो विश्वा सौभगान्या वह ॥ १७३३

   ४ ८ ३ ०९०१a  अश्विना वर्तिरस्मदा गोमद्दस्रा हिरण्यवत् ।
   ४ ८ ३ ०९०१c  अर्वाग्रथँ समनसा नि यच्छतम् ॥ १७३४
   ४ ८ ३ ०९०२a  एह देवा मयोभुवा दस्रा हिरण्यवर्त्तनी ।
   ४ ८ ३ ०९०२c  उषर्बुधो वहन्तु सोमपीतये ॥ १७३५
   ४ ८ ३ ०९०३a  यावित्था श्लोकमा दिवो ज्योतिर्जनाय चक्रथुः ।
   ४ ८ ३ ०९०३c  आ न ऊर्जं वहतमश्विना युवम् ॥ १७३६

   ४ ८ ३ १००१a  अग्निं तं मन्ये यो वसुरस्तं यं यन्ति धेनवः ।
   ४ ८ ३ १००१c  अस्तमर्वन्त आशवोस्तं नित्यासो वाजिन इषँ स्तोतृभ्य आ भर ॥ १७३७
   ४ ८ ३ १००२a  अग्निर्हि वाजिनं विशे ददाति विश्वचर्षणिः ।
   ४ ८ ३ १००२c  अग्नी राये स्वाभुवँ स प्रीतो याति वार्यमिषँ स्तोतृभ्य आ भर ॥ १७३८
   ४ ८ ३ १००३a  सो अग्निर्यो वसुर्गृणे सं यमायन्ति धेनवः ।
   ४ ८ ३ १००३c  समर्वन्तो रघुद्रुवः सँ सुजातासः सूरय इषँ स्तोतृभ्य आ भर ॥ १७३९

   ४ ८ ३ ११०१a  महे नो अद्य बोधयोषो राये दिवित्मती ।
   ४ ८ ३ ११०१c  यथा चिन्नो अबोधयः सत्यश्रवसि वाय्ये सुजाते अश्वसूनृते ॥ १७४०
   ४ ८ ३ ११०२a  या सुनीथे शौचद्रथे व्यौच्छो दुहितर्दिवः ।
   ४ ८ ३ ११०२c  सा व्युच्छ सहीयसि सत्यश्रवसि वाय्ये सुजाते अश्वसूनृते ॥ १७४१
   ४ ८ ३ ११०३a  सा नो अद्याभरद्वसुर्व्युच्छा दुहितर्दिवः ।
   ४ ८ ३ ११०३c  यो व्यौच्छः सहीयसि सत्यश्रवसि याय्ये सुजाते अश्वसूनृते ॥ १७४२

   ४ ८ ३ १२०१a  प्रति प्रियतमँ रथं वृशणं वसुवाहनम् ।
   ४ ८ ३ १२०१c  स्तोता वामश्विनावृषि स्तोमेभिर्भूषति प्रति माध्वी मम श्रुतँ हवम् ॥ १७४३
   ४ ८ ३ १२०२a  अत्यायातमश्विना तिरो विश्वा अहँ सना ।
   ४ ८ ३ १२०२c  दस्रा हिरण्यवर्त्तनी सुषुम्णा सिन्धुवाहसा माध्वी मम श्रुतँ हवम् ॥ १७४४
   ४ ८ ३ १२०३a  आ नो रत्नानि बिभ्रतावश्विना गच्छतं युवम् ।
   ४ ८ ३ १२०३c  रुद्रा हिरण्यवर्त्तनी जुषाणा वाजिनीवसू माध्वी मम श्रुतँ हवम् ॥ १७४५

   ४ ८ ३ १३०१a  अबोध्यग्निः समिधा जनानां प्रति धेनुमिवायतीमुषासम् ।
   ४ ८ ३ १३०१c  यह्वा इव प्र वयामुज्जिहानाः प्र भानवः सस्रते नाकमच्छ ॥ १७४६
   ४ ८ ३ १३०२a  अबोधि होता यजथाय देवानूर्ध्वो अग्निः सुमनाः प्रातरस्थात् ।
   ४ ८ ३ १३०२c  समिद्धस्य रुशददर्शि पाजो महान्देवस्तमसो निरमोचि ॥ १७४७
   ४ ८ ३ १३०३a  यदीं गणस्य रशनामजीगः शुचिरङ्क्ते शुचिभिर्गोभिरग्निः ।
   ४ ८ ३ १३०३c  आद्दक्षिणा युज्यते वाजयन्त्युत्तानामूर्ध्वो अधयज्जुहूभिः ॥ १७४८

   ४ ८ ३ १४०१a  इदँ श्रेष्ठं ज्योतिषां ज्योतिरागाच्चित्रः प्रकेतो अजनिष्ट विभ्वा ।
   ४ ८ ३ १४०१c  यथा प्रसूता सवितुः सवायैवा रात्र्युषसे योनिमारैक् ॥ १७४९
   ४ ८ ३ १४०२a  रुशाद्वत्सा रुशती श्वेत्यागादारैगु कृष्णा सदनान्यस्याः ।
   ४ ८ ३ १४०२c  समानबन्धू अमृते अनूची द्यावा वर्णं चरत आमिनाने ॥ १७५०
   ४ ८ ३ १४०३a  समानो अध्वा स्वस्रोरनन्तस्तमन्यान्या चरतो देवशिष्टे ।
   ४ ८ ३ १४०३c  न मेथेते न तस्थतुः सुमेके नक्तोषासा समनसा विरूपे ॥ १७५१

   ४ ८ ३ १५०१a  आ भात्यग्निरुषसामनीकमुद्विप्राणां देवया वाचो अस्थुः ।
   ४ ८ ३ १५०१c  अर्वाञ्चा नूनँ रथ्येह यातं पीपिवाँसमश्विना घर्ममच्छ ॥ १७५२
   ४ ८ ३ १५०२a  न सँस्कृतं प्र मिमीतो गमिष्ठान्ति नूनमश्विनोपस्तुतेह ।
   ४ ८ ३ १५०२c  दिवाभिपित्वेवसागमिष्ठा प्रत्यवर्त्तिं दाशुषे शम्भविष्ठा ॥ १७५३
   ४ ८ ३ १५०३a  उता यातँ सङ्गवे प्रातरह्नो मध्यन्दिन उदिता सूर्यस्य ।
   ४ ८ ३ १५०३c  दिवा नक्तमवसा शन्तमेन नेदानीं पीतिरश्विना ततान ॥ १७५४

   ४ ८ ३ १६०१a  एता उ त्या उषसः केतुमक्रत पूर्वे अर्धे रजसो भानुमञ्जते ।
   ४ ८ ३ १६०१c  निष्कृण्वाना आयुधानीव धृष्णवः प्रति गावोऽरुषीर्यन्ति मातरः ॥ १७५५
   ४ ८ ३ १६०२a  उदपप्तन्नरुणा भानवो वृथा स्वायुजो अरुषीर्गा अयुक्षत ।
   ४ ८ ३ १६०२c  अक्रन्नुषासो वयुनानि पूर्वथा रुशन्तं भानुमरुषीरशिश्रयुः ॥ १७५६
   ४ ८ ३ १६०३a  अर्चन्ति नारीरपसो न विष्टिभिः समानेन योजनेना परावतः ।
   ४ ८ ३ १६०३c  इषं वहन्तीः सुकृते सुदानवे विश्वेदह यजमानाय सुन्वते ॥ १७५७

   ४ ८ ३ १७०१a  अबोध्यग्निर्ज्म उदेति सूर्यो व्यू३षाश्चन्द्रा मह्यावो अर्चिषा ।
   ४ ८ ३ १७०१c  आयुक्षातामश्विना यातवे रथं प्रासावीद्देवः सविता जगत्पृथक् ॥ १७५८
   ४ ८ ३ १७०२a  यद्युञ्जाथे वृषणमश्विना रथं घृतेन नो मधुना क्षत्रमुक्षतम् ।
   ४ ८ ३ १७०२c  अस्माकं ब्रह्म पृतनासु जिन्वतं वयं धना शूरसाता भजेमहि ॥ १७५९
   ४ ८ ३ १७०३a  अर्वाङ्त्रिचक्रो मधुवाहनो रथो जीराश्वो अश्विनोर्यातु सुष्टुतः ।
   ४ ८ ३ १७०३c  त्रिवन्धुरो मघवा विश्वसौभगः शं न आ वक्षद्द्विपदे चतुष्पदे ॥ १७६०

   ४ ८ ३ १८०१a  प्र ते धारा असश्चतो दिवो न यन्ति वृष्टयः ।
   ४ ८ ३ १८०१c  अच्छा वाजँ सहस्रिणम् ॥ १७६१
   ४ ८ ३ १८०२a  अभि प्रियाणि काव्या विश्वा चक्षाणो अर्षति ।
   ४ ८ ३ १८०२c  हरिस्तुञ्जान आयुधा ॥ १७६२
   ४ ८ ३ १८०३a  स मर्मृजान आयुभिरिभो राजेव सुव्रतः ।
   ४ ८ ३ १८०३c  श्येनो न वँसु षीदति ॥ १७६३
   ४ ८ ३ १८०४a  स नो विश्वा दिवो वसूतो पृथिव्या अधि ।
   ४ ८ ३ १८०४c  पुनान इन्दवा भर ॥ १७६४

      नवम प्रपाठकः ।  प्रथमोऽर्धः
   ४ ९ १ ०१०१a  प्रास्य धारा अक्षरन्वृष्णः सुतस्यौजसा ।
   ४ ९ १ ०१०१c  देवाँ अनु प्रभूषतः ॥ १७६५
   ४ ९ १ ०१०२a  सप्तिं मृजन्ति वेधसो गृणन्तः कारवो गिरा ।
   ४ ९ १ ०१०२c  ज्योतिर्जज्ञानमुक्थ्यम् ॥ १७६६
   ४ ९ १ ०१०३a  सुषहा सोम तानि ते पुनानाय प्रभूवसो ।
   ४ ९ १ ०१०३c  वर्धा समुद्रमुक्थ्यम् ॥ १७६७

   ४ ९ १ ०२०१a  एष ब्रह्मा य ऋत्विय इन्द्रो नाम श्रुतो गृणे ॥ १७६८
   ४ ९ १ ०२०२a  त्वामिच्छवसस्पते यन्ति गिरो न संयतः ॥ १७६९
   ४ ९ १ ०२०३a  वि स्रुतयो यथा पथा इन्द्र त्वद्यन्तु रातयः ॥ १७७०

   ४ ९ १ ०३०१a  आ त्वा रथं यथोतये सुम्नाय वर्त्तयामसि ।
   ४ ९ १ ०३०१c  तुविकूर्मिमृतीषहमिन्द्रं शविष्ठ सत्पतिम् ॥ १७७१
   ४ ९ १ ०३०२a  तुविशुष्म तुविक्रतो शचीवो विश्वया मते ।
   ४ ९ १ ०३०२c  आ पप्राथ महित्वना ॥ १७७२
   ४ ९ १ ०३०३a  यस्य ते महिना महः परि ज्मायन्तमीयतुः ।
   ४ ९ १ ०३०३c  हस्ता वज्रँ हिरण्ययम् ॥ १७७३

   ४ ९ १ ०४०१a  आ यः पुरं नार्मिणीमदीदेदत्यः कविर्नभन्यो३ नार्व ।
   ४ ९ १ ०४०१c  सूरो न रुरुक्वाञ्छतात्मा ॥ १७७४
   ४ ९ १ ०४०२a  अभि द्विजन्मा त्री रोचनानि विश्वा रजाँसि शुशुचनो अस्थात् ।
   ४ ९ १ ०४०२c  होता यजिष्ठो अपाँ सधस्थे ॥ १७७५
   ४ ९ १ ०४०३a  अयँ स होता यो द्विजन्मा विश्वा दधे वार्याणि श्रवस्या ।
   ४ ९ १ ०४०३c  मर्तो यो अस्मै सुतुको ददाश ॥ १७७६

   ४ ९ १ ०५०१a  अग्ने तमद्याष्वं न स्तोमैः क्रतुं न भद्रँ हृदिस्पृषम् ।
   ४ ९ १ ०५०१c  ऋध्यामा त ओहैः ॥ १७७७
   ४ ९ १ ०५०२a  अधा ह्यग्ने क्रतोर्भद्रस्य दक्षस्य साधोः ।
   ४ ९ १ ०५०२c  रथीरृतस्य बृहतो बभूथ ॥ १७७८
   ४ ९ १ ०५०३a  एभिर्नो अर्कैर्भवा नो अर्वाङ्क्स्वा३र्ण ज्योतिः ।
   ४ ९ १ ०५०३c  अग्ने विश्वेभिः सुमना अनीकैः ॥ १७७९

   ४ ९ १ ०६०१a  अग्ने विवस्वदुषसश्चित्रँ राधो अमर्त्य ।
   ४ ९ १ ०६०१c  आ दाशुषे जातवेदो वहा त्वमद्या देवाँ उषर्बुधः ॥ १७८०
   ४ ९ १ ०६०२a  जुष्टो हि दूतो असि हव्यवाहनोऽग्ने रथीरध्वराणाम् ।
   ४ ९ १ ०६०२c  सजूरश्विभ्यामुषसा सुवीर्यमस्मे धेहि श्रवो बृहत् ॥ १७८१

   ४ ९ १ ०७०१a  विधुं दद्राणँ समने बहूनां युवानँ सन्तं पलितो जगार ।
   ४ ९ १ ०७०१c  देवस्य पश्य काव्यं महित्वाद्या ममार स ह्यः समान ॥ १७८२
   ४ ९ १ ०७०२a  शाक्मना शाको अरुणः सुपर्ण आ यो महः शूरः सनादनीडः ।
   ४ ९ १ ०७०२c  यच्चिकेत सत्यमित्तन्न मोघं वसु स्पार्हमुत जेतोत दाता ॥ १७८३
   ४ ९ १ ०७०३a  ऐभिर्ददे वृष्ण्या पौँस्यानि येभिरौक्षद्वृत्रहत्याय वज्री ।
   ४ ९ १ ०७०३c  ये कर्मणः क्रियमाणस्य मह्न ऋतेकर्ममुदजायन्त देवाः ॥ १७८४

   ४ ९ १ ०८०१a  अस्ति सोमो अयँ सुतः पिबन्त्यस्य मरुतः ।
   ४ ९ १ ०८०१c  उत स्वराजो अश्विना ॥ १७८५
   ४ ९ १ ०८०२a  पिबन्ति मित्रो अर्यमा तना पूतस्य वरुणः ।
   ४ ९ १ ०८०२c  त्रिषधस्थस्य जावतः ॥ १७८६
   ४ ९ १ ०८०३a  उतो न्वस्य जोषमा इन्द्रः सुतस्य गोमतः ।
   ४ ९ १ ०८०३c  प्रातर्होतेव मत्सति ॥ १७८७

   ४ ९ १ ०९०१a  बण्महाँ असि सूर्य बडादित्य महाँ असि ।
   ४ ९ १ ०९०१c  महस्ते सतो महिमा पनिष्तम मह्ना देव महाँ असि ॥ १७८८
   ४ ९ १ ०९०२a  बट् सूर्य श्रवसा महाँ असि सत्रा देव महाँ असि ।
   ४ ९ १ ०९०२c  मह्ना देवानामसुर्यः पुरोहितो विभु ज्योतिरदाभ्यम् ॥ १७८९

   ४ ९ १ १००१a  उप नो हरिभिः सुतं याहि मदानां पते ।
   ४ ९ १ १००१c  उप नो हरिभिः सुतम् ॥ १७९०
   ४ ९ १ १००२a  द्विता यो वृत्रहन्तमो विद इन्द्रः शतक्रतुः ।
   ४ ९ १ १००२c  उप नो हरिभिः सुतम् ॥ १७९१
   ४ ९ १ १००३a  त्वँ हि वृत्रहन्नेषां पाता सोमानामसि ।
   ४ ९ १ १००३c  उप नो हरिभिः सुतम् ॥ १७९२

   ४ ९ १ ११०१a  प्र वो महे महेवृधे भरध्वं प्रचेतसे प्र सुमतिं कृणुध्वम् ।
   ४ ९ १ ११०१c  विशः पूर्वीः प्र चर चर्षणिप्राः ॥ १७९३
   ४ ९ १ ११०२a  उरुव्यचसे महिने सुवृक्तिमिन्द्राय ब्रह्म जनयन्त विप्राः ।
   ४ ९ १ ११०२c  तस्य व्रतानि न मिनन्ति धीराः ॥ १७९४
   ४ ९ १ ११०३a  इन्द्रं वाणीरनुत्तमन्युमेव सत्रा राजानं दधिरे सहध्यै ।
   ४ ९ १ ११०३c  हर्यश्वाय बर्हया समापीन् ॥ १७९५

   ४ ९ १ १२०१a  यदिन्द्र यावतस्त्वमेतावदहमीशीय ।
   ४ ९ १ १२०१c  स्तोतारमिद्दधिषे रदावसो न पापत्वाय रँसिषम् ॥ १७९६
   ४ ९ १ १२०२a  शिक्षेयमिन्महयते दिवेदिवे राय आ कुहचिद्विदे ।
   ४ ९ १ १२०२c  न हि त्वदन्यन्मघवन्न आप्यं वस्यो अस्ति पिता च न ॥ १७९७

   ४ ९ १ १३०१a  श्रुधी हवं विपिपानस्याद्रेर्बोधा विप्रस्यार्चतो मनीषाम् ।
   ४ ९ १ १३०१c  कृष्वा दुवाँस्यन्तमा सचेमा ॥ १७९८
   ४ ९ १ १३०२a  न ते गिरो अपि मृष्ये तुरस्य न सुष्टुतिमसुर्यस्य विद्वान् ।
   ४ ९ १ १३०२c  सदा ते नाम स्वयशो विवक्मि ॥ १७९९
   ४ ९ १ १३०३a  भूरि हि ते सवना मानुषेषु भूरि मनीषी हवते त्वामित् ।
   ४ ९ १ १३०३c  मारे अस्मन्मघवञ्ज्योक्कः ॥ १८००

   ४ ९ १ १४०१a  प्रो ष्वस्मै पुरोरथमिन्द्राय शूषमर्चत ।
   ४ ९ १ १४०१c  अभीके चिदु लोककृत्सङ्गे समत्सु वृत्रह ।
   ४ ९ १ १४०१e  अस्माकं बोधि चोदिता नभन्तामन्यकेषां ज्याका अधि धन्वसु ॥ १८०१
   ४ ९ १ १४०२a  त्वँ सिन्धूँरवासृजोऽधराचो अहन्नहिम् ।
   ४ ९ १ १४०२c  अशत्रुरिन्द्र जज्ञिषे विश्वं पुष्यसि वार्यम् ।
   ४ ९ १ १४०२e  तं त्वा परि ष्वजामहे नभन्तामन्यकेषां ज्याका अधि धन्वसु ॥ १८०२
   ४ ९ १ १४०३a  वि षु विश्वा अरातयोऽर्यो नशन्त नो धियः ।
   ४ ९ १ १४०३c  अस्तासि शत्रवे वधं यो न इन्द्र जिघाँसति ।
   ४ ९ १ १४०३e  या ते रातिर्ददिवसु नभन्तामन्यकेषां ज्याका अधि धन्वसु ॥ १८०३

   ४ ९ १ १५०१a  रेवाँ इद्रेवत स्तोता स्यात्त्वावतो मघोनः ।
   ४ ९ १ १५०१c  प्रेदु हरिवः सुतस्य ॥ १८०४
   ४ ९ १ १५०२a  उक्थं च न शस्यमानं नागो रयिरा चिकेत ।
   ४ ९ १ १५०२c  न गायत्रं गीयमानम् ॥ १८०५
   ४ ९ १ १५०३a  मा न इन्द्र पीयत्नवे मा शर्धते परा दाः ।
   ४ ९ १ १५०३c  शिक्षा शचीवः शचीभिः ॥ १८०६

   ४ ९ १ १६०१a  एन्द्र याहि हरिभिरुप कण्वस्य सुष्टुतिम् ।
   ४ ९ १ १६०१c  दिवो अमुष्य शासतो दिवं यय दिवावसो ॥ १८०७
   ४ ९ १ १६०२a  अत्रा वि नेमिरेषामुरां न धूनुते वृकः ।
   ४ ९ १ १६०२c  दिवो अमुष्य शासतो दिवं यय दिवावसो ॥ १८०८
   ४ ९ १ १६०३a  आ त्वा ग्रावा वदनीह सोमी घोषेण वक्षतु ।
   ४ ९ १ १६०३c  दिवो अमुष्य शासतो दिवं यय दिवावसो ॥ १८०९

   ४ ९ १ १७०१a  पवस्व सोम मन्दयन्निन्द्राय मधुमत्तमः ॥ १८१०
   ४ ९ १ १७०२a  ते सुतासो विपश्चितः शुक्रा वायुमसृक्षत ॥ १८११
   ४ ९ १ १७०३a  असृग्रं देववीतये वाजयन्तो रथा इव ॥ १८१२

   ४ ९ १ १८०१a  अग्निँ होतारं मन्ये दास्वन्तं वसोः सूनुँ सहसो जातवेदसं विप्रं न जातवेदसम् ।
   ४ ९ १ १८०१c  य ऊर्ध्वरो स्वध्वरो देवो देवाच्या कृपा ।
   ४ ९ १ १८०१e  घृतस्य विभ्राष्टिमनु शुक्रशोचिष आजुह्वानस्य सर्पिषः ॥ १८१३
   ४ ९ १ १८०२a  यजिष्ठं त्वा यजमाना हुवेम ज्येष्ठमङ्गिरसां विप्र मन्मभिर्विप्रेभिः शुक्र मन्मभिः ।
   ४ ९ १ १८०२c  परिज्मानमिव द्याँ होतारं चर्षणीनाम् ।
   ४ ९ १ १८०२e  शोचिष्केशं वृषणं यमिमा विशः प्रावन्तु जूतये विशः ॥ १८१४
   ४ ९ १ १८०३a  स हि पुरू चिदोजसा विरुक्मता दीद्यानो भवति द्रुहन्तरः परशुर्न द्रुहन्तरः ।
   ४ ९ १ १८०३c  वीडु चिद्यस्य समृतौ श्रुवद्वनेव यत्स्थिरम् ।
   ४ ९ १ १८०३e  निष्षहमाणो यमते नायते धन्वासहा नायते ॥ १८१५

      नवम प्रपाठकः ।  द्वितीयोऽर्धः
   ४ ९ २ ०१०१a  अग्ने तव श्रवो वयो महि भ्राजन्ते अर्चयो विभावसो ।
   ४ ९ २ ०१०१c  बृहद्भानो शवसा वाजमुक्थ्य३ं दधासि दाशुषे कवे ॥ १८१६
   ४ ९ २ ०१०२a  पावकवर्चाः शुक्रवर्चा अनूनवर्चा उदियर्षि भानुना ।
   ४ ९ २ ०१०२c  पुत्रो मातरा विचरन्नुपावसि पृणक्षि रोदसी उभे ॥ १८१७
   ४ ९ २ ०१०३a  ऊर्जो नपाज्जातवेदः सुशस्तिभिर्मन्दस्व धीतिभिर्हितः ।
   ४ ९ २ ०१०३c  त्वे इषः सं दधुर्भूरिवर्पसश्चित्रोतयो वामजाताः ॥ १८१८
   ४ ९ २ ०१०४a  इरज्यन्नग्ने प्रथयस्व जन्तुभिरस्मे रायो अमर्त्य ।
   ४ ९ २ ०१०४c  स दर्शतस्य वपुषो वि राजसि पृणक्षि दर्शतं क्रतुम् ॥ १८१९
   ४ ९ २ ०१०५a  इष्कर्त्तारमध्वरस्य प्रचेतसं क्षयन्तँ राधसो महः ।
   ४ ९ २ ०१०५c  रातिं वामस्य सुभगां महीमिषं दधासि सानसिँ रयिम् ॥ १८२०
   ४ ९ २ ०१०६a  ऋतावानं महिषं विश्वदर्शतमग्निँ सुम्नाय दधिरे पुरो जनाः ।
   ४ ९ २ ०१०६c  श्रुत्कर्णँ सप्रथस्तमं त्वा गिरा दैव्यं मानुषा युगा ॥ १८२१

   ४ ९ २ ०२०१a  प्र सो अग्ने तवोतिभिः सुविराभिस्तरति वाजकर्मभिः ।
   ४ ९ २ ०२०१c  यस्य त्वँ सख्यमाविथ ॥ १८२२
   ४ ९ २ ०२०२a  तव द्रप्सो नीलवान्वाश ऋत्विय इन्धानः सिष्णवा ददे ।
   ४ ९ २ ०२०२c  त्वं महीनामुषसामसि प्रियः क्षपो वस्तुषु राजसि ॥ १८२३

   ४ ९ २ ०३०१a  तमोषधीर्दधिरे गर्भमृत्वियं तमापो अग्निं जनयन्त मातरः ।
   ४ ९ २ ०३०१c  तमित्समानं वनिनश्च वीरुधोऽन्तर्वतीश्च सुवते च विश्वहा ॥ १८२४

   ४ ९ २ ०४०१a  अग्निरिन्द्राय पवते दिवि शुक्रो वि राजति ।
   ४ ९ २ ०४०१c  महिषीव वि जायते ॥ १८२५

   ४ ९ २ ०५०१a  यो जागार तमृचः कामयन्ते यो जागार तमु सामानि यन्ति ।
   ४ ९ २ ०५०१c  यो जागार तमयँ सोम आह तवाहमस्मि सख्ये न्योकाः ॥ १८२६

   ४ ९ २ ०६०१a  अग्निर्जागार तमृचः कामयन्तेग्निर्जागार तमु सामानि यन्ति ।
   ४ ९ २ ०६०१c  अग्निर्जागार तमयँ सोम आह तवाहमस्मि सख्ये न्योकाः ॥ १८२७

   ४ ९ २ ०७०१a  नमः सखिभ्यः पूर्वसद्भ्यो नमः साकन्निषेभ्यः ।
   ४ ९ २ ०७०१c  युञ्जे वाचँ शतपदीम् ॥ १८२८
   ४ ९ २ ०७०२a  युञ्जे वाचँ शतपदीं गाये सहस्रवर्त्तनि ।
   ४ ९ २ ०७०२c  गायत्रं त्रैष्टुभं जगत् ॥ १८२९
   ४ ९ २ ०७०३a  गायत्रं त्रैष्टुभं जगद्विश्वा रूपाणि सम्भृता ।
   ४ ९ २ ०७०३c  देवा ओकाँसि चक्रिरे ॥ १८३०

   ४ ९ २ ०८०१a  अग्निर्ज्योतिर्ज्योतिरग्निरिन्द्रो ज्योतिर्ज्योतिरिन्द्रः ।
   ४ ९ २ ०८०१c  सूर्यो ज्योतिर्ज्योतिः सूर्यः ॥ १८३१
   ४ ९ २ ०८०२a  पुनरूर्जा नि वर्त्तस्व पुनरग्न इषायुषा ।
   ४ ९ २ ०८०२c  पुनर्नः पाह्यँहसः ॥ १८३२
   ४ ९ २ ०८०३a  सह रय्या नि वर्तस्वाग्ने पिन्वस्व धारया ।
   ४ ९ २ ०८०३c  विश्वप्स्न्या विश्वतस्परि ॥ १८३३

   ४ ९ २ ०९०१a  यदिन्द्राहं यथा त्वमीशीय वस्व एक इत् ।
   ४ ९ २ ०९०१c  स्तोता मे गोसखा स्यात् ॥ १८३४
   ४ ९ २ ०९०२a  शिक्षेयमस्मै दित्सेयँ शचीपते मनीषिणे ।
   ४ ९ २ ०९०२c  यदहं गोपतिः स्याम् ॥ १८३५
   ४ ९ २ ०९०३a  धेनुष्ट इन्द्र सूनृता यजमानाय सुन्वते ।
   ४ ९ २ ०९०३c  गामश्वं पिप्युषी दुहे ॥ १८३६

   ४ ९ २ १००१a  आपो हि ष्ठा मयोभुवस्ता न ऊर्जे दधातन ।
   ४ ९ २ १००१c  महे रणाय चक्षसे ॥ १८३७
   ४ ९ २ १००२a  यो वः शिवतमो रसस्तस्य भाजयतेह नः ।
   ४ ९ २ १००२c  उशतीरिव मातरः ॥ १८३८
   ४ ९ २ १००३a  तस्मा अरं गमाम वो यस्य क्षयाय जिन्वथ ।
   ४ ९ २ १००३c  आपो जनयथा च नः ॥ १८३९

   ४ ९ २ ११०१a  वात आ वातु बेषजँ शम्भु मयोभु नो हृदे ।
   ४ ९ २ ११०१c  प्र न अयूँषि तारिषत् ॥ १८४०
   ४ ९ २ ११०२a  उत वात पितासि न उत भ्रातोत नः सखा ।
   ४ ९ २ ११०२c  स नो जीवातवे कृधि ॥ १८४१
   ४ ९ २ ११०३a  यददो वात ते गृहे३ऽमृतं निहितं गुहा ।
   ४ ९ २ ११०३c  तस्यो नो देहि जीवसे ॥ १८४२

   ४ ९ २ १२०१a  अभि वाजी विश्वरूपो जनित्रँ हिरण्ययं बिभ्रदत्कँ सुपर्णः ।
   ४ ९ २ १२०१c  सूर्यस्य भानुमृतुथा वसानः परि स्वयं मेधमृज्रो जजान ॥ १८४३
   ४ ९ २ १२०२a  अप्सु रेतः शिश्रिये विश्वरूपं तेजः पृथिव्यामधि यत्सम्बभूव ।
   ४ ९ २ १२०२c  अन्तरिक्षे स्वं महिमानं मिमानः कनिक्रन्ति वृष्णो अश्वस्य रेतः ॥ १८४४
   ४ ९ २ १२०३a  अयँ सहस्रा परि युक्ता वसानः सूर्यस्य भानुं यज्ञो दाधार ।
   ४ ९ २ १२०३c  सहस्रदाः शतदा भूरिदावा धर्त्ता दिवो भुवनस्य विश्पतिः ॥ १८४५

   ४ ९ २ १३०१a  नाके सुपर्णमुप यत्पतन्तँ हृदा वेनन्तो अभ्यचक्षत त्वा ।
   ४ ९ २ १३०१c  हिरण्यपक्षं वरुणस्य दूतं यमस्य योनौ शकुनं भुरण्युम् ॥ १८४६
   ४ ९ २ १३०२a  ऊर्ध्वो गन्धर्वो अधि नाके अस्थात्प्रत्यङ्चित्रा बिभ्रदस्यायुधानि ।
   ४ ९ २ १३०२c  वसानो अत्कँ सुरभिं दृशे कँ स्व३र्ण नाम जनत प्रियाणि ॥ १८४७
   ४ ९ २ १३०३a  द्रप्सः समुद्रमभि यज्जिगाति पश्यन्गृध्रस्य चक्षसा विधर्मन् ।
   ४ ९ २ १३०३c  भानुः शुक्रेण शोचिषा चकानस्तृतीये चक्रे रजसि प्रियाणि ॥ १८४८

      नवम प्रपाठकः ।  तृतीयोऽर्धः
   ४ ९ ३ ०१०१a  आशुः शिशानो वृषभो न भीमो घनाघनः क्षोभणश्चर्षणीनाम् ।
   ४ ९ ३ ०१०१c  सङ्क्रन्दनोऽनिमिष एकवीरः शतँ सेना अजयत्साकमिन्द्रः ॥ १८४९
   ४ ९ ३ ०१०२a  सङ्क्रन्दनेनानिमिषेण जिष्णुना युत्कारेण दुश्च्यवनेन धृष्णुना ।
   ४ ९ ३ ०१०२c  तदिन्द्रेण जयत तत्सहध्वं युधो नर इषुहस्तेन वृष्णा ॥ १८५०
   ४ ९ ३ ०१०३a  स इषुहस्तैः स निषङ्गिभिर्वशी सँस्रष्टा स युध इन्द्रो गणेन ।
   ४ ९ ३ ०१०३c  सँ सृष्टजित्सोमपा बाहुशर्ध्यू३ग्रधन्वा प्रतिहिताभिरस्ता ॥ १८५१

   ४ ९ ३ ०२०१a  बृहस्पते परि दीया रथेन रक्षोहामित्राँ अपबाधमानः ।
   ४ ९ ३ ०२०१c  प्रभञ्जन्सेनाः प्रमृणो युधा जयन्नस्माकमेध्यविता रथानाम् ॥ १८५२
   ४ ९ ३ ०२०२a  बलविज्ञायः स्थविरः प्रवीरः सहस्वान्वाजी सहमान उग्रः ।
   ४ ९ ३ ०२०२c  अभिवीरो अभिसत्वा सहोजा जैत्रमिन्द्र रथमा तिष्ठ गोवित् ॥ १८५३
   ४ ९ ३ ०२०३a  गोत्रभिदं गोविदं वज्रबाहुं जयन्तमज्म प्रमृणन्तमोजसा ।
   ४ ९ ३ ०२०३c  इमँ सजाता अनु वीरयध्वमिन्द्रँ सखायो अनु सँ रभध्वम् ॥ १८५४

   ४ ९ ३ ०३०१a  अभि गोत्राणि सहसा गाहमानोऽदयो वीरः शतमन्युरिन्द्रः ।
   ४ ९ ३ ०३०१c  दुश्च्यवनः पृतनाषाडयुध्यो३ऽस्माकँ सेना अवतु प्र युत्सु ॥ १८५५
   ४ ९ ३ ०३०२a  इन्द्र आसां नेता बृहस्पतिर्दक्षिणा यज्ञः पुर एतु सोमः ।
   ४ ९ ३ ०३०२c  देवसेनानामभिभञ्जतीनां जयन्तीनां मरुतो यन्त्वग्रम् ॥ १८५६
   ४ ९ ३ ०३०३a  इन्द्रस्य वृष्णो वरुणस्य राज्ञ आदित्यानां मरुताँ शर्ध उग्रम् ।
   ४ ९ ३ ०३०३c  महामनसां भुवनच्यवानां घोषो देवानां जयतामुदस्थात् ॥ १८५७

   ४ ९ ३ ०४०१a  उद्धर्षय मघवन्नायुधान्युत्सत्वनां मामकानां मनाँसि ।
   ४ ९ ३ ०४०१c  उद्वृत्रहन्वाजिनां वाजिनान्युद्रथानां जयतां यन्तु घोषाः ॥ १८५८
   ४ ९ ३ ०४०२a  अस्माकमिन्द्रः समृतेषु ध्वजेष्वस्माकं या इषवस्ता जयन्तु ।
   ४ ९ ३ ०४०२c  अस्माकं वीरा उत्तरे भवन्त्वस्माँ उ देवा अवता हवेषु ॥ १८५९
   ४ ९ ३ ०४०३a  असौ या सेना मरुतः परेषामभ्येति न ओजसा स्पर्धमाना ।
   ४ ९ ३ ०४०३c  तां गूहत तमसापव्रतेन यथैतेषामन्यो अन्यं न जानात् ॥ १८६०

   ४ ९ ३ ०५०१a  अमीषां चित्तं प्रतिलोभयन्ती गृहाणाङ्गान्यप्वे परेहि ।
   ४ ९ ३ ०५०१c  अभि प्रेहि निर्दह हृत्सु शोकैरन्धेनामित्रास्तमसा सचन्ताम् ॥ १८६१
   ४ ९ ३ ०५०२a  प्रेता जयता नर इन्द्रो वः शर्म यच्छतु ।
   ४ ९ ३ ०५०२c  उग्रा वः सन्तु बाहवोऽनाधृष्या यथासथ ॥ १८६२
   ४ ९ ३ ०५०३a  अवसृष्टा परा पत शरव्ये ब्रह्मसँशिते ।
   ४ ९ ३ ०५०३c  गच्छामित्रान्प्र पद्यस्व मामीषां कं च नोच्छिषः ॥ १८६३

   ४ ९ ३ ०६०१a  कङ्काः सुपर्णा अनु यन्त्वेनान्गृध्राणामन्नमसावस्तु सेना ।
   ४ ९ ३ ०६०१c  मैषां मोच्यघहारश्च नेन्द्र वयाँस्येनाननुसंयन्तु सर्वान् ॥ १८६४
   ४ ९ ३ ०६०२a  अमित्रसेनां मघवन्नस्माञ्छत्रुयतीमभि ।
   ४ ९ ३ ०६०२c  उभौ तामिन्द्र वृत्रहन्नग्निश्च दहतं प्रति ॥ १८६५
   ४ ९ ३ ०६०३a  यत्र बाणाः सम्पतन्ति कुमारा विशिखा इव ।
   ४ ९ ३ ०६०३c  तत्रा नो ब्रह्मणस्पतिरदितिः शर्म यच्छतु विश्वाहा शर्म यच्छतु ॥ १८६६

   ४ ९ ३ ०७०१a  वि रक्षो वि मृधो जहि वि वृत्रस्य हनू रुज ।
   ४ ९ ३ ०७०१c  वि मन्युमिन्द्र वृत्रहन्नमित्रस्याभिदासतः ॥ १८६७
   ४ ९ ३ ०७०२a  वि न इन्द्र मृधो जहि नीचा यच्छ पृतन्यतः ।
   ४ ९ ३ ०७०२c  यो अस्माँ अभिदासत्यधरं गमया तमः ॥ १८६८
   ४ ९ ३ ०७०३a  इन्द्रस्य बाहू स्थविरौ युवानावनाधृष्यौ सुप्रतीकावसह्यौ ।
   ४ ९ ३ ०७०३c  तौ युञ्जीत प्रथमौ योग आगते याभ्यां जितमसुराणाँ सहो महत् ॥ १८६९

   ४ ९ ३ ०८०१a  मर्माणि ते वर्मणा च्छादयामि सोमस्त्वा राजामृतेनानु वस्ताम् ।
   ४ ९ ३ ०८०१c  उरोर्वरीयो वरुणस्ते कृणोतु जयन्तं त्वानु देवा मदन्तु ॥ १८७०
   ४ ९ ३ ०८०२a  अन्धा अमित्रा भवताशीर्षाणोऽहय इव ।
   ४ ९ ३ ०८०२c  तेषां वो अग्निनुन्नानामिन्द्रो हन्तु वरंवरम् ॥ १८७१
   ४ ९ ३ ०८०३a  यो नः स्वोऽरणो यश्च निष्ट्यो जिघाँसति ।
   ४ ९ ३ ०८०३c  देवास्तँ सर्वे धूर्वन्तु ब्रह्म वर्म ममान्तरँ शर्म वर्म ममान्तरम् ॥ १८७२

   ४ ९ ३ ०९०१a  मृगो न भीमः कुचरो गिरिष्ठाः परावत आ जगन्था परस्याः ।
   ४ ९ ३ ०९०१c  सृकँ सँशाय पविमिन्द्र तिग्मं वि शत्रूं ताढि वि मृधो नुदस्व ॥ १८७३
   ४ ९ ३ ०९०२a  भद्रं कर्णेभिः शृणुयाम देवा भद्रं पश्येमाक्षभिर्यजत्राः ।
   ४ ९ ३ ०९०२c  स्थिरैरङ्गैस्तुष्टुवाँ सस्तनूभिर्व्यशेमहि देवहितं यदायुः ॥ १८७४
   ४ ९ ३ ०९०३a  स्वस्ति न इन्द्रो वृद्धश्रवाः स्वस्ति नः पूषा विश्ववेदाः ।
   ४ ९ ३ ०९०३c  स्वस्ति नस्तार्क्ष्यो अरिष्टनेमिः स्वस्ति नो बृहस्पतिर्दधातु ॥

   ४ ९ ३ ०९०३e  ॐ स्वस्ति नो बृहस्पतिर्दधातु ॥ १८७५

      ॥ इत्युत्तरार्चिकः ॥

     ॥ इति सामवेदसंहिता समाप्ता ॥